промоција – Вистина.мк

Промоција на монографија: Универзална сала – „Скопскиот симбол на хуманоста“ од Весна Дамчевска

Антонио Димитриевски — Tue, 05 Mar 2024 09:25:17 +0000

Книгата е издание на ЈУ Универзална сала – Скопје, а објавена е со поддршка на Град Скопје. Промоцијата е закажана за 6 март во 12 часот во Градската библиотека „Браќа Миладиновци“. Книгата излегува по повод 60 години од зачетокот на благородната идеја да се изгради сала или културен простор што ќе има универзално значење и функција, наменет за организирање разни манифестации, културно-уметнички и помали спортски настани. Универзалната сала е замислена како мултифункционален простор што ќе служи како културен центар за скопјани. Проектот брзо го привлекува меѓународното внимание, па земјите од сите страни на светот ја нудат својата поддршка за да ја оживеат оваа амбициозна визија. Но низ годините салата станува многу повеќе од објект, таа станува олицетворение на солидарноста на Скопје, стоејќи како светилник на надеж, потсетувајќи ги луѓето дека не се сами во соочувањето со предизвиците. Салата станува домаќин на историски настани, поттикнувајќи го чувството на заедништво и единствена цел. Многубројните архивски материјали, расфрлани по депоа, и сеќавањата на скопјани, кои остануваат само како усна традиција, со издавањето на оваа книга се материјализираат во трајно сведоштво за овој објект и институција од особено значење за културниот идентитет на градот. Оваа монографија собира на едно место дел од информациите, податоците, архивските материјали, сведоштвата за нејзината историја и културолошко значење, преку текстови, фотографии, интервјуа, одгласи во медиумите… Книгата, покрај историјатот на институцијата, ги опфаќа и многубројните настани што традиционално се одржувале во овој простор, вкупно повеќе од 5.000 манифестации, кои ги проследиле над 5.800.000 посетители. Ова е една од ретките монографии за културното наследство од периодот на солидарноста и единствена за Универзалната сала како еден од објектите што будат носталгични чувства и сентименталност кај скопјани како градски репрезент на постземјотресното наследство на градот. Со тоа, ова наследство и богатството од настани што се одржувале тука добиваат физичка форма во облик на книга, која е од особено значење за градот Скопје во областа на културата. Оваа книга ќе остане да ја раскажува историјата на овој објект во срцето на градот, како негов најпрепознатлив симбол и траен сведок на антологиски збиднувања…

Се исполни големиот сон на Антониа Гиговска: На 3. март голема промоција на нејзиниот деби-албум „2001“

Слободанка Илиева — Wed, 28 Feb 2024 12:26:12 +0000

И конечно дојде време, еден од најголемите сонови на младата музичка ѕвезда Антониа Гиговска се исполни. На 3. март, Антониа и официјално ќе ви го претстави нејзиниот прв албум, на кој ќе се најдат сите нејзини 15 композиции. Албумот симболично носи наслов „2001“, по годината во која е родена таа. На овој носач на звук ќе се најдат 15 композиции, од кои повеќето се дело на продуцентот Лазар Цветковски, потоа Дарко Димитров, а има и песна на големиот Кире Костов... Промоцијата на албумот на 3. март ќе биде на првиот кат на трговскиот центар „ Скопје Сити мол“, каде ќе биде организирано и дружење со Антониа и сликање, а она што е најважно, верните фанови албумот ќе го добијат бесплатно и тоа на усб-картичка со ликот на Антониа и насловот на песните... „Би сакала да ве повикам сите оние кои што вистински ја сакате и слушате мојата музика, да дојдете на мојата промоција на мојот прв албум „2001" и да се дружиме во „Скопје Сити Мол“ на 3. март на главниот влез во 18:00 часот. Ќе пееме, ќе се сликаме и ќе си добиете по едно албумче! Се надевам дека ќе ве видам во што поголем број“ - порачува младата ѕвезда. Инаку на промоцијата ќе има и кутија за собирање паричини средства за младото момче Лео. „Албумот нема да се продава, но ако сте во можност, оставете онолку колку што вие сметате дека треба и собраните средства ќе одат за лекувањето на Лео. Да му помогнеме да застане на нозе и повторно да се радува на животот“ - вели Гиговска“. фото:приватна архива

