простор – Вистина.мк

Еве зошто некои од нас имаат добра, а некои лоша ориентација во просторот

Слаѓана Атанасова — Thu, 06 Oct 2022 12:30:54 +0000

Во последниве денови, научниците од Универзитетот во Лондон, со помош на генијална комбинација на виртуелна реалност и создавање слики во мозокот, истражуваа зошто некои луѓе се подобро ориентирани во просторот и зошто некои секогаш мораат да прашуваат за насока каде треба да одат. Тие пронајдоа сигнал во човечкиот мозок кој ни овозможува подобра просторна ориентација. Претходните студии покажаа дека цицачите, како лилјаците, имаат неврони наречени „рутирачки станици“, а учесниците на тестот вклучуваат лондонски таксисти кои генерално работат со GPRS. „Со години се мислеше дека постои ваков вид „станица за насочување“, но досега тоа беше чиста шпекулација“, вели Хуго Спирс, еден од коавторите на истражувањето. За да откријат кој дел од мозокот е вклучен, експертите работеле со 16 волонтери кои истражувале едноставна квадратна соба симулирана на компјутер. Секој ѕид имаше различна фотографија од околината и во секој агол имаше различен предмет. Откако се запознале со просторот, волонтерите биле сместени во едно од виртуелните ќошиња, оделе во одредена насока, а потоа биле замолени да одат кон објект во другиот агол. Во меѓувреме, тие ја следеа нивната невролошка активност со магнетна резонанца. „Бевме изненадени кога ја видовме силата и упорноста на мозочните сигнали од енториналниот дел, што значително влијаеше на она што луѓето го прават за време на ваквата задача“, објасни Хуго. Енториналниот кортекс е дел од мозокот кој ви кажува во која насока да одите додека се движите кон вашата цел. Откриле дека оттука доаѓа нашето чувство за насока, а квалитетот на сигналите од овој дел од мозокот го одредува квалитетот на вашите навигациски вештини. „Вашиот внатрешен „компас“ се прилагодува додека се движите во околината. На пример, ако свртите лево, тогаш вашиот енторинален кортекс треба да го обработи тоа за да ја промени насоката во која одите, и на крајот вашата дестинација. Ако се изгубите откако веќе сте свртете премногу пати, можно е тоа да се случи бидејќи вашиот мозок не може да го следи тој ритам и не може да одговара на правецот во кој се движите и на крајната цел“, објаснуваат авторите на истражувањето. Затоа, заклучокот е дека кај луѓето кои се помалку ориентирани во просторот, енториналниот кортекс работи многу помалку добро. Извор:Курир.мк

Вака изгледа станот на Марија Шерифовиќ вреден 200 илјади евра (фото)

Слободанка Илиева — Mon, 22 Aug 2022 10:53:45 +0000

Пејачката Марија Шерифовиќ поседува неколку имоти, а пред три години купила стан во елитна населба во Нов Белград. Шерифовиќ живее во луксузна населба, каде соседи и колеги и се Саша Ковачевиќ, Милица Тодоровиќ, Стева Анѓелковиќ. Нејзината оаза на мирот ссе простира на 80 метри квадратни, а според медиумите пејачката за овој имот издвоила околу 200.000 евра.

View this post on Instagram

A post shared by Marija Serifovic (@serifovic)

Често на Инстаграм профилот на Шерифовиќ можеме да видиме како пејачката го опремила својот животен простор. Речиси сè изобилува со светли бои, додека парчињата мебел се малку потемни, за да се постигне контраст.

View this post on Instagram

A post shared by Marija Serifovic (@serifovic)

Во пространата дневна соба има голем аголен тросед, домашно кино и разни полици кои пејачката ги комплетираше со ситни детали.

View this post on Instagram

A post shared by Marija Serifovic (@serifovic)

Спалната соба крие вистинска бајка. Во него има француски кревет, како и бројни перничиња кои дополнително го разубавуваат катчето каде таа одмара. Покрај тоа, оваа соба има и огромна бела огледална гардероба која се протега по должината на ѕидот. фото:Инстаграм/Марија Шерифовиќ

Ако очекувавте скапи играчки и детаљи, се излажавте: Ѕирнете во детската соба кај децата на Новак и Јелена Ѓоковиќ (фото)

Слободанка Илиева — Wed, 29 Jun 2022 10:43:07 +0000

Јелена Ѓоковиќ повремено ги „отвора“ вратите од семејниот дом за своите следбеници на Инстаграм. Доволно беше да ни покаже само едно ќоше и да се заклучи како таа и нејзиниот сопруг Новак го уредиле просторот за живеење. Сè е едноставно, практично и најверојатно според правилата на фенг шуи, кои и двајцата ги почитуваат. Минимализам и удобност, светли бои, со дрво како главен материјал во ентериерот. Има многу книги на полиците, всушност - каде и да свртите ќе видите многу книги бидејќи и Новак и Јелена сакаат да читаат и да им ја пренесат љубовта кон ова прекрасно хоби на своите деца. Стефан и Тара имаат свое мало кралство, а нивните родители често им прават друштво кога играат и преку игра го запознаваат светот околу нив. Едната фотографија е направена пред две години, кога Стефан бил помал. Сега на тато му прави друштво додека тренира на тениско игралиште, како вистински спаринг партнер. Тепих, цврст и мек, совршен кога имате мали деца кои почесто се на подот отколку на каучот. Го видовме како составува триделни слики, а на сликата уште помлад, од јануари 2018 година, мајка му се пофали дека веќе ги научил и кирилицата и латиницата. фото:Инстаграм принтсктин

