психијатар – Вистина.мк

Македонската фолкерка Марија Луиса Тодоровска објави контроверзна фотографија, па доби непристојна порака: Кој е лош, а кој за на психијатар? (ФОТО)

Антонио Димитриевски — Tue, 23 Nov 2021 08:20:53 +0000

Македонската фолкерка Марија Луиса Тодоровска полека почна да ja освојува и македонската престолнина, каде со своите настапи по најпознатите локали и кафеани во вечерните часови ја забавува публиката, односно посетителите. Иако е веќе доволно позната, сепак, кога ќе тргнеш да крстариш по Скопје и скопскиот ноќен живот и популарноста полека почнува да ти расте. А со порастот на популарноста, расте и љубомората, нетрпението, па дури и злобата и агресијата... Конечно, не може сите да те сакаат, особено не на овие простори, каде можат да ти простат се', само успехот - не! Особено не, доколку им дадеш повод за „плукање“, па тоа полека да прерасне во нешто, што повеќе има допирни точки со медицината, околку со естрадата, како во последниот случај на битолската пејачка. Имено, Марија на својот Инстаграм најпрвин објавила контроверзна фотографија на која на масата се гледаат сварени макарони во пластичен сад и вилушка, а покрај неа купчиња од ралични банкноти евра во кеш. Фотографијата саркастично пак потпишана: „Сиромаштија“! Веројатно сарказмот на битолската фолкерка некого го изневрвирал до таа мерка што сфаќајќи го како провокација во овие тешки времиња, решил на контроверзната фотографија да и одговори со непристојна порака. На истата пејачката „соодветно возвратила“, по што преписката преминала во „собрани дела“ од лични навреди од обете страни. До душа, оние на испровоцираниот или испровоцираната се малку повулгарни и во пожестоки дози, а оние на пејачката, повеќе како психијатриски препораки и дијагнози! Во секој случај брука, заради недолично Интернет препукување кое кулминира со скандалозно однесување и едно прашање: „Кој е овде лош, а кој за на психијатар“? Фото: Инстаграм ринтскрин/luisa.todorovska

Овие српски ѕвезди посетуваат психијатар: Штом им загусти во животот или се најдат во медиумски скандал, веднаш „трчаат“ на психотерапија

