простија – Вистина.мк

„Аплаузот нека трае“: Познатите се простија од Катина Иванова (фото)

Слаѓана Атанасова — Fri, 11 Aug 2023 09:53:30 +0000

Веста за заминувањето на актерката Катина Иванова (1951–2023) ја соопштија од Македонскиот народен театар каде таа беше дел повеќе од четири децении. „Беше мајстор на сценска интерпретација, со истакнат сценски говор, и посебно специфичен и топол сензибилитет. Катина Иванова беше насмеана и префинета личност, постојан следач на претставите, поддржувач на актерите, извонреден пријател и човек“ изјавија од Театарот. Иванова на сцената на МНТ дебитира уште како студентка во претставите „Соблазна во Шентфлоријанската долина“ и „Славата и смртта на Хоакин Муриета“ (двете во 1976). По дипломирањето, од 1979 г., член е на ансамблот на МНТ, каде остварува бројни доминантни улоги во над 45 претстави. А со голема страст настапува и на сцената на други театри низ Македонија, како и во проекти на независни театарски трупи. Таа глумеше и во десетина филмови и ТВ серии, а за своите актерски остварувања, добитник е на Награда за најдобро театарско остварување на Фестивалот „Tеатарски празници“ (Благоевград, Бугарија) за улогата на Мег во претставата „Роденден“ и наградата на ревијата „Екран“ за улогата на Ревзија во филмот „Џипси меџик“ (1997). Познатите преку социјалните мрежи се простија од актерката Катина Иванова која почина на 82 години. Меѓу нив беше актерката Весна Петрушевска Бејби која рече дека Катина ја знае од дете и дека била единствена во многу нешта: „Катина ја знам од дете како од втората фотографија и секогаш бевме взаемно искрени ме познаваше од студентските денови и ми беше поддршка. Игравме заедно неколкупати и многу се смеевме. Милував да ја викам Катина, не Кате. Беше духовита, храбра и убава жена. Таа широка насмевка, тој поглед под веѓите кои секогаш имаа некоја порака. Ние глумците секогаш завршуваме тажно и некако заборавено што се оставаме на сцена. Катина беше единствена во многу нешта. Точна и прецизна си замина тивко, но достоинствено ми се скрши срцето Катина. Слава ти и аплаузот нека трае“, за неа напиша Весна Петрушевска. Калиопи Букле на својот Инстаграм се прости од Катина со нејзината фотографија и зборовите: „Катина Иванова... Големите си заминуваат... Збогум мила...“ Познатиот македонски шоумен Игор Џамбазов со Инстаграм статус се прости од својата драга колешка: „Мила Кате. Не можам да поверувам...“ Македонската актерка со хрватска адреса, Јелена Јованова објави само фотографија од Иванова и црно срце симбол на тага. Фото: Принтскрин/Инстаграм

Познатите се простија од маестро Џамбазов: „Бескрајно му благодарам на животот што те имав како свој музички татко“

