пудлица – Вистина.мк

Животни лекции: Ноне влезе во светот на кучките, за подобро да ги препознае „кучките“ околу себе?! (ФОТО)

Антонио Димитриевски — Tue, 12 Apr 2022 07:37:34 +0000

Некогашната македонска поп ѕвезда, Нона Неделковска одново „јава“ на океанските бранови, работејќи на големите прекуокеански крузери. Последната дестинација на која беше закотвена шармантната велешанка беше Јамајка... За неа некогаш „ветената земја“ или поточно земјата на „ветената љубов“ од која останаа само спомени. Откако одново тргна да плови по „големата бара“, Ноне времето на големиот крузер го минува работно, сега веќе како една од „шефиците“ во својата дејност. Можеби затоа има и повеќе слободно време, кое кога си на голем брод со месеци на море, сепак не ти дава многу опции за избор, на тоа како ќе ги потрошиш слободните минути! Бродската забава веројатно и е нешто „веќе видено“, по сите овие години веројатно оддамна ја има „изгустирано“, па затоа Ноне сега решила слободните часови да ги посвети на релаксација со книгата. Изборот на четивото за многумина можеби чуден, но за оние што добро ја познаваат, сосема логичен. Македонската морепловка се фотографирала со книга во рацете која носи необичен наслов во слободен превод: „Биди повеќе (од) кучка“... И тука оние неупатените веднаш ќе реагираат, дека Ноне баш и не им личи на оние, чиј карактер може да се поистовети со „бесна кучка“... Единствено ако и самата не решила да влезе во светот на кучките...? Што најверојатно и има допирни точки со вистината, зашто поднасловот на нејзиното книжевно четиво вели: „Ако вашето куче не сака некого, веројатно и вие не треба“! Поента од содржината на книгата што почнала да ја чита, од која некогашната пејачка би требало да ги извлече - „Животните лекции од нашите кучешки пријатели“ - како што вели поднасловот! Познато е дека Ноне е голем љубител на животните, дома во родната куќа во Велес чува и маче и куче, а нејзината пудлица Луси има третман на многу повеќе од само обичен домашен миленик, туку на неа гледаат како на полноправен член на семејството. Е сега, која и каква „кучка“ Ноне ќе препознае во книгата што почнала да ја чита, ќе се држи ли до правилото да ги избегнува оние што нејзината Луси ги лае и дали воопште ќе успее да извлече животни лекции од нејзината кучешка домапшна пријателка, останува да видиме кога екс пејачката триковите од книгата ќе ги примени во практика! Дотогаш, Ноне сериозно решила да навлезе во светот на кучките... За подобро да ги препознае „кучките“ околу себе!? Фото: Фејсбук и Инстаграм принтскрин/nona.nedelkovska

Синот најрадосен: Прија и Филип Живојиновиќ имаат нов член во домот (фото)

Слободанка Илиева — Mon, 30 Nov 2020 10:03:46 +0000

Познатата српска пејачка Александра Пријовиќ со своите следбеници сподели дека неодоливо милениче дошло во нивниот дом. - Нов член на семејството! - напиша кратко Александра во описот на објавата на нејзиниот Инстаграм профил. Оваа слика разнежни многумина, нема сомнеж дека синот на пејачката Александар е најсреќен што има ново дома. Слатката кафена пудличка живее со стил во домот на Живојиновиќ, а познатата газдарица не може да престане да го снима кученцето.

Синот прооде, Александра Пријовиќ излезе надвор со мајка и да го прошета… ама не малечкиот Александар, туку некого друг (ФОТО)

Антонио Димитриевски — Thu, 30 Apr 2020 09:00:20 +0000

Александра Пријовиќ не може да се види често надвор, па откако медиумите ја фатија на прошетка, за нејзините обожаватели тоа беше вистинско и ретко задоволство. Пејачката носеше долго здолниште и заштитна маска на лицето, како и ракавици. Заштитена по сите прописи. Потоа на Прија и се придружи и нејзината мајка Борка. Двете седнаа заедно во паркот, па наскоро се вратија во куќата, а сето тоа го овековечи екипата на „Папарацо лов“. Досега, Александра Пријовиќ најчесто меѓународниот ден на трудот 1. Мај го прославувала работно. Оваа година, сепак, по сила на нештата ќе „крене рачна“ и ќе го замени микрофонот со чаша добро вино, во дворот на домот на нејзиното семејство на Бежаниска коса во Белград. Како што самата открива, синот Александар токму вчера проодел и веднаш станал „господар на домашниот простор“. Откако малиот Александар се родил, тој е секако шеф на нејзиниот и животот на сопругот Филип. „И да не го пуштаме, тој сигурно го прави она што го сака. Тој само што прооде, па сега е господар на просторот, а ние како и сите родители уживаме во секој чекор од неговиот живот“ - резимираше Прија, која сепак не го зеде со себе малиот Александар кога излезе надвор од куќата, туку на прошетка поведе некој сосема друг... Нивниот домашен миленик, нивниот пес, белата рунтава пудлица.

Еве кого Ноне маскираше за Априлијада: Како да и е ќеркичка или помала сестричка! (ФОТО)

Антонио Димитриевски — Mon, 02 Apr 2018 07:56:39 +0000

Некогашната македонска пејачка, најпрошетаната велешанка Ноне Неделковска, се врати дома... Се разбира, привремено, на куса пауза до следната прекуокеанска тура. Во родниот Велес времето го користи да ги наполни батериите, да се види со пријателите, ама не ги пропушта ниту настаните и збиднувањата во градот, па така беше и за денот на шегата - Први април! Само што овој пат Ноне наместо себе си, маскираше некој друг!

Имено, велешката „џепна венера“ е позната како голем љубител на домашните миленичиња, кои со години ги чува. Мачки, кучиња, папагали... Едни си заминуваат, други доаѓаат и сите заедно со неа и нејзините домашни, живеат во совршена хармонија.

Први април и Априлијадата беа згодна прилика Ноне малку да се забавува на градскиот „бал под маски“! Ама таа реши, годинава од забавата и од својата маска да скуси и да ја маскира нејзината Луси! Така, нејзината слатка, мала бела пудличка, ја дотера како да и помала сестричка или ќеркичка.

Убаво искапена и исчешлана, Луси беше променета во тексас елече со апликации со црешички, како ретко кое од кутрињата, а доби и црвено-бели машнички на ушињата. Така наместо Ноне, нејзиното кученце, променето, дотерано и маскирано... заврши на првоаприлска парада... Луси на Априлијада! Уште да запееше, место да лае?! Ама, тогаш ептен ќе беше априлили-ли-ли!