раде – Вистина.мк

Деа и „Бетмен“ го обзнанија името на новороденото синче: „Добредојде Раде, радост си… и веќе го правиш светот поубав“ (ФОТО)

Антонио Димитриевски — Fri, 29 Apr 2022 07:30:13 +0000

Дента кога се породи новинарката и ТВ водителка Анастасија Деа Богданоска, прв среќната вест ја обзнани нејзиниот сопруг, Богдан Илиевски - „Бетмен“ на социијалните мрежи, откако на својот Фејсбук сподели: Гордиот татко кој со својата сопруга Деа претходно веќе имаат ќеркичка која го доби необичното и рертко име - Дениција, според една од најубавите песни песните на големиот македонски поет и писател Петре М. Андреевски, првично не соопшти како ќе се вика нивното второ, овој пат машко чедо. Ниту паксреќната мајка, која следниот ден по породувањето исто така се огласи на својот Фејсбук за да се заблагодари на бројните честитки, веднаш не го објави името на нејзиното тукушто родено синче, туку само порача: Но, веќе ден потоа, дилемата дали момченцето ќе добие име по некој од светлите патриотски ликови од нашата историја или можеби ќе биде крстено по името на некој од дедовците како што налага семејната традиција, беше разрешена, откако тато Богдан одново се огласи на социјалните мрежи, потсетувајќи: На својот Инстаграм пак мајката Анастасија објави интересно видео со изгрејсонцето од првото утро по раѓањето на нивниот син, снимено од прозорецот на породилиштето. „Утрото кога се роди синко: едно од најубавите изгрејсонца кои сум ги видела. 27.04.2022 , Добредојде Раде, радост си. И веќе го правиш светот поубав“ - напишала пресреќната мајка, која ја објави и првата семејна фотографија на која таткото Богдан можеби за прв пат го зема во прегратките своето синче Раде, а неговата малечка сестричка Дениција со рачето го милува своето новородено братче. Фотографија од која секому ќе му се стоп(л)и душата... од радост, среќа и убавина. Нека им е со среќа приновата! Фото: Фејсбук и Инстаграм принтскрин/Богдан Илиевски (Бетмен Велит)/anastasiia_dea

Родната куќа на Лепа Лукиќ отиде „на добош“: Банката ја запленила и продала на лицитација заради неплатен кредит, а таа нема поим за тоа!?

Антонио Димитриевски — Thu, 27 May 2021 08:32:02 +0000

Родната куќа на српската фолк легенда, пејачката Лепа Лукиќ во селото Милочај крај Краљево е продадена на јавна лицитација минатиот петок, по цена од еден милион динари, дознава српски Курир од извор кој бил детално информиран за целиот случај. Медиумите веќе неколку пати пишуваа за оваа куќа, најмногу споменувајќи ја дека фолкерката била многу приврзана за нејзиниот роден дом, каде го поминала детството. Често зборувала дека со задоволство оди таму, особено додека беа живи нејзината мајка Милошија и братот Рајко.

Причината поради која оваа куќа отишла под хипотека, според добро упатен извор, е неплаќањето на кредитот од 10.000 евра, што своевремено го зел братучедот на пејачката, Раде Јовановиќ. Оваа куќа и имотот Лепа му ги пренела нему, по смртта на нејзиниот брат Рајко, за кого била многу приврзана.

„Раде го стави под хипотека својот имот во банка за да земе кредит што не го отплатил. Тогаш тој долг го презеде една компанија од Белград што се занимава со откуп на долгови. Куќата беше продадена веднаш за сума од 60 проценти од нејзината реална вредност, а Раде не се појави на тоа рочиште, иако беше уредно повикан. Покрај куќата, продадено е и земјиштето под зградата и една ливада од трета класа. Сето тоа беше продадено за нешто повеќе од милион динари. За тоа беше задолжена јавната извршна канцеларија на З.С. Имаше двајца наддавачи, а куќата ја купи жена од соседно село“ - наведува изворот.

„На неколку стотици метри од куќата, Раде држи етно-ресторан и тој сега живее сам во таа куќа, додека остатокот од неговото семејство е во Белград. Жената што ја купила куќата сигурно ќе бара тој под итно да го напушти имотот. Братучедот на Лепа Лукиќ не можеше да ја продаде таа куќа никму, затоа што беше под хипотека. Куќата не е напуштена, но е во многу лоша состојба, тревата во дворот е порасната половина метар, ужас еден“ - заклучил добро информираниот извор.

