прв брак – Вистина.мк

Бракот им траеше само една година: Ова е првиот сопруг на водителката Сања Кужет (фото)

Слободанка Илиева — Wed, 14 Jun 2023 10:43:27 +0000

Сања Кужет ужива во бракот со Немања Живојиновиќ, со кој го има синот Страхиња. Убавата водителка го одвои деловниот од приватниот, па не се експонира со партнерот, ниту пак сака да зборува за својот интимен живот. Нешто помалку чувана „тајна“ е нејзиниот прв брак со Зоран Пипер, со кој го има и синот Андрија. Сања и Зоран се венчаа на гламурозна церемонија во еден белградски хотел, а според медиумите една од кумовите била Лепа Брена.

View this post on Instagram

A post shared by Sanja Kuzet (@sanja_kuzet)

Зоран бил толку вљубен во младата водителка што ја запросил дури по неколку месеци врска. Сепак, нивниот брак траеше само една година, но Сања изјави дека таа и нејзиниот поранешен сопруг се во исклучително добри односи. - Се забавувавме две години, а потоа се заљубивме, па се венчавме,добивме дете, се разведовме, но сепак останавме во исто друштво... Со Зоран се разделивме по една година брак. Можеби некому ќе му изгледа смешно, но кај нас се функционира беспрекорно, освен што не сме во заедница. Андрија и тој се гледаат, имаат нормален контакт, мораме да функционираме за доброто на детето и сакаме таа комуникација да биде што подобра. Немаше љубоморни сцени, немаше суета - изјави своевремено Сања Кужет. фото:Инстаграм принтскрин/ Бошко Карановиќ

Испливаа фотографии од венчавката: Хари не е единствениот на кого му кажа „да“ – ова е првиот сопруг на Маган Маркл (фото)

Слободанка Илиева — Mon, 12 Dec 2022 10:11:29 +0000

Кога во 2018 година, Меган Маркл му ја соопшти судбоносната објава на британскиот принц Хари, ја доби титулата војвотка од Сасекс, а никој не може да остане рамнодушен кога ќе се спомене нејзиното име, особено по напуштањето на кралското семејство поради, како што рече, начинот на кој се однесуваа кон неа. И таа и принцот Хари претрпеа осуда од британската јавност и медиумите, кои го продолжија животот далеку од епицентарот на настаните со своите деца. Една од најинтригантните личности во последно време, војвотката без резерва зборува за сите случувања во нејзиниот живот, но вешто избегнува една тема, а тоа е првиот сопруг на Меган Маркл.

View this post on Instagram

A post shared by Promiflash (@promiflash)

Имено, пред да се омажи за Хари, Меган беше во врска со американскиот продуцент Тревор Енгелсон, кому во септември 2011 година го кажа судбоносното „да“. Тревор и Меган имаа четиридневна венчавка на плажа во Јамајка, таа носеше едноставен долг бел фустан со сребрен појас и имаше пуштена коса, а младоженецот облече бела кошула и панталони. По самата церемонија, невестата се пресоблече во жолто бикини, а прославата во присуство на околу стотина гости траеше до утрото. Сепак, нивната љубов не траеше долго, а разводот следеше по две години брак поради, како што изјавија, „непомирливите разлики“. За колапсот придонесе и физичката дистанца, со оглед на тоа што Меган се пресели во Торонто на снимањето на серијата „Suits“, додека Енгелсон остана да живее во нивниот дом во Лос Анџелес. Меган никогаш не проговорила на оваа тема, но нејзината пријателка еднаш открила за „Дејли мејл“ дека била многу внимателна во бракот, а отишла и чекор понатаму и потпишала „договор за бременост“. Со таа постапка сакала да го осигура своето дете, за да му обезбеди луксузен живот по раѓањето. Тој изјавил и дека Меган била многу загрижена за можната бременост и последиците што таа би ги имала врз нејзиното тело, бидејќи во тоа време нејзините деловни ангажмани биле приоритет. Токму затоа барала од тогашниот сопруг да и обезбеди нутриционист и личен тренер, кој ќе се грижи за нејзиниот изглед. Едно од барањата беше и помошта од дадилка. Првиот сопруг на Меган Маркл сега е во брак со нутриционистката Трејси Карланд, ќерка на мултимилионер банкар, која ја запроси само две недели по нејзината венчавка со принцот Хари, иако тогаш беа заедно само седум месеци. фото:Profimedia/Getty Images

Пред принцот го бакнувала овој човек: Еве со кого се омажила Меган Маркл пред Хари и каков договор имала со него (фото)

