прозва – Вистина.мк

Одново ја обвинија дека ги фотошопира фотографиите, па Карлеуша ги прозва медиумите: „Ги повикувам сите српски новинарки да застанат покрај мене, а јас ќе бидам гола, па да се сликаме?“

Антонио Димитриевски — Tue, 31 May 2022 11:56:19 +0000

Пејачката Јелена Карлеуша повторно стана мета на критики на дел од посетителите на концертот во Мостар, кои по нејзиниот настап побрзаа на социјалните мрежи да откријат „како таа всушност изгледа во живо“!? Пред полниот клуб Јелена настапи во градник и хеланки „Версаче“, а пред да излезе на сцената објави фотографии од својот стајлинг на Инстаграм. Нејзините следбеници споредија „пред и потоа“ и шокирано коментираат „дека воопшто не изгледа како на социјалните мрежи“. Српските медиуми наводно објавија дека обожавателите ги споделија клиповите од настапот како доказ „дека ниту стомакот не и е толку рамен“, како и дека „Јелена сигурно ги средувала сликите на Инстаграм“.

View this post on Instagram

A post shared by 𝐉𝐄𝐋𝐄𝐍𝐀 𝐊𝐀𝐑𝐋𝐄𝐔𝐒𝐀 || 𝐅𝐀𝐍 𝐏𝐀𝐆𝐄 (@karleusa.ljubav)

Во меѓувреме, Карлеуша видно изнервирана лутито им возврати на медиумите на Твитер, кои според неа, наводно шират невистини. „Нон стоп читам во медиумите навреди дека ги фотошопирам фотографиите. Ги повикувам сите српски новинарки да застанат покрај мене, а јас ќе бидам гола. Па да се сликаме?“ Фото: Инстаграм принтскрин/jelenakarleusa.1/karleusastar

Огнен Амиџиќ ја прокоментира ситуацијата кога Тања Савиќ ја напушти неговата емисија: „Непрофесионална е, таквите ситуации ми се смешни“

Христина Ѓоргиевска — Tue, 01 Mar 2022 10:09:43 +0000

Пејачката Тања Савиќ неодамна гостуваше во емисијата „Амиџи шоу“. Меѓутоа, се случи вистински скандал кога пејачката стана и ја напушти емисијата, па не се ни врати. По тој повод, сега се огласи и Огнен кој ја прокоментира целата ситуација. -Не се слушнавме и не гледам причина за такво нешто. Тања не испадна професионална, прво за мене, а потоа и за останатите гости во студиото. Секој има право да си ја гради кариерата како што сака, но некои работи не се на место, вели водителот. -Мене тоа лично не ме погодува бидејќи сум професионалец, но не е во ред на тој начин да се прави приказна во медиумите. Ако некој има проблем со гостите кои ги покани мојот тим, секогаш може да ми каже, па ќе се договориме да го поместиме гостувањето. Ваквите ситуации се смешни, вели Амиџиќ. -Има неколку имиња кои повеќе нема да ги поканам во емисија, но нема да ги именувам. Тие ќе се препознаат. За потсетување, во емисијата во која гости беа Тања Савиќ, Ивица Дачиќ, Јована Јеремиќ и Бранимир Несторовиќ додека Јована одговараше на прашање, Тања го напушти студиото со изговор дека оди во тоалет и не се врати. Од друга страна, Јована тогаш порача: -Замина во тоалет и не се врати, само си замина додека одговарав на прашање. Не навлегувам во причините за нејзиниот заминување.Мислам дека интелектуално не можеше да се вклопи со нас, таа нема заеднички теми со нас, изјави таа. Откако Савиќ ја напушти емисијата, се огласи за медиумите и потенцираше дека нема што да коментира. фото: Инстаграм/amig show/tanja_savic_private/youtube/

