пудинг – Вистина.мк

Домашен пудинг повкусен од оној во ресторан: Подгответе неверојатен десерт во неколку чекори

Слаѓана Атанасова — Fri, 30 Jun 2023 12:45:20 +0000

За карамелата ќе ви требаат: – 120 гр шеќер – 2 лажици вода Друго: – 3 јајца – 500 мл млеко – 50 гр шеќер – кесичка ванилин шеќер – лажичка густин Подготовка: Истурете го шеќерот во тенџере, додадете вода, па варете додека не порумени, односно додека не добиете карамела. Додека е жешко, внимателно истурете во сад по ваш избор. Истурете го млекото во тавата, загрејте го, но не дозволувајте да зоврие, па тргнете го од шпоретот. Измешајте ги шеќерот, ванилиниот шеќер и згуснувачот, а потоа додадете во топлото млеко и убаво измешајте. Смесата прелијте ја во сад врз карамелата, ставете ја во плех наполнет со вода и печете во рерна загреана на 160 степени околу 50 минути. Оставете го десертот добро да се излади, па превртете го на чинија. Извор: Курир.мк

Коцки од гриз и пудинг: Освежителен десерт кој лесно се подготвува

Слободанка Илиева — Wed, 10 May 2023 12:15:17 +0000

Коцки од гриз и пудинг со вкус на јагода се едноставен десерт за кој е потребен само 15 минути за да се подготви. Поради освежителниот вкус, идеален е за топлите денови кои претстојат. Состојки: 6 рамни лажици гриз 200 милилитри вода 2 кеси пудинг од јагоди (може и од малини) 800 милилитри вода за пудингот 14 лажици шеќер (за пудинг) кокос за посипување Подготовка: Во тенџере ставете 600 милилитри вода. Потоа измешајте шест лажици гриз со 200 милилитри вода. Во друг сад измешајте две кесички пудинг со 200 милилитри вода и додадете 14 лажици шеќер. Кога водата ќе зоврие додадете ја смесата со гриз. Внимателно измешајте да не останат грутчиња. Кога смесата ќе се згусне, додадете го пудингот и повторно мешајте додека не добиете густа, розова смеса. Колачот можете да го истурите во тавче во кое претходно сте додале кокос или пак смесата да ја истурте без претходно ставен кокос. Кога смесата ќе се згусне и ќе се олади, исечете ја на коцки. Секоја коцка извалкајте ја во кокос. Послужете го десертот изладен.

Посен домашен пудинг

Слаѓана Атанасова — Fri, 01 Apr 2022 12:23:56 +0000

1. Просото го ставаме во вода да стои во текот на ноќта. Следниот ден го цедиме, го миеме со ладна вода и повторно процедуваме. 2. Во сад на оган ги ставаме јаболката, претходно излупени, исчистени и исецкани на мали коцки. Ја додаваме водата , покриваме со капак и оставаме на средна температура да се загрее. Го додаваме просото, вариме со повремено мешање. Вариме околу 25 минути, додека не испари поголем дел од водата и просото да е сварено. Садот го тргаме од оган. 3. Со рачен блендер ја блендираме смесата, додека не се добие хомогена смеса. Откако малку ќе се излади го додаваме медот, промешуваме. Сервираме во сад, одозгора ставаме мелени ореви.

Состојки

400 мл вода 100 гр просо 3 лажици мед 50 гр мелени ореви

Сладолед торта со пудинг- Десерт за врелите денови

Христина Ѓоргиевска — Mon, 12 Aug 2019 12:00:54 +0000

Брза и едноставна сладолед торта готова за миг. СОСТОЈКИ: 5 белки 5 лажици шеќер 3 лажици брашно 1 прстофат прашок за пециво 3 дл. топло млеко ФИЛ: 10 жолчки 2 пудинга од ванила 1 л. млеко 1 лажица брашно 250 гр. шеќер во прав 250 гр. маргарин 2 кеси шлаг ПОДГОТОВКА: Се матат белки со шеќер и брашно со малку прашок за пециво, па се става смесата во подмачкан плех и сепече на 180 степени додека не добие златна боја, а кога ќе се олади се става врело млеко на неа. Од оваа смеса ќе ви излезат две вакви кори. Се вари 800 милилитри млеко на оган, а останатите 200 се мешаат со жолчки и со брашно и пудинзите, па се ставаат во млекото. Се меша да нема грутки, се згуснува и трга од оган. Се мати маргаринот со шеќер во прав и се додава на оладената смеса. Се става кора фил, кора фил и се украсува со два изматени шлага. Се лади убаво и служи. извор: готви.мк

Торта од ванилин пудинг, кокос и банана

Христина Ѓоргиевска — Mon, 29 Jul 2019 12:45:42 +0000

Тортата се подготвува многу брзо, едноставна е за правење, а вкусот е поезија! Потребни намирници – 2 ќесички пудинг од ванила, 125 гр маргарин, 200 гр шеќер во прав, 300 грама посни кекси, 5 лажици кокос, 3 банани, 1 ќесичка шлаг (вода според упатството). Подготовка Сварете го пудингот во 6 дл вода и оставете да се излади. Во изладениот пудинг додадете маргарин изматен со шеќерот во прав. Изедначете ја смесата, па додадете го кокосот, иситнетите кекси и бананите исечкани на кругови. Убаво измешајте, претурете во тацна и обликувајте ја тортата со раце. Премачкајте ја со шлаг изматен со вода и ставете ја тортата во фрижидер да се зацврсти извор: макмода