прв круг – Вистина.мк

Продолжен првиот круг на гласање за MAC: Искористете уште 10 гласа и номинирајте ја својата Јутјуб ѕвезда

Антонио Димитриевски — Thu, 09 Jan 2020 12:34:39 +0000

Се ближи финишот на првиот круг гласање за Bioxgn MAC, а интересот на гласачите ги надмина сите очекувања: повеќе од милион онлајн гласови досега пристигнале преку страницата musicawardsceremony.com. Гласачи од сите земји во светот ги дадоа гласовите за своите фаворити, распоредени во 17 категории. Заради огромниот интерес првиот круг гласање ќе биде продолжен до 15 јануари, а сите кои досега гласаа добиваат можност за уште 10 онлајн гласови по категорија, најавуваат организаторите. Моментално во конкуренција се повеќе од 600 нумери, а најдобро рангираните според гласовите на публиката влегуваат во втората фаза гласање. Втората фаза гласање за Bioxgn MAC носи и еден новитет – нова категорија! Следбениците на MAC Инстаграм-профилот www.instagram.com/p/B7EJ7U8Jck9/ до 15 јануари можат да ја номинираат својата омилена Јутјуб ѕвзеда, а во вториот круг гласање и номинираните од таа категорија ќе се натпреваруваат за престижното MAC признание. Категоријата Јутјуб ѕвезда се воведува како поддршка на младите изведувачи кои не се постари од 21 година, а Инстаграм следбениците кои ги номинираат имаат можност да освојат ексклузивни ВИП влезници за церемонијата на 27 јануари во белградската Штарк арена. Главниот партнер на MAC манифестацијата е Bioxgn козметика, а настанот се одржува во организација на Скајмјузик и ЦЕБЕФ.

Карлеуша имаше еден услов за да прифати да му биде ментор: Поради Кристијан во „Ѕвездите на Гранд“ настана хаос (видео)

Христина Ѓоргиевска — Tue, 29 Oct 2019 08:37:45 +0000

Во новата сезона на регионалното музичко шоу „Ѕвездите на Гранд“ има и нови македонски кандидати, некои веќе учествувале во претходните сезони, а некои првпат се појавуваат на сцената на „Гранд“. Во последната емисија на музичкото шоу, настапуваше и 24 годишниот Кристијан Марковски од Гевгелија. Тој се претстави со песните „Полско цвеќе“ од Тоше Проески и „Милиметар“ од Жељко Јоксимовиќ. По неговата изведба доби три гласа, односно од Ѓорѓе Давид, Јелена Карлеуша и Дара Бубамара која беше гост ментор во шоуто. Откако жирито даде гласови на Македонецот, требаше само да го потврди својот глас, односно да открие дали сака да биде ментор на Кристијан. Јелена Карлеуша за да биде ментор на Македонецот имаше само еден услов, односно бараше да одговори на едно прашање. „Кристијане, можеш и да ми одговориш и на македонски, јас мислам дека македонскиот јазик е многу секси. Кристијане, бидејќи мислам дека за ова работа е потребно да имаш талент и убавина, а ти веќе тоа го имаш, но, потребно е да имаш и мозок, односно да ти работи тој “кликер“. Мене ме интеренсира, да ми кажеш на македонски мислење за глобалното затоплување“ праша Карлеуша. По нејзиното прашање сите во студиото почнаа да се смеат, а Саша Поповиќ сугерираше да одговори дека Јелена е најсекси риба на оваа естрада. Јелена истакна дека доколку одговори што му сугерира Поповиќ ќе добие шлаканица. „Јас мислам дека луѓето сами се виновни за ова глобално затоплување. Ние го уништуваме светот, треба да има повеќе свесни луѓе“ вели Кристијан, а Карлеуша го праша што мисли кое е решението. „Па, мислам дека треба да се прават кампањи, да се разбуди свеста кај луѓето“ додава Македонецот. „Да ја користиме популарнота нели“ вели Јелена и му даде глас на Кристијан односно потврди дека сака да му биде ментор. Македонскиот претставник ја одбра Карлеуша за ментор со која заедно ќе се подготувва за следниот круг. Како Кристијан ќе се претстави во следниот круг, останува да видиме. https://www.youtube.com/watch?v=n4Vm-NS94Z4