Слаѓана Атанасова — Tue, 04 Oct 2022 11:10:16 +0000

Војвотката од Сасекс, Меган Маркл стана светски позната кога во јуни 2016 година стапи во врска со принцот Хари, за кого се омажи две години подоцна. Оттогаш не стивнува интересот за нејзиниот приватен живот, а за неа често пишуваат светските медиуми, особено што таа и Хари ги напуштија кралските обврски. Пред Хари, таа беше во брак со американскиот продуцент Тревор Енгелсон од 2011 година. Венчавката на Енгелсон и Меган Маркл траеше дури четири дена. Се венчаа на плажа во Јамајка пред 100 гости. Но, не наликуваше на гламурозниот кралски гест кога се омажи за принцот Хари. Меган тогаш носеше едноставен долг бел фустан со сребрен појас и пуштена коса, а младоженецот беше во бела кошула и панталони. Невестата потоа се пресоблече во жолто бикини и танцуваше на плажа со прекрасни луѓе и коктели до утро. Овој пар, кој исто така ја делеше љубовта преку истата работа, беа заедно седум години, а се запознале во кафеана. Меган го запозна Тревор во 2004 година, пред да стане позната во серијата „Suits“. Тие се забавуваа шест години пред да се свршат.

View this post on Instagram

A post shared by Promiflash (@promiflash)

По две години брак објавија дека се разведуваат поради „непремостливи разлики“. За пропаѓање на бракот придонесе и физичката дистанца, со оглед на тоа што Меган се пресели во Торонто поради работата, а Енгелсон остана да живее во нивниот дом во Лос Анџелес. Малку е познато дека првите проблеми всушност започнале три недели пред самата венчавка, кога наводно Тревор цело време пиел од шише во шоу програма, што ја налутило Меган. Извор близок до парот тогаш откри дека таа постојано му праќала пораки „да го спушти шишето“ и дека изгледа „многу непрофесионално“, како и дека таа се засрамила од неговото недолично однесување.

View this post on Instagram

A post shared by Story (@story.hr)

Инаку, британскиот таблоид „Дејли Мејл“ ексклузивно дознал дека Меган Маркл побарала од својот прв сопруг да потпише договор во кој е нагласено што сè ќе плати кога таа ќе биде бремена.

View this post on Instagram

A post shared by Promiflash (@promiflash)

Тревор морал да се обврзе дека ќе плати за личен тренер, нутриционист и дадилка за брзо да ја врати Меган на старите патеки по бременоста, како со животот и актерството, така и физички. Во Америка ваквите договори се доста популарни, но тие најмногу се базираат на поделбата на домашните работи и финансиите. Фото:Принтскрин/Инстаграм/Профимедиа

Ова се ќерките на Тома Здравковиќ и Силвана Арменулиќ: Жаклина и Гордана се нивни наследнички (ФОТО)

Антонио Димитриевски — Sat, 17 Sep 2022 08:37:47 +0000

Иако во филмот „Тома“ не беа прикажани ниту едната ниту другата и Тома Здравковиќ и Силвана Арменулиќ имаат ќерки. Тома Здравковиќ има ќерка Жаклина, која ја добил со својата прва сопруга Олгица која исто така ја нема во филмското сценарио, од која подоцна ќе се разведе. Жаклина живее во Холандија и има два сина, а во Србија доаѓа повремено за да учествува во манифестациите кои се поврзани со нејзиниот татко. Жаклина не контактира често со последната сопруга на Тома, но тие две имаат сосема коректни односи. „Живеев еден период од мојот живот со него, но кога почина многу ми беше тешко. Тој постои во сите нас, во нашите спомени и во неговата музика“ – вели Жаклина Здравковиќ за српските медиуми. Таа вели дека секогаш се потсетува на неговата музика и дека нејзина најомилена песна е „Киша је падала“. Силвана Арменулиќ кога починала во страотната сообраќајна несреќа на 37 годишна возраст, зад себе ги оставила сопругот Радмило и ќерката Гордана. По повод 45-годишнината од заминувањето на Силвана Арменулиќ, големата љубов на Тома Здравковиќ, но и по повод филмот „Тома“, нејзината ќерка Гордана остави трогателна емотивна порака на социјалните мрежи. „Драга мајко, се враќам во детството, во тие среќни денови што ги поминавме заедно… Тешко е без тебе… Ти благодарам за сите прегратки, топли зборови и бакнежи што ми ја загреваат душата. Живееш секој ден низ моите мисли сите овие години. Ќе живееш во мене засекогаш. Копнеев по тебе, мајко. Нека те чуваат ангелите и Бог. Те сакам многу“ - напишала ќерката на Силвана Арменулиќ во посветата. Фото: Приватна архива/Gordana Goga Armenulić