Антонио Димитриевски — Fri, 03 Sep 2021 11:11:50 +0000

Животот на многу естрадни sвезди, иако изгледа дека живеат без проблеми, не е баш бајка. Поради брзото темпо на живот, изложеноста во јавноста, тешката интеграција на семејството и работата, некои бараат помош од психотерапевти за да ги надминат проблемите и кризите што ги имаат што е можно полесно. Милица Тодоровиќ „Отидов и кај психолог и психијатар и мислам дека тоа е нешто што му треба на секој човек, бидејќи се среќаваме со разни проблеми што ги носи животот и честопати не можеме сами да ги решиме. Кај нас, луѓето имаат проблем да признаа, па се срамат да кажат дека биле на психолог или психијатар. Кога би сфатиле дека тоа е најдоброто нешто што можат да го направат за себе, дека одењето кај експерт е најдобрата потрошена сума, тогаш не би се срамеле“ - рече Милица и објаснува дека секогаш е подобро да се обратиме кај експерт. Емина Јаховиќ Емина Јаховиќ неодамна одлучи да започне психотерапија, а главна мотивација и беа синовите Јаман и Јавуз. Бидејќи вирусот е присутен насекаде, таа честопати има напади на паника, и се насобраа разни стравови што не може сама да ги надмине. Проблемот започна поради короната, а ја погодија и љубовните скандали, како и судењето со Мустафа! „Короната влијаеше врз сите, финансиски, но мислам главно психички, само луѓето откако ќе ги почувствуваат вистинските последици, потоа психијатрите ќе имаат полни раце работа“ - рече Емина неодамна. Славица Ќуктераш „Научив дека најмногу се сакам себеси и своето здравје, дека прво се грижам за менталната хигиена, а дури потоа се' друго и секако на крај: 'баш ме боли уво за луѓето'. Тие ме прават многу вознемирена и негативна. Ослободете се од токсичните луѓе, играјте, пејте, забавувајте се, дружете се со луѓе кои ве прават среќни и ви создаваат насмевка на лицето. Бидете креативни, не грижете се што мислат другите за вас. Вие сте важни за себе и за вашата среќа“ - вели Славица и додава: >„Мислев дека нешто не е во ред со моето здравје, па отидов кај општ лекар, кардиолог, не знам каде се' не отидов... За на крај сите да ми кажат дека сум апсолутно здрава, моето тело е младо, полна сум со сила, но знаев дека не сум добро и дека нешто не е во ред со мене. Ми требаа неколку месеци тортура додека не отидов на вистинското место - последното нешто што ми остана беше психијатар. Имав вознемиреност и напади на паника, што беше шок за мене. Ми рече дека тоа не е болест, дека е состојба и дека може да се лекува. Мојот третман траеше две години со терапија и разговори со психијатарот“ - рече таа во една прилика. Гоца Тржан Пејачката редовно оди на психијатар и призна дека терапијата е нејзиниот спас. „Немам проблем да признаам дека одам на психијатар и тоа треба да го направи секој што има дилема. Експертите постојат за да нe запознаат со себе и да најдат решение. Без разлика дали имам деловен или љубовен проблем, сметам дека одењето на психијатар е добар чекор кон негово решавање. Мојата работа е таква што многу работи во мојот живот се подредени на тоа“ - вели Гоца. Наташа Беквалац Наташа Беквалац, која беше против посета на психотерапевти, излезе дека честопати барала нивна помош во последниве години. Во последниве месеци, таа одеше на сесии затоа што ги остава цигарите. „Пречувствителна сум, затоа побарав помош од психотерапевт за да не бидам трајно емотивно оштетена. Со месеци спиев само два - три часа, се плашев да заспијам, бидејќи имав кошмари, се будев во пот, исплашена, исцрпена...“ - изјави во една прилика русокосата. Психијатар, психолог или психотерапевт посетуваат и други познати и јавни лица од српската естрада и не само од неа, како ТВ водителката Сања Маринковиќ, но и оние од посилниот пол, меѓу кои пејачите Бане Мојиќевиќ и Слоба Радановиќ, на пример. Фото: Инстаграм принтскрин

Силиконската стралета покрај телото, ја разголе и душата: Станија завршила кај психијатар! (ФОТО)

Антонио Димитриевски — Mon, 17 May 2021 10:32:52 +0000

Најпознатата српска старлета Станија Добројевиќ откри дека побарала помош од психијатар по учеството во реалното шоу. Станија беше гостинка во емисијата „Магазин Ин“ кај водителката Сања Маринковиќ, каде откри непознати детали од нејзиниот живот, што малкумина ги знаат. Имено, водителката ја праша својата гостинка дали некогаш побарала помош од стручно лице и психотерапија по излегувањето од реалното шоу, на што Станија одговори: „Побарав, ми беше многу тешко да се носам со разни написи во весниците и порталите кои главно беа измислени. Моето семејство страдаше поради тоа, го отворам весникот или кликам на Интернет, и плачам кога ќе видам што излегло за мене, и како тоа ќе го доживеат мајка ми и брат ми“ - рече старлетата и додаде: „Потоа отидов кај психијатар да видам дали сум целосно добро, а тој ми рече дека сум и дека сум здрава и дека не треба да земам лекови, а кога ги читам тие наслови, да ги доживувам како да е некој друг во прашање, по што почнав објавите се' помалку да ги сфаќам лично и трауматично“ - рече Станија во емисијата „Магазин ин“. Фото: Инстаграм принтскрин/stanijadobrojevic

Милица Тодоровиќ отворено призна: „Редовно посетувам психијатар“! (ФОТО)

