публика – Вистина.мк

Три месеци по трагедијата на нејзиниот концерт Калиопи го отпеа ветеното во Белград: „Во контакт сум сум со семејството на несреќната жена“ (фото)

Слободанка Илиева — Wed, 07 Feb 2024 08:35:29 +0000

Серијата концерти на нашата ултра позната и обожувана регионална музичка ѕвезда Калиопи беше прекината поради еден немил настан. Имено, пред три месеци беше закажан концерт во Белград, но за жал истиот беше одложен бидејќи на една жена од публиката и се слоши и почина. Тогаш Калиопи со длабоко желење реши да стопира се’,па средбата со белградската публика да ја закаже за подоцна. Тоа подоцна се случи сега во МТЦ салата каде Опи го отпеа ветеното пред своите обожаватели. Максимално предана на сцена, со пеење од срце и тон емоции, токму онаква како што ја знаат и очекуваат да ја видат и слушнат сите кои со нетрпение го чекаа концертот.

View this post on Instagram

A post shared by Kaliopi (@kaliopi_official)

-Балград, ти засекогаш остануваш во моето срце! Оооо каква ноќ!, напиша Калиопи во описот на фотографиите од концертот кои ги постави на својот Инстграм за да сведочат на уште еден феноменален музички спектакал полн со бура од емоции каков таа секогаш знае да приреди. Се вели дека музиката ги поврзува луѓето и говори со јазикот на љубовта, а Калиопи умее совршено и магично да ги конектира. Токму затоа пред српските медиуми таа кажа и дека со позитивна мисла, поистоветување и емпатија, успеваме да се зближиме уште повеќе, мислејќи и на немилиот настан за кој биле објавени и невистини. - Имаше многу неточни информации за самиот настан. Само ќе кажам дека гледаме напред и размислуваме позитивно, тоа што го доживеавме некако не собра уште повеќе, доживеавме нешто незамисливо. Во постојан контакт сум со семејството на несреќната жена. Токму тој момент направи нешто примарно и не натера да го цениме животот повеќе од порано – изјавила пејачката за Пинк.

View this post on Instagram

A post shared by Kaliopi (@kaliopi_official)

Белградскиот концерт на Калиопи беше совршено музичко стартување од годинава, а таа како и секогаш неуморна за споделување љубов и музика продолжува со полна агенда настапи. Следно ја слуша и гледа македонската публика и тоа во Маврово на 17-ти февруари. фото:Instagram printscreen/ kaliopi_official

За скопјанката Андријана Петрушовска, Саша Поповиќ направи исклучок од правилата на шоуто: Пејачката прави „хаос“ во Гранд, а ништо помалку жестока и секси не е ниту на приватните настапи (фото)

Слободанка Илиева — Mon, 15 Jan 2024 10:07:32 +0000

За тековната сезона на популарното регионално музичко шоу „Ѕвездите на Гранд“, Саша Поповиќ направи преседан по однос на правилата, а се' тоа само за атрактивната скопјанка Андријана Петрушовска. Долгокосата убавица иако беше финалистка минатата сезона, сега е единтвената која има шанса повторно да се натпреварува. Секое нејзино претставување веќе е очекувано поласкано, па дури и повеќе од претходно, а Андријана само дополнително собира поени како кај жирито, така и кај публиката. Младата скопјанка веќе добро уиграна во шоубизнисот, а паралелно со подигањето на актуелноста преку шоуто, таа не остава простор за пауза и мирување пре публиката. Бог бил дарежлив и за глас и за стас, а таа многу добро знае каде и на што треба да работи за да биде во фокус. Петрушоска е незапирлива, па редовно има полна аденда со настапи низ земјава. Викенд „стори“ објавите редовно и се набиени, а густо е и се бара резервација плус за да ја слушнат и видат секси Андријана. Таа вешта во се’, мерак за уши, ама и за очи. Сцената бара сексапил, тоа продава во денешно време, а особено кога пејачката е така природно згодна и надарена. Жестока и секси на сцена, но исто и на Инстаграм каде редовно чести со жешки стајлинзи, провокативни пози и заводлив поглед. Рамнонодушни речиси и да нема, особенио за коментар во кој стојат само пофалби, а и валкани мисли од бујната фантазија. Петрушовска е целосен пакет кој Саша Поповиќ добро знае зошто го бара пак. фото: Instagram printscreen/ andrijanapetrushovska

Нема лабаво: Саканиот не ја испушта Тамара од вид, а кога таа е на сцена тој има посебно место (фото)

