психолози – Вистина.мк

Понекогаш си зборувате сами со себе? Еве што мислат психолозите за тоа

Слаѓана Атанасова — Mon, 15 May 2023 11:53:45 +0000

Дали и вие сте едни од оние луѓе кои постојано разговараат со самите себеси? Дали оваа навика ви помага подобро да се концентрирате и фокусирате на својата работа? Или пак, можеби со зборувањето поттикнувате развој на брилијантни идеи, како и подобро завршување на вашите секојдневни обврски? Дали и сега, додека го читате овој пост, мрморите нешто тивко? Доколку одговорот на овие прашања е позитивен, тогаш според психолозите имате натпросечна интелигенција! Психологот истражувач, Гери Лупјан, заедно со неговиот тим, спровеле експеримент во кој учествувале 20 волонтери. Нивната задача биле да запомнат листа со предмети од супермаркет и потоа истите да ги пронајдат. Пред да почнат, половина од нив добиле инструкција да ги повторат гласно дадените имиња на предметите, додека другата половина молчеле. На крајот, резултатот покажал дека луѓето кои ги изговарале гласно имињата на предметите многу полесно ги пронаоѓале во однос на другите. „Често си мрморам самиот кога барам нешто на полиците во супермаркетите“, вели Гери. „Токму ова искуство и ме поттикна да го спроведам овој експеримент.“ Благодарение на спроведеното истражување и добиените резултати, групата психолози дошле до разбирање зошто оние кои зборуваат со самите себеси имаат натпросечна интелигенција. Еве што откриле тие…

Стимулирање на вашето помнење

Кога разговарате со самите себеси, вашиот механизам на сетила се активира. На тој начин многу полесно помните бидејќи можете да ги визуализирате овие зборови и да делувате во склад со нив.

Помош при задржување на фокусот

Кога размислувате гласно, вие останувате фокусирани на својата задача, а тоа ви помага веднаш да ги препознавате важните нешта. Ова е особено од помош кога барате нешто. На пример, доколку барате банана во супермаркет, кога гласно го изговарате ова овошје, вашиот мозок одма создава слика во вашиот ум и несвесно побрзо ве води кон неа во реалноста.

Помош при расчистување на мислите

Секој од нас има различни видови мисли. Повеќето од нив имаат смисла, додека пак остатокот не. Да кажеме дека сте лути некому, и дека се чувствувате толку бесно што мислите дека би можеле да ја повредите оваа личност. Доколку сакате побрзо да се смирите, едноставно затворете се во вашата соба и разговарајте со самите себеси. На тој начин брзо ќе се решите од лутината и постепено ќе се смирувате. Вашите мисли ќе се расчистат и ќе се насочат само кон оние нешта кои се навистина важни, давајќи ви сосема нова смирена перспектива. Извор: Попара.мк