Христина Ѓоргиевска — Wed, 26 Jan 2022 08:06:48 +0000

Почина македонскиот композитор, диригент и аранжер, маестро Александар Џамбазов. Веста за заминувањето на маестро Џамбазов ја соопшти неговиот син, Игор Џамбазов. Александар Џамбазов е роден на 3 февруари 1936 година во село Стапар, Војводина. Тој е македонски диригент и композитор. Музичка академија завршил во Белград, а целиот работен век го минал во Македонската радио-телевизија, како диригент на Танцовиот и Ревискиот оркестар. Џамбазов е автор е на голем број детски песни. Беше иницијатор и долгогодишен диригент на фестивалот за деца „Златно славејче“ во Скопје. Пишувал сценска музика и филмска музика („Мементо“, за драмите „Мајка“, „Двајца на нишалка“ итн.) и повеќе дела од класичната музика, меѓу кои и „Рапсодија за Скопје“ – за пијано и оркестар (1966), „Седум танцови варијации“ – за пијано и оркестар (1977) и др. Компонирал и хорски композиции, како и голем број популарни мелодии. Познатите преку социјалните мрежи се простуваат од маестро Џамбазов. Калиопи -Чичко Ацо мој… Маестро, Бескрајно му благодарам на животот што те имав како свој музички татко… Патувај мирно кон бесконечноста…Те сака твоја Опи, напиша Калиопи покрај објавата од фотографијата од Александар. Каролина Пејачката објави фотографија со маестро Џамбазов, а во описот напиша: -Што муабет си направивме овде....Почивај во мир наш маестро, кроток и добар чичко Ацо. Илина Арсовз -Ние вака ќе си се памтиме, насмеани и ведри, а Маестро секогаш спремен со неисцрпна колекција на анегдоти и вицови. Вечна ти слава, еден и единствен, напиша Илина покрај фотографијата на која е заедно со Игор и Александар Џамбазов. Тамара Тодевска Весна Бејби Петрушевска -единствениот маестро за мене во мојот живот,кроток,мил, зборлест,духовит,вечно вљубен во својата Анче,постојано загрижен за своите Тања и Игор...што седења сме си имале пред Војна болница кога Игор имаше проблеми со здравјето,колку тајни ми има кажано за македонските пејачи затоа шро бев многу љубопитна.Секогаш имаше по некој виц да ти раскаже и по некоја приказна од својот арсенал…те сакам мој мој маестро и треба да си во алејата на великаните без збор!!!! @igordzambazov @tatjanadzambazova моето најдлабоко сочуство, чичко Ацо баци ми ја Анче, напиша македонската актерка. Пере од Нокаут Ќе останеш моја вечна инспирација и како родител и како композитор. Твојот посвоен син…Слава ти Вечна слава маестро Џамбазов. фото: принтскрин/инстаграм

Македонските јавни личности се простуваа на социјалните мрежи од Балашевиќ, но само Игор Џамбазов се прости онака, како што големиот Ѓоле беше погребан – со негова песна (ВИДЕО)

Антонио Димитриевски — Mon, 22 Feb 2021 08:43:01 +0000

Големиот балкански уметник Ѓорѓе Балашевиќ вчера, недела, 21 февруари 2021 година тивко, без помпа, беше погребан на гробишатата во Нови Сад само во присуство на членовите на неговото семејство и звукот на тамбурите кои ја свиреа неговата музика, неговите вонвременски песни. https://arhiva.vistina.com.mk/radio-mileva/gjorgje-balashevikj-pogreban-vo-novi-sad-so-muzika-od-tamburashi-video/ Веста за смртта на легендарниот кантавтор, музичар и поет Ѓорѓе Балашевиќ го потресе целиот регион, па и Балканот, а неа покрај регионалните и балканските, ја објавија и најреномираните светски медиуми како Американската новинска агенција Асошиејтед Прес (АП), Вашингтон Пост, Еј-би-си Њуз, Ен-би-си, Сан Франциско Хроникл, УС Њуз, Рипаблик…. За неговата големина останаа да зборуваат бројните песни и вонвременските стихови кои засекогаш ќе останат во нашето сеќавање и ќе живеат во срцата на многу генерации. Откако веста за неговата смрт молскавично се рашири низ сите земји на поранешна Југославија, од големиот Балашевиќ на социјалните мрежи се простија многу познати личности, музичари, актери и почитувачи на неговиот лик и дело кои за последен пат му оддадоа почит. Македонија не беше исклучок, па бројни македонски јавни личности на своите интернет профили се збогуваа со единствениот кантавтор и пејач, објавуваајќи негови песни, цитати и стихови кои засекогаш ќе останат да се пеат. Тамара Тодевска, Каролина Гочева, Тијана Дапчевиќ, Весна Бејби Петрушевска, Сања Николиќ, Миа Костова, Огнен Здравковски, Калиопи... се само дел од нашите јавни личности кои испратија последен поздрав и споделија негови песни на своите Фејсбук и Инстаграм – профили.

Но, можеби на највпечатлив начин од големиот Балашевиќ, чија песна „Пуб“, своевремено во своја верзија позната како „Кољо што го викат Поп“ ја обработи и самиот, се прости и нашиот Игор Џамбазов. https://www.youtube.com/watch?v=WaHxIXLqr8w&t=101s И тоа онака, како што доликува за ваков човек, како што впрочем и самиот беше испратен до неговиот вечен дом - со негова песна. Овој пат Џамбазов на својот Инстаграм профил сподели видео со своја изведба на познатата песна на Балашевиќ од 1985 година, баладата „Словенска“, со која му го кажа последното: „Збогум пријателе“, на големиот уметник и колега.

