протеини – Вистина.мк

Симптом кој може да биде знак за недостаток на протеини и се појавува на кожата

Слаѓана Атанасова — Tue, 17 Oct 2023 12:22:33 +0000

Диететичарите објаснуваат дека доволниот внес на протеини е исклучително важен за целокупното здравје на нашето тело. Исто така, ако го немаме доволно, тоа може да доведе до одредени здравствени проблеми, од кои многу не се воопшто безопасни, но може да доведат до сериозни компликации. Токму затоа е важно навреме да препознаеме дека има недостаток на протеини во нашето тело за да ги спречиме несаканите последици, пренесува The Sun. Но, како да препознаеме дека консумираме недоволно количество протеини? Еден од првите симптоми што укажува на тоа е видлив на кожата на скалпот, а тоа е ненадејно или зголемено губење на косата. Како што објаснуваат експертите, необјаснивото опаѓање на косата е еден од најчестите предупредувачки знаци. Ако некој забележи дека косата му се проретчува, можно е на овој начин телото да му каже дека му недостасуваат протеини. Колагенот е најзастапениот протеин во телото, неопходен за нашата коса, кожа, нокти, зглобови и коски. Како што старееме, полека го губиме, што е нормално. Но, ако некое лице забележи драстично опаѓање на косата, причината за тоа обично не е стареењето, туку недостатокот на протеини во исхраната. Извор: Попара.мк

5 знаци кои укажуваат на недостаток на протеини во организмот

Слободанка Илиева — Wed, 14 Jun 2023 12:05:12 +0000

Протеините се важен дел од нашата исхрана бидејќи играат витална улога во одржување на силата на мускулите, зараснувањето на раните, создавањето нови клетки и обновување на старите. Ако човекот не внесува доволно протеини, можат да се појават одредени симптоми. Најјасниот знак за недостаток на протеини е губење на мускулната маса. Покрај него, може да се појави и зголемен ризик од фрактури на коските. Со оглед на тоа дека фоликулите на косата, кожата и ноктите се состојат од протеински нити, недоволната консумација на протеини може да доведе до слаба и кршлива коса, нокти и кожни проблеми. Во екстремни случаи, отечената и надуена кожа е уште еден симптом на недостаток на протеини, а петтиот симптом е застој во растот кај децата. Недостатокот на протеини е релативно редок во западните земји. Повеќето здрави возрасни лица треба да внесуваат 0,8 грама протеини по 1 килограм телесна тежина. Така на пример, возрасна личност од 60 килограми треба да внесува помеѓу 48 и 60 грама протеини дневно. Најдобри извори на протеини се месото (пилешко, говедско, мисиркино), како и млечните производи. Протеините се содржат и во гравот, целите житарки, јаткастите плодови и семките. извор:точка.ком.мк

Полн со протеини: Рецепт за омлет што не содржи јајца и млеко

Христина Ѓоргиевска — Tue, 20 Jul 2021 13:00:28 +0000

Ако не смеете да јадете јајца или не консумирате храна од животинско потекло – постои и веганска верзија на омлетот.

Потребни состојки:

200 мл соино млеко
100 гр брашно од наут
2 лажици прехранбен квасец
1 лажичка јаболков оцет
½ лажичка сода бикарбона
½ лажичка куркума во прав
½ лажичка лук во прав
1/8 лажичка црна сол по желба
сол и бибер по желба
растително масло

Начин на подготовка

1. Измешајте го брашното од наут со соиното млеко за да добиете мазна хомогена смеса. 2. Додајте ги сода бикарбоната и јаболковиот оцет. Добро промешајте. 3. Зачинете ја смесата со прехранбениот квасец, солта и биберот, лукот во прав и куркумата. 4. Загрејте малку растително масло во тава и истурете околу половина од смесата. 5. Печете го омлетот околу пет минути на тивок оган додека не почнете да забележувате меурчиња по работ. 6. Додајте состојки по желба на средината на омлетот и преклопете го на половина. 7. Покријте ја тавата и оставете го да се обработи термички уште пет минути. 8. Повторете ја постапката со преостанатата смеса. извор: кафепауза

Зошто пивото е добро за вашето здравје?