Промоција на збирка детски песни „Чичко маестро Џамбаз – во светот на децата“

Антонио Димитриевски — Fri, 02 Feb 2024 12:30:11 +0000

В сабота, на 3 февруари, со почеток во 12 часот ќе се оддржи промоцијата на книгата „Чичко маестро Џамбаз – во светот на децата“ во Дебар Маало, на улица „Орце Николов“, посветена на композиторот и диригент Александар Џамбазов, од познатите македонски музички публицисти Бранка Костиќ-Марковиќ (автор на воведниот текст) и Марко Коловски (автор на нотографиите). Ова издание претставува збирка на песни од маестро Александар Џамбазов, еден од нашите најистакнати македонски композитори, диригенти и втемелувачи на македонската популарна и детска музика. Изборот на композициите, кој опфаќа 52 песни за деца од предучилишна и училишна возраст, е направен од страна на самиот Џамбазов за време на неговиот живот. Како што вели авторката Костиќ-Маровиќ во воведот, насловот на збирката не е случаен. Сите „славејчиња“, поранешни солисти на познатиот фестивал на детска песна „Златно славејче“ и хористите на детскиот хор „Развигорче“, го нарекуваа својот диригент Александар Џамбазов, кој ги водеше низ живата фестивалска изведба, „Чичко маестро Џамбаз“. А тој возвратно, на шега, ги нарекуваше „златни гавранчиња“. Песните издвоени во оваа збирка денеска претставуваат своевидни детски евергрини за сите генерации, а авторскиот тим и издавачот ценат дека изданието ќе биде и одлично дидактичко средство и извор на квалитетен дополнителен материјал за денешните одделенски и предметни наставници во реализирањето на наставата по музичко образование, но и на секој истражувач и љубител на детската песна, вклучувајќи ги и децата. Оваа промоција ќе биде дел од еден поголем настан, „За Маестрото“, кој е во организација на синот на маестро Џамбазов, Игор Џамбазов и Општина Центар, по повод сеќавање на животот и делото на композиторот, токму на денот на неговиот роденден, 3 февруари. На самиот настан ќе биде откриен и муралот со ликот на Александар Џамбазов, во срцето на Дебар Маало. За таа цел е подготвена и мала музичка програма во која заедно со дел од поранешните „Златни славејчиња“ и „Развигорчиња“ под диригентство на Запро Запров, ќе „оживееме“ четири детски евергрини, кои се вброени во изборот на нотографии во книгата. Тоа се безвременските песни на нашето детство, на детставата на многу генерации, „Песна за Скопје“ („Градот убав“), „За сите деца“, „Мојата учителка“ и „Еј, гулаби, гулаби бели“, за чија изведба специјално од Битола ќе допатува оригиналното „Златно славејче“ од 1972 година, Билјана Дамјановска Јанчевска.

„Дај на сунце“: Емотивнa и моќна балада од Каролина Гочева (видео)

Слободанка Илиева — Thu, 14 Dec 2023 13:40:51 +0000

По последниот музички сингл „Од небо до дно“ со кој во 2022 година и се врати на поп музиката, Каролина Гочева продолжува да чекори по истиот проверен пат промовирајќи ја моќната поп балада „Дај на сунце“. Емотивна и моќна нумера со која Гочева претендира да го плени регионот откако многупати ја прозваа дека станала пејачка на народно, а исто и дека не нуди ништо за пошироката регионална публика. За да го побие ова, Каролина ја промовира „Дај на сунце“ отпеана на српски јазик, промовирана на национално српско радио, „Накси“, а исто така и создадена од регионални автори. Позади песната стои Дино Мухаремовиќ, автор на неколку легендарни песни, како ,,Додирни ме случајно” од Масимо Савиќ, додека аранжманот е на Дино Шукало, гитарист во бендот на Дино Мерлин и познат сараевски студиски музичар, аранжер и композитор. Песната е снимена во Сараево, во неговото студиото Модра Ријека во месец октомври, а видео спотот е дело на Миомир Милиќ. Крајниото комплетно спакувано дело во продолжение:

Промоција на сликовницата „Највисокиот врв“ од Илина Арсова

Антонио Димитриевски — Tue, 12 Dec 2023 11:19:36 +0000

Промоција на сликовницата „Највисокиот врв“ од Илина Арсова со илустрации на Иванка НиБа. Промотори: проф. д-р Весна Мојсова Чепишевска, Виолета Танчева-Златева 17 декември, 11:00 часот, Laboratorium kafe - адреса: Бул. Св. Климент Охридски 68 (веднаш до Европски Универзитет)

Си беше еднаш едно девојче, навидум како сите други. Храбро, упорно и силно девојче. Си беше еднаш едно девојче со голем сон. Нејзината истрајност и верба во себе ја водеа по патеката за да го оствари својот сон. А тоа ја направи похрабра, поупорна и посилна. Нејзиниот сон стана реалност.

Да се живее сонот на јаве, онака како што сме си замислиле некогаш, значи вистински да се живее и да се ужива во животот. Прегрнати со верба, проникнати со истрајност и предводени од копнежот, ги освојуваме врвовите кон кои нè води срцето. Желбите стануваат реалност, копнежот – бакнеж, ликот – сјаен, а животот – прегратка.

Проф. д-р Весна Мојсова Чепишевска во рецензијата за оваа сликовница ќе напише:

„Книгата-сликовница „Највисокиот врв“ од Илина Арсова како дел од едицијата„Светулка 2“ е пишувана со желба да покаже, но и да докаже, како некогашниот детски сон може да стане стварност. „Највисокиот врв“ е исповед за личната самодоверба на која треба да се работи со денешните деца. Па, така убавата вистинита приказна на познатата планинарка и освојувачка на највисоките светски планински врвови може да стане животна приказна на секое дете, страста на Илина може да се поистовети со страста на кое било дете, но и страста, желбата на Илина да се освои највисокиот врв, може да рабуди некоја заспиена/потисната страст/желба кај некое дете. И пред сѐ, сонот на Илина сака да каже дека сечиј сон е остварлив. Но и да покаже дека секој може и секој треба да ја раскаже својата приказна. И истата да ја сподели, па и нека не е (рас)кажана или напишана од писател/ка, туку од планинар/ка, како што е и таа самата. А возбудата заради освојувањето на највисокиот врв е суптилно проследена со разиграните илустрации на Иванка Ниба.“

Психологот и семеен системски советник Тина Чачоровска преку оваа сликовница потсетува:

„Илина со својата сликовница „Највисокиот врв“ ја буди љубовта кон природата, ги учи децата дека секое си има своја ѕвезда, секое од нив има свој сон и дека сосема е природно тој да се разликува од сонот на другите деца. Сликовницата вели: “Поддржувајте ги своите деца, бидете во чекор со нив и нивните цели, постојано бодрете ги и никогаш немојте да ги обесхрабрувате.“ Пораката е јасна и треба да стигне како до секое дете така и до секој родител.“ Чест ќе ни биде Вие и Вашите дечиња да присуствувате на една весела промоција на книга, каде ќе се потсетиме за сите убави нешта кои не опкружуваат и ќе збориме силата, истрајноста и упорноста кои ни помагаат во остварувањето на соништата.

Недела, 17 декември во кафетерија Laboratorium. Веднаш до Европски Универзитет.