View this post on Instagram

A post shared by Игор Џамбазов (@igordzambazov)

Панчо – ДНК и Огнен Здравковски со иста песна се простија од Џеј: „Недеља“ како последен поздрав до фолк легендата во чии вени течеше и македонска крв (ВИДЕО)

Антонио Димитриевски — Mon, 07 Dec 2020 08:19:54 +0000

Замина Џеј... Замина уште една фолк легенда, во чии вени течеше и македонска крв. Човекот чии песни го растреперуваа срцето, ја топеа душата, ги нижеа емоциите во низа од солзи како бисери... Човекот кој како ретко кој знаеше да ја пренесе патината преточена во стихови низ песна, знаеше да го преслика животот во неколку строфи кои и најцврстиот успеваа да го разнежнат и најкрутиот да го растопат... Таква емоција во пеењето тешко дека ќе се повтори или можеби никогаш и нема... Естрадата тагува по загубата, колегите жалат по Џеј... И оние од српската естрада, но и целиот регион, меѓу кои и нашите естрадни ѕвезди, зашто Џеј не беше само пејачиште какво што се раѓа еднаш во векот, туку и мал - голем човек... Или поточно душа од човек... Со тежок живот, особено детството и тинејџерскиот период, боем од младоста па се до последниот, до судниот ден, до онаа судбинска „Недеља“ која пред многу години и самиот си ја испеа и опеа во веројатно неговиоит најголем хит и вечен фолк евергрин... Недела му беше и судниот ден кога престана да чука неговото срце, кршејќи ги срцата не само на неговите најблиски, најмилите, семејството, туку и на сите што го познаваа, се дружеа со него, пееја заедно, но и на сите оние кои ги знаеа и пееја неговите неповторливи песни... Од кафеана до свадба, од тага до веселба... Затоа естрадата и нејзините најголеми ѕвезди со огромна почит, со најголем пиетет се простуваат од Џеј... Со грст емоции, море од солзи и зборови преточени во највпечатливите стихови од неговите песни... Но и со испеани рефрени, со дел од неговите песни и во нив вткаено парче душа, за последно збогум на пријателот, на легендата... https://arhiva.vistina.com.mk/radio-mileva/estradata-se-prostuva-od-dzej-ramadanovski-nedela-a-povekje-nema-da-ve-gushnam/ Македонските музички ѕвезди не се изклучок. Многумина повеќе или помалку познати го направија истото преку социјалните мрежи. Највпечатливи двајца естрадни уметници, едниот поискусен, другиот многу помлад. Едниот ар-ен-би ѕвезда другиот млада „Гранд ѕвезда“, едниот дел од во моментов најпопуларното дуо во Македонија, другиот еден од најперспективните млади пејачи кои потекнуваат од познато музичко семејство... Панчо - ДНК и Огнен Здравковски со огромна почит и респект се простија од Џеј Рамадановски со иста песна... Онаа неговата, судбинска, во која уште оддамна самиот си го претскажа и опеа денот кога замина - „Недеља“. „Еден од моите омилен еснаф фолк изведувачи. Легендо, боемчино, патувај спокојно“ - најпрвин напиша Панчо ставајќи емотикон со скршено срце покрај споделениот пост. Потоа, сподели уште еден со видео, на кое и самиот ја изведува песната некаде, во кафеана иако фолкот ниту оддалеку не му лежи, ниту е „негова музика“... Но емоцијата што ја носеа песните и интерпретацијата на Џеј, очигледно се сечии... „Кога другарите ме тераат да им 'пеам' секогаш го бирав него и Недеља“ - напиша Панчо па покрај споделеното видео со неговата изведба. Младата македонска „Гранд ѕвезда“, дете од едно од најпознатите наши музички семејства - Џорлеви, пејачот Огнен Здравковски исто така речиси на идентичен начин се прости од Џеј. „Недела и сите сме тука, а тебе со нас те нема... Почивај во мир легендо“ - напиша Огнен во прошталната порака покрај видеото на кое и тој изведува дел од вечниот судбински евергрин на Џеј.

Македонската естрада преку социјалните мрежи се прости од кралот на народна музика, Шабан Шаулиќ

Христина Ѓоргиевска — Mon, 18 Feb 2019 09:13:49 +0000

Кралот на народната музика Шабан Шаулиќ вчера почина во тешка сообраќајна несреќа во Германија.Незгодата се случила во близина на Билефелд каде што пејачот пеел. Тој во автомобилот бил со својот кум и возач кога во нив со автомобил удрил 34 годишен пијан Германец.