Ѓорѓе Давид ја прозва ќерката на Босанац: „Таа е обична селанка и наркоманка“

Христина Ѓоргиевска — Fri, 28 Jan 2022 10:06:11 +0000

Александра Стојковиќ Џиџа е во „војна“ со пејачот Ѓорѓе Давид откако слушнала дека тој ја навредувал на снимањето на емисија на „Гранд“, пишува курир.рс Наводно, додека ќерката на Драган Стојковиќ Босанац била на снимање на „Гранд специјал“, Ѓорѓе Давид дошол до трибината каде седи публиката и почнал да ја навредува пејачката. -Праша кои луѓе се во емисијата, па наводно не слушнал за Дарко Лазиќ и Барбара Бобак, па му објаснуваа кои се. Потоа, праша која е „оваа“ мислејќи на Џиџа. Кога го слушна нејзиното име започна со навреди. Тој кажа: „А тоа е Џиџа, селанка и наркоманка, ќе видиме за кој вели дека е кал, вели изворот и додава дека рокерот објаснил зошто е лут на Стојковиќ. -Колку разбрав, Ѓорѓе ја видел изјавата на Џиџа во еден босански магазин во која истакна дека не сака да ги коментира членовите на жирито на „Ѕвездите на Гранд“, освен нејзиниот татко бидејќи не сака да се расправа со кал, вели изворот. По овој повод се огласи и Стојковиќ која истакна дека и таа слушнала од екипата дека Ѓорѓе Давид зборувал лошо за неа и вели дека никогаш жирито не го нарекла „кал“. -Посветена сум на својата нова песна „Есктаза“, добивам поддршка од сите страни бидејќи сум цар, а тој како господин воопшто ми е неважен во животот, порача пејачката. По овој повод се огласи и рокерот, кој кратко прокоментирал: „Глупост“. фото: принтскрин/инастаграм

Опозицискиот политичар Бошко Обрадовиќ жестоко ја прозва, Карлеуша брутално му возврати: „Јас како родена белграѓанка не сум сигурна дека сме родени во ист град, кој го нарекувате „свој“!

Антонио Димитриевски — Tue, 04 Jan 2022 11:05:18 +0000

Јелена Карлеуша одговори на прозивката на опозицискиот политичар Бошко Обрадовиќ, кој нејзиниот новогодишен настап го нарече антимузички и промоција на хомосексуалноста. „Белград, главниот град на Србија, повторно се посрамоти од антимузичкиот настап на Јелена Карлеуша и промовирањето на хомосексуалноста со која ги мамат младите во пресрет на фискалната Нова година, сето тоа емитувано на националната фреквенција. Злобниот Весиќ го понижи повторно нашиот Белград и Србија“ - напиша Обрадовиќ на Инстаграм, а Карлеуша брутално му возврати одговарајќи: „Вие сте ми мене супер, многу ми е жал што таков музички стручњак како тебе не е нов член на жирито на „Ѕвездите на Гранд“! А и згодни сте, сигурно би направил одличен рејтинг со овие „кул“ фашистички испади кон своите граѓани и јавните личности (Цеца е премногу досадна). Од каде сте? Јас како родена белграѓанка не сум сигурна дека сме родени во истиот град што го нарекувате 'свој'. Ние белграѓаните никого не мразиме, за нас сите се добредојдени во овој град, вклучително и вие“, напиша Јелена и додаде: „Смрт на фашизмот - слобода на народот“. Карлеуша се осврна и на забелешката на Бошко Обрадовиќ за заменикиот градоначалник на Белград, како што го нарече „злобниот Весиќ“: „А тој злобниот Весиќ, како што го нарекува овој човек, го направи Белград центар на светот во новогодишната ноќ, донесе 100.000 туристи од целиот регион на дочек и покажа дека сме град со големо срце што не ги дели луѓето по националност, вера или сексуална ориентација. Го сакам Белград“ - заклучи Карлеуша. Фото: Инстаграм принтскрин/karleusastar

Маја Николиќ ја прозва Теа Таировиќ: „Имаш интимно видео, а глумиш дека си светица“

