работи – Вистина.мк

Ни градите, ни задникот – верувале или не! 5 работи кои мажите први ги забележуваат кај жените

Слаѓана Атанасова — Mon, 17 Jul 2023 13:02:46 +0000

Ако некогаш сте се запрашале што е првото нешто што момчето го забележува кај вас, не сте сами. Тоа е едно од најчестите прашања на интернет, исто како што мажите прашуваат што жените прво забележуваат кај нив.

За да го најдат одговорот на ова прво прашање, експертите спроведоа неколку студии, а ова се некои од најинтересните наоди. Коса Истражувањето кое го спроведе компанијата Pantene покажа дека навистина немаме потреба да штедиме пари на фризер бидејќи дури 74 отсто од анкетираните мажи велат дека ја забележуваат жената поради нејзината коса и дека тоа е првото нешто на кое обрнуваат внимание. Згора на тоа, ова истражување покажа и дека мажот во кафуле е поверојатно да и пријде на девојка со сјајна коса отколку на некоја која е провокативно облечена! Алишта Сепак, внимание се посветува и на облеката! Истата студија покажа дека 26 отсто од мажите повеќе ја забележуваат облеката на девојката отколку нејзините нозе или шминка. Насмевка Истражувањето спроведено од страницата за запознавање Match.com покажа дека 88 отсто од испитаниците рекле дека смеата е она што им оставило впечаток на првиот состанок. За да го подобрите ефектот на вашата насмевка, можете да додадете црвен кармин на усните, бидејќи студијата на научниците од Универзитетот во Манчестер откри дека во првите десет секунди откако ќе види жена, погледот на мажот оди кон нејзините усни, а најдолго ги гледаат црвените! Лична хигиена Споменатата анкета на Match.com покажа дека мажите ги одбива лошиот здив, непријатните мириси, валканите нокти… Очи Истражувањето финансирано од производителот на капки за очи „Мурина“ и во кое учествуваа илјада мажи покажа дека 70 отсто од мажите гледаат во очите на жената при првиот контакт и добиваат прв впечаток, а нејзината насмевка и градите се на второ место. Извор: Попара

„Доби 50.000 евра, гледа ТикТок и оди во теретана“ – Дејан Драгојевиќ одговори на повиците дека не прави ништо: „Не морам!“ (фото)

Слаѓана Атанасова — Mon, 27 Feb 2023 12:03:12 +0000

Дејан Драгојевиќ сними видео во кое објаснува „каков домаќин е тој што не прави ништо“. Минатогодишниот победник на реалното шоу „Задруга“, Дејан Драгојевиќ, во последната сезона остана без сопруга. Со својот брат Давид, исто така учесник во реалното шоу, деновите по напуштањето на реалното шоу ги поминува во теретана, а сега се огласи на Инстаграм за да одговори на повиците „ништо не работи една година“. Дејан во видеото откри што му зборувале, но и што има да каже на овие наводи: „Добро утро од модерен домаќин, тоа сум јас ! Велат: „Каков домаќин си ти , не работиш ништо?'. Сега работам. Сега падна снегот, но не го чистам, зошто? Модерниот домаќин знае, има временска прогноза, знае дека снегот ќе се стопи, нема потреба за да работам“, започна Дејан и додаде дека не е принуден да ги прави сите работи што порано беа стандардни за домаќините. „Не јадам леб, не морам да земам леб, не пијам млеко, не морам по млеко... Немам кокошки, немам крави, немам животни во дворот, па не морам ништо да правам освен да поминам пешачки со велосипед, да одам во теретана, да скролам што има на ТикТок и на Инстаграм... Модерен домаќин! Драгојевиќ откри дека и покрај тоа што „не го чисти снегот и не оди во продавница“, не мирува. „Има голема разлика помеѓу домаќините од оваа ера и порано. Се разбира, сè уште има луѓе на некои места каде што живеат како старите домаќини , но за оваа ситуација каде што живеам јас не. Погледнете го ова, 09:50 ч, веќе сум подготвен за теретана со полна гас, цело сабајле размислувам што ќе правам, гради или грб... Испи протеин, земи, спакувај... Мислиш дека е лесно ?! Седам во кола и возам вака, воланот во минус фаза. Лесно е сега да си во топол кревет, најмногу би сакал да спијам сега, уште една недела, уште еден неработен ден“. Фото: Принтскрин/Инстаграм/Дејан Драгојевиќ