Ова само ја уништува врската! Психолозите го откриле најголемиот проблем

Слаѓана Атанасова — Fri, 17 Mar 2023 13:21:36 +0000

Постојат некои работи кои ја уништуваат врската постепено, а некои ги сметаат за полоши и од неверство. Врската се заснова на доверба, искреност, лојалност, љубов и меѓусебно разбирање, и ако само тие работи недостасуваат, тешко дека ќе преживеат. Некои работи што ги правите може да бидат уште полоши од мамењето затоа што ја уништуваат врската малку по малку. Кои се работите што доведуваат до распад почесто од аферата зад грбот на партнерот? Лаги Колку и да криете разни работи од партнерот, лажењето никогаш не е добра идеја. Дури и ако сакате да заштитите друга личност, малите лаги може да доведат и до големи проблеми подоцна. Штом ќе се расипе довербата, тешко е да се обнови. Недоверба Ако ви е тешко да му верувате на вашиот партнер дури и околу некои мали нешта, веројатно сте насобрале лутина кон таа личност која во никој случај не е добра. Честопати ја уништува врската дури и пред да сфатите дека е меѓу вас. Обрнете внимание на тоа. Понижување Постојани забелешки, коментари, критики… Сето ова влијае на самодовербата на партнерот, а вербалната навреда не е неопходна за да се уништи. Можеби тоа го правите целосно несвесно или мислите дека не е толку страшно. Вие ја уништувате врската. Останување во врска кога повеќе нема љубов Да останете со некој само затоа што сте зависни од нив и не знаете да бидете сами по години и години во врска е сосема погрешно. Не само што ги нарушувате односите со таа личност, туку и го нарушувате вашиот мир и среќа. Кои се работите што доведуваат до распад почесто од аферата зад грбот на партнерот? Лаги Колку и да криете разни работи од партнерот, лажењето никогаш не е добра идеја. Дури и ако сакате да заштитите друга личност, малите лаги може да доведат и до големи проблеми подоцна. Штом ќе се расипе довербата, тешко е да се обнови. Недоверба Ако ви е тешко да му верувате на вашиот партнер дури и околу некои мали нешта, веројатно сте насобрале лутина кон таа личност која во никој случај не е добра. Честопати ја уништува врската дури и пред да сфатите дека е меѓу вас. Обрнете внимание на тоа. Понижување Постојани забелешки, коментари, критики… Сето ова влијае на самодовербата на партнерот, а вербалната навреда не е неопходна за да се уништи. Можеби тоа го правите целосно несвесно или мислите дека не е толку страшно. Вие ја уништувате врската. Останување во врска кога повеќе нема љубов Да останете со некој само затоа што сте зависни од нив и не знаете да бидете сами по години и години во врска е сосема погрешно. Не само што ги нарушувате односите со таа личност, туку и го нарушувате вашиот мир и среќа. Недостаток на комуникација Ако не можете да споделите некои работи од вашиот живот со партнерот, тоа е алармантно. Со тек на време многу ќе се акумулираат и комуникацијата ќе се сведува на минимум. Обидете се да го поправите ова пред да биде предоцна. Манипулација Односот не е игра каде што можете да манипулирате со некого. Поентата е да се третирате еден со друг подеднакво. Ова е токму темелот на секоја здрава врска. Манипулацијата, во која било форма, може да ѝ наштети на некоја личност, да ја уништи самодовербата и да направи повеќе штета отколку што мислите. Извор: Попара.мк

Психолозите откриваат: Скриени особини на интелигентните луѓе

Слаѓана Атанасова — Wed, 04 Jan 2023 13:56:26 +0000

Ова се малку познати знаци дека сте натпросечно интелигентни. Забавувајте се и тестирајте се. Мислиш дека ништо не знаеш Луѓето кои имаат натпросечна интелигенција често ќе се сомневаат во нивните способности, како што покажува студијата спроведена на студенти. Оние кои мислеле дека поминале лошо на тестот и го кажале тоа, всушност биле поинтелигентни од оние кои тврделе дека поминале одлично! Љубопитност Ве интересира се, дури и што би рекле другите „кому му е гајле за ова“. Интелигентните луѓе се во постојана потрага по нови искуства и знаења за светот околу нив. Самоконтрола Едно истражување вклучувало прашање за луѓето дали би сакале веднаш да добијат помала сума пари или да чекаат и да добијат повеќе подоцна. Оние кои чекаа подобро поминаа на тест за интелигенција. Тврдоглавост Повисоката интелигенција значи и дека размислувате повеќе, па секое мислење што го имате е всушност сигнал дека внимателно сте измериле што ќе кажете за вашиот став. Ова е причината зошто другите понекогаш мислат дека сте тврдоглави. Обожавате чоколадо Познато е дека состојките во чоколадото ја подобруваат меморијата и помагаат во расудувањето, а луѓето кои често јадат чоколадо се поуспешни од другите, покажуваат тестовите за интелигенција. Одложувате Ако ги одложите задачите до последен момент, тоа може да биде неочекуван знак за висока интелигенција. Тоа значи дека избегнувате да брзате и рационално управувате со вашето време според приоритетите кои самите си ги поставувате. Бучавата ве нервира Ако претпочитате да работите во тишина, споделувате карактерна особина со многу великани како Франц Кафка или Чарлс Дарвин, кои инсистирале на мртва тишина за да се концентрираат. Не верувате во случајности Оние кои одбиваат да веруваат во случајности, можат да видат врска што другите не ја гледаат. Тоа значи дека и двајцата сте креативни, но и подобро ја анализирате вашата околина. Ги завршувате туѓите реченици Вашата емоционална интелигенција е толку голема што навистина „знаете“ што некој друг ќе каже. Тоа го базирате на сите ваши минати искуства со таа личност, како и предвидувањата за исходот од разговорот што се случуваат во вашата глава со молскавична брзина. Извор: Курир.мк

