промени – Вистина.мк

„Ќерка ми ме смени, не сум веќе онаа старата“: Тамара Милутиновиќ искрено проговори за наследничката и сопругот (фото)

Слаѓана Атанасова — Thu, 07 Mar 2024 09:21:29 +0000

Тамара искрено проговори за својата наследничка, но и за својот сопруг, познат фудбалер. Улогата на мајка ме оплемени и ме направи подобра личност, вели Тамара Милутиновиќ (31). Пејачката која на крајот на минатата година ја роди наследничката Емили, кога се венча со швајцарскиот фудбалер со српско потекло Дарко Јевтиќ, во интервју за Информер откри дали и се допаѓаа медиумската илегала, како и кој најмногу и помага со ќерката. - Засега би рекла дека ми оди добро, иако е неблагодарно тоа да го кажам во мое име. Да се биде мајка е најубавото нешто на светот, а тоа може да го потврди секоја жена која ја постигнала најважната улога во животот. Емили многу ме смени, како да не постои веќе старата Тамара. Таа на мојот живот му даде друга, поубава димензија, а јас сфатив колку е мизерно и неважно сè друго во споредба со тоа. Единствено ми е важно што е добро - вели познатата пејачка. Тамара исто така истакнува дека нејзиниот сопруг е нејзината најголема поддршка. - Дарко е прекрасен татко, тој е многу грижлив и ништо за Емили не му е тешко. Учествува во се онолку колку што му дозволуваат деловните обврски. Бабата и дедото се секогаш тука да дојдат кога е потребно, но главно ние двајца сме сами со неа и сме благодарни за секој заеднички момент. Најмногу уживаме во нејзиното капење - вели гордата мама. Откако се омажи за фудбалерот Дарко Јевтиќ, а особено откако стана мајка, Тамара се повлече од јавната сцена. Сепак, како што вели, наскоро планира да се врати на тоа, па најавува многу нови работи. - Се надевам дека ќе се вратам на почетокот на летната сезона, доколку ми дозволат обврските со Емили. Многу би сакала, ми недостигаат публиката и настапите. Новите песни се готови, само треба да ги снимам и еве ме – вели таа. Фото: printskrin/instagram/tamaramilutinovic

Саша Поповиќ проговори за новата водителка и промените во „Ѕвездите на Гранд“: Двајца членови на жирито нема да присувствуваат, еве зошто (фото)

Слаѓана Атанасова — Tue, 20 Feb 2024 08:44:06 +0000

Снимањето на емисијата „Ѕвездите на Гранд“ продолжува и по зимскиот распуст, а Саша Поповиќ веднаш најави големи промени. Водителката Сања Кужет замина на породилно, поради што на нејзино место ќе дојде Ана Севиќ, а освен тоа сега на снимањето нема да присуствуваат дури двајца членови на жирито. Како што кажал Поповиќ, Светлана Цеца Ражнатовиќ не дошла бидејќи е болна и има висока температура. - Расположен сум. Имавме пауза од 100 дена. Продолжуваме со малку изменет тим. Ана Бекута од оправдани причини нема да снима пет емисии, а наместо неа ќе дојде Драган Којиќ Кеба, а бидејќи Цеца вечерва доби температура од 40, денеска ќе ја замени Ивана Питерс - изјави Саша. Саша вели дека прва му паднала на памет Ана Севиќ. -Кога Сања ми кажа дека е бремена и дека на крајот на февруари ќе биде во петтиот месец, бидејќи тешко ја поднесува бременоста, помислив дека не е добро да продолжи со емисиите. Ана Севиќ веднаш ми падна на памет бидејќи претходно беше водителка. Прво што ја прашав беше како се децата, како изгледаш - рекол тој. Фото: printskrin/YouTube

„Порано бев редовна гостинка во кафеана, а сега веќе немам сила за ништо“: Еве зошто Гога Секулиќ е исцрпена (фото)

