Public Room – Вистина.мк

Георги Шарески Jazzтет во Public Room

Антонио Димитриевски — Tue, 14 Nov 2023 13:40:43 +0000

На 23. ноември во Public Room со почеток во 21.30 часот ќе имате можност да уживате во најновиот проект на композиторот и гитарист Георги Шарески.

Овие композиции во вистинско светло го прикажуваат разиграниот дух и единственоста на Шарески како композитор, но и неговиот необичен и неспоредлив стил како врвен гитарист.

Во придружба на тројца од најдобрите македонски музичари, на овој навистина несекојдневен концерт, Шарески ќе го претстави својот највозбудлив репертоар до сега, жанровски шаренолика музика која не е наменета само за џез слушатели, туку за сите оние кои имаат слух за добра музика.

Поставата ја сочинуваат:

Кире Кузманов - саксофон

Славчо Коцев - тапани Оливер Јосифовски - бас Георги Шарески - гитара и композиции

Билетите може да ги набавите на барот на Public Room или на https://bileti.drugastrana.mk/index.php?id=361

„Light of your soul” – уникатно рокенрол доживување со Ris Flower во „Public Room“

Антонио Димитриевски — Tue, 22 Nov 2022 12:22:34 +0000

На 13-ти декември со почеток во 21 часот во „Public Room“ придружуван од својот бенд, Ris Flower ќе одржи ексклузивен интимен концерт каде ќе го претстави неговиот најнов проект “Light Of Your Soul”.

На концертот ќе бидат изведени досегашните комплетно авторски песни на RIS FLOWER, а публиката ќе има можност за прв пат во живо да ги чуе и новите, досега необјавени песни.

На сцената, тој ќе биде придружуван од неговиот бенд, составен од врвни музичари и долгогодишни соработници: Џоле Максимовски – бас гитара, Мустафа Чанбазлар – клавијатури, Арикан Сиракаја – тапани и Александра Кировска – гитара.

”Секогаш уживам на сцена и затоа со нетрпение очекувам да настапам пред скопската публика. Подготовките за концертот се започнати и можам да кажам е дека ќе биде навистина енергично шоу, различно од се останато. Особено ми е драго што на концертот ќе настапат и музичарите од Турција, екипа со кои ја работам музиката во изминатите години” - вели музичарот.

Влезниците веќе се во продажба преку продажната мрежа на “Купи Карти За Се” - линк : https://www.kupikartizase.com/Events/ris_flower

Прогресивниот музички фестивал “Underfest” во „Public Room“ во Скопје

Антонио Димитриевски — Sun, 23 Feb 2020 14:07:43 +0000

Скопје и оваа година ќе биде домаќин на музичкиот фестивал – “Underfest”. Прогресивниот, музички фестивал оваа година ќе понуди дводневно комплетно уживање и ќе се одржи на 3-ти и 4-ти, во поткровјето на Public Room, во Скопје, а влезот за двата фестивалски денови ќе биде бесплатен. Долгоочекуваното второ издание на “Underfest” ќе се одржи првиот викенд во април и на него ќе земат учество повеќе бендови кои ќе се претстават со својата авторска музика. Првиот ден на 3-ти април ќе настапи алтернативната група “Cruel” од Скопје, “Фосфен” од Битола, групата “Fiction” од Скопје, “High Voltage” од Охрид, како и еден од најпопуларните рапери во моментов од нашата држава Матеј Фолц. Главни изведувачи на вечерта ќе бидат добро познатите Културно уметнички работници. Вториот ден честа да свират на сцената ќе ја имаат “Sincrest” од Кичево, “The Chicks” – девојките од Велес, “Hood”, “Пепел”, “Reinconnected”… Главни изведувачи на вечерта ќе бидат “Паркети” од Битола. Публиката и овој пат ќе има можност да ужива во македонската музика од претежно алтернативната и рок енд рол сцена од нашата држава која и овој пат се очекува да покаже дека е одлична и навистина има што да покаже. Настанот го покрива Министерството за Култура, Град Скопје, Jameson и Celia.