Слободанка Илиева — Sat, 13 Jan 2024 08:10:23 +0000

Празничен период, љубовни искри, викенд во Охрид, совршена комбинација за љубовна двојка која е во период на почеток кога им е особено најслатко. Тамара Тодевска и нејзината нова љубов, архитектот и дизајнер на ентериери, Лука Радовиќ, изминатиот викенд имаа едно такво љубовно уживање, додуша и работно за Тамара. Охриѓани минатата сабота имаа прилика да уживаат во настапот на Тодевска, а пак таа и Лука да уживаат во Охрид и се’ она што им го нуди природата и домаќините. Хотелска соба со панорамски поглед кон езерото, планински воздух, сами тие двајцата и секако љубов. А кога дојде време да се пее, ѕвездата се качи на сцена и застана пред публиката, а тој веднаш до неа, речиси на сцена, во прв ред за да улови се’ во својот мобилен и секако да биде поддршка, инспирација... А таа и пееше на публиката, ама му пееше и на саканиот кој беше близу за да и биде уште поубаво, попријатно, а таа предадена на сцена, особено нему. Евидентно е дека Тамара и Лука уживаат заедно, па и кога работата ќе ги однесе на вака убаво место, магијата едноставно нема крај, а љубовта и страста до облаците! фото:Instagram printscreen/ radovic_lukaa/ tamaratodevska

Калиопи ја резимира 2023 година во екслузивно интервју за Вистина: „Без оглед на тоа каква планина ми тежи на плешките, јас мирно ги затворам очите“