Слаѓана Атанасова — Wed, 31 Jan 2024 07:16:36 +0000

Пејачката откри дека воспитувањето на нејзиниот син целосно и го променило животот. Пејачката Гога Секулиќ по кратка медиумска пауза отворено проговори за својот живот и кариера во емисијата „Исповед“ на авторот и водител Немања Васиљевиќ. Покрај бројните теми, таа се осврна и на нејзиниот сегашен живот, откривајќи дека е целосно посветена на синот, и дека повеќе нема време за ноќни излегувања. „Слушнав дека Зорица Марковиќ повторно води кафеана, јас бев редовен гостин кај неа, доаѓав со група која сака да троши и слично. Моите приоритети се сменија сега, имам дете, станувам рано, го спремам за градинка, го носам на лекар кога ќе настине, во мојот случај логопеди, разни часови, логопеди, јас сум веќе уморна во седум навечер, се туширам и си легнувам. На некој му ветувам дека ќе одиме на вечера, и ништо од тоа, уморна сум“, вели пејачката. фото: printskrin/instagram/sekulicgoga

Најмногу се бендиса како русокоса: Антониа Гиговска се потсети на стариот изглед и одлучи да му се врати (фото)

Слаѓана Атанасова — Mon, 09 Oct 2023 07:14:48 +0000

Антониа Гиговска, полека но сигурно се враќа на старото темпо на живеење. Младата пејачка, која за кратко време по породувањето изгледот го доведе во пристојна нормала, сега вниманието на сите им го привлече со нејзината нова промена. Имено, со новите фотографии на нејзините приказни на Инстаграм откри дека одлучила да ја промени бојата на косата. Иако веќе подолго време ги негува кафените тонови, сега и се јави желбата за нешто поразлично, иако не беше сигурна која опција да ја одбере - русокоса или бринета? Или можеби тоа беше прашање за следбениците, а нејзината одлука беше дефинитивно русокоса. Пејачката подоцна „се послужи со апликација“ со која си ги поштеди храброста и ентузијазмот за експириментирање со фризурата и бојата. Откако најмногу се бендиса како русокоса, покажа дека обожава да прави промени и веднаш штом ќе и здосади, знае да изненади со нешто ново. За светлата боја за која се одлучи нема сомнеж дека добро и стои, бидејќи од фотографиите кои ги сподели се гледа дека пробала сѐ . Па, со оглед на тоа Тониа на оваа нијанса реши да и се врати. Фото: Принтскрин/Инстгарам/Антониа Гиговска

Дара Бубамара има нова фрузура и уште поголеми усни кои уште малку да го допрат носот (фото)

Слободанка Илиева — Fri, 15 Sep 2023 09:43:26 +0000

Пејачката Дара Бубамара многу вложува во својот изглед и не се колеба отворено да зборува за темата естетските интервенции, како и за промените кои често се решава да ги направи. Иако има верна публика која е со неа со години, Дара Бубамара се труди секогаш да им подари нешто ново и различно, поради што е секогаш интересна. Сепак, се чини дека никој не го очекуваше ова. Имено, пејачката сподели фотографија од новата фризура, а овој потег ги изненади нејзините следбеници на Инстаграм, но и уште поволуменозните усни.

View this post on Instagram

A post shared by Dara Bubamara (@darabubamara_official)

Косата ја скрати драстично, а бидејќи последните години имаше долга руса коса, ова беше голема промена. Дара била презадоволна, па веднаш јавно се пофалила, а коментарите не престануваат. фото:Инстаграм принтскрин

