прв ред – Вистина.мк

Модна ревија по светски терк во Скопје, а во прв ред доминираше познатата српска пејачка во која беа вперени сите очи (фото)

Слободанка Илиева — Mon, 27 Feb 2023 08:35:43 +0000

Изминатиот викенд во Скопје се одржа модна ревија насловена „Nocturnal“ со потписот на младиот македонски дизајнер Мите Занов. Целната група на оние кои купуваат дизајнерка облека со македонски потпис е мала, и тоа е добро познато, но затоа кога треба да се биде во публика, тогаш одзивот на посетеноста е сосема спротивен од подготвеноста да се купи некое парче. Па така, на ревијата за пролет 2023 година секое столче беше зафатено, публиката стокмена од глава до петици, расположена за да се види понуденото, но и да се биде виден во центарот на случувањата, да се има фотка плус за на социјалните мрежи и секако да се испочитува дизајнерот. Меѓу присутните беа дел и од познатите Македонки кои соработувале со Занов или пак допрва ќе направат спој. Во публиката да ги погледнат најновите креации беа пејачките, Лара Иванова, Теа Трајковска, водителката и пејачка Јана Бурче, а не изостана ниту Елена- „Живот со стил“. Сепак, во фокусот беше една дама, сексапилна, мистична, доминантна... Првиот ред беше резервиран за младата позната српска пејачка Сара Џо која облечена во дизајн од новата колекција на Занов ги собра сите погледи. Црниот деколтиран коктел фустан ја истакна нејзината совршена линија, а впечатливата шапка допринесе таа да биде доминантна меѓу присутните, но и мистична. Таа беше почесниот гостин на ревјата, а моментот беше и прилика македонската публика да ја види непосредно и фановите да се фотографираат со неа. Кога станува збор за колекцијата „Nocturnal“, Занов акцентот го ставил на минимализмот и монохрмонатиката, но се издвојуваа и впечатливите детали како масивните шапки кои дадоа доза на доминација и женственост. Панталони, фустани, мантилили и корсети по кои е препознатлив дизајнерот, беа вклучени од целосната модна композиција која несомнено ги освои дамите кои сакаат да бидат впечатливи и уникатни. Во продолжение погледнете дел од колекцијата и атмосферата на овој моден настан кој донесе викенд свежина од градските случувања. фото:Инстаграм принтскрин/Занов

Снеже Велков се пронајде себе си, видете вие кај ќе се најдете: „Јас сум во првиот ред, а Вие?“ (ФОТО)

Антонио Димитриевски — Tue, 16 Nov 2021 10:00:44 +0000

Македонската пилатес инструкторка и ТВ водителка не ретко знае и умее да се потсети на годините наназад што изминале, работејќи во телевизиската професија, но и на животот воопшто. И сето тоа често знае да го зачини со по некој цитат, умна или позната мисла, која не потсетува до каде сме стигнале, колку сме минале од патот, до кое дереџе сме во моментот, старееме или...?! Сепак, повеќе од јасно е дека на Снеже ентузијазмот не и недостасува. И според тоа како живее, ама и според желбата се' уште со истиот жар одново да почнува да ги работи истите или слични телевизиски работи. Навидум е така... „Ред хот беше една од услугите кои ги нудеше некогашниот Мобимак а така се викаше и нашата емисија која ја креираше и продуцираше Томато продукција. Беше некој вид на естрадно, културно младински магазин и одеше на тогашната А1 телевизија. Ете да ме видите.Малку потечена малку подуена, тогаш се уште немавме ни фејсбук, ни инста, а бога ми реткост беа телефоните со добра камера. Филтер?Немавме појма што е тоа?! Овде сум со колешката Ана Исаиева , претходно ководител ми беше Петар Ѓошев( Петар за појадок и пауза) Нема да ви кажам колку пати ми рекле намесно Снеже од Ред Хот –Снеже од Хот Лајн! Инаку и јас и Мобимак отприлика се ребрендиравме во скоро исто време, тие 2005 од Моби Мак станааТ-Мобиле, јас 2006 од Снеже Стојковска станав Снеже Велков. Бане - Томатомислам дека е дојдено време за ребрендирање на Ред Хот,што викаш?“ - се потсети и порача неодамна атрактивната водителка на Инстаграм. Арно ама, најновите нејзини пресметки очигледно (по)кажуваат нешто друго? Или само така ни се чини? Имено, Снеже Велков објави интересна цртана илустрација, преку која сликовито покажа како се чувствува на работа од понеделник до петок... И таа и сите останати. И помладите од 30 години, и оние од 30 до 50, а и оние над 50 годишна возраст. „Јас сум во првиот ред, а Вие?“ - праша шармантната и очигледно по малку уморна убавица, искрено отворајќи ја душата кога е во прашање работата. Снеже Велков се пронајде себе си, видете вие каде ќе се најдете, во кој ред? Без оглед на годините, кои иако за многумина се возраст, за некои се само... бројка! До душа, малку не има...! Фото: Инстаграм принтскрин/velkovsneze

