пушење – Вистина.мк

Престанете да пушите за само 3 дена: Многу луѓе се колнат дека овој метод функционира и забораваат дека некогаш пушеле!

Слаѓана Атанасова — Tue, 20 Feb 2024 13:00:49 +0000

Во друштвото секогаш има барем еден пушач, а тоа не е навика туку човечка психологија Така – вдишете малку чад и кренете ја главата колку што можете повисоко, повлечете ја назад, а потоа само „џвакајте“ го чадот. Џвакајте еднаш, двапати, три пати и ќе имате чувство на непријатен мирис, а потоа дури и гадење во устата. Повторете ја оваа постапка 10 до 15 пати. Направете го ова секогаш кога ќе почувствувате потреба за пушење. По три дена ќе имате впечаток дека штотуку сте почнале да пушите: штом ќе го вдишите чадот, ќе почнете да кашлате. Пушењето повеќе нема да ви причинува задоволство и наскоро ќе се ослободите од оваа навика. Многу луѓе ја испробале истата техника и сите се откажале од пушењето. Дури и кога мирисаат на чад од тутун, тие веќе немаат желба за пушење. Пробајте го овој метод сами, па ги со нас вашите искуства! Извор: Попара

Повеќе на vistina.mk

Маца – Дискреција се пофали со естетска корекција на забите зашто и пречеле при пушење, ама кога водителката ја праша каква тоа врска има со цигарите, одговорот на старлетата сите ги шокираше (ВИДЕО)

Антонио Димитриевски — Wed, 14 Feb 2024 11:08:06 +0000

Маца Дискреција, познатата ријалити учесничка и старлета чие вистинско име е Сенада Нуркиќ, при едно свое гостување во медиумите, во едно ТВ шоу одговараше на прашања на водителката. Кога дојдоа на ред естетските зафати и корекции кои ги прават познатите, старлетата почна да раскажува дека сега решила да ги прави забите и става керамички импланти. „Особено ми пречи при пушење, зашто еден од предните заби од долната вилица почна и да ми се лула...“ - тргна да раскажува старлетата, а кога водителкта ја запраша каква тоа врска има со цигарите, одговорот на Маца - Дискреција сите ги шокираше. Погледнете сами што кажа старлетата во видеото подолу:

Повеќе на vistina.mk

Миа Костова обожава пушење: Најпознатата македонска инфлуенсерка не може без цигара, па прва јавно почна да се бунтува против најавената забрана (ФОТО)