Според пишувањата, Шабан веднаш бил пренесен во болница каде што пејачот доживеал срцев удар и починал. Неговото семејство, пријателите, колеги, соработници се во шок по овие трагични вести. Неговите колеги од српската естрада преку социјалните мрежи со емотивни пораки се простија од колегата, а некои од српските телевизии го прекинаа емитувањето на музички емисии. Веста за смртта на пејачот ја изненади и македонската јавност, па многу од јавните личности преку социјалните мрежи се простија од изведувачот на најголемите хитови во регионот. Анета Мицевска на својот „Инстаграм“ сподели фотографија со Шабан, а во описот на истата напиша: „Почивај во мир легендо“.

Освен тоа, Анета сподели и видео каде пее песна од Шаулиќ и напиша: Беше и ќе остане задоволство да се пеат неговите песни, во чест на нашиот крал на музиката.

View this post on Instagram

Beše i ke ostane zadovolstvo da se pejat negovite pesni... vo čest na našiot kral na muzikata. #sabansaulic

A post shared by Aneta Micevska Official (@anetamicevska) on Feb 17, 2019 at 12:09pm PST

Oд пејачот се прости и Сања Цинцева Барби која напиша: „Почивај во мир легендо“.

Од српскиот пејач се простија и македонските учесници во „Ѕвездите на Гранд“, Огнен Здравкоски...

и Мартинијан Кириловски...

Последен поздрав на легендарниот пејач му дадоа и Ристе Ристески кој победи во „Ѕвездите на Гранд“...

И Благица Ѕунѕуровска која победи во „Неки нови клинци“.

Александар Тарабунов на „Инстаграм стори“ напиша: „Почивај во мир легендо“.

Тажната веста за смртта на Шаулиќ ја погоди и Тијана Дапчевиќ која на „Инстаграм“ во описот на заедничката фотографија напиша: „Јас еве не знам што да кажам...само знам дека некој кој така пее никогаш нема да умре...мирно спиј....прерано“.

„Без разлика каква музика слушате неспорно е дека секој знае барем една негова песна, а тоа што го нарекуваат крал на народната музика доволно зборува за неговата величина...“ напиша Лила Филиповска на „Инсатгарам стори“.

Фолкерката Сања Сани Гроздановска на својот „Фејсбук “ сподели фотографија од пејачот, а во описот напиша: „Почивај во мир легендо“.

„Шабан беше еден од пејачите кој ми даде најголема поддршка кога се натпреварував во „Ѕвездите на Гранд“. Беше чест да те запознам легендо. Ти благодарам на сите искрени честитки и ќе живееш во твоите песни кои ги остави“, напиша Ален Хасановиќ на социјалните мрежи.

View this post on Instagram

Šaban je bio jedan od pevača koji mi je dao najveću podršku dok sam se takmičio na Zvezdama Granda, Čast je bilo poznavati te Legendo, hvala ti na svim iskrenim savetima živećeš u svojim pesmama koje si iza sebe ostavio! R.I.P ????

A post shared by Alen Hasanovic (@alen_hasanovic) on Feb 17, 2019 at 6:58am PST

Oд Шабан се простија и Антониа Гиговска....

Елена Миленковска...

Адам Лабунски.

И Тајзи на својот „Инстаграм“ објави фотографија заедно со пејачот.

„Почивај во мир кралу, твојата техника на пеење ќе се изучува со години“, напиша Јоце Панов на „Фејсбук“.

Калиопи Букле исто така изрази тага поради смртта на својот колега, па напиша: Големите секогаш остануваа големи.

View this post on Instagram

Veliki ostaju zauvek veliki...RIP Šaban Šaulić #legend #voicefromheaven #respect ?

A post shared by Kaliopi Official (@kaliopibukle) on Feb 17, 2019 at 3:52pm PST

Владимир Блажев односно Панчо од „ДНК“ исто така преку „Фејсбук“ се прости од пејачот.

„Не сакав да верувам дека е вистина“, напиша Благоја Груевски на „Фејсбук“.

Живко Динев поранешен бас- гитарист и вокал на „Браво бенд“; а сега соло изведувач исто така преку „Фејсбук“ се прости од Шаулиќ.

За потсетување, Шаулиќ беше изведувач на голем број на песни меѓу кои „Жал“, „Иду дани мајко моја“, „Доџи да остаримо заедно“:...