Слободанка Илиева — Fri, 18 Sep 2020 12:40:32 +0000

Повеќето лекари сметаат дека умереното консумирање пиво може да биде добро за здравјето. Точно е дека виното има предност во некои случаи, но постојат работи кои треба да ги знаете и за пивото. Пивото го содржи витаминот Б како и многу протеини. Иако има придобивки, треба да го пиете во умереност за да има корисен ефект. Витаминот Б е потребен за добро здравје, бидејќи ни дава енергија, нормална функција на нервниот систем, ги регулира хормоните, му помага на менталното здравје, како и на здравјето на срцето и имунолошкиот систем. Едно до две пива на ден се исто така добри за вашите коски. Пивото содржи силициум кој не е достапен во многу видови храни, а е поврзан со здравјето на коските. Американските центри за контрола на болести препорачуваат мажите да консумираат две пива на ден, а жените едно. Повеќе од тоа, може да има штетни ефекти врз здравјето. Доколку сакате совршена чаша ладно пиво, оставете ја чашата во замрзнувачот неколку часа, а потоа пивото навистина ќе биде многу вкусно и освежувачко. Пивото исто така можете да го додадете во супи и многу јадења кои вклучуваат цели зрна. Освен неговата консумација, можете да го користите и за вашата коса. Пивото ќе и даде сјај и ќе ја врати во живот. извор:кафепауза.мк

Колку изнесува вистинската мерка на протеини ако сакате да ослабете?

Кристина Петрушевска — Mon, 04 Jun 2018 12:09:36 +0000

Експертите веќе одамна форсираат протеини кога е во прашање диета. Ако имате намера да ослабете тогаш тоа е клучно, бидејќи протеините го држат под контрола гладот и даваат подолго чувство на ситост. А колку протеини по оброк е потребно за постигнување на задоволувачките резултати? Диетичарот Лесли Лангевин вели дека 20 до 30 грама протеин е вистинска мерка ако сте на диета. -Ова е препорака за сите, од 19 до 70 години. Во просек на луѓето им е доволно околу 46 грама протеин дневно. Секако, активностите не се исти кај сите поединци, но ова е некоја средна вредност, вели Лангевин. Таа посочува дека токму таа количина организмот може да ја апсорбира.

Семки од тиква, одличен извор на омега 3 и протеини

Љупчо Најчевски — Fri, 27 Apr 2018 13:18:05 +0000

Семки од тиква во медицината се користеле веќе илјада години. Одличен се избор за грицкање затоа што се богат извор на омега 3 масни киселини кои на телото им се неопходни за одржување на здравјето на срцето и регулирањето на крвниот притисок.

Семките се добар извор на протеини и триптофан

Семките од тиква се богат извор на диетални влакна и масни киселини кои се одлични за здравјето на Вашето срце. Семките се исто така богати со протеини, минерали и корисни витамини. Само 100 грама семки од тиква има 30 грама протеини, дури 100% дневни потреби од железо, околу 30% потреби за ниацин, селен и цинк. Семките од тиква не содржат холестерол, а содржат и триптофан кои е корисен во исхраната на мозокот. Доколку јадете семки од тиква ќе ја намалите веројатноста од кардиоваскуларните заболувања.

БОГАТ СЕ ИЗВОР НА МАГНЕЗИУМ, КАЛЦИУМ, КАЛИУМ, ҖЕЛЕЗО, ЦИНК И ВИТАМИН К

Одлични се во војната против рак

Истражувањата на шпанските научници покажале дека семките од тиква содржат единенија кои успешно се борат против клетките на ракот. Ефикасни се во војната против различните видови на рак и имаат анти воспалително делување. Со истражувањата на германските научници се дошло до заклучок дека жените кои поминале низ менопауза и секојдневно јаделе семки на тиква имале за 23%помал ризик од настанување на рак на дојката. Подеднакво делотворно се покажале и со семките од сончоглед. Здравје на простата Маслото од семките од тиква се користи за лекувањето на зголемената простата (hiperplazije). Маслото ги содржи фитохемикалиите и антиоксиднсите кои го намалуваат нивото на слободите радикали во телото и го спречуваат настанувањето на канцерогени клетки. Зголемената простата е проблем на околу половина мажи над педесеттата година, а семките од тиква и тоа како можат да помогнат.