Антонио Димитриевски — Tue, 26 Dec 2023 09:09:30 +0000

Пушење... Уживање во тутунот и неговите дривати, навика, порок, зависност... Кој како сака си го толкува, ама секој втор го практикува. „Пуши, пуши, пуши ме, гајле си немаме, пуши цела нација со гаранција...“ - како што велат и стиховите од еден од најголемите македонски хитови на сите времиња, песната „пушење“ на Роберт Саздов и Владо Јаневски, во почетокот на 90-ите познати како ултрапопуларно дуо „Ластовица“! А кога сме веќе кај познатите и пушењето, речиси да нема позната личност, особено оние од естрадата, музиката, медиумите, модата... која не пуши... Или барем еднаш не запалила некој тутун. Таквите се „природна реткост“ и кај нас! Порано чуреше кој кај ќе стигне, па пушењето со закон го забранија во угостителските локали, кафеани, ресторани, хотели, кафулиња, ноќни клубови... За подоцна да ја „избришат“ забраната, која остана да важи само таму кај што се јаде. Ама и покрај се', пушеа сите и речиси секаде... И кај што може и кај што не може! Сега власта решила да заведе одново ред... И тоа со закана дека „ќе тренира строгост“ и то на најсилно... Дали „заканите“ ќе се остварат или одново ќе биде „секое чудо за три дена“ па власта ќе се смени пред да успее било што да стори, ќе видиме набргу. Арно ама „стравот лозје чува“, како што вели старата народна поговорка, па уште отсега некои „страсни пушачи“ почнаа да си спремаат терен... меѓу познатите фаци, Миа Костова е секако нејгласна и секогаш со отворен гард ги сочекува нештата. Русокосата екс водителка и сега можеби највлијателна инфлуенсерка уште отсега фаќа тактика. Социјалните мрежи и се најсилното оружје, па позната како дама „без влакна на јазикот“, веднаш почна да се бунтува против ризикот од евентуалните мерки и забрани што ги чекаат пушачите. А, Миа очигледно обожава да пуши. Оддамна, уште од девојче... До душа во последно време тутунот го заменила со т.н. електронска цигара, ама сеедно, нешто да се има в уста... Нешто што ти го прави ќеифот, некое задоволство... што чури! Та биле електронски цигара, со класичен тутун или пури! Зашто најпознатата македонска инфлуенсерка не може без цигара... Особено не кога оди некаде на забава, на дневен или ноќен провод, кога излегува во разни локали и клубови, каде власта се закани дека одново нема да се пуши, а казните за сите „непослушни“ ќе бидат ригорозни! Затоа, за да не и биде скратено тоа неодоливо задоволство, македонската инфлуенсерка гласно се побуни против оваа најавена мерка. „Стварно не знам што се напнаа пушачиве, па еве просто, ја не излагам кај што не се пуши. Се извинувам културно и не доаѓам затоа што, нит ми се пие пијачка нит ми е забавно да излагам надвор. Инаку се пуши и во Србија и во Грчка и во Дубаи… Нормално, не по молови и маркети… Е сега, ако сакате да мирисате на неонатологија излагајте у чекална у Систина. У друштво стално има пушач. Најчесто тој решава кај ќе се иде и ако може да се пуши у коцкарница, стварно не знам зашто они што губат се понервозни од мене што не можам да запалам цигара со винце. Да си се пуши, на кој му смета нека излага по хотели“ - споделила Миа на својот Фејсбук профил, како превентивен бунтовнички пост против „противниците“ на пушењето. Се' со надеж дека ќе биде разбрана и сфатена колку многу го обожава ова задоволство. Просто “ужива до уши“ кога пуши! Фото: Инстаграм и Фејсбук/miandrija/Миа Костова

Повеќе на vistina.mk

Марија Луиса Тодоровска знае дека пушењето убива: Не престанала да го практикува… ама внимава (ФОТО)

Антонио Димитриевски — Sat, 23 Sep 2023 08:00:23 +0000

Македонската фолкерка Марија Луиса Тодоровска не само што последнава година е максимално „распродадена“, туку сексапилната битолчанка и кога не пее знае да биде многу чешита. Имено пејачката неретко на својот Инстаграм профил кога не ја споделува сопствената голотија и телесниот раскош, споделува разни чудни случки, знае да инсценира забавни ситуации, да овковечи смешни моменти кои и неа и нејзиното блиско опкружување, а и на оние што го листаат нејзиниот профил им го прави животот посреќен. Неретко дури и со шеги на своја сметка... Така Марија она пример покажа дека отсекогаш не била облечена баш по свој вкус... До душа за нејзиниот имиџ тогаш одлучувале домашните, зашто била девојче... Иако, далеку од тоа дека нешто му фали! Или за тоа дека кога ќе влета во сериозна врска или што би рекла самата „дечко за озбилно“, сите ќе бидат запрепастени... И беа! Барем судејќи по спојот на нејзината изјава со споделената фотографија! Марија отсекогаш не била ниту бујна и природно надарена или она што народски се вели цицлеста. Жива среќа естетската хирургија навреме се појави и во Македонија, па битолската убавица и навреме успеа да вгради и силконска предница! А материјал како материјал, со текот на времето се аби и арчи... Што заради рокот на траење, што од претерана експлоатација, па после одредена временска дистанца, потребна е замена! Токму на таа тема и Марија сама на своја сметка се пошегува... Не е потврдено дека овие се баш нејзните, ама според обемот, габритот и димензиите, ќе да се отприлика тука негде! Конечно, тезата „удри грижа на веселба“ отсекогаш била рецепт за подолг живот, освен ако нешто неочекувано не те изненади или самиот систематски не си го скратуваш. Една од лошите навики е секако пушењето... На цигари се мисли. Пушењето тутун е штетно по здравјето, тоа е барем оддамна општо познато, ама она што е непознато или малкумина го знаат меѓу кои и пејачката, е дека понекогаш пушењето убива и без да запалиш цигара. Кој не верува нека ја праша Марија, која споделила едно такво искуство... До душа туѓо, ама сепак... Затоа, Марија на пушењето му приоѓа внимателно! Пуши, ама со усул! Фото: Инстаграм принтскрин/luisa.todorovska

