прво – Вистина.мк

Пет совети за првото сексуално искуство во животот

Христина Ѓоргиевска — Tue, 12 Oct 2021 13:15:15 +0000

Не постои универзален рецепт за успешен прв сексуален однос во животот, важно е првото сексуално искуство да биде што повеќе пријатно. Со вистинските совети може да се постигне тоа.

1. Големи очекувања, големи разочарувања

Не се фокусирајте на тоа што сте го чуле на телевизија или сте го прочитале на интернет или во книгите кога станува збор за губење на невиноста. Сите искуства се различни. „Очекувањата се секогаш различни, првиот пат не е секогаш најпријатен. Покрај сите работи и искуства кои сте ги слушнале, не мора да значи дека е така“, вели д-р Емили Морс и додава дека во текот на првиот однос не мора да има ниту многу крв ниту силна болка.

2. Размислете каков секс сакате

Пред сè, размислете што сакате, дали првиот секс за вас значи соблекување пред партнерот, орален секс, пенетрација, бидејќи нема никаква цел што треба да се достигне. Сè зависи од вас и вашите желби. Ако не сте сигурни што сакате првиот пат, дајте си време и откријте што ви годи. Опуштете се, истражувајте го вашето тело и тоа ќе ви покаже што му се допаѓа.

3. Одберете партнер на кој му верувате

Ако партнерот ве брза и врши притисок што побрзо да имате секс кога вие не сте подготвени, значи не сте го направиле вистинскиот избор. Не мора да бидете во врска со таа личност, важно е покрај него да се чувствувате сигурно и пријатно, да имате доверба.

4. Посветете се на предиграта

Уживајте во бакнувањето, галењето, допирите. Колку сте повеќе возбудени, толку полесно ќе се опуштите и ќе уживате.

5. Безбеден секс

Пред да преминете во акција одлучете се за контрацепција за да не ризикувате непланирана бременост и сексуално-преносливи болести. Информирајте се за видовите сексуална заштита и евентуалните ризици. извор: кајгана

Новата студија открива кога е најздраво да се консумира утринското кафе – пред или по појадокот?

Христина Ѓоргиевска — Mon, 09 Nov 2020 13:00:22 +0000

Лошо сте спиеле и сте се разбудиле уморни. Секако, првото нешто што го правите е „посета“ на кујната и припрема на вашето прво утринско кафе кое прописно ќе ве разбуди. Но, новата студија на универзитетот во Бат открива дека тоа можеби и не е толку добра идеја. Имено, заклучокот на истражувачите кои работеле на ова истражување е дека консумирањето кафе пред појадок ја намалува соодветната реакција на организмот на покаченото ниво на шеќер во крвта, поради што тие препорачуваат да се пие кафе по, а не пред појадокот. Во оваа научна студија учествувале 29 здрави возрасни луѓе кои биле субјекти на 3 различни експерименти помеѓу кои поминало најмалку една недела. Во првиот од нив, доброволците биле замолени да спијат од 23 часот до 7 часот наутро, а кога ќе станат да консумираат шеќерна напивка со ист број калории како типичен појадок. Во вториот експеримент, истражувачите ги буделе на секој час сред ноќ и барале од нив да им одговорат на порака. И во овој случај, доброволците добиле задача да испијат шеќерна напивка по станувањето. Третиот експеримент бил сличен на вториот, со тоа што неговите учесници морале да испијат кафе пред да консумираат шеќерна напивка. Кога ги анализирале резултатите на овие 3 експерименти, истражувачите дошле до заклучок дека една непроспиена ноќ сама по себе не го нарушува функционирањето на организмот и неговата реакција на покаченото ниво на шеќер во крвта. Меѓутоа, тоа не важи во случајот кога луѓето го пијат своето утринско кафе пред појадок. Реакцијата на организмот на покаченото ниво на шеќер во крвта тогаш доцни, што секако не е добро за нас, особено ако сме имале појадок богат со јаглехидрати. Пораката на оваа студија е јасна: Воздржете се од пиење кафе пред појадок! Подеднакво ќе ви годи една шолја од оваа топла напивка и откако веќе сте јаделе, а со тоа сигурно нема да си го нарушите здравјето. Извор: точка.мк

Првото велигденско јајце е најважно, ова треба да го направите со првото јајце од лани

Христина Ѓоргиевска — Wed, 15 Apr 2020 12:45:45 +0000

На Велики четврток се фарбаат велигденските јајца, а главното прашање кое се поставува е што се прави со првото јајце од минатата година кое домаќинките го чуваат. Првото јајце се чува додека не се офарба ново прво јајце, а тоа важи за чувар на куќата. Старото јајце се фрла во река за да го однесе сето зло од дома. Ако нема река во близина се фрла што подалеку од домот. Обичајот е на утрешниот ден да се офарбаат барем три црвени јајца, а првото да го оставите на некое место во домот каде ќе остане до следната година. извор: Курир.мк

„Првото бебе во светот зачнато со ин витро“ наполни 40 години

Горан Силјановски — Fri, 27 Jul 2018 12:32:02 +0000

Пред 40 години се роди првото бебе зачнато со вештачко оплодување и влеа надеж кај илјадници парови кои се бореа со неплодност. Луиза Браун, која е првото „бебе од епрувета“, вчера го прослави својот 40. роденден. Ин витро фертилизацијата е генијално откритие на британскиот физиолог Роберт Едвардс и благодарение на револуционерната метода на вештачко оплодување, до денес се родени околу 8 милиони бебиња во светот. Лесли Браун, мајката на Луиза, имала непроодни јајцеводи и не можела да остане бремена. Таа и нејзиниот сопруг Џон 9 години очајно се обидувале да имаат дете. По бројни докторски прегледи, Едвардс и гинекологот Патрик Стептоу решиле да се обидат да им ја исполнат животната желба на Лесли и Џон. Тие извадиле јајце клетка од Лесли, ја оплодиле со сперма од нејзиниот сопруг во лабораториски услови и ја поставиле во нејзината матка. Оплодувањето било успешно и Лесли се породила со царски рез на 25 јули 1978 година. Луиза се родила тешка 2,61 килограм.

Пред четири децении, веста за раѓањето на првото „бебе од епрувета“ беше дочекана од една страна со радост и возбуда, но од друга со критики и страв за човештвото. Иако многумина стравуваа за здравјето на бебето зачнато по вештачки пат, Луиза одлично напредуваше. Таа има помлада сестра која исто така е „бебе од епрувета“. Луиза денес е мајка на две деца, кои ги добила по природен пат. За своето достигнување, Роберт Едвардс доби Нобелова награда за медицина во 2010 година. фото:фемина.мк

Ева Лонгорија стана мајка, а еве кое име му го даде на синот!

Христина Ѓоргиевска — Wed, 20 Jun 2018 09:09:06 +0000

Познатата актерка се породи во Лос Анџелес, а се помина во најдобар ред. Ева Лонгорија и нејзиниот партнер Хосе Антонио Бостон се пресреќни поради нивниот нов член, а самата актерка истакна дека е благослов што станала мајка. Еве Лонгорија во вторникот стана мајка на своето прво дете, односно син, а гордите родители му го дадоа името Сантијаго Енрике, пренесуваат медиумите.

Ева и Хосе имаат по еден брак зад себе. На Ева е ова е прво дете, додека Хосе од првиот брак има три деца.