Антонио Димитриевски — Wed, 17 Mar 2021 10:20:48 +0000

Српската пејачка Милица Тодооровиќ зборуваше за тоа колку оваа една измината година од пандемијата на коронавирусот влијаела врз нејзиниот живот. „Таа година би ја карактеризирала како општа катастрофа во секоја смисла. Да ја оставам настрана мојата работа која целосно страдаше, но ние поминавме страшен период кој сè уште трае и во кој изгубив многу пријатели во борбата со короната, што е трагедија. За мене, Ковид -19 е Чернобил на 21-от век и се надевам дека вакво нешто повеќе нема да ни се случи“ - вели Милица. Та отворено призна дека редовно оди на психотерапија. Пејачката откри дека со задоволство ја посетува ординацијата на психологот, секој пат кога ќе има проблем што не може да го реши самата. Поради тоа, Милица вели дека често плаче за време на сеансите, но дека сепак потоа и е полесно. „Одам,кај психолог и психијатар и мислам дека тоа е нешто што и треба на секоја личност, бидејќи наидуваме на разни проблеми што ги носи животот и често не можеме да ги решиме самостојно. Кај нас луѓето имаат проблем да признаат дека не можат да ги решат предизвиците што им ги носи животот, па затоа се срамат да кажат дека биле на психолог или психијатар. Ако сфатеа дека тоа е најдоброто нешто што можат да го направат за себе, дека одењето кај експерт се најдобро потрошени пари, тогаш не би се срамеле“ - порача Милица и објасни дека секогаш е подобро да се обратат до експерт , отколку самите во немоќ да очајуваат.

Милица Тодоровиќ по раскинувањето со актерот Петар Стругар: „Побарав помош кај психијатар“

Слободанка Илиева — Thu, 03 Dec 2020 11:52:42 +0000

Пејачката Милица Тодоровиќ признава дека отсекогаш сакала долги и стабилни врски, па така до 30-та година од животот, колку што сега има, беше во врска 13 години, а последната со актерот Петар Стругар, заврши неславно. Имено, пејачката истакнува дека има најголем страв од осаменост и дека по раскинувањето купила куче за да не биде осамена. - Мојата приказна со Петар заврши. Не гледам во минатото, туку само кон иднината. Гледаш, сега сум вистинска дама со куче. Не ми се допаѓа кога сум сама, искрено, најголемиот страв ми е од осаменост. Затоа сега имам куче и никогаш не ми е досадно - атрактивната русокоса ја започнува својата исповед за „Хит Информер“ и додава дека, кога и е најтешко, бара помош од психотерапевт:

View this post on Instagram

A post shared by Milica Todorovic (@milicatodorovicofficial)

- Тој многу ми помага. Кога и да ми треба разговор, одам кај него. Понекогаш се соочуваме со разни проблеми и не можеме да ги решиме сами. Кога луѓето би сфатиле дека одењето кај експерт е најдобрата потрошувачка на пари, тогаш не би се срамеле. Јас ги сакам тие сесии! Заминувам, ги предавам сите свои проблеми, понекогаш плачам, го симнувам товарот ...! Различно е отколку кога ќе му кажете на пријател, бидејќи цело време имате предвид дека доктор кој седи спроти вас. Ми се допаѓа и со задоволство би го препорачала на сите, завршува пејачката.

Дарко Лазиќ во нов проблем – страв од секс: Заради проблемите во спалната, пејачот на психијатар?

Антонио Димитриевски — Tue, 10 Sep 2019 08:21:32 +0000

Имено, Лазиќ не може да се опушти за време на сексуалниот однос заради постојаниот страв од повторна обнова на повредата и раната што ја здоби како резултат на сообраќајната несреќа, па можеби ќе треба да побара и стручна помош.

„Мојата Марина постојано се жали на фактот дека во последно време ретко имаме секс. Ова не беше случај пред да се случи сообраќајна несреќа. Проблемот е што кај мене постои голем страв од повреда на колкот за време на сексот, па не можам максимално да се опуштам. Повредите што ги имав се многу сериозни, па морам да внимавам на вишок тежина додека водам љубов“ - рече Дарко, додавајќи дека тој најмногу се плашел Марина да не го напушти.

„Нормално е таа да има свои потреби. Таа е млада, а сексот е составен дел на секоја врска. Разговарав со лекарите и ми рекоа дека нема потреба да се плашам. Но, стравот не можам да си го избијам од главата. Не можете против сопствената психа. Се' ќе дојде на своето место, но така е засега“ - додаде Лазиќ, велејќи дека не би се срамил да побара помош од психолог или психијатар. „Дефинитивно ќе се консултирам со експерт ако овој проблем не исчезне“- рекол Дарко.

Нова драма: Јелена Карлеуша завршила на психијатар! (ФОТО)

Антонио Димитриевски — Wed, 08 May 2019 09:01:56 +0000

Иако им се врати на работните обврски, настапите и жирирањето во "Ѕвездите на Гранд“, Јелена Карлеуша уште не може да се опорави од смртта на мајка Дивна.