Повеќе на vistina.mk

Наташа Беквалац побара стручна помош за да се ослободи од проблемот со кој се бори со години (фото)

Слаѓана Атанасова — Thu, 21 Sep 2023 06:15:31 +0000

Наташа Беквалац реши да му се спротистави на својот долгогодишен порок и да се подложи на лекување. Ова не е прв пат Наташа да се откаже од цигарите, но првпат тоа го прави со помош на професионалци. Како што се дознава и покрај големата желба да се откаже од цигарите, не успеала, па наместо традиционални цигари продолжила да користи електронски. - Наташа со години се обидува да се избори со овој порок. Пред извесно време успеала да ги остави класичните цигари, а потоа се „закачила“ на електронските цигари. Со својот успех се пофали и на Инстаграм, но тоа не траеше долго и не и успеа. Кога сфатила дека не може сама, решила да побара помош од стручни лица и да замине на лекување. Во рамките на терапијата и борбата против зависноста, Наташа ќе разговара и со психолог, а ќе биде извршена и детална анализа, за да се утврди коренот на нејзината долгогодишна борба со никотинот. Тоа е нејзиниот приоритет овие денови. Таа се справи со тој проблем и реши да го истурка до крај -изјавил соговорникот. Да потсетиме, Беквалац, која е и сопственичка на хитот „Никотин“, во медиумите зборуваше за својата борба со пушењето. - Покрај борбата со килограмите, една од најтешките битки, а не дека не сум ги водела, е борбата со цигарите. Оваа заразна болест ја има шифрата F17 во меѓународната класификација. Значи, јас ја имам шифрата - признала Наташа, која има целосна поддршка од семејството во оваа голгота. Со текот на годините, таа се обидувала да го реши овој проблем со акупунктура, како и со читање книга во која се зборува за најлесните начини да се откажете од цигарите, но очигледно не постигнала голем успех. Фото:Принтскрин/Инстаграм/Наташа Беквалац/Ненад Костиќ

Повеќе на vistina.mk

Руски рецепт против пушење: Убијте ја желбата за цигари еднаш засекогаш

Слободанка Илиева — Fri, 19 Aug 2022 12:46:27 +0000

Хемискиот состав на цигарите е навистина сложен, бидејќи во него има над 1400 различни супстанци. Меѓу нив најотровни се никотинот и катранот. Просечниот животен век на страствените пушачи е пократок за десетина години од непушачите. Секоја испушена цигара го скратува животот за околу 14 минути, а на лицата кои се во близина на лица кои пушат цигари им се скратува за 5 минути. Пушачите страдаат и од болести на срцето и крвните садови, како и мозочни удари. Ако сте пушач, веројатно сте се обиделе неколку пати да престанете да пушите. Овој пат тоа нека ви биде успешен обид. Ви претставуваме фантастичен рецепт, а потребно ви е: -грејпфрут -портокал -2 децилитри чај од камилица -30 грама масло од јојоба -30 грама кокосово масло -5 грама оригано Подготовка: Исцедете го грејпфрутот и портокалот. Во сад измешајте ги сите состојки додека не добиете хомогена смеса. Пота ставете ја смесата во сад кој ќе можете да го носите со себе. Нанесете ја мешавината под нос, само ставете неколку капки на вата и вдишувајте секогаш кога ќе добиете потреба за цигара. извор:курир.мк

Повеќе на vistina.mk

Пушењето е многу штетно и тоа сите го знаеме, но знаете ли кои други навики се меѓу најсмртоносните?

