прва средба – Вистина.мк

Дарко Филиповиќ открива детали од првата средаба со Саша Поповиќ: „Мислев дека ги малтретира пејачите“

Слободанка Илиева — Fri, 07 Apr 2023 09:46:12 +0000

Дарко Филиповиќ е пејач кој се прослави во првата сезона на музичкото натпреварување „Ѕвезда Гранда“ каде го освои четвртото место. Иако за кратко време постигна забележителен успех, неговата кариера тргна по друг пат и многу брзо потоа се повлече од сцената. Дарко во првата сезона на „Ѕвезда Гранда“ го привлече вниманието со емотивниот однос со колешката Тања Савиќ, која исто така учествуваше на ова натпреварување. Најголем хит во неговата кариера е песната „Она, она“, а досега има издадено два студиски албуми. И покрај тоа, неговиот прв албум „Требаш ми“ помина добро кај публиката. Дарко во 2016 година се ожени со Јасна со која има две деца. Пејачот во интервју за Курир.рс откри што мисли за директорот на Гранд продукција Саша Поповиќ. -Саша Поповиќ го запознав во 2003 година. Пред тоа имав мислење за него дека е многу строг и дека малтретира. Меѓутоа, кога навистина го запознав, сфатив дека тој е многу обичен човек и домаќин. На шестмината, односно првиот тим на „Ѕвезда Гранда“ им се однесуваше како татко“, изјави пејачот, а потоа откри како го поминува животот денеска: - Често работам и внимавам што повеќе да сум со семејството и децата. Не сакам да ја пропуштам нивната младост и сакам да го проживеам тоа како татко. фото:Инстаграм принтскрин/Јутјуб Гранд

На што треба да обрнеме внимание на првата средба со партнерот?

Христина Ѓоргиевска — Mon, 22 Nov 2021 14:30:37 +0000

На што навистина треба да обрнеме внимание на првиот состанок, според експертите за излегување. Подготовката за првиот состанок е истовремено и најдоброто и најлошото чувство. Многу луѓе поминуваат толку многу време ментално подготвувајќи се да излезат со потенцијалниот партнер. Важно е да имате теми за разговор и да се појави искра на хемијата, но на што друго предупредуваат експертите за врски. Експертот за состаноци посочува дека треба да го вклучите црвеното светло за следното однесување. Метју Хаси истакнува дека врз основа на однесувањето на другата страна, треба да видите дали е искрено тоа што го кажува за себе. Обрнете внимание на тоа дали нивните постапки се совпаѓаат со нивните зборови. За да го направите ова, само погледнете како тие комуницираат со другите луѓе. – Велат дека се толку љубезни и дарежливи, но кон келнерот се непријатни и немаат време да го погледнат во очи. Значи, ако нивните постапки не се совпаѓаат со начинот на кој се претставуваат, тоа е црвено знаме. Ова, се разбира, не значи дека треба да престанете да се гледате, туку да внимавате на идните состаноци. извор: попара.мк

Елена Миленковска го сподели моментот кога Гуте прв пат го виде синот, па потона во емоции: Машка средба со море од солзи… радосници! (ФОТО)