Џани Алиоски лично купуваше облека за настраданите во Турција: „Секоја чест, ти голем човеку“! (ВИДЕО)

Антонио Димитриевски — Thu, 09 Feb 2023 11:50:35 +0000

Македонскиот фудбалски репрезентативец Езгијан Алиоски, кој во моментов игра за турскиот фудбалски гигант „Фенербахче“, покажа дека не е само голем мајстор на фудбалската игра, туку и човек со големо срце. Алиоски за настраданите во земјотресот во Турција тргна лично да купува јакни, шапки, шалчиња, џемпери и други работи кои им се потребни на преживеаните кои останаа без своите домови и живеалишта на минусните температури, по големата катастрофа што ги задеси. Истите популарниот Џани ги испрати во местата погодени од страотниот земјотрес кој засега однесе речиси 18.000 жртви, а се стравува дека бројката за жал, ќе биде и многу поголема. Алиоски со овој гест покажа дека и големите ѕвезди знаат да бидат хумани луѓе, со широка душа и големо срце, зашто на крајот на денот сите сме само обични луѓе, кои може да ги задеси ваква или слична катастрофа! Затоа, браво Џани мајсторе... Секоја чест, ти голем човеку!

View this post on Instagram

A post shared by Football Federation-Macedonia (@ffmacedonia)

Фото/Видео: Инстаграм/ffmacedonia

Три работи кои жените не треба да ги правите непосредно пред секс

Слободанка Илиева — Wed, 16 Nov 2022 14:00:41 +0000

Сексот е страстен момент во кој мора максимално да уживате. Но, постојат некои навики кои можат да го расипат или да предизвикаат несакани последици после сексот. Еве три работи кои жените не треба да ги прават пред секс. 1. Да се депилирате За време на сексуалниот однос, областа околу препоните и бутовите е изложена на триење и прекумерно потење. Токму затоа кожата ќе се иритира доколку се депилира непосредно пред секс, а како што многу жени знаат добро, одредени делови може да се воспалат. 2. Да пиете лек против алергија Лековите кои ги намалуваат алергиските реакции како што се антихистаминиците делуваат така што го опуштаат телото. Но, овој лек има силно влијание и на вашата мукозна мембрана, која е поврзана со целото тело, почнувајќи од усната шуплина и исто така до вашата интимна зона. Антихистаминиците го намалуваат лачењето на вагиналната слуз, поради што сексот нема да биде пријатен како и обично. Експертите тесно го поврзуваат недостатокот на слуз со оргазам, што значи дека на жените тогаш ќе им биде многу потешко и речиси никогаш нема да ја достигнат посакуваната кулминација. Истото важи и за обидот за зачнување, бидејќи вагиналната слуз значително го олеснува преминувањето на сперматозоидите до јајце клетката. 3. Да трпите и да не одите во тоалет Ако сте се вклучиле во жежок момент, а страста е на врвот, но чувствувате потреба да одите во тоалет и да уринирате, не страдајте. Имено, мочниот меур се наоѓа многу блиску до вагината и навистина ќе почувствувате каков било притисок врз него, поради што сексот нема да биде толку пријатен и опуштен. Исто така, ако ви се оди во тоалет за време на сексот, уринарниот канал и мочниот меур се оптоварени и полни со течност, поради што ризикот од воспаление на мочниот меур предизвикан од секс е многу поголем. извор:попара.мк

Снеже Велков со „нешто конкретно“ покажа како успева истовремено да спои убаво и корисно: Две во едно, а можеа да бидат и три… ама за третото фалеше уште некој! (ФОТО)