Одвојте време за себе: Пред да влезете во нова врска, психолозите советуваат да ги направите овие 4 работи

Слаѓана Атанасова — Fri, 29 Jul 2022 13:30:41 +0000

Луѓето често одат од врска во врска и не си даваат доволно време да се опорават. Секое искуство е приказна само по себе, но би било добро да се направи пауза од најмалку шест месеци за да се преболи раскинувањето. Психолозите веруваат дека има некои работи кои треба да ги правите во овој период и тоа само за себе. 1. Запишете ги вашите потреби и каков партнер сакате Честопати имаме преголеми очекувања од поединци со кои сакаме да бидеме пар, поради што понекогаш сме премногу пребирливи, најмногу на наша штета. Иако е важно да се биде реален во проценката на потенцијалните партнери, секогаш треба да бидеме свесни дека никој не е совршен, вклучително, се разбира, и ние самите. Од друга страна, важно е доволно добро да се познаваме себеси и нашите потреби, за да знаеме точно каков партнер сакаме и што очекуваме од него. Експертите препорачуваат овие набљудувања да ги забележиме некаде и да анализираме што е напишано пред да влеземе во секоја нова врска. 2. Поставете ги вашите граници Што е тоа што апсолутно нема да го толерирате во врска? Добро размислете пред да направите чекор кон нова врска, бидејќи така многу полесно ќе се соочите со неизбежните конфликти со партнерот кој ве чека. Секако, како што веќе спомнавме, потрудете се да бидете реални во своите очекувања за да не дојдете во ситуација никој да не ви е доволно добар. 3. Станете свесни за вашите очекувања Дали сакате долга врска или краткорочна забава? Планирате наскоро да имате деца или не сте заинтересирани за семејство? Кои се вашите планови за кариера и дали тие се во согласност со вашите емоционални потреби? Ова се само некои од клучните прашања што треба да ги земете предвид пред да започнете нова врска. Секој од нас има одредени цели и очекувања од животот, а кога ќе одлучиме да живееме заедно со друга личност, важно е нашата идеја за добар живот да биде компатибилна со она што го замислува нашиот партнер. 4. Правете го она во што уживате По раскинувањето треба да се справиме со тешките емоции, да си дозволиме да го пребродиме тој период. Затоа е пожелно, пред да влезете во нова врска, да поработите на себе и да се занимавате со активности кои ги сакате. Поминувајте време со пријателите и семејството, но и со вашите хоби и работи кои ве исполнуваат.