Ги намалуваат симптомите на менопауза

Доколку барате природен начин да го подобрите расположението или да ги намалите симптоми на менопауза, семките од тиква се одличен избор. Семките го регулираат нападите на жештина,главоболка и ја намалува зачестеноста на моменталните промени на расположението. Научниците докажале дека семките од тиква го зголемуваат нивото на добриот (ХДЛ) холестерол и го регулираат крвниот притисок.

Го намалува холестеролот

Истражувањата покажале дека семките од тиква можат да го намалат нивото на лошиот холестерол за 13%, а нивото на вкупниот холестерол за 10%. Исто така се намалува ризик од згрутчувањето на крвта, болести на кардиоваскуларен систем, мозочен и срцевиот удар.

Го олеснува артритисот

Научниците востановиле дека семките од тиква имаат анти воспалително делување кое ги намалува симптомите на артритисот. Доколку патите од артритис, секој ден изедете околу 30 грама семки како би ги олеснеле симптомите на артритис.

Спречува настанување на остеопороза

Луѓе кои во телото имаат недостиг на цинк треба да размислат за тоа да почнат да ги консумираат семките од тиква. Тие се одличен извор на цинк, минералот кој е потребан за изградба на коските. Само ¼ шолја семки од тиква содржат дури 17% препорачани дневни дози на цинк.

Протеините најдобри за брзо слабеење, но што тоа во суштина значи?

Кристина Петрушевска — Tue, 03 Apr 2018 08:25:31 +0000

Ако се обидувате да изгубите на тежина и редовно да вежбате, честопати можете да ја чуете препораката да внесувате повеќе протеини. Но, што значи тоа во пракса? Протеините треба да направат да се чувствувате заситени, да ги намалите желбите за "забранетата" храна, но исто така се неопходни кога станува збор за градење и одржување на мускулната маса. Најдобра протеинска храна е онаа која содржи голема количина протеини во неа, и неколку калории, а тоа се следните 6 производи. 1. Јајца Едно јајце со просечна големина има само 80 калории и околу 7 грама протеини, и затоа тоа е најдобриот начин да се започне денот. Јајце за појадок ќе го одржува стабилно нивото на шеќер во крвта и ќе ви помогне да јадете помалку дури и во наредните 36 часа.

2. Лосос Во 100 грама варен лосос има само 155 калории и 22 грама протеини. Лососот е богат со омега 3 масни киселини. 3. Козјо сирење со мал процент масти Една чаша козјо сирење со мала содржина на масти содржи дури 24 грама протеини и само 163 калории. Млечните производи богати со протеини помагаат во губењето масти и зголемување на мускулната маса.

4. Пилешки гради Нема многу избор на храна што може да ве засити, а да ви даде толку многу протеини и да бидете нискокалорични. Една таква е пилешки гради - 26 грама протеини и 128 калории на 100 грама. Ова е "разноврсна" храна со која готвењето е пријатно - има безброј рецепти кои го вклучуваат истото. 5. Леќа Една чаша варена леќа ве снабдува со 18 грама протеини, но вие исто така добивате 15 грама растителни влакна, кои ќе помогнат за стабилизирање на шеќерот во крвта и одржување на ситост. Една неодамнешна студија покажа дека луѓето кои јаделе секој ден по една шоља леќа изгубиле еден килограм за шест недели без какви било други промени во исхраната.

6. Свински стек 100 грама свински стек ќе ви обезбеди околу 26 грама протеини и околу 150 калории, што е одлична алтернатива на пилешкото месо, кое најчесто е најзастапен во високо-протеинските прехранбени производи.