првпат – Вистина.мк

МКЦ за првпат е домаќин на „Лајвјуроп“ фестивал

Антонио Димитриевски — Thu, 24 Nov 2022 12:31:02 +0000

Во Младинскиот културен центар (МКЦ) во Скопје првпат ќе се одржи Фестивалот „Лајвјуроп“ откако МКЦ стана полноправна членка на реномираната мрежа на концертни сали во Европа.

„Лајвјуроп“ е мрежа на легендарни концертни сали меѓу кои и Melkweg (Амстердам), Vega (Копенхаген), Ancienne Belgique (Брисел) и други дваесетина препознатливи и популарни сали, кои се од огромна важност за функционирањето на европската музичка индустрија, информираат од МКЦ.

Оттаму велат дека од регионалните концертни сали, кои ја имаат таа привилегија да се дел од оваа позната асоцијација беше единствено културниот центар „Кино Шишка“ од Љубљана, а сега веќе заедно со МКЦ и „Мочвара“ од Загреб. „Лајвјуроп“ фестивалот се одржува во рамки на ПИН музичката конференција и “шоукејс“, која своето деветто издание традиционално ќе го одржи од 24 до 26- ноември во МКЦ. Во рамките на ПИН се најавени 250 гости, односно најрелевантните имиња во музичката индустрија (букери, промотери, новинари, агенти) и на најактуелните музички таленти од Европа, регионот и од кај нас. Во текот на овие три фестивалски дена, сите посетители ќе имаат шанса да ја проследат дневната панел програма во Кино Фросина, каде ќе се дискутира на топ теми во индустријата, трендови поврзани со музичката сцена, продукцијата, културата и сите влијанија на истата.

Андрија Милошевиќ стана татко за првпат,еве кое име го одбра за наследникот

Христина Ѓоргиевска — Sat, 26 Feb 2022 08:12:40 +0000

Актерката Александра Томиќ и актерот Андрија Милошевиќ за првпат станаа родители. Александра се породила со царски рез и на свет донесе момче за кое го одбраа името Реља. Инаку, името Реља е популарно машко име кое припаѓа на традиционалните и старословенските имиња, познато од античко време и често им се дава на машките деца, а особено е популарно во последните години во Србија. Името Реља има значење – „некој кој е вредан како злато“ „некој кој е полн со енергија“. Наследникот на популарниот пар се родил 3 килограми и 300 грама. фото: инстаграм/andrijamilosevic_official

Која од која е поубава: Мими Јовановска за првпат ја покажа сестра си (фото)

Христина Ѓоргиевска — Sat, 08 Jan 2022 08:33:35 +0000

Младата талентирана пејачка од Велес, Мими Јовановска стана позната по нејзиното учество во регионалното музичко шоу „Ѕвездите на Гранд“. Имено, кога Мими првпат се појави на сцената во „Гранд“, жирито не беше баш воодушевено, но Џенан Лончаревиќ прифати да биде нејзин ментор, па Мими во секој круг беше се подобра и подобра. Таа посебно воодушеви кога отпеја песна од Уснија Реџепова, па жирито стана на нозе и ја пофали дека така се пее. Мими од круг во круг беше се подобра, но испадна пред финалето. Во една прилика, таа истакна дека нејзината мајка ја пријавила за музичкото шоу. Велешанката е активна и на социјалните мрежи, па често знае да сподели фотографии од себе, или да отпее некој популарна песна. Кога пак станува збор за приватниот живот, таа не сака многу да зборува. Во една прилика, откри дека е во врска со Филип Нуне со кој е заедно повеќе од 3 години. Сепак, овој пат младата пејачка на „Инстаграм стори“ ја покажа си сестра си Марија Јовановска Двете сестри нашминкани, средни, дотерани, заедно позираа пред објективот на камерата. Сигурно во директни пораки добиле еден куп позитивни коментари за нивниот изглед. „Сестра“, напиша покрај објавата. Инаку, Јовановска неодамна го прослави својот 21 роденден. Дали пејачката ќе се пријави за следната сезона на „Ѕвездите на Гранд“, остнаува да видиме. фото: инстаграм/мими јовановска

Живко Динев – екс „Браво бенд“ стана татко: Прва, па двојна радост – Жика и неговата сопруга Ана добија близначки (ФОТО)