Познатиот српски актер се појави на концертот на Калиопи во Белград, па заедно во публика направија вистинско шоу

Христина Ѓоргиевска — Thu, 14 Nov 2019 09:13:28 +0000

Македонската дива Калиопи Букле изминатиот период имаше успешна турнеја во регионот. Имено, по неколкуте концерти во Босна и Херцеговина, пејачката продоложи со концерти во соседна Србија. Нејзините фанови и љубители на нејзината музика имаа прилика да ги слушат безвременските хитови на македонската дива. Оние кои беа присутни во салата, уживаа во вокалните способности на Калиопи која секогаш знае да направи вистинска атмосфера и да ја пренесе својата позитивна енергија. Изминатиот викенд, Калиопи имаше успешен концерт во „Комбанк арена“ во Белград каде пред полната сала ги пееше хитовите и направи концерт за паметење, а оние кои биле таму сигурно си заминале со насмевка на лицето. Освен публиката, на концертот на Калиопи имаше и личности од јавниот свет, а меѓу нив Жељко Самарџиќ и српскиот актер Милан Калиниќ. Жељко на својот „Инстаграм“ објави фотографија со македонската дива и јавно и поласка истакнувајќи дека му е драго што ја има за пријателка. https://arhiva.vistina.com.mk/radio-mileva/ovoj-pejach-se-pojavi-na-koncertot-na-kaliopi-vo-belgrad-pa-javno-i-polaska-mnogu-sum-gord-shto-te-imam-za-prijatelka/ На концертот беше и српскиот актер Милан Калиниќ, а кога Опи го виде во првиот ред на публиката веднаш се симна во публика и заедно танцуваа. Како се забавуваа Милан и Калиопи може да погледнете тука. Инаку, Калиопи за некој ден продолжува со турнејата во Србија, па нејзините фанови ќе може да ја слушнат во Краљево, Лазаревац и Панчево.

Ана Севиќ и Марина Гагиќ во прв ред на концертот на Дарко Лазиќ, а тој ја покани само неа да се појави на сцената (фото)

Христина Ѓоргиевска — Wed, 30 Oct 2019 09:55:12 +0000

Дарко Лазиќ сношти (29.10.2019) во „Сава Центар“ го одржа својот концерт насловен „Нов почеток“ со кој одбележи 10 години кариера и нов почеток во неговиот живот по тешката сообраќајна несреќа. Имено, освен фановите кои едвај чекаа пејачот да се врати на сцената, на концертот биле и многу негови колеги, но и екс сопругата Ана Севиќ со ќерката Лорена, и сегашната свршеница на Лазиќ, Марина Гагиќ. Присутните во салата ги пееле хитовите на пејачот, а тој концертот го отворил со песната „Мајка“, првата песна која ја сними по несреќата. Најемотивен момент на целиот концерт бил кога Лазиќ ја поканил својата ќерка на сцена Лорена која отрчала во прегратки на својот татко, а Ана пуштила солзи. Додека Лазиќ ја држел ќерката во прегратка ја отпеал песната „Верујем у љубав“. Свршеницата на Лазиќ, Марина Гагиќ која исто така била во прв ред на концертот, вели дека не и пречи што Севиќ е на концертот.„Зошто да ми смета?, кратко прокоментирала Марина. Откако Дарко ја отпеал „Верујем у љубав“, Лазиќ ја отпеал и песната „Ти не личиш ни на једну“ која ја посветил на неговата свршеница. По концертот, пејачот направил и забава на која не се разделувал од свршеницата и цело време танцувал со неа.

За потсетување, Дарко во октомври претходната година доживеа тешка сообраќајна несреќа од која едвај се спаси, а датумот кога преживеа го нарече свој втор роденден.