Колку често треба да вадите крв?

Слаѓана Атанасова — Fri, 09 Dec 2022 12:46:59 +0000

Земањето крв е една од најчестите лабораториски анализи. Често е дел од рутински или систематски прегледи, а првенствено помага во проценката на здравствената состојба на човекот, но и во процесот на дијагностицирање и следење на одредена болест. Меѓу лабораториските тестови на крвта, најпозната е таканаречената комплетна крвна слика (CBC), а многу луѓе ги интересира колку често тоа треба да се прави. Како што објаснуваат лекарите, тоа зависи од многу различни фактори. Сепак, тие препорачуваат рутински тестови на крвта на своите пациенти најмалку еднаш годишно. Тие ги сметаат за важни пред се за следење на општата здравствена состојба и рано откривање на можни болести. Вадењето крв буквално може да ни го спаси животот и да го обезбеди потребниот третман пред болеста да стане комплицирана. Кога станува збор за хронични пациенти кои земаат лекови, понекогаш лекарите препорачуваат земање крв двапати годишно, а во ретки случаи и почесто. Извор: Курир.мк

Викторија Лоба на авто проверка: Чие масло е русокоса сама да менува масло?

Антонио Димитриевски — Thu, 10 Feb 2022 08:25:27 +0000

Какво време дојде, естрадните личности повеќе ќе заработуваат од рекламирање на се' и сешто отколку од професијата, па аналогно на тоа, пејачките повеќе да ги има на рекламите на нивните Инстаграм профили, отколку ТВ и на настапите. До душа не сите и не постојано, иако Викторија Лоба е една од оние која во последно време колку што е пејачка, толку е и инфлуенсерка, па дури ова второво на моменти и повеќе. Со последната серија настапи сепак потсети што и е примарна професија, но рекламирањето никако не смее да „трпи“ , а зимата е згодна прилика да се покаже како треба да се подготви и одржува автомобилот. Без оглед дали го возите локал или се спремате за зимување, доволно е едно видување и потврда дека возилото ви е во топ форма, за кога ќе седнете зад воланот да не ви биде „главата во торба“. А, токму Лоба беше „избраната“ да покаже како се ставаат ланци, како се прави проверка на триста други тракатанци пред да тргнте било каде со вашиот автомобил и што се' тој треба да има, особено ако е во прашање подолг пат среде зима. Една од двете многу важни работи се проверката на нивото на течноста за ладење во моторот и нивото на моторното масло. До душа секој вистински домаќин тоа го прави навреме во овластениот сервис, ама сепак... Што си е сигурно - сигурно, да не ви остане некаде среде планина возилото „зарибано“, Лоба е презентерката што ќе ви покаже како се прави проверката. Прво треба да ја знаете мерката, до каде треба да биде нивото на маслото во возилото. Со манир на искусен сервисер, пејачката покажа дека ја бива за контрола, од течност до амортизер, откако онака стручно ја објасни постапката за проверка, покажувајќи до каде е пропишаната мерка на шипката за масло под хаубата. Сепак, едно изостана во процедурата, какво масло се дотура, доколку се случи при проверката да констатирате дека на моторот масло му недостасува!? Ова веројатно беше изоставено од „строго безбедносни причини“, зашто како што се гледа од приложената илустрација, не секоја русокоса е подготвена да ја запази пропишаната процедура, а уште помалку да го погоди типот на маслото, неговата густина, вискозност и текстура. Особено ако маслото е зејтин, што го наметнува прашањето: „Чие масло е русокоса сама да менува масло?“ И дали воопшто треба да и падне на памет и да проба? Освен ако не е толку вична, како Викторија Лоба! Фото: Инстаграм принтскрин/victorialoba/#јасвнимавамсовет

проверка – Вистина.мк

Колку често треба да вадите крв?

Викторија Лоба на авто проверка: Чие масло е русокоса сама да менува масло?