први фотографии – Вистина.мк

Први фотографии на познатите Македонци и Македонки ден потоа, во Новата 2024-та: „Цепај сине“! (ФОТО)

Антонио Димитриевски — Tue, 02 Jan 2024 09:50:49 +0000

Старата 2023-та ја испративме, Новата 2024-та ја дочекавме... Кој како, каде, со кого и колку може, но сите горе-долу достоинствено! Познатите лица од естрадата најчесто работно, на сцената на градските плоштади, по хотелите, кафеаните, кафулињата, ноќните клубови, дискотеките... Новогодишната тезга е „најслатка“, а Бога ми и онаа за „патерица“, па и останатите денови до Божиќ не се за фрлање. Но, занете ли што правеа познатите Македонци и Македонки ден потоа, по најлудата ноќ? Не сите - секако, но еве дел од нив и нивните први објавени фотографии во 2024-та. Најшетаната велешанка, екс-пејачката и морепловка Ноне Неделковска Новата 2024-та ја дочека далеку од дома, на својот крузер на кој работи, на едно сосема необично и егзотично место. Даре Салам, Танзанија. Од таму стигаат и првите нејзини фотографии во 2024-та, нејзината новогодишна порака , ама и нејзините желби. „Не мразете никого, без разлика колку ви згрешиле. Живејте понизно, без разлика колку ќе станете богат. Размислете позитивно, без разлика колку е тежок животот. Дајте многу, дури и ако ви е дадено малку. Простете на сите, особено на себе и никогаш не престанувајте да се молите за најдоброто за сите!“ - споделила „малечката сирена“, за ден потоа, во реприза на новогодишната бродска журка да ги сподели и своите новогодишни желби: „Да се вљуби, уште повеќе да патува, да ги прифати нештата од кои се плаши, да продолжи со потерата по своите соништа“. Тамара Тодевска откако ја испрати својата новогодишна порака и денот по Нова Година или поточно првата вечер и за „патерица“ и беше работна. Во еден мал елитен хотел во ски центарот Маврово, Тамара им приреди забава за паметење и на присутните и себе си. Оттаму дојдоа и првите фотографии во новата 2024-та од неа и од нејзините другарки, меѓу кои некои и исто така познати македонски лица како Катерина Ивановска, кои „до балчак“ се забавуваа на концерттната журка на нивната другарка. До душа првта фотка беше проследена со дремка во автомобилот по патот кон вечерната цел, на која Тамара соништата ги претвори во незаборавна стварност. На 1-ви јануари на слична надморска височина работеа и некои други од естрадата, како ДНК на пример. Локацијата исто така снежна, ама различна - Попова Шапка. Само што за Андреј и особено за Панчо немаше простор за дремка. Дали за загревање, или од чисто суеверие за во 2024-тата „да му падне секирата во мед“, Панчо уште првиот ден во годината се фати токму за неа и тргна да цепи дрва. Можеби не баш највешто, ама сепак вредно и посветено по принципот: „Цепај сине“! И додека некои го прогласија „трупец за цепење“ сите кои беа подоцна на дневната журка на ДНК на Попова Шапка уште еднаш потврдија дека Панчо заедно со со Андреј и бендот се цареви за забава! Затоа во 2024-та Панчо нема потреба повеќе „да се секира“! Освен на естрадните ѕвезди, првите фотографии има се работни уште на некои од познатите лица, како ТВ водител(к)ите на пример, меѓу кои и Милена Антовска Станковска. Првиот работен ден за неа во новата 2024-та и први пози од студиото на Канал 5 од каде оди нивната утринска програма. А како што е познато ниту утрото, ниту програмата не почнуваат без првото утринско кафе, по што слободно може да се каже дека и денот и програмата не само по утрото, туку и по кафето се познава. Особено кога е во прашање Милена! Сите од познатите ниту за најлудата ноќ, ниту ден потоа не работеа... Некои едноставно одмораа и се излежуваа уживајќи во домашната атмосфера и опкружување, како најпознатата македонска трендсетерка и екс ТВ водителка, Мелита Ракичевиќ, на пример. Расната убавица првите фотографии во новата 2024-та ги сподели покрај елката, нудејќи го уште еднаш на дар сиот свој телесен раскош... Како „празник за очи“ за празниците, дар на кој најмногу ќе му се радуваат „влажните машки погледи“. Особено во позите во кои Мели лежи покрај елката или проверува дали истата е добро накитена. Зашто мора да признаете дека нејзината елка, кога таа е покрај неа, ги има најубавите, најголемите, напривлечните и најпосакувани... „лампиони“!