Христина Ѓоргиевска — Thu, 25 Nov 2021 10:31:24 +0000

Пејачката Теа Таировиќ неодамна го напушти студиото за време на една емисија откако и беше поставено прашање за нејзиното експлицитно видео. Имено, водителот ја праша Теа дали експлицитното видео за кое се зборуваше и помогна во кариерата, а таа одби да одговори. Потоа, ја праша дали може да биде само со еден маж или мора да има два партнери, а тоа ја налути пејачката. -Теа не можеше да верува што ја снајде. Изгуби контрола. Му кажа на водителот дека е безобразен, па веднаш ја напушти емисијата, вели изворот. Ова ситуација сега ја прокоментира и нејзината колешка Маја Николиќ. -Никогаш не напуштив емисија, ние сме јавни личности, секој може да праша што сака. Водителот со право ја праша како тоа се случило, а таа вели дека нема коментар. Па зошто беше дел од тоа? Дозволи некој да те снима и да те пушти во етер, а потоа доаѓаш на ТВ и глуми-ш светица?, изјави Маја во „Гранд магазин“, па го прокоментира и експлицитното видео на Теа. -Секој си прави маркетинг како што сака. Мене тоа ми е глупаво и ниско. Никогаш нема да се занивам со тоа. Сите знаат како пејам. Ова е време на скандали, секој ден читаме како некој починал и покрај сите тие вести добиваш еден таков скандал. Не треба да ја поврзуваме музиката со експицитни видеа. Но ете, постојат две личности кои ја градиле кариерата на таков начин“ изјави Маја и додаде: -На дами како Снежана Ѓуришиќ, Ана Бекута, Јелена Томашевиќ, па и на мене, на нас тоа не ни ни треба. Но, не гледаат сите жени на ист начин.Тоа може да се очекува од некои млади, новокомпонирани пејачки...изјави Николиќ. фото: принтскрин/инстаграм/немања николиќ/приинтскрин/принтскрин/амиџи шоу

Старлетата и се „истури“ на водителката: „Фреквенцијата на нејзиниот глас убива молци!“

Антонио Димитриевски — Wed, 29 Sep 2021 12:24:55 +0000

Додека јавните личности од светот на шоу - бизнисот се' повеќе се обидуваат да испраќаат зборови на поддршка едни за сметка на другите, особено кон жените, на Балканот ова изфгледа не е баш вообичаена практика, а старлетата Тамара Ѓуриќ уште еднаш со пример го потврди тоа. Имено, во своето последно јавно излагање, старлетата од ништо не предизвикана или испровоцирана, јавно ја прозва ТВ водителката Сања Маринковиќ. „Колку ме нервира бојата на нејзиниот глас, тонот и нејзината фреквенција што убива молци во мојот стан. Таа е толку смешна жена, со таа голема глава во однос на тоа мало тело“ - изјавила Тамара за српски „Еспресо“. „Преискварцана, евтина... И нејзината фризура во стилот на фризерката Мица... Како Екстра Нена од 1992 година. Одвратно! Има лик како од споменарите на моите пријателки кога бев мала“. „Тоа и е само за во споменар, а не за на ТВ екран“ - додаде Ѓуриќ. Водителката остана без коментар... Засега! Фото: Инстаграм принтскрин/sanjamarinkovicofficial/

Аца Лукас го откажа илинденскиот концерт во Охрид, па прозва дел од македонските медиуми и продукцијата која во ист ден организира концерт на Петар Грашо: „Зошто мојот го ставивте во многу лош контекст, а концертот на уважениот колега никој не го спомна?“