Габриела Новевска ја најавува промоцијата на албумот „Те кажувајет, Илино моме”

Слободанка Илиева — Wed, 06 Dec 2023 13:17:17 +0000

Вокалистката на Националниот ансамбл „Танец“ и групата „Монистра“, Габриела Новевска, ја најавува промоцијата на долго подготвуваниот албум "Те кажувајет, Илино моме". Денот кога албумот ќе биде презентиран е закажан за понеделник 11-ти Декември 2023 година и ќе се случи во кафе бар "Мартини", со почеток во 20:00часот. Од новото музичко парче присутните ќе имаат можност да слушнат три композиции , а ќе бидат презентирани преку жива изведба заедно со музичкиот тим на Габриела сочинет од: Александар Јовевски - пијано (аранжмани), Зоран Костадиновски - електрична гитара, Горан Гешовски - бас гитара, Дарко Илиевски - хармоника, Виктор Филиповски - тапани, Ратко Даутовски- перкусии, Драган Илиев-електрична гитара, Гоце Цоневски- придружен вокал, Даце Николовски- придружен вокал, Петар Механџиски - придружен вокал. Овој проект е поддржан од Министерството за култура и Град Скопје. фото: Facebook/ Gabriela Novevska

Дојдоа и го засакаа: Српскиот пејач Марко Николиќ пред скопската публика го промовираше својот албум со топ журка

Антонио Димитриевски — Mon, 27 Nov 2023 12:31:26 +0000

Српскиот пејач Марко Николиќ сношти на македонската публика и претставниците на медиумите и го претстави својот студиски албум насловен „Доѓи да те волим“. Во одлична атмосфера заедно со својот бенд Марко првично ги отсвире песните од новиот материјал, а потоа, како што рече, отсвире и нешто за душа. Се пееше се', па и една од Тоше Проески, неговиот омилен пејач, а Николиќ ја запеа и „Македонско девојче“. Присутните на промоцијата, пак, буквално од првиот до последниот такт му возвраќаа со едногласно пеење и овации, а атмосферата навистина необична за една музичка промоција - позитивна, топла, разиграна - едноставно неверојатна. Меѓу нив и познати лица - тука беше Дарио со семејството кому српскиот пејач му го честиташе 40-годишниот музички јубилеј, младата пејачка надеж Ивона Јо, како и Ана Бучевиќ, сопругата на Марко, инаку мотивациски говорник чие присуство беше особено интересно за присутните на промо-свирката, па не се знаеше со кого попрво сакаат да се фотографираат со ѕвездата на вечерта или со неа. Музичката кариера на Марко почнува уште во детството кога во дуетот Мармаја заедно со сестра му Маја Николиќ настапувал по бројни детски фестивали и освоил многу награди ширум цела поранешна Југославија. Завршил музичко училиште во Ниш, каде е и роден, а во 1997 година ги започнува студиите во Грац, каде дипломирал на отсекот Џез и соло пеење. Од тогаш активно компонира и пишува текстови за некои од најголемите музички имиња во соседството како Драгана Мирковиќ, Дејан Матиќ, Бобан Рајовиќ, сестра му Маја, а неговата музика потпишува и бројни ТВ-спотови и документарни филмови. Особено е горд на музиката за документарецот за кралското семејство и дворецот Вадуз во Лихтенштајн. Во 2002 година се сели во Виена каде и денес живее заедно со семејството. Фото: Приватна архива

Марко Николиќ доаѓа на промоција во Скопје на која ќе покаже и како звучи кога пее во живо: „Дојди да те сакам“ (ВИДЕО)