Антонио Димитриевски — Mon, 26 Sep 2022 07:38:44 +0000

Викенд, ден недела... Штом дојде сите различно ја користат. Едни за одмор, спорт и рекреација или прошетка во природа, други за дневна градска кафе шема или вечерно излегување, трети за средување на мислите, психата и физички одмор по дома, а има и такви кои неделата ја користат за средување на домот, чистење, усисување, бришење прашина, средување шкафови... Мини генералка што би рекле! Арно ама, како што рекол народот: „Две лубеници под иста мишка не се носат “ или во превод: Две различни работи не можат да се прават истовремено, па затоа многумина се принудени да бираат. Или чистење по дома или рекреација? Повеќето - да, ама не и таа... Снеже Велков! Македонската ТВ водителка и пилатес инструкторка оддмна покажаа дека е снаодлива девојка односно вешта жена, па така и овој пат успеа да покаже како се работат две работи во една смена. Или поточно, со „нешто конкретно“ покажа како истовремено успева да спои убаво и корисно! Имено, русокосата убавица, добро знае дека и во недела мора да се прошета и рекреира, ама мора и да се чисти по дома. Времето толку е - колку е, па досетливата Снеже најде начин како да изведе две нешта со еден потег. Две работи истовремено со една активност: пилатес и домашна хигиена со само една вежба. Поточно две различни работи во кои покрај телото и крпата мора да работи! Најпрвин крпата на двете испружени нозе, рацете потпрени на подот и... испружи се собери се, испружи ги собери ги... Исто како кога само вежбаш... Исто е, ама не е исто. Ова е ем здраво, ем чисто! Потоа следуваат варијации на тема... Крпата само на едната, па само на другата нога, па под едната, другата или под двете раце.. И малку по малку рекреативниот циклус завршен, а патосот гланцнат, светнат, совршен! Ем телото здраво и стегнато како на спортист, ем домот чист. А и позите што при тоа се прават, мошне предизвикувачки и примамливи... Па освен крпата да работи и нешто друго, за задоволство плус! Како и да е, Снеже Велков спои две во едно, а можеа да бидат и три... Ама за третото фалеше уште нечие присуство... За „нешто конкретно“! И задоволството да биде ептен комплетно! Фото: Инстаграм принтскрин/nestokonkretno1

Нивес Целзиус работи во бикини и не ѝ пречи ако се извалка: Еве што правеше низ куќата (фото)

Слаѓана Атанасова — Fri, 08 Jul 2022 10:48:22 +0000

Нивес Целзијус (40) ја средувала куќата, па наместо мајстор сама се зафатила со работа и се пофалила дека го префарбала подот на терасата. Таа позирала со четка во рака, носејќи само оскудни бикини, подготвена да се сонча. - Работата полека но, весело ја водиме до крај! Која песна уживате да ја потпевнувате додека работите? - се пофалила додека работи. Иако сите мислат дека Нивес постојано се одмара и се сонча, но сега многумина ја пофалија за нејзиниот труд и дека добро си ја завршила работата. Ова е реткост, таа толку добро разбира сè и е способна да направи сè, нешто што некој маж не би ни знаел да го направи, коментираат нејзините следбеници воодушевени од нејзините способности. - Брза си... и можеш се да постигнеш - и напишаа следбениците. Работата добро напредува, а Нивес е вистински занаетчија, па неодамна ја избрусила и оградата. - Работата ми одговара – напишала тогаш во објавата додека позирала со алатот. Фото:Принтскрин/Инстаграм/nivescelsius

Ви пречат ли овие работи? 4 активности во кои жените не уживаат во спалната соба – време е да зборувате

Христина Ѓоргиевска — Thu, 03 Feb 2022 13:15:58 +0000

Ако од вашиот партнер не ви одговараат некои форми на однесување, не треба да молчите за тоа или само да ја завртите главата. Време е да поразговарате за проблемите кои ве прават несреќни. Спиење после секс Има разни типови на луѓе кои секако различно реагираат по сексуалниот однос, некои сакаат да се галат, некои да се бакнуваат, а некои едноставно палат цигара или заспиваат. Мажите после оргазмот најчесто губат интерес за секс, бидејќи лачат повеќе серотонин и можат да заспијат. Меѓутоа, ако сакате да им се 'одмаздите' за тоа, тогаш дозволете им да ве доведат до врвот, а потоа направете го истото како нив - потонете во сон. Фалбаџија Многу мажи мислат дека ако имаат 'алат' кој е над просекот, дека тоа е доволно за жената да ужива во сексот. Многу жени го делат мислењето дека тоа не е доволно за тие целосно да уживаат. Имено, тие сметаат дека многу други работи влијаат за добар секс, а дека големината не е пресудна. Играјте си Постојат многу парови што ја занемаруваат предиграта. Тоа е нешто што е многу важно ако долго време сте во некаков однос. Како што поминува времето, предиграта станува сè понеопходна. Но, ако партнерот го избегнува тоа - кажете му. Секогаш исто Може да се случи партнерот да заземе поза која најмногу му одговара и воопшто да не се труди да го промени тоа. Тоа секако им се случува и на жените, но, ако забележите монотонија во спалната соба, задолжително сугерирајте му го тоа на вашиот партнер и менувајте пози и места за секс. извор: кармин.точка.мк

Работи кои паровите во долги врски ги забораваат

Христина Ѓоргиевска — Thu, 13 Jan 2022 14:30:31 +0000

Слатки мали изненадувања се секогаш добредојдени без разлика што веќе не треба да се докажувате или да заведувате како порано Паровите кои се долго време во врска често се случува да заборават на некои работи кои ги правеле со ентузијазам на почетокот на врската.

