први мај – Вистина.мк

„Од родителите заработував три пати повеќе“: Ана Николиќ се присети на нејзината прва работа пред да стане позната пејачка (фото)

Слаѓана Атанасова — Tue, 02 May 2023 10:43:52 +0000

Ана Николиќ последниве години не работи толку често како порано и е посветена на својата ќерка Тара, а еднаш реши да заработи и да се вработи за време на летниот одмор. Ана Николиќ, први мај со семејството го славеше како голем празник, но денес открива дека тоа е единствениот ден кога работи. Како што вели, никогаш не трчала по пари, па избира кога ќе настапи, а во последните години се повеќе се одмара. „Претежно одмарам, работам само на први мај. Не сум работник како порано. Порано, пеев седум ноќи неделно. Бидејќи е тешка физичка работа, решив да успорам.Сега работам колку што сакам. За среќа никогаш не сум трчала по пари па имам луксуз да пеам само кога тоа ми носи задоволство.Публиката ја чувствува таа емоција и затоа ги доживува сите етапите од мојот живот со мене“, вели Ана, која не е од оние кои се прејадуваат за празниците: „Не, затоа што мразам да слабеам повторно и повторно. Во животот изгубив 500 килограми досега“. Исто така, ги менува сијалиците во куќата, но не работи класични машки работи. Една година е без дадилка, па вели дека станала слугинка на Тара: „Сама правам се низ дома, санитарната инспекција не ми е рамна. Дури и готвам, но Тара често кажува дека моите јадења се блак“. Ана Николиќ призна дека сѐ уште верува во љубов и поради тоа често се прашува дали е луда, а откри и која била нејзината прва работа и колку заработила. "Кога почнав да излегувам, ми требаа пари. Сепак, моите родители ми рекоа дека не можат да ми дадат пари, бидејќи немаат. Решив да се вработам за време на летниот одмор. Поради тоа земав се во свои раце и почнав да работам како келнерка во кафуле. Но тоа лето цветаше. Правевме секој ден правевме шоу. Заработував две-три пати повеќе од платите на мајка ми и татко ми. Повеќе не морав да им барам пари и бев среќна, бидејќи сакам да бидам независна“, се присети Ана. Фото: Принтскрин/Инстаграм/Ненад Костиќ

За 1-ви Мај македонската водителка се најде во друштво на Северина (фото)

Слободанка Илиева — Thu, 02 May 2019 06:52:15 +0000

Продолжениот празничен период беше идеално време за да се отпатува некаде или да се биде на домашен терен во кругот на најблиските. ТВ водителката Елена Стефановска има сестра која е мажена во Хрватска, а преубавата Опатија е честа дестинација на водителката каде беше и за време на празниците.

Таа оттаму за своите следбеници на социјалните мрежи објави неколку фотографии каде ужива во убавините на Хрватска, а меѓу една од фотографиите се најде и таква со хрватската пејачка Северина. По патувањето во Америка, Севе и се врати на својата родна земја, а пак Елена не ја пропушти приликата да поразговара со пејачката и да го овековечи моментот.

-Кога ќе се сретнеме во Опатија, напиша Елена во описот на фотографијата која настанала за 1-ви Мај.

Дали од средбата паднал договор за интервју и можеби во наредниот период Севе ќе биде гостинка во „Живот со стил“, останува да видиме.

Еве зошто го славиме 1 Мај – ден на трудот, скара и природа

Слободанка Илиева — Wed, 01 May 2019 07:40:24 +0000

Меѓународниот празник на трудот се одбележува во знак на сеќавање на 1 мај 1886 година, кога во Чикаго, САД, повеќе десетици илјади работници излегле на улиците, барајќи подобри услови за работа и доследна примена на осумчасовното работно време. Тој ден во Чикаго околу 40.000 американски работници стапиле во генерален штрајк, под паролата „три осумки“ – по осум часа работа, одмор и слободно време. Протестот, на кој е одговорено со репресија, поради бруталната реакција на власта и работодавачите, а потоа и со низа жртви, стана еден вид симбол на борбата за права на обесправените. Протестите започнаа на 1 мај, а до сериозни судири со полицијата дошло на 4 и 5 мај, кои се прошириле и надвор од Чикаго. Полицијата се обидела да ги разбие собирите, што завршило со жестоки насилства и многу жртви, како меѓу демонстрантите така и меѓу полицијата. Во судирите во Чикаго загинале најмалку шест лица, околу 50 работници се повредени, а многумина се уапсени. Подоцна петмина работнички лидери се осудени на смрт, а тројца на затворска казна. Во знак на сеќавање на големата манифестација на обесправените и нивната одлучна борба, на Првиот конгрес на Втората интернационала во 1889 година е донесена одлука 1 Мај да се одбележува со масовни собири, протести и пригодни манифестации. На Вториот конгрес во 1891 година, 1 Мај и официјално е прогласен за Меѓународен празник на трудот. Постепено, во текот на последните години од 19 век и на почетокот на 20 век, 1 Мај е сè помасовно прифатен и одбележуван, многу често и со големи протести. Во повеќето земји од светот овој ден е прогласен за државен празник. Необичен е фактот дека само во САД, каде што всушност и сè започнало, празникот на трудот веќе не се одбележува на овој датум, туку под името Ден на трудот се празнува првиот понеделник во септември. Работничките синдикати се следбеници на оваа иницијатива. До денешен ден, како во целиот свет така и кај нас, Први мај се одбележува во спомен на чикашките работници, на оние кои своите животи ги дадоа за зачувување и унапредување на работничките права. Синдикалното движење во Република Северна Македонија има длабоки корени и традиција. Првите синдикални зачетоци датираат од 1908 година, кога е формиран првиот легален Синдикат на чевларските работници. Сè до 2006 година во нашата земја Денот на трудот се празнуваше два дена (1 и 2 мај), а од 2007 година се празнува само еден ден. Вообичаено кај нас овој ден не се одбележува политички, но е синоним за скара и природа. Традиционално на Први мај голем број граѓани ги посетуваат излетничките места. извор:курир.мк