Антонио Димитриевски — Wed, 17 Jun 2020 06:46:12 +0000

Откако македонската пејачка Елена Миленковска и нејзиниот сопруг и „Гранд“ колега, Гуте Маринковиќ на почетокот на јуни за прв пат се реализираа како родители, среќната мајка и бебето веќе две недели се дома, во нивниот стан во Белград каде сега живеат. Откако животот во соседството и српската престолнина полека се враќа во нормала по корона епидемијата, Гуте полека и се враќа на професијата - пеењето, настапите и ноќните клубски свирки, додека Елена е комплетно посветена на нивното новородено чедо, синчето кое го доби името Максим. Иако со мало оправдано задоцнување заради обврските околу мајчинството, новопечената мајка реши на својот Инстаграм профил да го сподели можеби највпечатливиот и најемотивен момент по породувањето - првата средба на такото и синот, на нејзиниот сопруг Гуте со нивното синче Максим. „Знам дека доцнам, но не ми забележувајте. Помина една седмица откако тројцата сме дома. Но, морав да го одбележам овој посебен момент, моментот кога двајцата првпат се запознаа. Нема зборови за да се опише магијата што се случи во тој момент. Ќе го паметам овој ден по морето од солзи, солзи на среќа, исполнетост и љубов. Ве сакам“ - напишала пресреќната мајка во описот на споделените фотографии. А на фотографиите, вистинска магија, како што веројатно се случува само еднаш во животот... Кога за прв пат ќе се сретнат таткото и синот. Очи в очи, онака машки, кога таткото ќе го земе за прв пат в раце, во своите прегратки првороденото чедо. Ерупција на чувства, внатрешен наплив на исконска убавина, неописива обземеност со единствено блаженство, онакво какво што само Бог може да ти го дарува. Гуте и Максим, татко и син за прв пат лице в лице. Машка средба со бура од емоции и море од солзи... радосници!

Марко го виде Моша: Слаткар направи сефте средба и прва фотографија со новородениот син (ФОТО)

Антонио Димитриевски — Fri, 17 Apr 2020 05:45:51 +0000

Како што веќе објавививме, македонскиот рапер Марко Маринковиќ – Слаткаристика и неговата сопруга, некогашната манекенка, мисица, модел и ТВ водителка Сања Николиќ пред неколку дена, поточно, на 15. април 2020 година за прв пат станаа родители. Прво – па машко, односно син, кој како што соопшти и самиот рапер на својот „Фејсбук“ профил, доби мошне необично име – Моша. „Се роди Моша Маринковиќ. Голем да му расте“ - напиша тогаш Слаткар на неговиот Фејсбук профил во описот на фотографија од нивната свадба, каде ја бакнува невестата Сања во чело. И додека мирно изминуваат првите часови и денови од животот на нивната принова, дојде време за прва средба меѓу таткото и синот. Марко го виде Моша, но не само што го виде, туку и за прв пат го зема в раце, па среќниот татко на нивната сефте средба ја направи и првата заедничка фотографија со новородениот син, под која само кусо го напиша неговото име. За потеклото на необичното име на малечкиот, јавноста веќе почна да плете приказни, па едни велет дека бебето името го добило по славниот фудбалски херој од кралска Југославија и филмот „Монтевидео“ - Моша Марјановиќ, други го споменуват Моша Пијаде, додека трети велат дека името е семејно наследство... Како и да е, едно е сигурно: Слаткар очигледно не можел да ги сокрие ниту возбудата, ниту емоциите при првата средба со својот наследник, но и со својата сопруга по нејзиното породување. Уште еден доказ дека тоа е така, е фотографијата на тукушто породената Сања од креветот во породилиштето, која Слаткар ја споделил на своите Инстаграм приказни па напишал: „Љубавино моја... Те сакам, премногу те сакам“ - ставајќи и емотикони покрај изјавата полна со изливи на љубов!

Ана Кокиќ се сретна првпат со поранешниот сопругот по разводот: „Ситуацијата не беше ни најмалку пријатна“

Христина Ѓоргиевска — Sun, 07 Apr 2019 09:17:24 +0000

Поранешниот сопруг на Ана Кокиќ, Никола Раѓен по разводот замина во Москва каде што моментално и живее. Меѓутоа, тој неодамна бил во Србија, каде се сретнал со Ана Кокиќ. „Неодамна се сретнавме. Средбата не беше ни најмалку пријатна, ни за мене,ни за Ана, што е нормално, но за децата одлучвиме да бидеме во таква ситуација.Мислам дека е најважно кога дојде до развод, децата да не ги изгубат родителите, да не го изгубат чувството дека тие и понатаму се нивен мајка и татко и дека така ќе биде засекогаш“ вели Никола.

За потсетување, Ана и Раѓан беа 10 години во брак.