прва тв – Вистина.мк

Јована Јоксимовиќ колку да се труди да ги избегне и прикрие, скандалите сепак ја следат (ФОТО)

Антонио Димитриевски — Thu, 03 Dec 2020 12:02:21 +0000

До скоро популарната ТВ водителка Јована Јоксимовиќ мораше да ги спакува куферите од ТВ „Прва“ и поради своето непрофесионално однесување, како што рекоа тогаш од споменатата телевизија, таа си замина како никогаш да не работела таму. Сепак, се чини дека Јована се помири со фактот дека повеќе нема да ја гледаат на некој од ТВ каналите со национална фреквенција, бидејќи како што пишуваа медиумите, никој од тие телевизии не ја сака, барем не за условите што ги имаше на ТВ „Прва“, поточно за месечна плата од 10.000 евра. Сега Јована Јоксимовиќ ќе биде водителка на утринската програма на К1 телевизија која е во сопственост на нејзиниот сопруг Жељко. Програмата ќе ја води заедно со Мања Грчиќ, па и двете направија заедничко интервју, во кое си поставуваа една на друга прашања. Во еден момент, Мања ја праша Јована каков е нејзиниот сопруг Жељко Јоксимовиќ како шеф и претпоставен: „Многу бара, многу, ептен многу бара. Презахтевен е“ - одговори Јована со изнудена насмевка. Иако во текот на нејзината кариера сакаше да ги избегне скандалите, тие секогаш ја следеа. Секако, најзабележителен во нејзиниот живот беше оној од 2011 година кога ја раскина свршувачката со Жељко Јоксимовиќ, со кого тогаш беше во врска три години, а после тоа започнаа гласините дека е во шема со оженет маж. Ни помалку ни повеќе со некогаш познатиот кошаркар, сега познат кошаркарски тренер и српски селектор Александар Саша Ѓорѓевиќ. Гласините дека биле заедно ги поттикна и информацијата дека Јована, тоагаш госпоѓица Јанковиќ, престојувала во Италија со прославениот кошаркар, а папараците ја сликале на аеродромот по враќањето од Милано. По бурата што ја создаде оваа приказна во медиумите, Јована негираше дека била во шема со Ѓорѓевиќ, а набргу потоа му се врати на поранешното момче Жељко Јоксимовиќ и му стана сопруга, иако само неколку месеци пред тоа им соопшти на медиумите дека нивната љубов згаснала! Извор: Република.рс Фото: Инстаграм / Фејсбук

Сопругата на Жељко Јоксимовиќ и нејзиниот колега избркани од работа: Јована Јоксимовиќ и Срѓан Предојевиќ добија „шут карта“ од ТВ Прва(ФОТО)

Антонио Димитриевски — Mon, 21 Sep 2020 11:04:23 +0000

Водителскиот тандем Срѓан Предојевиќ - Јована Јоксимовиќ, не се повеќе на ТВ „Прва“. Иако водителот Срѓан Предојевиќ на својот Инстаграм профил објави дека ќе ја води утринската програма со Јована Јоксимовиќ, денес, понеделник, 21 септември, тоа не беше случај. Како што пишуваат српските медиуми, тој дури и добил забрана за влез во ТВ Прва. Сега следуваше официјалното соопштение: Телевизијата „Прва“ реши да ја прекине соработката со Јована Јоксимовиќ и Срѓан Предојевиќ поради непочитување на работните обврски - објавено е на Инстаграм профилот „Утро на Прва“. Имено, како што објави телевизијата „Прва“ на својата веб-страница, Филип Чукановиќ беше водител, а утрово тој со насмевка ги поздрави гледачите и објави што може да очекува милионската публика во продолжението на утринската програма на „Прва“. Наводно Срѓан утрово дошол во зградата на ТВ „Прва“ пред почетокот на утринската програма, меѓутоа, бил спречен да влезе во просториите на телевизијата. Како што се наведува, тој се обидел да влезе во зградата „Прва“, но не му било дозволено. За потсетување Јована Јоксимовиќ е сопруга на пејачот и композитор Жељко Јоксимовиќ, кој лани во Белград отвори своја телевизија или поточно дури три кабелски канали. Регулаторното тело за електронски медиуми на 4 јуни издало дозвола за кабловска телевизија за три канали – К1 студио, Стајл Фајл и ТВ ДР. Сите три телевизии припаѓаат на фирмата „Минакорд медиа“, која Јоксимовиќ ја формирал на 17 мај 2019 година. Стајл Фајл е биде наменета за деца, ТВ ДР за здравство, а К1 - музички канал.