Антонио Димитриевски — Tue, 28 Jul 2020 06:58:51 +0000

Илинден е на прагот, следува споен викенд од три неработни дена, во кои традиционално македонскиот езерски бисер Охрид секоја година е полн како око. Сместувачките капацитети распродадени, кафеаните однапред резервирани, на плажите нема игла каде да фрлиш... И сето ова годинава ќе биде мултиплицирано неколку пати, заради корона епидемијата и неможноста да се патува надвор од границите на Македонија, па Господ нека ни е напомош по „Илинденскиот корона кластер“ кој допрва ќе следува. Но, тоа е друга тема на приказната, за жал, грдата страна на убавото. За Илинденските празници во Охрид токму заради препосетеноста со туристи, години наназад традиционално се организирале и случувале десетици културни и музички манифестации, концерти, настапи на познати естрадни ѕвезди... Така требаше да биде и годинава, арано ама... По најавените концерти на неколку музички ѕвезди, меѓу кои и концертот на српскиот турбо фолк пејач Аца Лукас засилен со неговат колешка Сандра Африка, јавноста се крена на нозе заради ризикот од корона зараза при таквите масовни собирања. Уште повеќе заради тоа што нивните пакет настапи во соседна Србија беа забранети или откажани сеедно, заради корона епидемијата, а кај нас... Социјалните мрежи зовреа од негативни коментари, дел од македонските медиуми ја потенцираа и мултуплицираа приказната, па Аца Лукас и неговиот охридски, илинденски концерт завршија дури и во централниот дневник на некои од најгледаните македонски телевизии, како ТВ Сител, на пример. Сфаќајќи ја сериозноста и ризикот од настанатата ситуација, а можеби уште повеќе и ризикот по сопствената кариера и популарност, српската поп-фолк ѕвезда се огласи со свој статус на социјалните мрежи го откажа концертот. Од хумани или бизнис причини, или можеби од двете, само Аца Лукас знае, но, како и да е, концерт нема да има! „Почитувана публико, драги мои фанови и сите луѓе во Македонија, мислам дека е соодветно да се обратам до сите Вас, како и на целата македонска јавност, преку мојот Инстаграм и да разјаснам некои работи поврзани со мојот настап што требаше да се случина 1 - ви август оваа година. Моите концерти не ги закажувам јас, туку мојот менаџмент и тоа таму, каде што ќе не повикаат. За овој концерт бев информиран само пред неколку дена и веднаш побарав гаранции дека концертот ќе биде регулиран и одобрен од сите соодветни инстиуции, зашто токму јас бев запрепастен кога дознав дека ми е закажан настап! Но, до ден денес, добив само усмени гаранции од организаторот, што за мене не беше доволно. Со извинување до македонските музичари, пејачи и музички уметници кои се принудени да седат дома и не работат и морална обврска утре некој да каже дека се заразил на мојот концерт и извинување на оние кои му се радуваа на тој концерт, ве информирам дека концертот на Александар Вуксановиќ - Аца Лукас на 1-август во Охрид е ОТКАЖАН и НЕМА ДА СЕ ОДРЖИ“ - меѓудругото напиша Лукас, лично откажувајќи го концертот. Но, не помина долго, само неколку часа кога Аца Лукас одново се огласи на својот Инстаграм профил со нова статус. Овој пат српската турбо фолк ѕвезда, очигледно нервозен, лут и навреден, прозва дел од македонските медиуми, како и организаторите на другите, конкурентски концерти како оној на Петар Грашо, на пример, кој истиот ден во Охрид треба да се одржво организација на „Прагма продукција“ зад која стои менаџерот Кристијан Стефановски, концерт кој никој не го спомна. Ниту на социјалните мрежи, ниту во медиумите иако датумот ( 1-ви август), локацијата (Охрид) и секако ризиците од можна зараза заради масовно собирање се исти, како и на концертот на Лукас!? Токму испровоциран од ова, српскиот поп-фолкер одново се огласи, па прозва дел од македонските медиуми и организторот - „Прагма продукција“: „Со должна почит кон мојот колега и еден од моите омилени пејачи и со верба дека во ваква ситуација за својот настап секој одлучува според сопствената совест, само би поставил прашање до одредени медиуми како што се: Фокус, Лидер магазин, Охридски новини, итн...Од една страна, тие со право го кренаа својот глас против мојот настап и не беа нималку пријатни. Јас би ги прашал само една работа: По кој основ е направена разлика меѓу овие два концерти, па мојот е споменуван во многу лош контекст, а концертот на мојот уважен колега никој не го спомна иако се одржува во ист ден? Јас стојам зад мојата одлука и нема да ја менувам, но би ги замолил споменатите медиуми да ми одговорат кој е факторот на ризик на мојот, а кој на овој, другиот концерт, па него го испуштија од вид кога мене ме нападнаа? (И честитам на оваа, некоја „Прагма продукција“ на успешен концерт, однапред. Бидејќи сега можат да бидат сигурни дека ќе им биде успешен)“ - напишал Лукас коментирајќи го селективниот третман и уште поселективната медиумска осуда за двата настани кои треба(а) да се одржат во исто време, на исто место со ист фактор на ризик.