@melita_mel7 ♬ Happy New Year - Starlite Ensemble

Ама сите познати лица од естрата и јавниот живот баш и не лежеа во првиот ден од годината, туку 1-ви јануари во 2024-та го искористија за прошетка во природа. Така на ТВ водителката Ирена Спировска, инаку позната како проверена планинарка, Водно и беше најблиску, а осовојувањето на врвот прв предизвик во првиот ден од новата година. А таму доволно народ кој сака живописна природа, поглед од височина на македонската престолннина, чист воздух, топол чај и добра журка... ДЈ-от е тука да ја покрене атмосферата, а Ирена со својата пријателка присутна на првата постновогодишна дневна планинарска журка од каде направи сефте фотографии во првиот јануарски ден! На колегата водител Ване Марковски Водно му се виде далеку или едноставно го мрзеше да се качува, па реши првото постновогодишно утро во природа да го помине во Градскиот парк. Клупата на еден мал летниковец згодно место за оддишка, ама и за прва јануарска фотографија во Новата година. Не е селфи со објективот на камерата в лице, ама затоа е сефте селфи на нешто друго... На првото јануарско кафе, секако! И конечно на некои од познатите Македонци на први јануари не им беше ни до селфи, ни до социјални мрежи, како на Јутјуб подкастерот Стефан Лазаров, на пример. Последното селфи го сподели во последниот ден од старата 2023-та, заедно со неговата убава сопруга Марта, па во првиот ден од новата година решил да одмори од фото и видео објективи. Од видеа, фотографии и сликање изгледа му дошло преку глава, па затоа споделил само една куса порака... Колку за некој да не помисли дека Лазаров во 2024 дефинитивно се одјави... А всушност јутјуберот не сака да блефира, туку едноставно само на неколку дена решил да паузира! Фото: Инстаграм/Фејсбук/ТикТок

Ријана за прв пат го покажа вториот син на кого му даде необично име (фото)

Слаѓана Атанасова — Wed, 20 Sep 2023 07:48:58 +0000

Иконата на светската поп сцена Ријана се породи пред месец и половина, а сега за прв пат покажа како изгледа нејзиниот втор син. Таа и нејзиниот сопруг, раперот Асап Роки, направија сет семејни фотографии со двата сина, а другиот за прв пат и го покажаа на јавноста. Tие на својот син му го дадоа името Riot (Rajot, rebellion op.a.), а на сликите можете да го видите бебето со розова капа и насмевка. Инаку, таа се породи на 1 август. Малиот Рајот носел розе гане со капче, а на некои фотографии е завиткан во ќебе.

View this post on Instagram

A post shared by SLEEK Jamaica Media (@sleekjamaica)

Постариот син Риза (РЗА) е облечен во панталони и рокерки, додека пејачката се облече во тексас јакна и темни хеланки, а раперот остана верен на својот стил - широки панталони, кошула и синџир. Дека сака необични имиња, Ријана потврди со изборот на име за својот постар син бидејќи го носи прекарот Роберт Фицџералд Дигс, познатиот рапер и водач на кланот Ву Танг. Инаку, Ријана за време на својот настап ја најави втората бременост на овогодинешниот SuperBowl. Фото: Принтскрин/Инстаграм

Мама Антониа го покажа тукушто родениот син: Македонската пејачка со први фотографии од породилиштето (фото)

Слаѓана Атанасова — Sat, 15 Jul 2023 12:13:59 +0000

Македонската пејачка Антониа Гиговска и нејзината посилна половина и колега музичарот Роберт Спасенцовски, вчера во 12.05 часот попладне станаа родители за прв пат. Антониа се породи и на свет донесе здраво и право машко момче кое го крстија Киан. „Здраво на сите. Сакавме малку момент за нас, па решивме денес официјално да ве поздравиме. Вчера, во 12.05 попладне, ова мало глувче ми докажа за што вреди да живееш. Ти си Мојот крал. Мојот Зазу. Мојот малечок. Мојот син. Те сакаат мама и тато и никогаш нема да те остават сам! А сега ве гушкаме и одиме ние да се гушкаме! Чао“ - напиша таа на социјалната мрежа Инстаграм.

