proud – Вистина.мк

Тијана наместо Тамара: Вака звучи евровизиската „Proud“ кога на сцена ја пее постарата сестра!

Антонио Димитриевски — Tue, 03 Mar 2020 08:08:32 +0000

Првите месеци од годината на Тијана Дапчевиќ навистина и носат радост и среќа. Таа најпрвин го прослави својот четириесет и четврти роденден, а потоа го славеше и единаесеттиот роденден на својот син Вук, притоа покажувајќи се не само како добра мајка, туку и како жена - домаќинка, приготвувајќи му убава роденденска торта на славеникот. https://arhiva.vistina.com.mk/radio-mileva/po-dva-dena-od-nejziniot-rodenden-tijana-dapchevikj-povtorno-imashe-povod-za-slavenje-foto/ Едноставно Тијана во последно време има навистина добра причина да биде горда на себе и своето семејство. Но, деновиве македонската пејачка со белградска адреса на живеење имаше причина плус за гордост. Овој пат најмногу горда на сестра и Тамара. Најпрвин заради солидно обавената дебитантска улога на една од водителките на последните МАЦ регионални музички награди во Белград, а потоа како што самата рече, заради најспектакуларната песна во изминатата 2019 година, евровизиската „Proud“ со која Тамара и го донесе надобриот пласман на Македонија во историјата. Токму во таа чест Тијана на српскиот избор за Песна на Евровизија односно „Беовизија 2020“ застана на сцената и како специјална гостинка гордо ја отпеа „Proud“. Верзија ништо поразлична на оригиналната, но изведена со малку поинаков жар, поинаква емоција и со поинаква енергија... Но, со експресија која исто толку, колку и онаа при изведбата на Тамара буди морници кога ќе ја слушнете. Тијана горда на на Тамара, но, затоа Македонија е горда што ги има сестрите Тодевски. Тијана наместо Тамара... Вака звучи евровизиската „Proud“ кога на сцена ја пее постарата сестра!

View this post on Instagram

Juče sam imala priliku da otpevam najspektakularniju pesmu 2019. godine, koju je izvela moja seja @tamaratodevska na #Eurovision u Tel Avivu i učinila da budem najponosnija na svetu ???⁣⁣ ⁣⁣ @noyesmakeup⁣⁣ @elenaluka_official ⁣ ⁣ #Beovizija #ESC #PROUD

A post shared by Tijana Dapčević (@tijana.dapcevic) on Mar 1, 2020 at 9:56am PST

Евровизиската „Proud“ низ призмата на „Cyrillic“ ( АУДИО)

Антонио Димитриевски — Wed, 19 Jun 2019 13:11:09 +0000

Секогаш е интересно да се слушне како музичарите ги преработуваат и им го менуваат „ликот“ на песните од своите колеги, преместувајќи ги во сосема нов жанр и давајќи им свој печат, а токму тоа го направи прилепското дуо „Сирилик“ (Cyrillic) со евровизиската балада „Proud“ на Тамара Тодевска.

Талентираните музичари сè повеќе се активни и со авторска музика и песните како што се „Во тебе се гледам“ со Дина Јашари или актуелната „Доволни“ со Валери но одлично се снаоѓаат и со ремиксите, а овој најновиов само дополнително ќе ја зголеми армијата следбеници, и нивната и на Тамара.

Песната која беше победник според гласовите на жиријата и во втората полуфинална вечер и во финалето, претходно доби ремикс-изданија и од белградскиот диџеј и продуцент Грамофонџие како и од еден од авторите, самиот Роберт Билбилов кој воедно е дел и од тимот што ја компонираше оригиналната верзија. Како звучи „Proud“ низ ремиксот на „Сирилик“, дознајте во продолжение. https://www.youtube.com/watch?time_continue=29&v=dHdZcBeujUE Извор: РадиоМК

Тамара ја лансираше Македонија на врвот: Гордо и маестрално ја сменивме македонската историја на Евровизија, а на Европа и покажавме како се пее!

Слободанка Илиева — Sun, 19 May 2019 06:00:33 +0000

Тамара Тодевска со својата изведба и пласман на 64-то издание на Евровизија, ја остави својата нација без здив како никогаш досега. За оние кои не веруваа дека може да се случи нешто вакво, имаше доволно време дури да размислат и како Македонија ќе ја гради салата по нашата победа, откако повеќе од половина час „Proud“ беше на првата позиција според гласовите на жирито од 41 земја. Настапивме осми по ред во првата половина на финалето, а иако обложувалниците прогнозираа дека ќе завршиме од 14-та до 12-та позиција, крајот покажа поинаку.