Шарлиз Терон го прозва Стивен Сегал: „Смешен е, никаков борец, тој навистина е неспособен!“

Христина Ѓоргиевска — Fri, 26 Jun 2020 10:29:26 +0000

Актерката Шарлиз Терон во последното интервју го прозва Стивен Сегал истакнувајќи дека нема проблем да се дестанцира од него затоа што тој не е миленик на публиката. Имено, во интервју за Хауард Стен, Шарлиз зборуваше за тоа како да се подготвува за борбени сцени, односно сцени во филмови за кои е потребно добро познавање и употреба на воените вештини Додека зборуваше на таа тема, таа го прозва колегата Сегал велејќи дека тој е крупен човек и дека не покажува никакви вештини, туку само го користи фактот дека е огромен и само ги турка луѓето. „Ноќе на интернет пребарувам борци или барам да гледам како луѓето се борат. Секогаш наидувам на чудното видео на Сигал како се “бори“ во Јапонија, но тој навистина не е способен. Навистина е претежок и ги турка луѓето“ изјави Шарлиз. „Тој има вишок на килограми и едвај се бори. Смешен е, ги турка луѓето по целиот свет“ додава актерката. Терон истакна дека нема проблем што така зборува за колегата бидејќи тој не е миленик на публиката.

Лидија Вукиќевиќ ја прозва Анабела: „Таа е лоша мајка“

Христина Ѓоргиевска — Mon, 22 Jun 2020 08:54:01 +0000

Атрактивната водителка Лидија Вукиќевиќ не сака да биде дел од реално шоу, но редовно ја следи Задруга. Таа вели дека редовно го гледа реалното шоу на Пинк и дека е запрепастена од однесувањето на семејството Ѓогани, а најмногу е разочарана од Анабела Атијас. „Од се’ може нешто да се научи, па и од „Задруга“. Имам доволно слободно време и интересно ми е да гледам. Мислам дека Анабела не требаше да влезе во Задруга затоа што се покажа како лоша мајка. Жал ми е за Луна“, изјави актерката. На прашањето дали и верува на Анабела дека добила алопеција поради Ѓогани, таа вели: „Тие работи не се изнесуваат јавно. Тоа е ужасно. Мислам дека Анабела влезе во „Задруга“ за да го спречи сексот на Луна пред камери. Кога истакна дека влегла во Задруга за да се оправада, бев изненадена. Каква е тоа мајка? На Луна таму не и се потребни ни татко ни мајка. Мислам дека мајката ја одредува судбината на детето. Семејството пропаѓа кога ќе ослаби мајката, а не таткото“ вели Вукиќевиќ. Според Лидија, Анабела е виновна за се’. „Оној момент кога мајката ќе згреши, децата страдаат. Анабела неколку пати го праша Гаги: „Каде беше кога на децата требаше да се плаќа за образованието, за операцијата....? Јас никогаш не го прашав такви работи мојот бивши сопруг. Во моментот кога се разведов јас преземав одговорност. Не му велев: „Земи ги синовите, морам на претстава“. Ги носев со себе. Некогаш беа зад сцената, некогаш во гардеробата, некогаш во публика, но често беа со мене“ вели Вукиќевиќ.

Панчо од ДНК ја прозва власта: „Естрадата е тотално заборавена и никој не зборува за неа“?!

