пукале – Вистина.мк

Познатиот српски пејач матурата ја слави како втор роденден: Реља Поповиќ тоа попладне едвај преживеал, откако му пукале во стомак (ФОТО)

Антонио Димитриевски — Fri, 07 Apr 2023 10:15:11 +0000

Раперот Реља Поповиќ го слави својот „втор роденден“ на датумот кога славел матура. Пред речиси 15 години му се случи настан кој целосно му го променил животот. Реља добил куршум во стомакот на денот на матурската прослава и едвај останал жив. Дури десет дена поминал во шок соба додека лекарите се бореле за неговиот живот. Инаку, пукањето се случило поради расправија за девојка, а Реља не ни сонувал дека ќе биде позната личност на естрадата. За тој инцидент пишуваа своевремено и медиумите. Реља Поповиќ, матурант во угостителско-туристичката школа, бил застрелан со пиштол во стомакот околу 17:00 часот на аголот од улиците Југ Богданова и Поп Лукина, во Савски венец. Младиот човек со возило на Итна медицинска помош бил пренесен во Ургентниот центар каде бил опериран, а лекарите констатирале дека се здобил со тешка, по живот опасна повреда. На престрелката, како што неофицијално се дознало на местото на пукањето и претходела расправија за девојка, во блиското бифе, меѓу ученици кои славеле матура и маж, пишуваа тогаш медиумите. Тој бил опериран во Ургентниот центар, каде лекарите, борејќи се за неговиот живот, му ги извадиле бубрегот и слезината. Човекот кој пукал во него полицијата веднаш го привела за обид за убиство. „На 22 мај 2008 година бев во кафуле со уште еден пријател и две пријателки. На масата до нас седеше маж на околу четириесет години. Беше видно пијан. Цело време упатуваше навреди кон моите пријатели, барајќи од нив да му танцуваат на масата, на што јас реагирав. Во вербална расправија во која застанав во одбрана на моите пријатели, келнерката ни рече да излеземе од локалот бидејќи мораше да затвори. Излеговме надвор и во тој момент тој извлече пиштол и ми го стави на глава. Не знам ни како успеав да му го спуштам оружјето и се сеќавам само на истрелот по што почувствував страшната болка во пределот на стомакот.Паднав на земја и изгубив свест.Се разбудив во ургентниот центар“ – раскажал Реља. Поради тешка повреда на стомакот, Реља поминал еден месец во болница. „Десет дена бев во шок соба со дваесет и четиричасовен надзор од медицинскиот персонал. Мораа да ме оперираат бидејќи куршумот ми ги повреди виталните органи. Му должам голема благодарност на професорот Ѓукиќ, кој ме оперираше и цело време го водеше мојот случај. И денес не знам како би му се оддолжил за се што направи за мене. Напаѓачот е уапсен неколку часа подоцна, недалеку од местото на несреќата. Тој подоцна беше осуден на шест и пол години затвор. Фото: Инстаграм принтскрин/reljarelja

Поради банална причина пукале во познатата актерка и поранешната сопуга на Чарли Шин (фото)

Слаѓана Атанасова — Wed, 16 Nov 2022 12:25:52 +0000

Во Лос Анџелес, познатата актерка Дениз Ричардс и нејзиниот сопруг Арон Фајфер ненадејно биле застрелани. За среќа, актерката и нејзиниот сопруг Ерон не се повредени, но биле многу вознемирена откако куршумот го погодил задниот дел од нивниот камион, пренесува TMZ. Овој сајт објави и фотографија од дупката од куршумот на возачката страна на камионот што го возел сопругот на Дениз. Според споменатиот портал, сопругот на актерката бил зад воланот и имал проблем да го најде студиото до кое ја возел Дениз на снимње филм. Возачот зад него се изнервирал од неговата неодлучност и почнал да вика, а потоа пукал во автомобилот со Дениз и нејзиниот сопруг. Холивудската ѕвезда се тресела кога дошла во студио и плачела, пренесува TMZ. Дениз Ричардс е најпозната по филмовите во доцните 1990-ти и раните 2000-ти, како што се „Drop Dead Gorgeus“, „Valentine“, „Scary Movie 3“ и реалното шоу „The Real Housewives of Beverly Hills“. Дениз беше во брак со Чарли Шин, со кој ги доби ќерките Сем и Лола во 2004 година. По разводот и јавното признание дека нејзиниот поранешен сопруг боледувал од ХИВ, актерката јавно негираше дека нејзините деца се заразени и дека актерот се заразил откако се оженил со неа. Фото:Принтскрин/Инстаграм/Дајли маил

Српскиот пејач Дарко Лазиќ претепан, а и пукале во него, но го промашиле (ФОТО)

Антонио Димитриевски — Thu, 02 Aug 2018 08:54:43 +0000

Пејачот Дарко Лазиќ вчеравечер околу 22:40 часот бил физички нападнат и претепан во населбата Умчари крај Белград, кога засега непознати лица од непозната причина го нападнале, потоа пукале од огнено оружје, и на крај го претепале, јавуваат српските портали. Како што истакнуваат медиумите, Дарко Лазиќ сепак не бил ранет, иако било стрелано кон него, но, за среќа двата куршуми кои биле испукани во негов правец, го промашиле пејачот. Лазиќ со видливи телесни повреди е пренесен во болница, каде му е укажана медицинска помош.

Како што се дознава, Лазиќ во Умчари тргнал на приватна забава, каде требало да пее на една роденденска прослава. Но, тој и неговиот возач биле пресретнати од автомобил “Ауди А4 - караван” со темна боја, во кој се наоѓале 4 или 5 наоружани лица. Напаѓачите најпрвин го испрскале со спреј - солзавец, а потоа и физички го нападнале. Го удирале по телото и главата, рацете и нозете, а неговиот возач добил удар со кундак од пиштол по главата. Полицијата го истражува инцидентот, како и причините и сторителите.