Слатки, мали изненадувања

Слатки мали изненадувања се секогаш пожелни без разлика што веќе не треба да се докажувате или да заведувате како порано! Така ќе ја спасите врската од монотонија која дефинитивно барем еднаш ќе затропа на вратата на вашата врска!

Експериментирање во кревет

По неколку години врска кога сте сигурни дека знаете сè за вашиот партнер и кога сте пробале во сексот сѐ што ви предложила Камасутра, се враќате на сигурни пози и движења без многу фантазија и иновации. Ве разбираме и тоа е сосема во ред! Сепак, замислете да го поминете целиот живот правејќи ги апсолутно истите работи во кревет… Веројатно би ви здосадила самата помисла! Затоа, секогаш треба да внесете малку новости во вашиот кревет. извор: попара.мк

Три работи кои задолжително мора да ги направите – на први јануари никако не плачете, а еве зошто треба да станете рано

Христина Ѓоргиевска — Fri, 31 Dec 2021 09:10:14 +0000

Пробајте ги некои од овие предлози кои можат да ви помогнат да бидете посреќни во 2022 година, да имате повеќе пари… Во светот постојат различни практики, навики кои луѓето ги почитуваат, со надеж дека тоа ќе им донесе среќа, здравје и пари во наредната година. Некои го сметаат за суеверно, но на многумина не им пречи да го пробаат, со објаснување дека сигурно не може да им наштети. Доколку и вие спаѓате во оваа група, испробајте некои од следните предлози, кои би можеле да ви помогнат да ја подобрите следната година! Не плачете Нема плачење на 1 јануари! Се верува дека солзите на првиот ден од новата година не се добри бидејќи можат да го одредат „тонот“ за следните 12 месеци и на тој начин да привлечат повеќе солзи! Станете рано Раното станување на 1 јануари дефинитивно е последното нешто што го сакате на светот, но Полјаците веруваат дека тоа значи дека лесно ќе станувате од кревет цела година, без одложување на алармот и слично. Бакнете некого Веројатно веќе го знаете тоа – се верува дека ако бакнете некој што го сакате на полноќ на 31 декември, вашата љубов ќе трае и следната година. Доколку не сте во врска, т.е. немате партнер, бакнете некој што го сакате затоа што е важно околу нас да има луѓе што ги сакаме, без разлика дали се пријатели, мама, тато, брат, сестра… извор: Курир.мк

Четири работи кои треба да ги направите пред брак

Христина Ѓоргиевска — Wed, 22 Dec 2021 14:15:12 +0000

Пред да го кажете судбоносното „да“ и да дојдат децата (доколку сакате), има неколку работи што треба да ги направите. Покрај „стандардните совети“ по ова прашање, како на пример дека треба да стекнете финансиска самостојност пред брак и да патувате барем еднаш сама, ова се некои можеби очигледни, но сепак често превидени работи. Научете што ве прави среќни Дваесетите се идеално време да се запознаете себеси. Откријте што сакате, а што не. Најдете работа што ја сакате, работете на хоби што ве прави среќни и изградете живот во кој ќе бидете засекогаш вљубени. Ценете се себеси Секој од нас е роден со одредена комбинација на доблести, таленти и маани. Научете да го прифаќате секој дел од себе и уште поважно - сакајте се себеси. Затоа што секој самоуверен човек може со своите таленти да придонесе за благосостојбата и убавината на светот околу нас. Читајте колку што можете повеќе Еден ден кога ќе имате партнер, деца, кариера и еден куп обврски, можеби немате време за сѐ што сакате. Искористете го ова време за да апсорбирате што повеќе книги и да се збогатите духовно и интелектуално колку што можете повеќе, советува Cosmopolitan.hr. Стекнувајте здрави навики Поставете ја основата за подобро здравје и добар изглед. Носете очила за сонце, негувајте го лицето, спијте доволно, јадете здраво, вежбајте редовно. Ќе си бидете благодарни секој ден извор: кајгана