Антонио Димитриевски — Tue, 26 May 2020 07:05:02 +0000

Корона пандемијата кај нас никако да стивне... Напротив, дури зема и замав, па секој ден имаме повеќе новозаболени отколку во т.н. пик, нови починати, се' уште карантин, изолација, полициски час... Од една страна на власта устата и е полна со повици за брзи избори, на кои во вакви услови наместо гласови ќе броиме новозболени и починати, а од друга страна мафта со некакви први, втори, трети пакети на мерики, од кои никој не е задоволен. Цели дејности и индустрии се заборавени, забаталени, маргинизирани и оставени сами на себе, па затоа секојдневно наместо насмеани, задоволни и среќни лица, гледаме катанци на вратите и натписи од типиот: дуќанот се издава, локалот се продава, просторот се рентира... Туризмот, угостителството, естрадата, ивент индустријата, па и добар дел од културните дејности се на „респиратор“... На умирање. А без нив, ќе умре и нашиот идентитет како народ, како Македонска нација! Естрадата и ивент индустријата каде по дифолт е се' во приватна сопственост, државата дефинитивно ги заборави! Илјадници естрадни уметници, пејачи и пејачки, музичари, продуценти, автори, со месеци се без „скршена банка во џебот“, оставени самите на себе, да живеат од заштеда, позајмици, кредити... а при тоа да немаат можност ништо да заработат. Истата приказна, копи - пејст е и со т.н. ивент индрустрија. Менаџери, извршни продуценти, организатори на концерти, изнајмувачи на озвучување, осветлување, сценска опрема... Сите тие сосе нивните вработени и семејства се препуштени на стихијата. Кој ќе преживее - ќе раскажува... Или ќе се кае и проколнува!? И за нив власта молчи, ништо не зборува, никој не ги споменува... Оставени, заборавени, дискриминирани... А се работи за илјадници луѓе во Македонија, плус нивните повеќечлени семејства, кои од пристојна и солидна заработка, негрижата на државата и власта речиси ги претвори во социјални случаи... Од газди во питачи! Премиерката на соседна Србија, Ана Брнабиќ на пример, веќе дозволи одржување на најголемиот фестивал во Европа „Егзит“ каде се собираат неколку стотици илјади луѓе во август. Во Хрватска Министерството за култура и „Хрватското здружение на музички уметници“ се во акција за помагање и субвенционирање на најзагрозените естрадни уметници и музичари, кои освен своите настапи кои ги нема, немаат друг извор на егзистенција за себе и нивните семејства, додека во Македонија помошта од државата за оваа фела е само мисловна именка! Нашето Министерство абер нема да и помогне на естрадата, или пак ЗАМП, кој кога беа неговите интереси во прашање, дури се дрзна да забранува македонска музика со месеци на медиумите, а касата ја полни до небо токму од парите на естрадните уметници. Неговите челници сега скриени како глувци во глувчешка дупка, си молчат и си крцкаат од колачот, ниту на крај памет да им падне да бидат хумани, да се фатат за џебот и да им помогнат на најзагрозените од оние, кои истиот тој џеб дебело им го полнат! И додека естрадата диши на „респиратор“ или подобро речено како риба на суво „на шкрги“, меѓу првите се јави Владимир Блажев, алијас ДЈ Шорти или познат како Панчо од ар ен би дуото ДНК, кој отворено и јавно ја прозва власта преку својот Фејсбук, дека нивната дејност е заборавена, а ивент индустријата и естрадните уметници грубо дискриминирани. По неговиот јавен повик до владата можеби некому од власта... ќе му текне?! Како што им текнуваше да прават спектакли на кои трошеа стотици илјади државни, или поточно, наши пари, за Цеца, Брена, Аца Лукас, Жељко Јоксимовиќ, Северина... Од „Струмица опен“, преку „Пиво фест“ во Прилеп до „Штипска пастрмајлијада“... и уште стотици локални „селски игранки“ за турбо забава на народот и политички поени на власта!