Слаѓана Атанасова — Thu, 05 May 2022 13:30:01 +0000

Очигледно и многу јасно, пушењето е една од најсмртоносните навики. Меѓутоа, постојат и други фактори на ризик кои се шират со приближно иста брзина и кои главно произлегуваат од нездравиот начин на живот на луѓето. Еве ги првите пет: Осаменоста Порастот на улогата на социјалните медиуми и намалувањето на личниот контакт лице в лице со други луѓе, ја претвора осаменоста во распространета појава која влијае на целиот свет. И тоа може да биде смртоносно. Осаменоста го намалува очекуваното траење на животот со пушење еквивалентно на 15 цигари дневно. Долго седење Седењето по цел ден го зголемува ризикот од развој на различни видови на рак. Несоница Несоницата го зголемува ризикот од мозочен удар и инфаркт на сличен начин со пушењето. Тоа влијае на голем пад на имунитетот и немање сила за спортување или било која друга здрава животна навика. Солариуми Вештачки тен може да изгледа како корисно сончање, но не е тоа. Потенцијално е поопасно од пушењето, бидејќи е поврзано со предизвикување голем број на канцери на кожата. Во 2014 година истражувањето објавено во JAMA, открива дека солариумите водат почесто до рак на кожата, отколку пушењето – до рак на белите дробови. Нездрава исхрана Бројни студии покажаа дека шеќерната и преработената храна богата со заситени масти нè изложуваат на потенцијално фатални заболувања – речиси како пушењето. Научниците заклучуваат дека ризикот по здравјето од нездравата храна е многу повисока од пиењето алкохол, земањето дрога, незаштитениот секс и пушењето заедно!

Повеќе на vistina.mk

Додека на „Бихаќка“ ги бркаа своите „градоначалници“ од партија, Јоци им ја плесна вистината в лице: „СДСМ се испогубија во сопствената иронија“!

Антонио Димитриевски — Wed, 01 Sep 2021 07:49:56 +0000

Предизборната трка за локалните избори уште не почната добива сопствена драматика. И тоа во сопствените партии, а СДСМ во тоа предничи покажувајќи како завршуваат оние што во нивните редови „умеат да мислат“, ама „не мислат исто“ со „заевистите“. Актуелниот градоначалник на Куманово од нивните редови, Максим Димитриевски, сега со независна кандидатура за претстојните локални избори е оној што најмногу „ќе изгори“. Откако најпрвин го изогнираа и не го кандиидираа за втор мандат, вчера брутално го „шутнаа“ и од партија, а тоа јавно обзнанија на прес конференција. Изборот на останатите кандидати, наводно проверени кадри, испадна дека е „збир(штина)“ на „татини синови“, деца на нивни бивши функционери. И додека на „Бихаќка“ ги бркаа своите „градоначалници“ од партија, некогашната новинарка, сега една од најгласните и најактивни на социјалните мрежи, Јорданка Ивановска - Јоци, на својот Фејсбук профил „ги рескрена на клоци“, откако на „СДСМ-овци им ја плесна вистина в лице за нивниот „градоначалнички“ избор. Селекција доведена до перфекција, од непотизам, секако! Јоци најпрвин сликовито го прокементира „бркањето“ од партија на кумановскиот градоначалник, со компаративен пример овековечен на „историска“ фотографија. На неа оној што мирно си пуши во позадина во аголот, стана повеќе од „адвокат на ѓаволот“... Градски татко на престолнината, со партиска шанса за уште еден мандат. Оној пак што во првиот ред го брани со гради идниот премиер, „го испуши“... Од истиот оној, за кој како што се гледа, ја ставил главата на трупец! Очигледно, „пушењето“ е штетно... Во случајов, по туѓата политичка кариера! За градоначалничката „селекција до перфекција“ од непотизам на СДСМ, Јоци составила и „Топ листа“... на татини синови, кандидати на партијата на власт на следните локални избори. Кој од кој или поточно, кој од чиј - почиј... Како да се натпреварувале да стават кандидат чиј родител од „татино-мамините“ синови бил претходно на повисока функција? Или поблизок до началството од Бихаќка за „бонбона бизнис“! Затоа и листата им е таква... Како „канцелариски стаорци“ во скршен излог на „евтина маалска слаткарница“! Така некако барем гледа на работите Јорданка Ивановска Јоци - Freelancer Political Science (Politics writer & Campaign assistant), на крај одново поентирајќи со... „пушењето“. Фото: Фејсбук принтскрин/Јordanka Ivanovska-Joci