View this post on Instagram

A post shared by ANTONIA GIGOVSKA (@antoniagigovskaa)

Да потсетиме, Антониа и Роберт се верија во јануари оваа година, кога ја споделија и веста за бременоста, а во брак стапија на 30 април. Фото: Принтскрин/Инстаграм/Антониа Гиговска

Први фотографии од свадбата на Слоба Радановиќ и Јелена (фото)

Христина Ѓоргиевска — Mon, 14 Feb 2022 12:37:34 +0000

Пејачот Слоба Радановиќ денес (14.02.2022) , на „Денот на вљубените“ ќе се венча со својата избраничка Јелена Ѓуричанин, а сега се појавија и првите фотографии. Парот судбоносното „да“ ќе го каже на Златар. Јелена и Слоба се сместени во етно село на Златар, а парот излегол од хотелот и се упатил кон манастирот. Нивниот кум Горан Лечиќ Лека ќе ги вози во манастирот каде ќе се одржи црковната венчавка. Како што изјави извор, на нивната свадба ќе присуствуваат родителите на Јелена и Слоба, како и неколку блиски пријатели. Ова е втор брак за Радановиќ, пред четири години тој се разведе од Кија Коцкар. фото: принтскрин/јутуб/република.рс

Први фотографии: Вака изгледа Ана Севиќ во петиот месец од третата бременост (фото)

Христина Ѓоргиевска — Tue, 26 Oct 2021 11:03:56 +0000

Пејачката Ана Севиќ е бремена по третпат и наскоро повторно ќе се реализира во улогата на мајка. Ана го очекува своето трето дете, а второ со нејзиниот сопруг Даниел Недељковиќ. Се појавија и првите фотографии од бремената пејачка. Имено, екипата на „Папарацо лов“ ја уловиле Ана на прошетка со сопругот и нивната десетмесечна ќерка Сена. Среќното семејство уживало во есенски ден на Калемегдан, а парот за оваа прилика бил совршено облечен и ги усогласил есенските стајлинзи. Ана првпат се прошета со трудничкиот стомак, а како што пишува телеграф.рс таа е во петиот месец од бременоста. За потсетување, Ана и Даниел пред неколку месеци ја добија ќерката Сена, а од претхондиот брак со Дарко Лазиќ ја има ќерката Лорена. По две ќерки, овојпат Ана ќе стане мајка на момче.

Повеќе не се кријат: Петар Грашо и Хана Хуљиќ уловени во Сараево (фото)

Христина Ѓоргиевска — Mon, 25 Oct 2021 10:55:37 +0000

Хрватскиот музичар Петар Грашо по раскинувањето со Данијела Мартиновиќ, си најде нова љубов. Како што пишуваа медиумите, тој е во емотивна врска со ќерката на Тончи Хуљиќ, Хана Хуљиќ. Репортерите на „Аваз“ ги уловиле Хана и Петар како се шетаат низ Башчаршија во Сараево. „Дали добро испаднавме?“, кратко прокоментирал Грашо. Парот уживал на вечера во еден сараевски ресторан. Се дружеле со пријателите, а меѓу нив и словенскиот шеф Томаж Кавчич. По Сараево тие заминале на венчавка на Корчула. Музичарот пеел на свадбата, а 14 годишната Хана му правела друштво. фото: А.Сараќевиќ/аваз.ба/инстаграм/слободна далмација.хр

Се појавија први фотографии од Алек Болдвин откако на сет ја уби директорката на фотографија (фото)

Христина Ѓоргиевска — Fri, 22 Oct 2021 11:03:20 +0000

Холивудскиот актер Алек Болдвин ја усмрти директорката на фотографија Халина Хачинс (42), а го повреди режисерот Џоел Соуза на сет за време на снимање на филм. Несреќата се случила за време на снимањето на филмот „Rust“ на ранчот Бонанса Крик, популарна филмска локација јужно од градот Санта Фе. Досега никој не е обвинет, ниту е поднесена кривична пријава. Обвинителите ги испитуваат сведоците, а истрагата е во тек. Од продукцијата на филмот „Rust“ тврдат дека до несреќа дошло поради неправилно користење на оружјето. Актерот разговарал со полицијата, а по разговорот ја напуштил станицата. На Твитер се појавија и први фотографии од расплаканиот и шокиран Алек направени веднаш по несреќата. Фотографиите ги објави „Santa Fe New Mexico“, на едната фотографија Болдвин разговара на телефон, а на другата плаче. фото: santa fe new mexico