Имено, како што открива српскиот ВИП магазин, пејачката од смртта на мајка и постојано е на лекови за да може да функционира, но по земањето на истите, таа почнала да чувствува проблеми и одлучила да посети психијатар.

Пејачката мислела дека лековите ќе и помогнат и не сметала дека ќе и биде од нив лошо, ниту пак дека ќе има некакви несакани дејства и последици. На почетокот, таа дури и не сакала да признае дека лековите и создаваат мачнина и од нив има вртоглавица, но кога ја нападнала нејзината блиска соработничка дека ги открива нејзините тајни и ја издава, сите сфатиле дека наглата промена на расположението и честите параноји се од лекарствата што ги пие.

„Бидејќи Јелена е многу ранлива и чувствителна таа често има бурни реакции, па нејзините блиски пријатели се согласиле да и кажат дека треба да побараат стручна помош“ - вели изворот и додава:

„Карлеуша остана глува на нивните барања, но по расправијата со соработничката и низата обвиненија, кои на крај се покажаа како крајно невистинити, таа и самата сфати дека претерала и дека мора да се лекува“.

На терапија кај Дарко Јефремов: Чикашкиот камионџија како психијатар… во видеопорака им го кажа лекот на оние што „киснат“ на социјалните мрежи! (ВИДЕО)

Антонио Димитриевски — Mon, 25 Mar 2019 08:52:32 +0000

Чикашкиот камионџија со американска „драјв лиценца“ и македонски пасош, Дарко Јефремов, познат како Дарко Влогс постираше нова видопорака на својот Инстаграм профил. Човекот кој социјалните мрежи и го направија „ѕвезда од камионџиската кабина“, овој пат има што да им каже токму на оние кои „киснат“ на нив.

Ним и на нивните негативни коментари, со теорија дека социјалните мрежи влијаат на психичкото здравје. Особено ако се полни со „плукање“ по разно-разни основи, негативните коментари зрачат негативна енергија која лошо влијае врз психата и психичкото здравје на оние кои ги читаат и следат!

Така, поучен од сопственото искуство, Даре - „драјверо“ , стана психолог... Море, психијатар од зад воланот! Па, „Др. Јефремов“ испрати видеопорака за колективна терапија на нацијата која е плукачки расположена на Интернет! Чарето од првата видеосеанса од камионџиската кабина е содржано во епилогот на видото.

View this post on Instagram

⚠️⚠️⚠️ Социјалните мрежи влијаат на вашето психичко здравје! Не ширете негативна енергија, и негативни коментари! Дојдени сме во време каде лајковите ни го контролираат егото и карактерот. Бидете позитивни! Ве молам ! ❤ #influencer #socialmedia #staypositive #positivevibes #positivity #darkovlogs

A post shared by Darko Jefremov (@darkovlogs) on Mar 24, 2019 at 12:22pm PDT

„Олабајте“! - кратко и јасно, со еден збор нашиот „Фројд од Чикаго“ им го кажа лекот на зависниците од социјалните мрежи! Патем, препишаната терапија до нив, а препорачана превентивно и до сите други што живеат за лајкови, гласи:

Ама како што во секое правило постојат исклучоци, „чикашкиот психијатар“ уште во стартот се огради од две личности на кои терапијата не делува.

Непишано правило е дека секој лекар баш и не се држи до правилата и протоколите во медицината, кога е самиот тој во прашање, па така и „Др. Јефремов“ се оградил од самиот себеси... И уште само од една личност, која според него, негативната енергија не ја допира или што би рекле, „мува не го лази“... Не барем кога се во прашање негативните коментари! И неговите и оние против него! Во прашање е Сергеј Варошлија!

Кој сфатил-сфатил... Кој не, ќе мора „на терапија“ лично кај камионџијата... На сеанса во кабина... зад воланот!

