Пејачот Џеј Рамадановски почина во неделата на 6 декември, а ќе биде погребан во петок во алејата на заслужни граѓани во Белград. Во меѓувреме, додека целиот регион се простува од фолк легендата, семејството објави некролог и последен поздрав, во кој еден детаљ предизвика нова бура од емоции кај многумина и повторно ја разбранува јавноста. Меѓу тие кои за последен пат се простија од пејачот,  се двете ќерки, внуците,е поранешната сопруга како и последната девојка на Џеј, но не и неговиот зет за постарата ќерка, пејачот Адил Максутовиќ. Според многумина,  Џеј и Адил  не биле во добри односи од пред неколку години, кога Адил ја претепа својата сопруга - ќерка на Џеј, додека таа беше бремена. Иако Џеј никогаш не и се мешал на ќерката, нему тешко му падна што таа беше жртва на вакво сурово семејно насилство, па иако подоцна се смирија, некрологот е само уште еден доказ дека нивниот проблем пејачите никогаш не го решиле. За потсетување, Ана и Адил откако после се' се смирија,  годинава добија и уште една принова. Џеј отсекогаш бил приврзан за внучињата, на кои бескрајно и безрезервно им се радуваше се' до својата ненадејна смрт.

По веста за ненадејната и прерана смрт на новинарот и портпарол на ЕВН, колегата Атанас Ковачевски,  негови блиски пријатели и колеги со неверување и тага, се простуваат од него на социјалните мрежи искажувајќи ја длабоката болка за огромната загуба на колегата, учител, другар и пријател.... Пред се' човек со добро, големо и широко срце. „Не е можно“, напиша ТВ-презентерката на МТВ, Гордана Ѓорчева. Емотивна посвета има и неговата радио колешка Вики Ристовска Чадиковска. „Требаше заедно да се вратиме во радио, да правиме емисија за душа. Така се договаравме. Ах бре Ацика. Каде толку брзо. Нека ти е светол патот. Душата нека ти го најде спокојот. Сигурна сум дека на небото ќе им ја одбираш најубавата музика на анѓелите со твоите емотивно силни најави. Многу ми е жал. Многу, другарче“ – напиша таа на „Фејсбук“. Наташа Стојановска од „Телма“ пишува дека бил вистински другар. „Вчера ми се јави, бараше контакт од некој кој објавувал дека студенти се исклучени од струја. Сакаше да види што е проблемот. Да го реши! Пред неколку дена ме побара да искоментираме за дрес код а зборуваше и за плановите за куќата, за децата. Многу планови остави незавршени… Беше голем човек, секогаш помагаше секому “– пишува таа. Веста со неверувње ја примила и водителката на „Канал 5“, Милена Антовска Станковска. „Беше еден од оние кои ми подадоа рака кога прв пат дојдов во Канал 5. Се понуди да ме научи како да се изразувам на телевизија и да ме научи на правилна дикција. Последен пат се видовме на линк (во време корона). Ти благодарам Атанас за сѐ. Почивај во мир. Сочувство до семејството. Жално, многу жално…“ – напиша Милена.