Антонио Димитриевски — Thu, 16 Dec 2021 08:13:00 +0000

Бившиот басист и вокал на „Браво Бенд“, пејачот Живко Динев, стана татко за прв пат. Прва, па двојна радост кај Жика, како што сите го викаат и неговата сопруга Ана Колевска Динев, кои по осум години во брак, ги добија близначките Мила и Миа. Двете мали принцези се долго очекуваната круна на нивната љубовна врска и хармоничен брак. Ана и Жика долго чекаа на проширувањето на семејството кое може да се каже дека дури сега е комплетно со доаѓањео на свет на двете ќеркички. Сега се тие најважните, центарот на нивниот универзум околу кои веќе почна се' да се врти, иако како што велат старите, ако штркот еднаш долетал, можеби ќе долета и друг пат. Но, за тоа потоа, сега се најважни Мила и Миа! Сопругата на Жика, Ана, двете мали убавици на свет ги донела со породување во Клиниката за гинекологија и акушерство при Клининичкиот центар „Мајка Тереза“ во Скопје и мајката и двете ќеркички се во најдобар ред. Инаку имињата малечките наследнички ги добиле откако кумот и кумата кажале како двете девојченца ќе се викаат. „Кажи куме име“ и кумот и кумата кажаа... И тоа не едно, туку две: Мила и Миа се новите членки на среќната фамилија. И пред мајката и двете ќеркички да си дојдат дома, Жика, кој ионака е познат и самиот по веселиот дух, секогаш расположен и насмен, овој пат наместо тој да ги забавува и весели другите, заедно со браќата, дел од семејството, другарите, пријателите, колегите... и самиот се веселеше до зори, прославувајќи го еден од најсреќните и најрадосни денови во неговиот живот. По доаѓањето на сопругата и ќеркичките дома, следуваат „слатките обврски“ околу приновите, но и работните, зашто Жика заедно со својот придружен бенд музичари се речиси „распродадени“ уште отсега за деновите пред новогодишните празници, а и во деновите по Нова Година, кога продолжува божиќната магија, која ќе ја замени новогодишата еуфорија. Како и да е на Жика и неговата Ана им останува да уживаат во она што во животот е најслатко - за прв пат да се биде родител, горди мајка и татко! Нека им се живи и здрави наследничките! Фото: Фејсбук принтскрин/Zivko Dinev

Андрија Милошевиќ ќе стане татко: Актерот и неговата партнерка го очекуваат своето прво дете

Христина Ѓоргиевска — Wed, 06 Oct 2021 08:35:36 +0000

Андрија Милошевиќ ќе стане татко на 46 години: Актерот и неговата партнерка го очекуваат своето прво дете Актерот Андрија Милошевиќ и неговата долгогодишна партнерка Сандра Томовиќ кои околу една деценија живеат заедно, ретко зборуваат за својот приватен живот. Aндрија и Сандра сега имаат убав повод за радување, односно по нивната долга врска, ќе станат родители за првпат. Сандра е во петиот месец од бременота, пишува блиц.рс „Кога дознаа дека ќе станат родители, Сандра и Андрија скокаа од задоволство. Тоа им беше голема желба која сега им се исполни. Многумина тврдат дека ќе бидат грижливи родители, а тоа се гледа кога се со децата на нивните пријатели. Сандра одлучи да се повлече од театарот за да ужива во бременоста. Среќните вести ги споделија само со најблиските“, вели извор за блиц.рс Ниту Александра, ниту Андрија не огласија по повод овие пишувања. Меѓутоа, претходно тие отворено зборуваа за желбата да станат родители. „Апсолутно сум подготвен да станам татко и не се плашам од тоа. Сакам да се случи тоа. Животот ве води на разни страни, а потоа едноставно ќе дојде момент кога ќе помислите на тоа. Поточно, животот треба да го живеете без калкулации. Не може ништо да калкулирате, посебно не кога ќе имате деца. Се мора да биде од љубов“ изјави Андрија во една прилика и откри дека однапред знае каков татко ќе биде. „Немам правило за воспитување на деца. Знам каков ќе бидам, ќе се растопам како чоколадо пред детето“, изјави актерот. На прашањето кога ќе стане татко дали ќе се промени или ќе остане ист, тој вели: „Не дај Боже да се променам. На детето не му требам како некој друг, туку таков каков што сум“. Андрија и Сандра се во врска околу 10 години. Актерот во 2014 година изјави дека Сандра е исполнување на неговиот сон. „Сандра и јас сме заедно повеќе од една година и уживаме во љубовта. Секој слободен момент го поминуваме заедно и се трудиме да го искористиме времето и покрај сите работни обврски. Многу патуваме, го поминуваме времето заедно и можам да кажам дека во Сандра најдов сė што барав во една девојка. Парот не се огласи по повод овие пишувања. фото: Инстаграм/андрија милошевиќ/ата имагес

За “Годишниот конкурс за проекти од национален интерес во културата“ за првпат ќе се аплицира електронски

Антонио Димитриевски — Tue, 05 Oct 2021 12:23:50 +0000

За Годишниот конкурс за поддршка на проекти од национален интерес во културата за 2022 првпат ќе се аплицира електронски. Електронската апликација е отворена од 4-ти октомври, од 11 часот, а ќе биде затворена на 6-ти ноември во 12 часот напладне.