Психолозите објаснуваат зошто не е добро да користите бела постелнина во спалната соба

Слободанка Илиева — Fri, 08 Jul 2022 11:57:59 +0000

Белата постелнина е веројатно најзастапена во секоја куќа, но се чини дека оваа боја не е добар избор за спалната соба. Имено, бојата е важна за создавање на совршена средина за спиење. Добро е познато дека бојата на ѕидовите ќе влијае на тоа како спиете, но помалку луѓе знаат дека бојата на постелнината е подеднакво важна за добар ноќен одмор. Зошто никогаш не треба да користите бела постелнина? Додека многу студии сугерираат дека неутралните бои се најдобри за вашиот дом, експертот за спиење Дороти Чемберс вели дека спротивното е точно кога станува збор за постелнината. – Кога зборуваме за постелнина, најдобри нијанси се жолтата, портокаловата, црвената и црната. Избегнувајте бели и светло сини бои – вели таа. Се смета дека овие бои влијаат на ослободувањето на мелатонин, хормон кој се лачи во текот на ноќта. Овие бои можат да влијаат и на циклусот сон-будење. – Пред да ја преуредите спалната соба, размислете не само како бојата ќе изгледа на ѕидот, туку и како таа ќе влијае на вас – додава Дороти. Невропсихологот Александар Бургместер има сличен став. – Иако ткаенината и квалитетот на постелнината се важни, бојата е исто така многу важна за добар сон. Најдобро е да користите постелнина со потемна боја за подобар сон – вели Бургместер. Тој препорачува користење на еден од најпопуларните трендови и тврди дека сивата и темнозелена постелнина се одлични алтернативи за подобрување на навиките за спиење. Бургместер забележува дека екстремно светлите нијанси на постелнина често го нарушуваат сонот бидејќи можат да предизвикаат замор на очите додека се релаксирате, па затоа е подобро да изберете неутрални бои кои нема негативно да влијаат на вашиот сон. извор:курир.мк

Психолозите откриваат која особина е најважна за долга и среќна љубовна врска

Слаѓана Атанасова — Mon, 09 May 2022 13:00:00 +0000

Довербата, разменувањето љубов – се само дел од важните работи за среќна врска или брак. Доколку ги прашате експертите која е најважната особина која гарантирa долготрајна љубовна среќа, ќе се согласат дека станува збор за емпатијата. Eмпатијата можеме да ја дефинираме како способност за разбирање на туѓите чувства, сочувствување со нив и споделување на чувствата со другите. Таа е срцето на секоја врска, а без неа поединци не можат вистински да се поврзат еден за друг. До овие сознанија дошле докторите Џон Бовлбл и Мери Еинсворт и тоа истражувајќи ги однесувањата на бебињата и нивните родители. Истражувањето покажало дека децата чии родители не биле сочувствителни подоцна во животот имале проблеми со поврзување со другите, особено во контекст на љубовни односи. Човечките суштества се создадени за градење на врски, а емпатијата е многу важна. Доколку личноста не се сочувствува со другата половина, ѝ испраќа порака дека не ја почитува. Тогаш врската станува нестабилна и со текот на времето се распаѓа. Емпатијата е важна и кај двата пола, таа може да се развие, а обидите на градење на оваа важна човекова особина кај мажите се смета за позитивен сојузник на вистинската насока кон подобра и квалитетна врска, потврдила студијата на Здружението на американски психијатри со истражувачите од Харвард и колеџот Брин Мавр. Дури и доколку мажот не е емпатичен, неговата желба да се сочувствува со партнерката ќе го направи среќен и задоволен.

Одвојте време за себе: Пред да влезете во нова врска, психолозите советуваат да ги направите овие 4 работи

Слаѓана Атанасова — Thu, 05 May 2022 14:00:51 +0000

Психолозите велат дека овие навики за кои паровите не се свесни ја „убиваат“ страста меѓу нив