За Дарко Лазиќ нема криза ни во љубовта: Први фотографии на пејачот и неговата нова девојка Барбара (фото)

Христина Ѓоргиевска — Wed, 30 Jun 2021 09:32:33 +0000

Дарко Лазиќ по раскинувањето со Марина Гагиќ е во врска со Барбара Бобак, а сега потврдија и дека се заедно. Имено, таа на својот Инстаграм профил објави заеднички фотографии од роденден во Швајцарија на кој присуствуваа. На фотографиите тие се насмеани и расположени. Инаку, пријатели на Дарко за курир.рс велат дека пејачот не може да го замисли животот без Барбара. „Дарко е лудо заљубен во Барбара и се гледаат преку видео повиќ неколку пати на ден. Планира Барбара да дојде кај него во Германија и да започнат заеднички живот бидејќи тој нема намера наскоро да дојде во Србија“, велат другарите на пејачот. Потсетуваме, новата девојка на Дарко се вика Барбара има 22 години и живее во близина на Нови Сад. Како што тврди извор, новопечената двојка се познава од претходно, а неколку пати заедно пееле во Србија, Белград, но и по клубовите ширум дијаспората. Инаку, Лазиќ и Марина неодамна открија дека раскинале пред четири месеци и дека повеќе не се заедно, но останаа во добри односи поради нивниот син Алексиј. Видеото од Дарко и Бараба погледнете го тука.

Со стомак до заби: Први фотографии од Бојана Родиќ во поодминaта бременост (фото)

Христина Ѓоргиевска — Fri, 21 May 2021 09:35:19 +0000

Бојана Родиќ на јавноста прво и беше позната како сестрата на Богдана, сорпугата на Вељко Ражнатовиќ, а сега е снаа на пејачката Гоца Тржан. Откако е бремена, Бојана вешто се криеше од јавност, а сега е уловена како излегува од еден фризерски салон на Нов Белград. За оваа прилика, Родиќ беше облечена во црни хиланки и маица во кои одлично се гледа нејзиното трудничко стомаче. Иако нејзината модна комбинација изгледа сосема обично, Бојана својот стајлинг го надополни со торбичка од 1 500 евра. Исто така, Бојана на себе имаше и обувки од истиот моден бренд кои чинат 1200 евра. Како што тврди извор кој бил на лице место каде ја фотографирале Родиќ, таа често доаѓала во тој салон и тоа сама. „Иако е бремена, на Бојана и е важно да изгледа убаво и средено, па често посетува фризерски салон. Некогаш друштво и прават нејзините сестри, а Мирко речиси никогаш не оди со неа. Кога ќе дојде, го паркира својот автомобил, а потоа брзо ќе излезе и си оди. Малку е чудно што со стомак до заби вози сама, но изгледа тоа не и пречи и ужива во секој момент“, вели извроот за ало.рс

Први фотографии од Кејт Мидлтон по интервјуто на Меган и Хари – сите зборуваат за нејзиниот израз на лицето (фото)

Христина Ѓоргиевска — Wed, 10 Mar 2021 10:26:53 +0000

Војвотката од Кембриџ, Кејт Мидлтон била фотографирана со загрижувачки израз на лицето еден ден по интервјуто на Меган Маркл и Хари. Имено, Кејт е фотографирана во автомобил во близина на својот дом, фановите коментираат дека изгледа замислена и со загрижувачки израз на лицето. „Изгледа потполно изгубено“, е коментарот кој начесто може да се прочита под фотографиите. Во интервјуто за Опра Винфри, Меган откри дека Кејт Мидлтон ја расплакала во една прилика. Се зборуваше за односот меѓу Меган и Кејт, а Опра ја праша за гласините дека војвотката од Сасекс ја расплакала војвотката од Кембриџ за време на пробите за девојките кои носеле цвеќе на венчавката. „Беше обратно. Беше тешка недела, а таа се вознемири поради фустанот“ изјави Меган и додаде дека Кејт ја расплакала, но подоцна донела цвеќе и се извинила. Меган истакна дека ова го кажува не со цел да понижи и навреди некој, туку да се знае вистината. „Таа е добар човек“, изјави Меган.