Убавата сопруга на пејачот Никола Роквиќ во утринската програма во живо го доеше своето бебе (ФОТО)

Антонио Димитриевски — Sat, 30 Mar 2019 12:37:19 +0000

Бојана Баровиќ утрово беше гостин во "Утро со Наташа," на Прва ТВ. Водителката Наташа Миљковиќ, со убавата жена на пејачот Никола Роквиќ разговараше само еден месец откако таа се породи.. Бојана се породи во Белград на 26 февруари, а по нејзината ќерка, Никола Роквиќ и манекенката добија син.

И додека течеше разговорот, наеднаш се слушна тивкиот плач на малиот Симеон и Бојана покажа колку е грижлива мајка која не го остава по ниту една цена своето бебе гладно, па таа го зеде бебето в раце и за прв пат во Србија, а веројатно и во регионот во програма во живо доеше бебе.

„Тој е тука со мама. Јас не се двојам од него. Се' уште го дојам, тој е премногу мал. Бебето избира каде, а не јас. Јас сум мајка која не го остави своето дете, бидејќи мислам дека е многу важно за нас да бидеме со нив и да им го дадеме она што им е потребно, а во моментов најважно за него е доењето“ - објаснила Бојана, која дошла во студиото и нејзината мајка, која го чувала Симеон зад камерата.

„Па, браво! Слободно“ - рече водителката Наташа.

„Ова е прв пат јавна личност да дои во живо во програма! Ова е историски момент“! - беше воодушевена водителката, која како и Бојана, го поддржува доењето во јавноста.

Во живо на утринската ТВ програма: Проф. д-р Бумбаширевиќ, хирургот кој и ја спаси раката на водителката со сите детали (ВИДЕО)

Антонио Димитриевски — Fri, 08 Feb 2019 11:17:33 +0000

Проф. Д-р Марко Бумбаширевиќ кој ја оперираше водителката Деа Ѓурѓевиќ која беше тешко повредена во четвртокот, утринава во живо на утринската програма на ПрваТВ изјави дека Деа се чувствува добро. "Таа се чувствува добро и тоа е важно. Убеден сум дека се' ќе оди добро. Ова беше невозможна мисија, затоа што се работеше за откината и изгорена рака. Деа е храбар пациент за сите пофалби. Кај такви пациенти невозможното може да се трансформира во можно. Се надевам дека функцијата на раката ќе биде добра“ - изјави Бумбаширевиќ. Тој додаде дека хирургијата е многу важна, раката е незаменлива и особено е важно младата личност да може нормално да живее.

На прашањето како изгледало тоа утро кога се случила незгодата и како раката од таква повреда се спасува, прочуениот микрохирург ќе одговори дека било важно што се било претходно добро подготвено. "Многу е важно прво да се спаси нечиј живот. Тоа е направено, а и се друго е подготвено добро. Раката беше ставен на мраз до плус 4 степени за да не замрзне. Се чинеше невозможно, зашто требаше се' да се реконструира. Младен Мијатовиќ, колегата и момче на настраданата Деа е мој голем пријател. Тој ме повика во раните утрински часови и ме информира за настанот. Тешко е да се третираат пријатели. Но, со протеза е тежок животот. Сепак сите пациенти за мене се исти и со голема пристап на грижа им приоѓам на сите“.

Професорот објасни зошто оваа операција е важно што помина успешно: „Голем број млади лекари ја гледаа и видоа дека такви работи се можни. Ако не се појават луѓе што ќе ве надминат, не сте направивте ништо во својот живот“ - вели тој.

Д-р Бумбаширевиќ откри дека претстои период на закрепнување, односно, раката да ја прими телото.

„Ќе следиме сè, засега е добро, иако не ми се допаѓа однапред да давам прогнози, но мислам дека се одвива добро. Најважно за сега е тоа што Деа е храбар, послушпен пациент и се чувствува добро. Нервите беа исто така прекинати, па подоцна ја чекаат уште операции. Сепак, очекувам да функционира нормално. Дали 100% , не можам да кажам. И кога ќе се удри автомобил, колку и да го исправате, пеглате и фарбате, сепак останува траг“ - заклучува професор Бумбаширевиќ, чија комплетна изјава при утринското линковско вклучување во утринската програма на Прва ТВ, можете да ја проследите во продолжение.