Антонио Димитриевски — Sat, 25 Nov 2023 10:50:55 +0000

Марко Николиќ доаѓа во Скопје за утре, недела 26 ноември 2023 год. на домашната публика, со жив настап да и го претстави својот последен студиски материјал насловен „Доѓи да те волим“. Името на Марко Николиќ во 20 години долгата професионална музичка кариера се сретнува како автор на музика, текстови и аранжмани за хитови во светот и на поп и на народната музика. „Доѓи да те волим“ е музички проект со 10 песни полни со љубов, романтика и нежни ноти, а кај нас тој, како што ни кажа, ќе го промовира бидејќи за Македонија го врзуваат прекрасни спомени од детството. „Македонија, нејзината историја, богатото културно наследство и музиката исклучително ги ценам и почитувам од мали нозе. Кога бев мал доаѓавме на Охридското езеро, а во нашиот дом на прославите мама и тато често пееја македонски песни. Не можам да не го споменам ниту Тоше Проески, кој, според мене, беше и остана најдобриот пејач на овие простори, ни рече Марко во неодамнешниот разговор. Марко, инаку е доминантен автор на овој музички проект, а меѓу имињата со кои соработувал се и Марина Туцаковиќ, Саша Милошевиќ – Маре, Билјана Спасиќ и Нада Бучевиќ. „Долго работев на овој материјал и навистина едвај чекам да го чуе публиката и да ги видам реакциите. Сум настапувал насекаде, но ете во Македонија доаѓам прв пат и навистина едвај ја чекам недела и мојот промо-настап во Трибека“, вели Марко, чија промоција е закажана за утревечер во „Трибека“ со почеток во 19:30 часот. Неговата музичка кариера почнува уште во детството кога во дуетот Мармаја заедно со сестра му Маја Николиќ (позната пејачка и честа гостинка на нашите фестивали) настапувал по бројни детски фестивали и освоил многу награди ширум цела поранешна Југославија. Завршил музичко училиште во Ниш, каде е и роден, а во 1997 година ги започнува студиите во Грац, каде дипломирал на отсекот Џез и соло пеење. Од тогаш активно компонира и пишува текстови за некои од најголемите музички имиња во соседството како Драгана Мирковиќ, Дејан Матиќ, Бобан Рајовиќ, сестра му Маја, а неговата музика потпишува и бројни ТВ-спотови и документарни филмови. Особено е горд на музиката за документарецот за кралското семејство и дворецот Вадуз во Лихтенштајн. Во 2002 година се сели во Виена каде и денес заедно со сопругата Ана Бучевиќ, познат мотивационен говорник, и семејството живее и твори. Првата песна од албумот која беше пуштена во етерот е „Чаробан дан“, слушнете ја:

Промоција на книгите: „Неправилен ритам“ и „Радио“ на Љупчо Јолевски и разговор со авторот во Europe House во Струмица

Антонио Димитриевски — Tue, 21 Nov 2023 08:08:14 +0000

Во вторник, 21 ноември 2023 година во Europe House во Струмица, со почеток од 19:00 часот ќе се одржи промоцијата на книгите „Неправилен ритам“ и „Радио“ на Љупчо Јолевски и разговори со авторот. Учесници на настанот се: Ана Стојаноска (писателка и театролог), Добрила Грашеска (музичарка), Мирна Трпкова (музичарка), отец Теофан и Никола Пијанманов (ликовен уметник). „Љупчо Јолевски е новинар кој длабински сондира во културниот хумус на нашата земја. Будно следејќи сè што се случува на уметничката сцена (музика, театар, книжевност, филм, визуелна уметност) Јолевски со своето перо остава неизбришливи траги, документи, историја која не само што е дел од информирањето на културната јавност, библиографските единици на институции или професионалци, туку е и суштинска база за истражувања и сознанија кои се клучни за проучување на настани, периоди, правци, уметници во блиската или подалечна иднина, своевидни артефакти без кои какво било академско пообемно проникнување е невозможно“. – Ана Франговска (историчарка на уметноста).

Брена и Прија во тандем го растресоа деколтето и замешаа со колкови: „Ајде снашке!“ (видео)

Слободанка Илиева — Fri, 10 Nov 2023 10:23:37 +0000

Пејачката Лепа Брена во хотел во Белград одржа промоција на новите производи на компанијата „Лејди Б“. Станува збор за линија долна облека за жени на кои за балканската ѕвезда периодов е нов бизнис. По ревијата и официјалната промоција следеше и забава каде главна ѕвезда секако беше Брена со микрофонот во рака, но како засилување до себе ја имаше и снаата Пријовиќ. Видеото од Брена и Прија стана вистински хит на социјалните мрежи. Додека Александраиграше до Брена, таа ја бодреше: „Ајде снајка“!

@radio.svetski #lepabrena #lepabrenakraljica #brena #ladyb #aleksandraprijovic #aleksandraprijovic🎶 #aleksandraprijovic❤️ #zvezdegranda ♬ original sound - RADIO SVETSKI

фото:Инстаграм принтскрин/Лепа Брена