Од 4-ти октомври, до 6ти ноември е рокот за пријавување на Годишниот конкурс за поддршка на проекти од национален интерес во културата за 2022 година. Рокот за пријавување е продолжен бидејќи од оваа година, за првпат, аплицирањето ќе се одвива електронски. Со тоа, ставаме крај на оние долгогодишни недостоинствени редици пред Министерството за култура – рече министерката за култура Ирена Стефоска на денешната прес-конференција по повод објавувањето на Годишните конкурси на Министерството за култура.

Електронската апликација е направена на колку што е можно поедноставен начин – посочи Стефоска и додаде дека веќе се направени и обуки во Центрите за култура низ повеќе градови и во Скопје.

Со оваа апликација се забрзува целиот процес – од пријавување до изготвување решение. Да напомнам дека со затворањето и испраќањето на пријавата, секој корисник автоматски добива архивски број на неговата е-адреса. Со тоа се избегнува метежот пред архивата на Министерството за култура, физичкото поднесување на документи и, што е многу важно, времето за евалуација на поднесените пријави се скратува за десетина илјади работни часови или во целиот процес се кратат два месеца поради досегашното рачно заведување на пријавите – рече министерката за култура Стефоска.

Министерката за култура низ бројки ги презентираше придобивките од електронската апликација.

На последниот конкурс имавме над шест илјади пријави. Секоја поединечно, рачно се заведуваше во архивата. Секоја од тие 6000 пријави рачно се проверуваше дали е комплетна. Потоа, секоја од тие 6000 пријави рачно се проверуваше дали соодветствува на поставените услови по дејност и секоја пријава рачно се внесуваше во компјутер. Така минуваа 60-ина дена само за таа процедура. Сега тоа е минато и е направено во полза, пред сè, на оние што конкурираат. Она што е особено важно е дека електронската апликација ја елиминира можноста за злоупотреба, односно да се менуваат или да се додаваат документи откако е завршено пријавувањето. Со тоа го елиминираме и секој сомнеж за евентуално коруптивно однесување при овој процес – појасни Стефоска.

Првпат ќе застане пред „музичкиот суд“ во „Гранд“: Овој Македонец е еден од учесниците во новата сезона на „Ѕвездите на Гранд“

Христина Ѓоргиевска — Thu, 16 Sep 2021 07:12:21 +0000

Неодамна започнаа снимањата на новата сезона на регионалното музичко шоу „Ѕвездите на Гранд“. Оваа година во музичкото шоу ќе има промени, како промена во жирито, така и промена во правилата. Имено, Јелена Карлеуша ги напушти „Ѕвездите на Гранд“, а на нејзино место дојде фолк ѕвездата Цеца Ражнатовиќ. Покрај тоа, во првиот круг жирито нема да може да ги види кандидатите, туку пред нив ќе има ѕид кој ќе се крева и спушта во зависност од гласовите. Исто така во првите 3,4 круга нема да има стари претставници од музичкото шоу туку ќе бидат потполно нови учесници кои досега не се појавиле на сцената на Гранд. Еден од нив и е Македонецот Омар Џаферовски. Тој на својот „Инстаграм“ објави фотографија пред постерот на „Ѕвездите на Гранд“, а во описот напиша: „Останете така“. Омер доби поддршка од нашо пејачи, кои исто така имаат учествувано во музичко шоу меѓу кои Лина Пејовска, Огнен Здравкоски.... Ова е негово прво појавување во „Ѕвездите на Гранд“, а како ќе помине останува да видиме. Инаку Омар Џафероски, роден на 26.06.2001 година во Чикаго, САД. Живее во Скопје, Завршил нижо (основно) музичко училиште во ДМБУЦ “Илија Николовски Луј” во Скопје, на инструмент пиано. Уште од најрана возраст учествува на детски фестивали “Супер Ѕвезда”, а на меѓународниот арт фестивал “Езерски Бисери” во Струга освоил “Лауреат 3 степен”. Учествувал на повеќе локални, регионални и училишни натпревари и има освоено видни резултати. Исто така ја претставуваше Македонија на интернационалниот фестивал “Каунас талент” во Каунас, Литванија. фото: принтскрин/инстаграм/омар џаферовски/звездегранда