Мустафа Сандал не е првиот маж на Емина Јаховиќ: Пејачката се омажила бегалка на неполни 17 години, а по шест месеци се развела (ФОТО)

Антонио Димитриевски — Fri, 02 Sep 2022 10:14:33 +0000

Емина Јаховиќ пред неколку години стави точка на бракот со турската поп-ѕвезда Мустафа Сандал, со кој ги има синовите Јаман и Јавуз. Но малкумина знаат дека тоа не е прв брак на пејачката зашто првиот брак на Емина Јаховиќ во кој таа ќе влезе на многу млада возраст, остана обвиен во тајност. Многумина не ни знаат дека пејачката зад себе имала уште еден брак кој го склучила на само седумнаесет години, но по шест месеци следел брачен крах и развод. Имено, убавата Емина била во брак со извесен Аладин Ѓуловиќ, сограѓанин од Нови Пазар, поради кој, како што се шпекулирала, побегнала од дома. Станува збор за нејзината младешка и прва голема љубов, која беше крунисана со брак, а невестата била во бела венчаница и истрижана до глава. Емина еднаш проговори на оваа тема и ја откри вистината: „Не бев ни полнолетна. Убаво беше, имав убава венчаница и косата ми беше ептен кратко истрижана, сантиметар и пол. Некои сериозни работи што ви се случуваат додека сте млади се убави. После тоа, кога ќе созреете, тоа станува малку сериозна ситуација“ - изјави тогаш Емина. Аладин сега е приватен бизнисмен, среќата ја нашол покрај друга жена со која основал семејство, а иако никогаш не се огласил јавно за својот прв брак, неговиот татко Рустем Ѓуловиќ за медиумите сепак нешто изјавил за својата поранешна снаа: „Семејството на Емина го познавам одамна, основно училиште одев во исто одделение со нејзината мајка Сенија. Бракот меѓу неа и мојот син не беше договорен икао тие многу се сакаа. На почетокот не бев за тој брак бидејќи и двајцата беа премлади. Одеше на училиште кога се омажи за мојот син. Беше голема свадба во Нови Пазар, се снимаше со камери, славеше речиси целиот град“ - рекол бившиот свекор на Емина. Фото: Инстаграм принтскрин/yaemina

Хана е цела на мама: Ќерката на Наташа Беквалац порасна во вистинска убавица (ФОТО)

Антонио Димитриевски — Tue, 24 May 2022 09:03:16 +0000

Хана Икодиновиќ, најстарата ќерка на Наташа Беквалац од првиот брак со ватерполистот Данило Икодиновиќ, ги изненади сите со ново видео во кое „флертува“ со камерата додека се шета. Ова видео набрзина собра многу лајкови и комплименти, со оглед на тоа што претходно не можевме да ја видиме Хана во вака опуштено издание. Многумина коментираа колку Хана е убава исто како мајка си и како е очигледно дека ќе биде заводничка исто како популарната пејачка. Наташа и Хана неодамна споделија заедничка фотографија кога „малечката“ го славеш својот 15-ти роденден, на која се гледа дека пејачката и ги пренела своите гени на нејзината ќерка, кога е убавината во прашање. Хана се роди на 17-ти март 2007 година, кога цветаше љубовта меќу Наташа и Данило. Помладата ќерка Катја пак, пејачката ја роди 11 години подоцна, во 2018 година, додека беше во брак со Лука Лазукиќ. Фото: Инстаграм принтскрин/#hanaikodinovic

Малку кој знае дека на Огњен Амиџиќ ова му е втор брак: Вака изгледа неговата прва сопруга Милица (ФОТО)