Уште на почеток гласовите од жирито ги добивме речиси од секоја семја, а 12 поени имавме од Австрија, Велика Британија, Албанија, Молдавија, Швајцарија и Србија. Токму кога имавме повеќе од 30 поени пред Шведска, гласањето на Словенија беше пресекот кога падна нашето бодовно салдо, а исто така и само 1 поен од јужните соседи.

Сепак, токму таквата возбудувачка бодовна позиција, која никогаш не сме ја почувствувале, не натера да бидеме еуфорични и да помислиме дека ете и ние можеме, со маестралниот вокал на Тамара која на Евровизија одржа час по пеење и емоција на сцената. Бевме горди со постигнатото на нашиот тим! Се водевме по мотото на натпреварот „Осмели се да сонуваш“, а ние освен сонот, знаевме како напорно да работиме со селкцијата на вистинските!

Со гласањето на жирото „Proud“ заврши на второ место со само 2 поена зад Шведска. И токму кога не очекувавме, на крајот се случи пресврт, па по гласовите на публиката добивме скромни 58 бода и завршивме на осмото место на финалната табела со 295 поени. Тамара Тодевска неколку часа по возбидливото евровизиско финале во Израел се огласи на својот Инсатграм и напиша:

Ова се само некои од луѓето кои направија мојот сон да се исполни. Бидете опкружени со вистинските луѓе и верувајте ми, секогаш ќе бидете горди! - пишува Тамара на својот Инсатграм профил.

Македонија ја промени својата историја на Евровизија и добивме пласман со 4 места погоре, а со тоа за првпат влеговме во најдобрите или ТОП 10. „Горда“ е дело на Роберт Билбилов, Лазар Цветковски и Дарко Димитров, автори на музиката и аранжманот , а текстот го напишаа Коста Петров и Сања Поповска. https://www.youtube.com/watch?v=0pAURAsum4A

„Плачам кога ја слушам „Proud“: Горди на Тамара и Македонија – фанови од цела Европа импресионирани од нашата песна (видео)

Слободанка Илиева — Wed, 20 Mar 2019 08:54:27 +0000

Тамара Тодевска во Тел Авив ќе настапи на 16-ти мај на Евровизија во втората полуфинална вечер со песната „Proud“, која е авторско дело на тимот што како потписници на музиката го сочинуваат Роберт Билбилов, Лазар Цветковски и Дарко Димитров, а текстот е дело на Коста Петров. „Proud“, наиде на доста позитивни реакции, но и негативни, претежно од домашната јавност која како по правило секоја година не останува рамнодушна да каже што не чини. Сепак, не би било нормално да не постојат и такви на кои нема да им се допадне, бидејќи за вкусови не се дискутира. https://www.youtube.com/watch?v=Sw-NQ1a1zZ0 Песната на официјалниот евровизиски Јутјуб канал беше објавена на 8-ми март, а оттогаш постојано се нижат ласкави коментари на евровизиските фанови од: Русија, Потругалија, Бугарија, Србија, Босна и Херцеговина, Албанија, Грција, Шведска, Холандија, Србија, Украина, Шпанија, Израел, Полска... https://www.youtube.com/watch?v=u4z4kSIA9b8 Под објавата на спотот, Македонија уште сега може да биде горда колку Европа се воодушевува на нашата песна, а од ласкавите коменатри и видеа со рекации се редат до недоглед. Моќната „Proud“ ги буди емоциите, допира длабоко и навлекува да ја слушаат повторно и повторно. https://www.youtube.com/watch?v=tbr6vj9FbUg „Милион поени од Израел. Ова е победникот“; „Победник, поздрави и од Албанија“; „Прекрасна порака, со љубов од Бугарија“; „12 поени од Шпанија“; „Неверојатна и моќна песна! Импресионирана сум! Со среќа од Украина“; Плачам, прекрасна песна! Со љубов од Русија“ – се само мал дел од коментарите на интернет каналот, а нови се редат постојано од сите краеви на Европа. https://www.youtube.com/watch?v=6FrsCZQR-DQ Македонија сигурно може да се гордее уште сега, бидејќи публиката е онаа која ја носи пресудата, а правилата на Евровизија каде и да не постават, ќе биде јасно дека годинава нашата земја ќе има сосема поинакво искуство од досега на евровизиската сцена.