Александра Јанева ретко споделува приватни моменти, но сега „срце отвори“ и за првпат го покажа момчето (фото)

Христина Ѓоргиевска — Mon, 26 Jul 2021 07:07:40 +0000

Младата и талентирана пејачка Александра Јанева важи за еден од подобрите и поквалитетни вокали на музичката сцена. Без разлика дали ќе отпее своја песна, или пак ќе сними “кавер“ за некоја позната песна, таа дефинитивно има талент или дарба за пеење. Во октомрви претходната година таа го издаде албумот „Отвори срце“, кои наиде на одличен фидбек кај македонската публика. Јанева тогаш „отвори срце“ за музиката, но и дали за љубовта? Имено, на почетокот на пандемијата за македонските медиуми, изјави дека не е заљубена и дека нема момче. Сепак, отогаш па досега изгледа дека работите се промениле, па пејачката го “отвори срцето“ и на љубовен план. Иако, на својот „Инстаграм“ не споделува приватни моменти, овојпат таа реши да обзнани да е заљубена и за првпат го покажа момчето Иван Ангелов.

View this post on Instagram

A post shared by Ivan Angelov (@angelov11)

Пејачката објави неколку фотографии од неа и саканиот со кој позираат на зајдисонце, а во описот напиша „Бркајќи го зајдисонцето“. Од друга страна пак и Иван на својот профил сподели неколку заеднички фотографии од летниот одмор со нашата пејачка.

View this post on Instagram

A post shared by Ivan Angelov (@angelov11)

Kолку време парот е не знаеме, но она што е очигледно според фотографиите уживаат еден покрај друг во летните денови, а карантинот имал позитивно влијание врз пејачката, конечно „се врати сонцето“ во нејзиниот љубовен живот. фото: инстаграм/александра јанева

Дојде да ја „гледа“ или да ја „слуша“ сопругата: Душко Тошиќ по долго време се појави на настап на Карлеуша (фото)

Христина Ѓоргиевска — Thu, 08 Jul 2021 09:58:00 +0000

Душко Тошиќ по долго време се појави на настап на Јелена Карлеуша во Белград. Познатиот фудбалер сам пристигнал на сплавот, максиманално среден.За ова прилика, тој се појавил во панталони и раскопчама кошула. Со оглед на тоа што Јелена и Душко долго време не се видено заедно, по речиси 3 години ова е првпат Тошиќ да се појави на нејзин настап. Во доцните вечерни часови на социјалните мрежи можеа да се прочитаат коментари на нивните фанови кои велат дека ова е одговор на нивните хејтери кои постојано ги разведуваат. Потсетуваме, Јелена и Душко последен пат беа видено заедно во Истанбул каде што го прославија „Денот на вљубените“ во февруари 2021 година. Претходно заедно беа видени на роденденската прослава на Тошиќ. фото: приватна архива/ата имагес/ инстаграм/јелена карлеуша

Neuron English 2021 летен камп за прв пат во Македонија

Антонио Димитриевски — Wed, 16 Jun 2021 09:49:31 +0000

Брендот Neuron English е добро позната марка во неколку земји низ светот. Во Neuron English се вкрстуваат когнитивните јазични вештини, како и јазикот за да му овозможат на секое дете да научи англиски јазик. Ние користиме игри базирани на невронауката Неурон со помош на часови предводени од стручни професори, обучени за истите. Се работи за еден вид летен камп, поразличен од летните кампови што се одржуваат во нашите земји. Neuron English за прв пат се воведува во Македонија, а истиот ќе се одржи во Скопје, во населбата Аеродром, почнувајќи од 21 јуни до 16 јули. Кампот трае 4 седмици,во кои децата добиваат часови од понеделник до четврток од 9 до 12 часот, а во петок имаат научна екскурзија поврзана со темата. Деца на возраст од 6 до 14 години можат да учествуваат во кампот. Цената е 20 евра неделно, многу пониска во споредба со другите земји, за да може секој да земе учество и да се запознае со тоа што го нуди Neuron English кампотДецата според програмата на Кембриџ ги учат професори кои се стручно обучени за истата, професор Љупка Наскова Љубисављевиќ и професор Теодора Ингилизовска, кои за прв пат го воведуваат Неурон кампот во Македонија, со цел да им помогнат на децата во раната возраст полесно да го научат англискиот јазик. Покрај учењето, децата добиваат дружење, социјализација, едукативни екскурзии, развој на логички и когнитивни вештини преку онлајн платформата за учење. Децата со овој летен камп добиваат сертификати директно од Велика Британија. Neuron English Macedonia | Facebook е страницата на Neuron English во Македонија.