Две животни ситуации кои го ставаат на тест секој брак

Слободанка Илиева — Fri, 16 Jun 2023 12:16:07 +0000

Кога луѓето стапуваат во брак, тие секогаш имаат големи очекувања. Сакаат да трае вечно и да бидат среќни. Меѓутоа, она во што брзо се уверуваат е дека за добар и долготраен брак се потребни компромиси од двете страни. Многу фактори влијаат на неговата стабилност, од поширокото семејство, преку пријателите, до некои надворешни околности. Животот со себе носи различни ситуации, а многу од нив можат да ги стават на тест партнерите. И тогаш се доведува во прашање нешто што се гради и негува со години. Кога се случуваат тешки работи како болест, проблеми со плодноста, па дури и изневерување, најдобро се гледа колку паровите се спремни да се жртвуваат и да се придржуваат до познатото „во добро и во лошо“. Исто така, постојат две ситуации кои ја ставаат врската на сериозен тест, а на сите им се случуваат. Раѓање дете Тоа е моментот што сите го чекале. А она за што повеќето парови не се подготвени е тоа што првите месеци по раѓањето на детето се и прекрасни и тешки во исто време. Недостатокот на сон и сомнежите за се што правите предизвикуваат нервоза, па караниците се почести. Потрудете се грижата за детето подеднакво да ја делите со партнерот, за да не го носите сами целиот товар. Тоа ќе го намали стресот и ќе ве поврзе уште подлабоко. Отказ од работа Една од најчестите расправии меѓу паровите се финансиите. Затоа секоја финансиска криза е огромен товар за бракот, а недостатокот на основни средства за живот може да ги натера луѓето да се обвинуваат меѓусебно за отказот, лошите инвестиции или непромисленото трошење. Кога некој ќе добие отказ, тоа веднаш го менува претходниот начин на живот, предизвикува стрес и влијае на целото семејство. Треба да му пристапите со ладна глава и заедно да одлучите кој е вашиот следен чекор. извор:попара.мк

Емотивни моменти во семејството: Синчето на Хелена Роза веќе е потпораснато момченце на чекор пред големи промени (фото)

Слободанка Илиева — Mon, 24 Apr 2023 07:00:43 +0000

Во 2017 година екс- водителката Хелена Роза се оствари како мајка по вторпат и на свет го донесе синчето Киан. Од тоа време минаа речиси шест години, поточно во месец јули, наследникот на Хелена ќе го слави шестиот роденден. Децата брзо растат, а како и за секоја мајка, веруваме дека и за Хелена како да беше вчера кога Киан беше мало бебенце во прегратките на мама. Времето лета, а деновиве семејството живее емотивни денови пред период на големи промени за Киан кој ги заврши деновите во граднинка. Тој е преубаво потпораснато момченце, кое освојува со насмевката и со сините очиња. За потсетување, Хелена по втрпат стана мајка многу набрзо откако со сопругот Игор и ќерката Кјара се пресели во Нов Зеланд. Новите моменти, периодот на адаптација, училишните навики, запознавањето на нови другарчиња ќе бидат предизвик за сите, а градинката оставува во убав спомен од фазата на растење. фото:Инстаграм принтскрин/Хелена Роза

Пет промени во телото кои многумина ги игнорираат, а се симптоми на хормонски пореметувања

Слободанка Илиева — Mon, 20 Mar 2023 12:32:26 +0000

Сува кожа или нагло губење на косата се црвени знамиња. Рускиот ендокринолог и нутриционистка, Оксана Михалева, предупреди на некои симптоми кои сосема сигурно укажуваат дека страдате од хормонски дисбаланс. Губење на косата Докторката вели дека опаѓањето на косата е еден од главните знаци на ендокрино заболување во кое се нарушува производството на хормони. Сува кожа Сувата кожа може да укаже и на хипотироидизам, заболувања на надбубрежната жлезда и дијабетес. Покрај тоа, симптомите се придружени со сувост на слузокожата на очите и често мокрење. Зголемување на телесната тежина Докторката нагласува дека зголемувањето на телесната тежина не секогаш укажува на хормонални промени. Сепак, дебелеењето може да се случи поради недоволна активност на тироидната жлезда, недостаток на „женски“ хормони кај жените или „машки“ хормони кај мажите, тумори на надбубрежната жлезда или хипофизата или болест на панкреасот. Висок крвен притисок Високиот крвен притисок и отекувањето на лицето се знак дека имате проблеми со регулирањето на производството на хормони. Исто така, проширувањето на предниот дел на вратот е карактеристично и за болестите на тироидната жлезда. Нередовен циклус Нередовните циклуси кај жени од 45 години може да укажуваат на хормонални промени, како што се болести на јајниците, хипофизата и надбубрежните жлезди. Докторката апелира да внимавате и на исцедокот од млечните жлезди (градите), и кај жените и кај мажите, што може да биде симптом на хормонално пореметување. извор:курир.мк