Карлеуша во лоша состојба, Тошиќ стравува за нејзиниот живот, а еве што вели и психијатарот (ФОТО)

Антонио Димитриевски — Fri, 15 Mar 2019 12:20:23 +0000

Душко Тошиќ му се доверил на својот пријател дека не се враќа во Кина, бидејќи неговата сопруга Јелена е во многу лоша состојба по смртта на нејзината мајка и и' помага да се опорави од загубата. Јелена има тешкотии по смртта на нејзината мајка и никако не доаѓа до себе. Таа се' уште е во тешка ментална состојба. Не сфаќа дека Дивна веќе ја нема. Постојано плаче и пие седативи. Таа речиси не зборува со никого. Душко никогаш не ја видел во таква состојба. Тој ја разбира нејзината болка и сака да и помогне. Тој најдобро знае во колку добри односи биле Дивна и Јелена, и колку пати таа плачела додека нејзината мајка се борела со ракот на белите дробови. Јелена постојано велела дека нема да може да поднесе ако Дивна умре, па затоа Душко се плаши дека сега може да направи нешто лошо за себе“ - вели изворот.

Саша Поповиќ ден пред смртта на Дивна ја посетил Јелена. „Таа беше толку поврзана со нејзината мајка што секогаш велеше: Доколку мајка ми умре, јас ќе се убијам“! Ирена Поповиќ, психијатар Клинички центар "Д-р Лазар Лазаревиќ" кажува дека луѓето кои загубиле некој близок поминуваат низ неколку фази на опоравување. "Тагата е примарна емоција која ни помага да ја прифатиме тешката загуба на лицето или на врската. Времетраењето зависи од поединецот, но можеме да кажеме дека обично трае од шест месеци до една година. Кога тагата по загубата трае подолго од овој период или со неа се појави и пад на самодовербата, а потоа можеме да зборуваме и за депресија. Нормално тагата има свои фази. Првата фаза е шок, а потоа неверување, фазата на лутина или бес, но подоцнежните фази се фази на прифаќање и реинтеграција. Успешното завршување на процесот на тагување доведува до созревање на личноста и психолошка раст. Крајот на тагувањето е моментот кога загубата што настанала може да се стави во контекст на животот и да се продолжи со истиот, иако таа празнина ја носиме во себе цел живот“. Фото: Е-сток

Зборовите на познатиот психијатар кои допираат до секој човек…

Горан Силјановски — Thu, 22 Nov 2018 14:02:46 +0000

Мислите на познатиот италијански психијатар Виторино Андреоли предизвикаа големи полемики. На многумина не им се допаднаа неговите размислувања за луѓето, но има и луѓе кои се согласуваат со него и се поклонуваат пред неговата храброст. Во која група припаѓате вие? „Живееме во општество во кое доминираат фрустрации. Главното чувство е дека сме исклучени, несигурни, се плашиме. На тој начин, фрустрациите се натрупуваат, а тоа се претвора во бес. А што ни носи бесот? Желба да уништиме сѐ. Нашето време не е насилно, туку деструктивно. Тоа ја убива надежта и довербата и ја промовира самотијата. Живееме во време на глупости. Нерационалноста се истакнува. Апсурдот доминира. Нема чувство за морал. Во овој историски момент во кој доминира апсурдот ние сме „homo stupidus stupidus stupidus”. Секој мисли само на себе. Никој не мисли дека сме Држава. И тоа е глупаво. Ако денес некој не е глуп, тој не може да живее во ова општество.“ Тој исто така ја истакнува најголемата грешка на феминизмот од 70 години на минатиот век, а грешката е во тоа што мажите биле исклучени од тој бран. И зошто тој вели дека само глупаците можат да бидат среќни? „Денес многу се зборува за среќата, но среќата е индвидуална работа. Тоа е позитивно, пријатно чувство кое ти припаѓа само на тебе. Радоста од друга страна е состојба која се однесува на нас: јас со некој друг. И ние можеме да почувствуваме радост како поединци, но секогаш се однесува на група. Денес само глупаците можат да бидат среќни. Ние сме дел од едно многу сложено општество, затоа што тоа општество не ја зема предвид состојбата на другите луѓе. Како да бидеш среќен кога секојдневно гледаш луѓе како страдаат?“ На прашањето кои се господарите на денешницата, тој вели: „Економијата зависи од 20-25 луѓе. Повеќето од нас кои сме „Никој и ништо“, живееме тешко, додека останатите не знаат да живеат затоа што имаат премногу. Земето го Марк Закерберг за пример. Обрнете внимание на него, тој изгуби 100 милијарди долари за еден ден. И знаете што рече? „Тоа за мене е ништо.“ Ете така станувам несреќен и малку лут.“