„Ајде кажи: Јелена ти си најубавата жена на светот“: Македонец се тресеше во „Ѕвездите на Гранд“, а поради ова настана хаос

Христина Ѓоргиевска — Mon, 30 Sep 2019 07:33:12 +0000

Новата сезона на „Ѕвездите на Гранд“ започна претходната сабота, а како што најави директорот на „Гранд“, Саша Поповиќ оваа година ќе има нови македонски кандидати. Во првата емисија на првиот круг се појави и веќе добро познатиот учесник Стефан Величковски кој помина директно во вториот круг. Во саботната емисија на „Ѕвездите на Гранд“, настапуваше 24 годишниот Филип Василевски од Скопје. Филип се претстави со песните „Једра“ од Саша Ковачевиќ и „Вежи ми за себе“ од Тоше Проески. Веднаш кога започна со пеење, Јелена погоди дека станува збор за Македонец. Mарија Шерифовиќ прва даде глас, а по завршувањето на неговите интерпретации тој имаше вкупно три гласа односно од Шерифовиќ, Ана Бекута и Ѓорѓе Давид. Бекута го повлече својот глас истакнувајќи дека бил само награда за неговата изведба, а Марија и Ѓорѓе го потврдија гласот односно дека сакаат да бидат ментори на македонскиот претставник. Меѓутоа, виситнски хаос настана кога Јелена Карлеуша се вмеша во целата дискусија. „Толку се исплаши, не знам како може стравот да те победи. Ти звучеше како да си неси јадел“ вели Карлеуша и додава: „Јас многу го сакам македонскиот јазик,многу ми е секси.Но повеќе сакам да го слушам. Ајде кажи ми на македонски: Ох, Јелена ти си најубавата жена на светот“ Јелена го замоли Филип да ја повтори оваа речиница на македонски. Македонецот ја послуша Јелена, но таа не беше нешто премногу задоволна бидејќи како што вели немало емоции. „Мора да работиш на емоциите. Ајде те молам повтори со повеќе емоции“ истакна Јеца. Филип повторно истакна дека Карлеуша е најубава жена на светот, но пејачката не беше нешто многу задоволна. Инаку, македонскиот кандидат ја одбра Шерифовиќ за ментор. Како ќе се подготват за следниот круг и кои совети ќе му ги даде Марија на Филип останува да видиме. Неговиот настап може да го погледнете во видеото подолу на 10:13. https://www.youtube.com/watch?v=RtW0nmxLVHs

Подготвен: Огнен Здравкоски ќе се појави во поинакво издание во „Ѕвездите на Гранд“

Христина Ѓоргиевска — Mon, 03 Sep 2018 07:01:16 +0000

Наскоро започнува новата сезона на регионалното музичко шоу „Ѕвездите на Гранд“, каде што голем број натпреварувачи од Македонија и регионот ќе имаат прилика да се борат до самото финале и да направат кариера. Меѓу нив ќе биде и Огнен Здраковски, кој претходната сезона успеа да стигне до петиот круг. Огнен деновиве доби повик од Гранд да учествува и во новата сезона. https://www.youtube.com/watch?v=Ok5vPHyPFfo Здравкоски најави дека од септември ќе може да го гледаме во музичкиот натпревар, но во сосема поинакво светло. Огнен наголемо започна со подготовките, па веднаш го посети својот личен фризер кој се погрижи да му направи нова фризура.

Какви уште промени може да очекуваме од можеби идната „Ѕвезда на Гранд“, останува да видиме во првиот круг. фото: Фејсбук