Лепа Лукиќ, била шокирана од ова сознание, кога ја побарале новинарите за коментар.

„Леле, дали е тоа вистина? Па, како да биде одземена? Зошто и кој го сторил тоа? Леле, како никој не ми се јавил на мене? Знаете, јас ја пренесов таа куќа на мојот братучед, тој не ме извести за тоа, првпат слушам за ова. Сега ќе му се јавам да проверам дали е тоа точно? Не сакам да верувам дека е вистина“ - рекла пејачката, која повеќе не одговарала на подоцнежните телефонски повици.

Фото: Инстаграм принтскрин/курир.рс/lepa_lukic_official/

По Саша Ковачевиќ девојките лудуваат, но брат му Раде и музички и физички може да застане „рамо до рамо“ со поп ѕвездата (ФОТО)

Антонио Димитриевски — Wed, 09 Sep 2020 11:54:54 +0000

Откако се појави на сцената, Саша Ковачевиќ стана омилен кај девојките и жените поради неговиот изглед и баладите што ги пее, а малкумина знаат дека неговиот брат може да застане рамо до рамо со него и по музичкото знаење и умеење и според физичкиот изглед и заводливата природа. Братот на Саша, раде е човекот кој ги има напишано некои од најпознатите хитови за фолк ѕвездите од поновата генерација на „Гранд“ и „Пинк“. Тој е студиски музичар, поточно музички продуцент, кој работи во нивното семејно студио, но и во видеопродукцијата „Ковачевиќ“. Раде покрај тоа што изгледа исто толку мускулесто и атрактивно како и Саша, тој исто така е и голем заводник. Тоа го поткрепува и фактот што тој беше во сериозна врска со фолк пејачката Милица Тодоровиќ, пред нејзината неуспешна љубовна авантура со црногорскиот актер Петар Стругар.

Наташа, Трајче, Сара и Раде од старата „Дајте музика“ дојдоа со своите деца кај новата постава (фото)

Слободанка Илиева — Mon, 16 Sep 2019 06:25:33 +0000

Наскоро на првиот канал на Македонската телевизија ќе започне емитувањето на новите епизоди на сега култната детска серија „Дајте музика“ која после точно 27 години доби ново продолжение. Денешните деца ќе можат да го гледаат она што нивните родители го гледале и растеле со едно од најпопуларните и најуспешните детски серијали од деведесеттите години. Многумина се сеќаваат и со пиетет сè уште зборуваат за случките на Трајче, Сара, Наташа, Раде и Оливер кои освен што важеа за идоли на една генерација, беа главните протагонисти во детско шоу од 1992 година. Овој своевремено мултимедијален проект, еден од најуспешните програмски остварувања на 90-тите, кај десетици генерации остави трајни сеќавања за едно безгрижно време, кое многумина и денес го идентификуваат со среќни детски денови претворени во дружење на улица, забава, детска игра и квалитетна музика. Старото маало сега е свртилиште на една нова генерација, старо-ново место за забава, игри, први симпатии, малку разочарување, по некоја играчка-плачка и многу детска среќа! Детето не исчезнува во никого од нас, па затоа сите се радуваме на ова продолжение, а сега веќе возрасните некогашни мали глумци, Сара, Раде, Наташа, Трајче, дојдоа во старото маало да евоцираат спомени, да се запонаат со своите наследници пред камерите, но и да ги досесат своите дечиња, некои бебенца, други потпораснати. Овој момент го овековечија со една фотографија на познатите скали, а истата се најде на Инстаграм страницата на серијалот. Инаку, најголем дел од протагонистите во серијалот се од актерската школа на Весна Петрушевска, која воедно е инструктор по актерска игра во проектот. Серијалот е во режија на Лазар Паковски и Владимир Митревски. Емисијата повторно ќе изобилува со многу музика, а новите детски хитови ги потпишуваат: Николче Мицески, Никола Перевски-Пере, Роберт Билбилов, Ристо Самарџиев, Игор Џамбазов и други. Во серијалот ќе се појават и познати македонски групи и пејачи како Каролина, Тамара, Влатко Стефановски, Владо Јаневски, Влатко Лозаноски, Елена Ристеска, Бени Шаќири, Некст Тајм, Слаткаристика, Дарио, Дани, Нокаут и други. Улогата на ‘мајстор’ ќе ја толкува доајенот на македонското актерство, Ѓокица Лукаревски, ‘полицаец’ ќе биде Нино Леви, Игор Џамбазов ќе има епизодна улога, а ќе гостуваат и други млади актери и познати македонски спортисти.