Теа Трајковска не им се плаши на промените, но еве од што доби кратка доза стрес – „ Кај ми се нотификациите“ (фото)

Слаѓана Атанасова — Tue, 14 Feb 2023 09:16:04 +0000

Македонската поп пејачката Теа Трајковска неодамна на сите им докажа дека нималку не им се плаши на промените. Пејачката за сите нејзини новитети или трансформации кои ги прави задолжително ги известува нејзините следбеници преку социјалните мрежи. Така таа со нив неодамна сподели и им се пофали дека ги зголемила усните, а се пофали и со нејзината моќна промена која ја доведе до непрепознатливост, експериментирајќи со нејзината фризура. Но овој пат, Теа и самата доживеа шок и се вознемири од промените што и ги приреди социјалната мрежа Инстаграм. Таа на нејзините кратки приказни ги извести фановите дека и исчезнале нотификациите и со доза на загриженост објави колаж од фотографии со прашалници под нив. „Каде ми се нотификациите? Што е со апдејтиве?“ - напиша исплашено Теа, а сето тоа го долови додавајќи и емотикон кој означува страв. Но, вознемиреноста очигледно траеше кратко, поточно само неколку минути, кои на Теа и се чинеа вечност. Имено, Теа забележа дека со нејзиниот Инстаграм профил нешто не е во ред и за момент се шокираше иако, веќе во продолжение следуваше втората објава за разрешената ситуација. „Јас три минути подоцна, после пар пораки се прашувам дали само кај мене не бил стигнат апдејтот“ - наведе Теа. Но, социјалната мрежа Инстаграм понекогаш без најава прави одредени апдејти, измени, или бришење на стари алатки па, секако оние што се „навлечени“ на него честопати знаат да доживеат стрес од споменатата апликација. Сепак оваа промена ја вознемири и Теа која плашејки се за нејзината Инстаграм популарност да не пропадне очајно праша дали некој знае што се случува, бидејки таа не знаеше до каде ќе оди работата... „превртувајќи очи“. Фото: Принтскрин/Инстaграм/Теа Трајковска

Четири работи кои никогаш нема да се променат во вашата врска

Слободанка Илиева — Wed, 14 Dec 2022 13:50:41 +0000

Под влијание на емоциите често се лажеме себеси и живееме во заблуда дека некои работи во врската, кои ве мачат, со текот на времето ќе се променат. Сепак, тоа никогаш нема да се случи, а психолозите ги издвојуваат четирите најчести примери: 1. „Нашите големи разлики ќе се избалансираат“ Иако разликите понекогаш се големи и би требало да постојат, доколку се преголеми и ве ставаат на спротивставени страни кога станува збор за важни животни прашања, со текот на времето тоа секако ќе предизвика тензии кои ќе се претворат во поголеми проблеми и многу веројатно ќе доведат до раскинување. 2. „Можам да го сменам дури и ако тој не сака“ Не се залажувајте. Не можете да промените некој што не сака да се промени. Дури и да се случи промена, другата страна, која не ја сакала таа промена, на крајот ќе почне да ви замерува. 3. „Работите ќе се подобрат со текот на времето“ Оптимизмот е одличен, но ако треба да се залажувате на самиот почеток на врската, бидејќи ситуацијата не е многу сјајна, мора да бидете свесни за фактот дека ситуацијата многу веројатно нема да се промени на подобро. Уште повеќе, ќе се влоши. 4. „Никогаш нема да најдам некој како него“ Ова не е вистина. Освен тоа, опасно е да воздигнувате некого толку многу, особено ако се соочувате со проблеми. Веројатно сте заљубени во идеја која не е реална и би можеле да се разочарате. извор:попара.мк