Се омажи помалата сестра на Натали Грубовиќ: Свадба со најблиските, а невестата беше во посебно издание (фото)

Слободанка Илиева — Thu, 09 Jun 2022 07:33:01 +0000

Некогашната најпознатата македонска ТВ водителка на игри на среќа, манекенка и модел Наталија Грубовиќ ги зачести посетите во Скопје и се повеќе преминува граница Србија- Македонија и обратно. Овој пат, со убава причина и повод. Имено, се омажи нејзината помала сестра Марија со нејзиниот избраник Бојан. Свадбената веселба се случи во еден познат ресторан во градскиот парк во Скопје, а на овој голем ден за семејството Грубовиќ присуствуваа блиски членови на семејството, роднини и пријатели. Натали како и секогаш кога е во Скопје се активира на социјалните мрежи и споделува приватни моменти, а сега тоа го направи во поголема мера и покажа доста мигови од убавата свадбена веселба. Невестата наместо во венчаница беше облечена во кус светкав коктел фустан, а младоженецот со класичен костум. Дека расположението било на ниво, говорат и објавите каде сестрите Грубовиќ, Натали, Радица и невестата Марија се фатиле за микрофон и им пееле на гостите меѓу кои беше и нивната пријателка, водителката Елена Стефановска. Инаку, Марија работи во Секретаријат за европски прашања, а според информациите објавени на Фејсбук, со избраникот Бојан стапиле во брак во месец март годинава. фото:Инстаграм принтскрин Наталија Грубовиќ/Елена Стефановска/Фејсбук Марија Грубовиќ

(ФОТО) Семеен портрет: Натали за првпат го покажа бебето – трите сестри Грубовиќ позираа со ќерките!

Слободанка Илиева — Tue, 12 Dec 2017 08:21:17 +0000

На 27-ми септември во една приватна скопска клиника со своето прво дете се породи поранешната Бинго девојка Натали Грубовиќ, која на свет донесе девојче. Убавата вест инстантно ги преплави домашните медиуми, иако претходно Натали ги избегнуваше медиумите, па ретко кој знаеше дека е бремена, а веста за тоа дека стана мајка сите ја дочекаа како изненадување.

Поранешната водителка и манекенка остана мистична и по породување, но нешто подоцна реши да проговори за тоа кое име го доби нејзината ќеркичка, како и тоа дека и сама била изненадена од одлуката на нејзиниот сопруг, бизинсменот Дрен Глушац, кој го имал последниот збор како ќе се вика малечката. Имено, наследничката на мама Натали, се вика исто така Натали, име за кое се одлучила уште кога ја видела на прв поглед. По речиси два ипол месеци, сестрите Грубовиќ, Натали, Марија и Радица, направија семеен портрет и позираа покрај ќерките.

Марија прва доби своја наследничка, потоа Радица, а сега и Натали. Фотографијата екс-манекенката и Бинго девојка ја објави на социјалните мрежи, за сите да го видат нивното најголемо богатство.

радица грубовиќ – Вистина.мк

Се омажи помалата сестра на Натали Грубовиќ: Свадба со најблиските, а невестата беше во посебно издание (фото)

(ФОТО) Семеен портрет: Натали за првпат го покажа бебето – трите сестри Грубовиќ позираа со ќерките!