Слободанка Илиева — Wed, 26 May 2021 13:00:40 +0000

Научните студии кои биле објавени неодамна, откриле што ја „убива“ страста во љубовната врска и поради што луѓето сè помалку водат љубов со своите партнери. Имено, психолозите го следеле сексуалниот живот на неколку стотици учесници за да го откријат точниот одговор на ова прашање. Главната причина е недостаток на ентузијазам, а потоа на листата се нашле и недостатокот на приватен простор и време. „Недостатокот на секс и неразбирање во тоа подрачје по некое време може да ги раздвои луѓето и да доведе до други проблеми во врската. Откријте ги навреме таквите проблеми и на тој начин нема да се оддалечите од вашиот партнер“, вели авторот на истражувањето Менелеос Апостол. Имено, луѓето кои сфаќаат дека на нивниот партнер му недостасува ентузијазам кога станува збор за сексот, се чувствуваат „потплатено“. Една од многубројните причини е и поминување многу време на работа, а на четвртото место како причина се наведува и лошиот сексуален однос и неразбирање со партнерот околу тоа прашање. Освен тоа причини поради кои сексуалниот однос со партнерот со текот на времето ви станува непривлечен и не ви се допаѓа е и разликата во вашите карактери. Партнерите кои во меѓувреме станале родители велат дека немаат доволно време, а ниту простор за водење љубов. извор:точка.ком.мк

Психолозите откриле кој е клучот за зачувување на љубовта во долгите врски

Христина Ѓоргиевска — Mon, 24 Aug 2020 13:15:39 +0000

Дали некогаш сте се заљубиле во партнерот толку многу што мислите дека ќе трае вечно? И тогаш од година во година таа љубов почнува да бледнее и веќе не се тие чувства исти како порано. Зошто? Постојат многу длабоки причини кои одговораат на ова прашање, иако секако дека не секогаш е така. Можете да ја одржите вашата врска жива и возбудлива без оглед колку долго сте заедно, но прво треба да знаете зошто згаснува, а потоа треба да знаете што можете да направите поинаку – било во вашата тековна врска или во следната. Кога две лица се вљубуваат, тие се вљубуваат во она што го гледаат едни во други, односно она што мислат дека го гледаат едни во други или во луѓето какви што се претставуваат. Покрај тоа, честопати се вљубуваме во начинот на кој сме сакани, а не онолку колку што чувствуваме љубов кон другата личност. Но, ако секој партнер не ги исцели своите стравови – стравот од одбивање и стравот од губење на сопственото „јас“ во врската, овие стравови неизбежно ќе се појават во врската. Кога тоа ќе се случи, се појавува контролно однесување. Без разлика дали тоа е отворена контрола (како што е гнев или вина што произлегува од вознемирен стил на приврзаност што произлегува од страв од одбивање) или прикриена контрола (како што се договор, отпор или повлекување како резултат на стил на избегнување на приврзаност), контролата на однесувањето ги уништува чувствата на заљубеност . Да се одржува љубовта жива, значи дека кога се појавуваат стравови од губење на друг или губење на себе, вие одлучувате да ја користите врската за учење и заздравување, наместо да се заштитите од тоа што се плашите со вашите различни форми на контролно однесување. Како да ја одржуваме љубовта жива Клучот за зачувување на љубовта е новитетот што доаѓа од отворањето за учење за себе и за партнерот. Одржувањето на срцето отворено, учењето да преземат одговорност за сопствените чувства и стравови и поддршката едни на други во лекувањето на овие стравови е она што ја одржува љубовта жива. Оваа отвореност за учење не само што им помага на паровите да се „лекуваат“, туку секој член се развива во нивната способност да се види и да се цени себеси и другите. Оние што учат да се сакаат себеси, тогаш можат да ја споделат својата љубов едни со други, не секогаш обидувајќи се да имаат контрола над љубовта. Животот на љубовта потекнува од ново учење кое постојано се случува во љубовните врски кога секој партнер е отворен за учење да преземе одговорност за лекување на стравовите и лажните верувања кои водат до управување со однесувањето. Двојките остануваат лудо вљубени кога постојано учат за тоа како се сакаат себеси и другите, а отфрлањето на лажните верувања и третирањето на стравовите е првиот чекор во тоа. извор: Курир.мк