пукање – Вистина.мк

Протече снимка од сослушувањето на Болдвин откако ја усмрти својата колешка на снимање (видео)

Слободанка Илиева — Thu, 28 Apr 2022 09:02:48 +0000

Канцеларијата на шерифот на Санта Фе во Њу Мексико објави низа документи во понеделникот до кои дошле во својата повеќемесечна истрага по инцидентот на 21-ви октомври, во кој беше ранет режисерот Џоел Соуза и убиена камерманката Халина Хачинс. Документите вклучуваат снимки од контролните камери, видеозаписи од разговори со сведоците, фотографии од местото на настанот и извештај за случајот од 204 страници кој ја резимира истрагата. Во едно од видеата кое ги објави „Los Angeles Times“ се гледа актерот Алек Болдвин како разговара на телефон со жена која „LA Times“ ја опишува како „човек од доверба“, додека чека да го испраша полицијата на Санта Фе на денот на инцидентот. „Јас сум во полициска станица... се подготвуваат да ме интервјуираат. Како се сите дома? Како се децата?“, се слуша актерот на снимката. Жената, која е на разглас, му се извинува на Болдвин за она низ кое проаѓа пред тој да одговори: „Не сакам повеќе да го работам ова, не сакам, не сакам да бидам јавна личност“. Видеото е снимено пред полицајците да му соопштат дека Хачинс починала откако била пренесена во болница. Во снимката со интервјуто со полицајците, актерот рекол дека нема поим како се нашол вистински куршум на сетот. „Тоа би требало да биде безбеден пиштол. Ова за мене е мистерија, ме прави многу емотивен“, ѝ вели тој на полицијата во видеото. Шерифот на округот Санта Фе, Адан Мендоза, изјави дека различни компоненти на истрагата „останале нерешени“ и дека одделението сè уште бара анализа на телефонските податоци на Болдвин, пренесе „BBC“. фото:принтскрин јутјуб

Горан Бреговиќ ја раскажа најлудата ноќ мината во кафеана во неговиот живот: „Типот се појави по гаќи, извади пиштол и почна да пука“

Антонио Димитриевски — Thu, 23 Sep 2021 11:56:12 +0000

„Една вечер ми се јави покојниот Џеј и ми рече дека екипата од неговиот Дорќол оди во кафеана на забава и дека сакаат да одам со нив. Отидовме во локалот каде што имаше многу професионални пејачи. Тоа беше навистина добро време. И сега, додека седиме, ги гледаме скалите што водат надолу кон кафаната. Одеднаш, се појавува еден тип во гаќи за капење, вади пиштол од нив и почнува да пука. Пука во звучниците, пука во синтисајзерите. И сите легнаа под масите. Јас бев единствениот што остана да седи“, раскажува Бреговиќ и продолжува: „Кога типот се изнапука - си замина, а луѓето почнаа да излегуваат од под масите. А потоа нов шок. Едно момче со букет рози и се приближи и и' го даде букетот на пејачката Мина, а друг извади прстен и ја побара за жена. После тоа, се тргна во поинаков ритам, како на свадба. И никој не повика полиција. Потоа, некои му забележаа на Џеј што не го повика момчето во гаќичките за капење што пукаше. Следниот ден, тој се јави самиот да се извини за инцидентот“ - раскажал Бреговиќ, пренесува „Мондо“. Според тамошните медиуми, Бреговиќ рекол дека многу жестоки момци кога се' било готово, му пришле да му честитааат на ладноокрвноста што имал цврсти живци, бидејќи единствен не легнал под масата кога се пукало, туку останал да седи. „Ма какви јаки живци, јас се смрзнав... Останав заледен од страв, а и имам спори рефлекси“ - раскажал потоа Бреговиќ. Фото: Инстаграм принтскрин/goran_bregovic_official/Јутјуб

Трагедија: Актерот изврши самоубиство откако претходно пукаше во својата девојка

Христина Ѓоргиевска — Thu, 21 May 2020 10:03:09 +0000

Актерот Хејген Милс (29) изврши самоубиство во својот дом во Мекфлид откако претходно пукаше во мајката на својата ќерка. Според извештајот на полицијата, во вторник вечер добиле повик, а пред домот на актерот ги дочекала Ерика Прајс која имала рана на рацете и градите. Таа за полицијата изјавила дека Хејген прво пукал во неа, па во себе. Актерот починал лице место. Прајс веднаш била пренесена и оперирана во болница, а сега е во стабилна состојба. Како што пишува „Deadline“, Хејген во куќата ги затворил мајката и ќерката на Ерика додека таа не се појавила. „Кога Прајс влегла во куќата пукал во неа, а потоа оружјето го сврте кон себе. Мајката и ќерката на Ерика не се повредени во текот на инцидентот“ велат од полицијата. Милс е познат по серијата „Baskets“, како и комедијата "Swedish Dicks".