Слободанка Илиева — Fri, 29 Dec 2023 08:16:14 +0000

За нашата поп -пејачка Калиопи редовно се залепени епитетите дива, кралица, најдобра… што таа во неколку наврати кажала дека нема проблем да ги стави на лицитација. Сепак, ласкањето за тоа што е таа и она што го работи, сосема оправдано се надополнува. Неуморен професионалец, секогаш непосредна и отворена за своите фанови, без чувството дека таа е ѕвезда и е недостижна во денешниот естраден свет. Децениската кариера, бројните хитови и концерти ја прават она што е денес, а според обемот на се’ што направила во годината која ја испраќаме, ќе треба да одговори многу и да испишеме уште повеќе од ова и повторно да останаме недокажани. За крајот на 2023 година Калиопи во ексклузивно интервју за Вистина зборуваше за тоа како ја сублимира оваа 2023 година, се’ она со кое и беше исполнета приватно и професионално, како и тоа што следи во 2024 година. Како се чувствува Калиопи пред крајот на годината? -Невообичаено спокојна. И последниве денови до пречекот ги користам за убави и креативни моменти, додека за годинешниов дочек на Новата година си посакав мирна и тивка ноќ. Празничниот дух успевате да си го донесете сами или за тоа мора да има синергија од целокупното опкружување? -Секогаш за добро расположение мора да започнете од себе, а потоа секако продолжувате во духот на споделувањето. Опкружувањето е многу важно, но сметам дека горе-долу сите ние веќе однапред си го знаеме нашиот избор на луѓе. Кој е Вашиот рецепт за постојана насмевка и позитивна енергија како личен печат, секако покрај моќниот вокал по што сте и препознатливи? -Го гледам само она што сакам да го видам! Не дозволувам никој и ништо да ми го расипе моето гледиште на светот, бидејќи иако свесна во какво време живееме, мене очите и срцето ќе ми бидат водени од љубовта! И тоа сакам да го поделам со луѓето, а нема подобар начин од насмевката! Покрај мојот глас, луѓето ме препознаваат и по неа. Години наназад редовно ја добивате и апсорбирате непресушната љубов од публиката, но дали Калиопи е емотивно исполената и сакана кога ќе се симне од сцена и ќе остане сама? -Претпоставувам дека сите ние си живееме некаква наша "сцена", без оглед на професиите. И сите ние го имаме моментот кога остануваме сами со себе, а јас тој момент го сметам за многу продуктивен. Потребен е пред сѐ да си ги средиме мислите и да си помуабетиме искрено со себе. Јас добивам огромно количество на љубов и под светлата на рефлекторите, но и кога тие ќе се угасат... Вложувате многу во кариерата, музиката, публиката, а доказ дека задоволството постои е перманентноста од која немате отстапки години наназад. Каде се крие клучот на истрајноста, неуморноста, инспирацијата, посветеноста...? -Нема поголем влог од доследноста до она во што си верувал од секогаш. Да се биде свој, е клучот, но секако и најскапиот дел. Тоа чини многу... Но на крајот од денот, без оглед на тоа каква планина ми тежи на плешките, јас мирно ги затворам очите, бидејќи знам, утрото ќе ме награди со нова сила за храброста и решителноста да бидам своја. Апетитите на публката никогаш не се задоволени од Калиопи и нејзината музика, а тие воопшто не се мали со оглед дека регионот не е мал и Ве обожава. Постојано на пат, од хотел до холел, од сцена на сцена, Вие се давате, но од каде е Вашиот духовен извор за да се издржи и постигне тоа? -Љубовта и вербата се мојот главен извор и сила за сѐ она што ме очекува на патот наречен живот. Затоа и ништо не ми е тешко. Во проблемот го гледам предизвикот, во искушениата си го тестирам трпението и така растам. А се додека публиката е погладна за мојата музика, мене ќе ме има... Годинава одржавте многу концерти низ регионот, добивте многу аплаузи, враќање на бис, цвеќиња, разни подароци... Кои беа најдрагите моменти кога би ги споиле во едно? -Завршното поклонување со мојот бенд, пред да ја напуштиме сцената... Не можам да ви го доловам тоа чувство преку збор, тоа мора да се доживее... Затоа до година и тука, кај нас ќе го поделиме тоа чувство, на концертите кои се во план во Македонија. Колку општествените случувања се одразуваа на инспирацијата и кративноста, независно дали се позитивни или негативни? -О, и тоа како се одразуваат. Моите песни не се само љубовни, тие опфаќаат и социјални теми, ангажирани песни, некогаш се чист коментар на одредени случувања. Уметноста е широк простор во кој се изговараат и отсликуваат најголемите вистини. Јас и Ромео сме токму затоа феноменален тандем, особено кога е во прашање точната мисла преточена во збор. Ако се осврнете наназад низ годините од почетоците на Вашата кариера до денес, како би го оцениле развојот на македонската музика /естрада, кои беа најплодните години, а кои најсушните? -Секое време земено и од социјален и културолошки аспект си носи извесни промени. За некој тие се позитивни, додека за друг се катастрофални. Токму од тој аспект не знам колку е паметно било што да кажам на таа тема, а да не бидам погрешно сфатена. Затоа мудро ќе молчам и ќе го користам правото своето мислење да го искажувам преку своите дела. „Не сакам да снимам дуети, тоа не е мој стил“ беше подвлечена една Ваша изјава во медиумите. Зошто е тоа така и тоа веднаш откако излезе последениот и најнов дует со Жељко Самарџиќ кој патем поминува одлично? -Изјава извадена од контекст. Секако, нелогично е да кажам такво нешто, а истовремено да дејствувам поинаку! Зборував за тоа дека немам многу дуети во мојата кариера, бидејќи дуетот е нешто што треба да се случи по чувство , а не по план. Песната можам да ја делам само со некој кој ги чувствува нештата, луѓето и животот на сличен начин како јас. Од каде треба да почнат промените за повторно да заживее македонската поп музика. Да бидат повеќе посетени домашните концерти, настапи и да не се штеди да се одделат пари за карта за она што е наше, домашно? -Промените почнуваат од самопочитта. Кога тоа ќе го освестиме, ќе започнат сите други општествени и институционални промени кои се потребни во секој сегмент на нашето живеење. Што стои во приватната и професионална агенда на Калиопи за 2024 година? -Многу убави и големи планови за кои уште од сега ги започнавме сите подготовки, со детална организација. Догодина повод големиот јубилеј 40 год од соработката со Ромео Грилл, се подготвува нов албум, како и низа концерти во Македонија и во регионот. Неизоставна е голема промоција на овие проекти и можам слободно да речам, со нетрпение ја чекам 2024 год, токму затоа што чувствувам дека со овој албум ќе отворам ново поглавје за најмалку следните десет години. А за понатаму, ќе видиме... Ако Калиопи е Дедо Мраз и може една работа да им подари на луѓето во Македонија, што би било тоа? -СРЕЌА фото: Приватна архива/ Ѓорѓи Христовски/Мартин Шишковски

„Одземете и го микрофонот“: Пејачките способности на Бранка Соврлиќ предизвикаа негативни коментари на социјалните мрежи (видео)

Слаѓана Атанасова — Thu, 21 Dec 2023 07:45:30 +0000

Во емисијата „Амиџи шоу“ гостуваше и Бранка Соврлиќ. На покана на Огњен гостите, како Александра Младеновиќ и Сандра Решиќ пееја за публиката, а потоа Бранка го зеде микрофонот. Пејачката ја изведе песната „Било би добро за тебе“, а реакцијата на корисниците на социјалните мрежи не била баш најдобра.