Антонио Димитриевски — Sat, 26 Feb 2022 08:57:02 +0000

Малкумина ја познаваат, а првата сопруга на Огњен Амиџиќ е успешна деловна жена, која некое време не се појавуваше во јавноста. Многумина беа изненадени кога ја видоа неодамна, како и ониуе кои за прв пат дознаа дека популарниот ТВ водител и „фламингос“ бил и претходно оженет, па разведен. Иако Огњен Амиџиќ денес е среќно оженет со манекенката и топ модел со македонско потекло Даниела Димитровски, некои се сеќаваат дека тој претходно беше во брак со Милица Марковиќ, тогаш успешен работник во информативна програма на „розовата телевизија“ - ТВ Пинк. Првата сопруга на Огњен Амиџиќ уште додека беа во брак ја заинтригира јавноста, судејќи по тоа што не се појавуваше со водителот на јавни настани, бидејќи приватноста ја чуваше исклучиво за себе. По разводот во 2010 година, се чинеше дека Милица целосно исчезна, а јавноста остана и понатаму љубопитна што се случува со неа, како таа сега изгледа? Неодамна на социјалните мрежи се појави фотографија на која се гледа Милица Марковиќ и многумина забележаа како таа никогаш не изгледала подобро. Судејќи според фотографијата, неа годините не и можат ништо, иако е забележливо дека и тоа како се негува. фото: Инстаграм и Фејсбук принтскрин

Ќерката на Жељко Јоксимовиќ од првиот брак е „бомба“: Мина пука од сексапил и убавина (ФОТО)

Антонио Димитриевски — Sat, 26 Feb 2022 08:42:05 +0000

Жељко Јоксимовиќ е татко на четири деца. Тој со сопругата Јована има три, но од првиот брак ја има и ќерката Мина! Пејачот е многу приврзан кон Мина, која го наследила неговиотот талент за музика и од него научила многу од музиката. Жељко е многу горд на својата најстара наследничка, затоа што е многу вредна и талентирана. Мина студира на музичката академија, а освен тоа поминува време со татко и во музичкото студио. Патем, таа е успешна во компонирањето музика и мелодии за театарски претстави, а пред неколку години стана и музички уредник на духовната телевизија „Храм“. Исто така, Мина неодамна им откри на следбениците на Инстаграм дека планира наскоро да ја сними и својата прва песна. И додека чекаме Мина да тргне да ги следи стапките на нејзиниот мегапопуларен татко, вие можете да уживате во нејзините фотографии на Инстаграм. Мора да признаете дека девојката е „бомба“која пука од сексапил и убавина.

Со Вики Миљковиќ е во добри односи: Вака изгледа ќерката на Ташке од првиот брак (фото)

Христина Ѓоргиевска — Wed, 29 Dec 2021 11:22:32 +0000

Пејачката Вики Миљковиќ и композиторот Драган Ташковиќ Ташке долго време се во брак и го имаат четиринесет годишниот син Андреја кој не тргна по стапките на неговите мајка, па наместо за музика се одлучи за спорт, поточно за тенис. Ташке од првиот брак има ќерка, триесет годишната Јелена која живее во Германија и се омажи претходната година. -Среќен сум што мојата ќерка заедно со своето семејство отвори етно ресторан каде се служи храна од овие простори. Посебно ми е драго што во тој ресторан ја изложи хармониката на која првпат сврирев“, изјави Ташке во една прилика. -Јелена од детство покажа талент кон музиката, свиреше хармоника и клавир, но се определи за економски факултет. Наша желба да оди на факултет и ни е драго што не послуша. Вики не крие дека многу и е драга ќерката на Ташке, а Андреј и Јелена се многу блиски. Со оглед на тоа дека сестрата е дупло постара од него, не можеа заедно да се играт, но Јелена е тука кога треба помош околу училиштето. фото: ата имагес/ инстаграм

Мна, ќерката на Жељко Јоксимовиќ од првиот брак, сподели радосни семејни вести (ФОТО)

Антонио Димитриевски — Tue, 14 Dec 2021 12:25:18 +0000

Познато е дека Жељко Јоксимовиќ во 1995 година се оженил со Весна Аврамовиќ, долгогодишната девојка на пејачот од родното Ваљево, со која истата година ја добиле ќерката Мина. Тогаш пејачот, кој на крајот ќе стане еден од најпознатите музичари во земјава, имал само 23 години, како и неговата избраничка. Младиот пар не издржал долго во брачната заедница. Како растела популарноста на пејачот, така растеле и недоразбирањата, па тие се развеле, но поради детето останале во коректни односи, а нивната ќерка - единица и понатаму истакнува дека додека растела ја имала поддршката и од двајцата родители. Иако нејзиниот татко и мајка не успеаја да го спасат бракот, Мина Јоксимовиќ има светол пример во своето семејство со кој може да се гордее и да се угледа, што сега и самата го посочи. „50 години брак, баба и дедо“, напиша таа покрај фотографијата што ја објави на „Инстаграм“, на која се родителите на нејзината мајка Весна, која, инаку, по професија е психолог. Фото: Инстаграм принтскрин/minajokssimovic