Дара Бубамара доживеала хорор на настап: Во публиката почнале да пукаат, а куршумот ја промашил за влакно!

Слободанка Илиева — Wed, 25 Dec 2019 10:08:56 +0000

Пејачката Дара Бубамара неодамна доживеала непријатна ситуација кога се случила престрелка на нејзиниот настап во Нови Пазар, пренесува српски „Информер“. На почетокот сè било добро, а потоа двајца момци од публиката почнале да се расправаат. Едениот почнал да пука, а куршумот поминал покрај главата на Дара. "Додека пееше Дара, почнаа да летаат шишиња и чаши, а потоа маж почна да пука во таванот, обезбедувањето скокна врз него за да го собори на земја, а пиштолот пукаше во правец на пејачката. Куршумот и помина толку близу до нејзината глава. Сите беа убедени дека тој ја погоди. За среќа, куршумот не повреди никого, но заврши во ѕидот зад сцената. Дара веднаш побегна во задниот дел на сцената “, изјавил извор намедиумот и додаде: "Таа изгледаше исплашена, но беше навистина лута, најмногу од шефот и обезбедувањето. Таа се чувствуваше дека се виновни што дозволиле гостин да донесе пиштол внатре. Таа седеше со музичарите и чекаше на полицијата, а забавата секако не продолжи, бидејќи веќе беше четири наутро, а гостите заминуваа. Полицијата брзо пристигна и ги приведе момците, кои испаднаа дека имаат дебели досиеја. Дара му рече на менаџерот дека никогаш повеќе нема да настапи во тој клуб ", заклучи тој. Дара Бубамара ги потврди наводите кои се појавија во јавноста. „Точно беше дека се работи за пукање и избегав во бекстејџот. Куршумот ми леташе пред главата. Беше ужасно, но не бев многу исплашен затоа што сум храбра жена“, рече пејачката.

Инди се избезуми на настап на свадба: Гостин почна да пука со пиштол, а нејзината рееакција стана хит (видео)

Слободанка Илиева — Thu, 08 Aug 2019 08:57:22 +0000

Популарната пејачка Индира Арадиновиќ Инди (33) пееше на приватна прослава, а кога се случи непредвидената ситуација, реакцијата на пејачката беше тотален хит. Имено, на Инди и пристапи гостин со пиштол, кој по краткиот разговор со неа почна да пука, а потоа му се придружил и друг кој исто така пукал со пиштолот.

Кога пејачката виде дека ситуацијата се влошува, таа го фрли микрофонот и, при првиот истрел, френетично избега од салата каде се одвиваше прославата. Реакцијата на пејачката стана апсолутен хит на социјалните мрежи и ги изнасмеа сите до солзи. https://www.youtube.com/watch?time_continue=17&v=lUzixktGXHc

Со овој трик при варење нема да ви пукне јајце велигденско јајце (видео)

Слободанка Илиева — Mon, 22 Apr 2019 11:15:02 +0000

На Велики Четврток се вапцаат велигденски јајца. Се вапцаат прво црвени, па потоа јајца во други бои, а најголемиот проблем е да не испукаат јајцата. Она што можеби не сте го знаеле е дека бојата за јајца која ја купувате не мора да ја растварате во вода. Во сад ставете ја бојата и со многу малку вода една лажица до две направете смеса и валкајте ги јајцата. За оваа постапка ќе ви треба повеќе време, но бојата е силна. За да не ви пукаат јајцата ставете неколку лажици оцет. Интересно: Еве како да ги бојадисате велигденските јајца со помош на алуминиумска фолија.

Алуминиумската фолија во овој случај е преносно средство за бојата – остава по јајцето мали неправилни облици во боја. Потребни ви се: јајца, алуминиумска фолија и прехрамбена боја. НАЧИН НА ПОДГОТОВКА: Јајцата прво згответе ги. Потоа, изгужвајте, па одмотајте големо четвртасто парче алуминиумска фолија, потоа фолијата прекријте ја со боја. Поставете јајце во средина на фолијата и лесно преклопете го. Нежно притиснете, а потоа тргнете го јајцето и оставете да се исуши. Така направете и со уште некоја боја на истото јајце, ако сакате шарено. Ако претходните години се плашевте да експериментирате со велигденските фарби за јајца, оваа година дефинитивно ќе посакате да пробате нова техника. А, оваа вторава вклучува само неколку капки зејтин. На прв поглед шарите на овие јајца делуваат комплицирано, но за да го постигнете ефектот, ви треба само обична фарба за јајца и лажичка-две било какво масло. Маслото не се меша со водата, па така лесно ќе се направат „дамките.“ По желба, откако бојата ќе се исуши може да нанесете сјаен финиш со стапче за уши. Трикот и постапката се детално објаснети во видеото: https://www.youtube.com/watch?v=6FBTcwA4pRk извор:skopje24.mk