bilo bi dobro za tebe da više mikrofon ne uzmeš u ruke pic.twitter.com/rvx9Lx4XNy
— Adrianošević (@adrianosevic) December 19, 2023

- „Стани свети Никола да легнам“, „Отстранете и го микрофонот засекогаш“, „Па, таа пее полошо од мене“, „Добро би било веќе да не го земаш микрофонот“, „Од ова ме болат ушите“ - се само неколку од коментарите. Да потсетиме, Бранка Соврлиќ се прослави пред речиси четири децении, а во текот на кариерата заработи многу, а сопственичка е и на ресторан во Сараево, како и на повеќе имоти ширум Балканот. Фото: Принтскрин/Instagram/branka_sovrlic

Хрватките паѓаа по нејзиниот настап: Публиката на Александра Пријовиќ доживеа голема неволја (видео)

Слаѓана Атанасова — Tue, 05 Dec 2023 11:02:22 +0000

Младата музичка ѕвезда Александра Пријовиќ, последниве денови, поточно од 1 декември, четири вечери по ред ја „полудуваше“ публиката во најголемата Арена во Загреб. Имено, сега Хрватки и Хрвати буквално беа на земја по еден од концертите на Прија, а тоа го поткрепува и едно видео кое се поојави на социјалните мрежи. Како што во претходните денови пристигнуваше вистинска зима во Загреб, вечерта температурата се спушти под нулата, а за публиката на Прија тоа значеше само едно - неволја. И откако добро се забавуваа во Арената, Хрватките и Хрватите паднаа како покосени пред неа бидејќи се формираше мраз, а целото видео од урнебесните падови е придружено со симболичните реплики на хит песната на Прија „Слизгав под“. . На видеото можете да видите како претежно девојките на високи потпетици се повредуваат, односно паѓаат поради мразот.

@annadervisevic⚠️⚠️⚠️♬ Klizav Pod - Aleksandra Prijovic

Фото: Принтскрин/Instgaram/

Владо Јаневски е на 5% популарност: На останатите 95% или не им е симпатичен, воопшто не ги интересира или им е одвратен!? (ФОТО)

Антонио Димитриевски — Thu, 16 Nov 2023 07:52:17 +0000

Не е спорно дека Владо Јаневски е и ќе остане запишан во антологијата на македонската забавна и поп музика како една од најголемите естрадни ѕвезди. Пејач со харизма и пред се' магија во стиховите кои ги пишува за своите песни, кои на волшебен начин допираат и ги милуваат срцата на вљубените, а како мелем на лута рана ги лечат душите на разочараните и оставените. Едноставно „чаирскиот романтичар“ и покрај сите муабети со или без основа за неговите наводни „позајмици“ од разни веќе објавени извори е неприкосновен во тој домен, зашто само тој може така да ги спакува зборовите кои знаат да ги разгалат емоциите дури и на оние најцврстите. Кога на сето тоа ќе се додадат сите оние музички ноти преточени во хитови кои самиот тој или некои други автори му ги напишаа во кариерата (Р. Саздов, Г. Копров... итн.), излегува дека Владо Јаневски нема кој не го сака. Особено претставничките на понежниот пол за кои и најмногу пее или барем најмногу се пронаоѓаат во неговите песни и стихови. Од старо до младо, од баби и мајки, до ќерки и внуки сите неизмерно го обожаваат пејачот за сите генерации. И според многумина можеби тоа е така, а можеби и не е...? Како навистина стојат работите, најдобро знае самиот тој, зашто оној кој илјадници го сакаат и следат, му се поклонуваат и приклонуваат, многу е веројатно дека исто толку и не го сакаат, негираат, мразат, плукаат... Или барем за него им е сеедно! Владо пред еден од своите претстоечки концерти најдобро ја опишал целата ситуација кога е во прашање популарноста и тоа токму онака како што тој самиот ја чувствува сиве овие „златни години“ од текот на целата негова кариера. Претерал или бил апсолутно реален во оценката, е прашање кој колку му верува, но сепак... Дури и да не е така, во секоја кажана реченица, има барем половина вистина, па веројатно така и во ова негово отворање на душата во едно од неговите последни интервјуа, во кое „гевгелискиот чаирчанец“ раскажуваше за оној „невидлив конец“ со кој во срцата се поврзани тој и неговата верна „5 отстотна“ публика... Фото: Инстаграм/vladojanevskiofficial

Синот на Прија ги насмеа сите: Излезе на сцената и ја воодушеви публиката со својата реакција (фото)