Кога ја слушна страшната вест за својата колешка, Јована Јоксимовиќ се расплака среде утринската програма и не можеше да продолжи да ја води (ВИДЕО)

Антонио Димитриевски — Thu, 07 Feb 2019 09:43:29 +0000

На младата водителка на ТВ Пинк, Деа Ѓурѓевиќ утрово ја загуби раката во сообраќајна несреќа што се случи во КБЦ Драгиша Мишовиќ, а нејзината колешка од ТВ Прва, Јована Јоксимовиќ занеме, па се расплака среде програма во живо, кога ја слушна ужасната вест. Јована Јоксимовиќ се потресе следејќи го линковското јавување од местото на настанот. Солзи и ги наполнија нејзините очи и таа не можеше повеќе да зборува. Едвај отоврајќи ги усните само изусти: "Страшно"!

Нејзиниот колега од утринската програма која одеше во живо, Срѓан Предојевиќ исто така занеме и не можеше да зборува, па програмата продолжи со снимени прилози. Погледнете како сето тоа изгледаше:

Сузана Гавазова и Сања – Барби меѓу сите српски ѕвезди во „Гранд“: Македонските фолкерки блескаа со сиот свој раскош и сексапил (ФОТО+ВИДЕО)

Антонио Димитриевски — Fri, 21 Dec 2018 09:25:32 +0000

Српската фолк естрада несомнено важи за најдобра во регионот. На неа егзистираат најпопуларните ѕвезди, се прават и пејат најголемите хиови, таму конкуренцијата е најсилна... Ако успееш во Белград, си успеал на цел балкан, велат и апсолутно се во право.

А токму на чекор од тој успех, на дофат на раката да го освојат белград се и некои од македонските фолкерки, како Сузана Гавазова и Сања „Барби“ Цинцева. Вратата е подотворена, патот трасиран, останува со својата атрактивност и вокално - телесните квалитети, кои патем, ним не им недостасуваат, да се докажат и покажат, а зошто да не и да ги засенат фолк пејачките од северот!

Токму затоа сексапилните струмичанки Гавазова и Сања - Барби деновиве беа во Белград... Во Гранд и на Прва ТВ... заедно со сите ѕвезди, на неколку снимања.

Најпрвин во емисијата „Практична жена“ кај Наташа Павловиќ. Потоа Гавазова на уште една од мноштвото емисии на Гранд, каде ја промовираше својата прва песна на српски - „Хало“. https://www.youtube.com/watch?v=efxiOvKPVtk Атрактивна, разголена, во црн светкав фустан со длабоко деколте и градите на мегдан, во црни светлави чизми над колена или во сребрена секси комбинација, Гавазова како блескаше... Како вистинска балканска фолк кралица од југот!

View this post on Instagram

A post shared by @galastojanovic on Dec 18, 2018 at 12:36pm PST

Сања - Барби застана на сцената на Гранд и во една од мноштвото нивни новогодишни емисии. Со залижана коса, во светкаво кусо фустанче, долги нозе и секси изглед во столот: „Јас можам се'“ - како што гласи нејзината песна која ја пееше, Сања - Барби „обара на прва“.

View this post on Instagram

#TvGrand Snimanje novogodisni program?❤️

A post shared by CINCEVA SANJA OFFICIAL (@sanjacincevaa) on Dec 19, 2018 at 6:24am PST

Поубавиот дел од српската фолк естрада добива жестока конкуренција од југот. Гавазова и Барби стапнаа на нивната сцена, напливот на останатите фолкерки од југот белки допрва следува.

На ред се Елена Велевска, Сани Гроздановска, Стојне Николова... Време е македонската женска фолк фаланга да тргне во поход кон север.

Жељко Јоксимовиќ во емисија кај сопругата Јована: По оваа негова реченица водителката почна да пелтечи! (ФОТО)

Антонио Димитриевски — Thu, 17 May 2018 10:09:26 +0000

По повод новата песна, Жељко Јоксимовиќ беше гостин во утринската програма на Прва ТВ, токму кај неговата сопруга Јована Јоксимовиќ и Срѓан Предоевиќ. Веднаш по влегувањето во студиото следеше долга прегратка со Јована.

„Колку долго не сте виделе“? - го праша Срѓан. „Неколку часа“ - низ насмевка одговори Јована.

Тогаш Жељко рече нешто што целосно ја збуни Јована која остана без зборови. „Морам да ви кажам, дека сте поубави во живо отколку на телевизија“ - и рече Жељко низ смеа. Тоа толку многу ја збуни водителката, што не знаеше што да одговори, па почна да пелтечи.