Повеќе на vistina.mk

Наташа Беквалац ја шокираше јавноста: „Нервозна сум, агресивна и опасна по живот“… (ФОТО)

Антонио Димитриевски — Thu, 19 Aug 2021 09:00:27 +0000

Пејачката Наташа Беквалац со години е позната како страсен пушач, па често безуспешно се обидува да се откаже од оваа навика. Таа сега одлучи повторно да проба се откаже од пушењето, но тоа ја доведе во неверојатна никотинска криза. Очигледно, поради недостатокот на цигари, апетитот на пејачката се зголемил, па се пожали на социјалните мрежи дека дури и копала во кантата за ѓубре. „Ова е буквално истерување на ѓаволот! Егзорцизам, луѓе! И јадам толку многу, тоа се килограми храна, полудувам“. „Луѓе, 5-ти ден без цигара. Ова е страшно како се чувствувам. Многу сум нервозна, агресивна, сензитивна... Буквално сум опасна по живот за околината“ - порача Наташа, но не застана тука. „И сите ме нервираат... Сношти ги извадив остатоците од палачинки што Хана ги нарача од кантата за ѓубре, околу три часот по полноќ беше. Имаше и ѓубре над тие остатоци, само да додадам. И она што го правам сега, луѓе, дали е реално да не ме мрази да правам пудинг од плазма и да се молам на Бога да не влезе некој во мојата кујна и да не дозволи Бог да го споделиме! Не сакам да го споделам мојот десерт! Тоа ме прави среќна! Емотивно сум вознемирена!“ - напиша Наташа, која очигледно беше многу возбудена, па продолжи. „Никогаш повеќе нема да запалам цигара, но ми е многу тешко, многу страдам, ова е премногу емоционално за мене, ги сакав цигарите“ - емоциите се менуваа кај пејачката така што таа во еден момент ќе ја сподели пораката испратена до нејзината постара ќерка од другарка. „Дали некој и го хакирал Инстаграм профилот на мајка ти?“ - гласеше пораката испратена до Хана од нејзина другарка, на која таа одговори дека Наташа само се обидува да ги остави цигарите и дека нејзиниот профил не е хакиран. Фото: Инстаграм принтскрин/bekvalceva

Повеќе на vistina.mk

ФОТО: Кога Нивес пуши на другите им „чури од уши“!

Riste Zdravkov — Tue, 17 Aug 2021 07:40:47 +0000

Нивес уште еднаш ја покажа својата витка линија во костим за капење Водителката, пејачка и актерка, Нивес Целзијус е позната и како жена која знае и тоа како да ја заскокотка фантазијата на своите следбеници на социјалните мрежи. Само на Instagram ја следат повеќе од 400.000 следбеници со кои секојдневно споделува фотографии од нејзиниот приватен живот. Атрактивната Нивес веќе некое време ужива во округот Шибеник-Книн и обично споделува фотографии со своите обожаватели на кои се гледа нејзината витка линија во костим за капење. Покрај уживањето во одморот од соништата, пејачката го користи секој слободен момент за да позира.

View this post on Instagram

A post shared by Nives Celsius (@nivescelsius)

Тоа го направи и овој пат, а последната фотографија предизвика вистинска бура на социјалните мрежи. Сепак, се чини дека на Нивес ѝ здосадија фотографии на кои таа покажува повеќе отколку што би требало, па со своите следбеници сподели дека неизмерно се радува на малку постудено време. „Кога ќе дојде тој ден да се облечам?“, Напиша Целзијус во описот на фотографијата. Сепак, изгледа дека на фановите повеќе им се допаѓа кога Нивес позира во малку послободни изданија, па под објавата коментираа дека се надеваат дека летото ќе трае што е можно подолго. Но, Нивес овој пат на стори на Instagram, објави сексапилни фотографии на кои пуши електронска цигара, а со тоа ја разбуди и машката фантазија, на поинаков начин. Зошто кога Нивес пуши, на другите им „чури од уши“! Фото: Инстаграм и Фејсбук принтскрин/nivescelsius

Повеќе на vistina.mk