Слаѓана Атанасова — Wed, 01 Nov 2023 07:51:40 +0000

Александра Пријовиќ направи три спектакли по ред во Сараево во Зетра. Пејачката за своите фанови пееше на три последователни концерти во преполната Зетра, а сите три вечери на сцената и се придружуваше и синот Александар, кој целосно ја разнжни публиката. Иако првата вечер бил многу срамежлив, следниот ден се опуштил, а третата вечер успеа и да ги насмее сите кога на сцената се појавил со својот кум Тодор со песната „Звук тишине“. „Морам да кажам нешто, додека колегите пееја, а јас се пресоблекував, ми дојде синот Аки и ми рече: „Мамо, ќе одам ли вечерва на сцената? Му реков дека може, ако сака... Потоа дојде пак, не заборави што му ветив и ми рече: „Мамо, но те молам, би сакала да излезам со тебе!“ - рекла Александра и го претставила нејзиниот син, кој имаше „засилување“ на третиот концерт: „Значи, ова е мојот син Александар, а ова е нашиот кум Тодор. Аки не сакаше да излезе без него. Па сега кога сте излезени, ајде да испратиме бакнеж заедно“. Откако излегле на сцената, Александра ги насмеал сите. „Во борба “, рекол малиот Александар, пренесува „Телеграф“, а потоа сите присутни се насмеале, додека пејачката продолжила: „Дали ќе се борите? Важи“, се насмеа Александра која ги испрати. Фото: Принтскрин/Курир.рс/

Фолкерот Миле Китиќ на публиката им ја фрли патиката – шокантно видео од неговиот настап

Слаѓана Атанасова — Mon, 18 Sep 2023 10:51:22 +0000

Фолк пејачот Миле Китиќ реши да го копира раперот Драгомир Деспиќ, попознат како Десингерица. Имено, раперот на своите настапи го изведува таканареченото „крштевање“. Тој ги удира луѓето од публиката со патика по глава, а самиот чин не е случаен, туку однапред закажан. Десингерица еднаш ни објаснил дека вака „истерувал ѓаволи од луѓето“, а Миле Китиќ сега реши да го испроба истиот метод. На својот настап, Миле земал патика и почнал случајно со неа да ги удира луѓето по глава, а видеото наишло на општо чудење.

@xblknxx #fyp #viral #balkan #music #milekitic #desingerica #patika #nastup #klub ♬ original sound - BALKAN

Коментарите постојано доаѓаа, а многумина истакнаа дека ваквото однесување е непримерно и дека на погрешен начин го привлекува вниманието на медиумите и јавноста.

Лепа Брена по речиси 40 години дојде во Кавадарци, а овие познати Македонки и „дишеа во врат“ (фото)

Слободанка Илиева — Mon, 11 Sep 2023 09:31:35 +0000

После цели 40 години, големата југословенска ѕвезда Лепа Брена дојде во Кавадарци, овој пат за да пее на традиционалниот Тиквешки гроздобер. Брена беше ѕвездата на крајот од третата вечер на манифестацијата каде се собра публика од цела Македонија. Повозрасните кавадарчани се сеќаваат на настапот на Лепа Брена на градскиот стадион пред четири децении, па сега после толку години правеа споредба од она што го гледале и слушале тогаш и ова сега. А Брена, таа сигурно остарена и поразлична од тоагаш, но со истата професионалност и ѕвезден сјај на сцена и со квалитетен звук кој полнеше уши и душа со хитовите кои беа добро познати на нејзината публика. Љубопитни да ја видат и слушнат беа и помладите кои немале таква можност. До Брена беше тешко да се допре, големата балканска ѕвезда немала некои посебни барања од организаторот, освен мир и тишина пред концертот, па домаќините ја сместиле во Хотел Ангропалас во луксузен апартман. Многумина сакаа да се доближат и да се сликаат со Брена за спомен, но ретко кој имаше таква можност освен привилегираните, а меѓу нив беа Лила Филиповска од првите редови до сцената, младата Лина Пејовска која ја отвори вечерта, а таму беше и Мелита и ќерка и Барбара која пак пееше претходната ноќ. Токму овие познати Македонки имаа можност да бидат близу до Брена, да ја снимаат, фотографираат и да се пофалат на социјалните мрежи. Брена во свој фазон ги откри долгите вити нозе, но не баш имаше желба, а можеби и снага за играње и покажување енергичност. Облечена во светкав деколтиран фустан, повеќето од песните ги отпеа седејќи. Инаку, настапот на Брена започна во доцните вечерни часови, а публиката остана да ја слуша се до полноќ кога со огномет беше затворено и традиционалното 59-то издание на Тивешкиот гроздобер кој е гордост на градот. фото: Фејсбиук/ Тиквешки Гроздобер Кавадарци