Што да правите кога мажот ќе каже дека „му треба простор“: Со 3 чекори до силна врска

Христина Ѓоргиевска — Tue, 09 Nov 2021 14:30:58 +0000

„Ми треба простор“ се зборови кои никој не сака да ги слушне од партнерот, а ако тоа се случи, многумина се збунети, паничат, се чувствуваат отфрлено … Треба да знаете дека овие зборови не мора да значат ништо лошо. Напротив, ако прифатите дека на партнерот му треба простор и му го дадете тоа што му треба, тоа може уште повеќе да ве зближи. Кога мажот ќе си замине и ќе сака простор за себе, жената често е збунета, па претерува во искажувањето на емоциите. Сепак, предупредуваат експертите за врски, жените на тој начин предизвикуваат контраефект кај „посилните половини“. Совет е да го пуштите да биде сам мажот кога ќе побара „малку простор за себе“, бидејќи ќе знае дека го почитувате и навистина го сакате. Доколку сакате да ја зачувате врската и повторно магнетски да го привлечете партнерот, експертите за врски предлагаат да ги примените овие три чекори.

1. Разберете го

Можеби ќе има лош период или нешто го мачи, но сепак не е подготвен тоа да го сподели со вас. Затоа, важно е да му дозволите да размислува за своите чувства. Значи, првото нешто што треба да го направите кога партнерот бара простор за себе е да го разберете и да ја прифатите неговата желба да биде малку осамен.

2. Елиминирајте ја напнатоста

Ова е дефинитивно чекор кој бара многу труд, бидејќи неизбежно е откако ќе дознаете дека вашата „посилна половина“ сака малку повеќе простор за себе, да бидете напнати и тажни. Обидете се некое време да ги оставите емоциите на страна, а кога ситуацијата ќе се нормализира, разговарајте со партнерот за тоа како сте се чувствувале, но внимавајте да не го натерате да се чувствува виновен.

3. Дајте му поддршка

Ако сака да побегне некое време, тоа не значи дека мажот престанал да ве сака, само му треба малку време да се справи со емоциите или некоја ситуација. Не се лутете ако не ви се јавува со часови, туку кажете му „Толку сум среќна што одговори“, и тој ќе сфати дека е со жена која ги почитува неговите потреби. Извор: Попара.мк

Ценовник за закуп на рекламен простор за платено политичкo рекламирање

Дејан Донев — Wed, 22 Sep 2021 18:54:41 +0000

Во согласност со членот 75 – ѓ, став 4 од Изборниот законик – (Предлог консолидиран текст – неофицијална верзија изготвена од Стручната служба на Државната изборна комисија – Службен весник на Република Македонија, бр. 40/06, 136/08, 148/08, 155/08, 163/08, 44/11, 51/11, 54/11, 142/12, 31/13, 34/13, 14/14, 30/14, 196/15, 35/16, 97/16, 99/16, 136/16, 142/16, 67/17, 125/17, 35/18 99/18, 140/18, 208/18,27/19 и Службен весник на Република С. Македонија број 98/19, 42/20 и 74/21), точка VI.10 од Роковникот за извршување на изборните дејствија објавен од страна на Државната изборна комисија а во врска со Решението за распишување на Избори за членови на Советите на општините и Советот на Градот Скопје, за градоначалници на општините и за градоначалник на Градот Скопје од 06.08.2021 година во прилог е првата јавна објава на Ценовникот за платено политичко рекламирање на информативно-забавниот портал vistina.com.mk кој е во целосна сопственост на правното лице – ЕМ МЕДИА ДОО.

„Простор“ го освојуваат музичкиот простор со – „Мој“ (ВИДЕО)

Антонио Димитриевски — Mon, 23 Dec 2019 13:17:10 +0000

По првите три теми: „Различни“, „Сина боја’ и „Среќен“, скопскиот бенд „Простор“ ја објави и својата четврта песна со наслов „Мој“. За овој нивен сингл групата сними и видеоспот, чија промоција е најавено да се случи тековнава седмица. „Простор“ третираат специфичен стил на музика, некомерцијален и неконвенционален за македонски услови, но по многу нешта оригинален и единствен правец. Нивното музицирање е синтеза на повеќе стилови во еден единствен микс: есид-џез, фанк со примеси на поп, рок, соул и џез. Уникатни и пред се' исклучително квалитетни, членовите на бендот предводени од нивниот оснивач и лидер, клавијатуристот Димитар Ганчевски, не и робуваат на комерцијалноста, туку многу повеќе се „зависници“ од сопствените влијанија кои ги стекнале слушајќи различни стилови и правци квалитетна светска музика, од кои произлегува и нивната оригиналност. Ганчевски е и композитор и аранжер на сите песни на „Простор“, како и автор на дел од текстовите. Покрај него во групата денес членуваат и вокалистката Моника Јанков,позната по соработката и членувањето во други бендови како „Поп арт“ на пример, басистот Никола Автовски, гитари – Марко Цветановски, а тапани Никола Белковски. Иако групата е основана оддамна, „Простор“ дури последниве две години стануваат поактивни и медиумски поекспонирани, а во тој период ги објавуваат и наведените песни, меѓу кои можете да го преслушате и погледнете видеото за најновиот сингл со наслов „Мој“: