промена – Вистина.мк

Водителката имаше двоен повод за славење: Милена Антовска врескаше од среќа! (ФОТО)

Слаѓана Атанасова — Wed, 06 Mar 2024 08:55:33 +0000

ТВ водителката Милена Антовска - Станковска има двоен повод за славење, па затоа е повеќе од среќна. И за двата повода заслугата е нејзина, и може слободно да се гордее и да се пофали пред нејзините фанови кои ја следат во секој чекор. Најпрвин повод за славење за неа беше моментот што одлучила да го освежи изгледот со миди фризура, а од промената е презадоволна. „Едвај си ја чекам новата фризура“ - напиша таа пред да ја скрати долгата права коса. Потоа покажа и неколку кадри од големата промена која ја направи, кога црната боја на коса за неколку нијанси се одлучи да ја осветли. Потоа и самата се изненади од новиот изглед, па од среќа викаше на цел глас. Промената на имиџот секако беше со цел бидејќи како што потсети, таа слави и цели 15 години како е дел од Канал 5 телевизија.

View this post on Instagram

A post shared by MILENA ANTOVSKA STANKOVSKA♑ (@milena_antovska)

„Нека се множат само со успеси“ - прва и напиша ТВ водителката и инфлуенсерка, Елена Најдоски, екс -„Живот со стил“, па понатаму се редеа убавите честитки од нејзините колешки, пријатели и следбеници од кои доби многу допаѓања како потврда дека се' е како што треба. Фото: printskrin/instgaram/milena_antovska

Сара Мејс со еден потег, мала помош и сугестија ја реши несигурноста во себе: „Веќе не ми е незгодно“ (фото)

Слободанка Илиева — Thu, 15 Feb 2024 08:11:07 +0000

Додека повеќето се пофалија со тоа како им поминал Денот на вљубените или Денот на виното, пејачката и хрфистка Сара Мејс имаше сосема поинаков фокус, додуша посветеноста и беше на љубов, но кон себе. Велат дека за да ги сакаш другите, најпрвин треба да се сакаш самиот себе. Сара во тоа отсекогаш се стремела, но посебно кога се подновува и прави промени од кои вели дека се заљубува самата во себе во поглед на изгледот, а тогаш среќата кај неа е евидентна. Имено, Сара се реши да ја поднови фризурата и да се препушти на рацете на стилистите, а тие направија магија од која таа беше и повеќе од задоволна, па мораше да се пофали со резултатот. -Среќета е евидентна, кој што сака нека каже, ама нема поубаво од тоа да се чувствуваш убаво во своја кожа. Со фризурава веќе на раат ќе си го растам „хаиркатот“ (потстрижаното) без да ми е назгодно да излезам од дома. Изминатите недели се чувствував малку неудобно, да бидам искрена, а ова ми го направи денот, напиша таа. Сара отсекогаш била храбра во поглед на имиџот, особено фрузурата, така што избричениот дел кој беше необичен и уникатен, сега е решен и не и создава недоверба кога подраснува. Резутатот според пејачката е одличен, дури и повеќе од што можела да претпостави. Како ви се допаѓа подновената Сара? фото:Instagram printscreen/ sarahmace__

Лила Филиповска секогаш инспиративна за нејзините обожаватели и овој пат ќе ги воодушеви со новата промена? (фото)

Слаѓана Атанасова — Fri, 02 Feb 2024 11:38:24 +0000

Самодовербата е особината која на македонската водителка Лила Филиповска дефинитивно не и недостасува и тоа лесно се забележува. Нејзината работа бара промени, а Лила тоа умее со леснотија да го изведе, а нејзината уникатност да остане препознатлива. Водителката и овој пат реши да внесе свежина во изгледот и да го смени за подобро да се чувствува таа но и нејзините обожаватели. Лила после периодот откако го победи ракот на дојката е уште похрабра во промените, а новите фризури од нужност и станаа пракса. Па така без проблем таа го посети фризерот, но не само да ја среди косата туку се одлучила за шишки за кои не секој би се осмелил да ги носи. Лила покажа дека седнала на столот во салонот и го забележала секој моментот како доказ пред следбениците. Должината на косата ja оставила иста, но за шишките сепак пресекла дека се вистинската одлука за неа. На крај Лила и самата се воодушевила од резултатот, а тоа лесно се чита од реакцијата на нејзиното лице. Новата Лила е како ТВ самовила или нејзината промена е за еднократа намена, што мислите? Ги чекаме вашите проценки и оценки во вид на коментари! Фото: printskrin/instagram/lilafilipovska

Кристина Димитри желна за промени: На прагот на Новата му се врати на старото (фото)

Слаѓана Атанасова — Fri, 29 Dec 2023 12:21:13 +0000

Македонската Инфлуенсерка и пејачка Кристина Димитри на чекор пред Новата година се одлучи на промена и пред своите обожаватели ја покажа новата фризура, кoја всушност е враќање на старото. Таа најпрво во нејзиниот автомобил направи „селфи“ фотографија за спомен пред да му каже „чао“ на постоечкиот изглед. Потоа , преку социјалната мрежа Инстаграм на нејзините кратки приказни објави фотографии на кои се гледа што направила. Имено, поранешната мисица е позната по тоа што редовно ги информира нејзините следбеници за активностите во нејзиниот живот, па ниту овој пат не направи исклучок и сето тоа веднаш го сподели со нив. Пејачката се воодушевила од потемната нијанса и на тоа како сега изгледа, па следеа фотографии на кои го покажа својот „нов“ имиџ. „ Во љубов со мојата нова коса“ - напишала таа, откако го тагна и нејзиниот фризер. Кристина се пофали со новата боја на косата со што многумина остави во прашалници, што е тука ново, кога многу повеќе личи на враќање на старото. Иако изгледа секси, имиџот на „фатална црнка“ е далеку од нов. Зашто расната тетовка не така оддамна, кога започна за прв пат да пее по клубови и кафулиња, пред да се преобрази во русокоса, веќе беше црнка. Фото: Printskrin/Instagram/kristina.dimitry

Анета Љумаковска повторно во фокус: Последните објави поттик за лавина коментари – овој пат причина се килограмите (фото)

Слободанка Илиева — Tue, 26 Dec 2023 09:41:55 +0000

Откако се раздели од сега веќе екс- сопругот Џими Мицевски и стави крај на бракот, Анета „Молика“ или по ново само Љумаковска, не била поактивна, како во медиумите, така и во јавноста. Празничниот период за Ането е турбо активен со настапи и снимања на новогодишни емисии. Постојано во трка со времето од обврските, но и тоа да се изгледа соодветно за приликата на сцена. Промените кои ги живее периодов од секој аспект се видливи, особено визуелно. Пишувавме дека тргна во промена на имиџот, а сега она што го забележаа нејзините следбеници на Инстаграм е тоа дека е доста ослабена. Последното издание за кое се појави за снимањето на новогодишна емисија, а сочинето од тесни црни панталони и макси светкаво сако, во фокус дојде нејзината витка линија и тоа дека Анета има повитка става. Ваквите забелешки ги доби во коментари од селедбениците кои веднаш ја пофалија. Анета неодамна се обрати и преку едно видео од кое ги покани скопјани на 4-ти Јануари на плоштадот „Македонија“ да се забавуваат со убава македонска музика.

View this post on Instagram

A post shared by Aneta Ljumakovska Official (@anetaljumakovska2701)

Таа редовно настапува соло, со колеги од други групи, а паралелно и со „Молика“ за веќе договореното од претходно. Неодамна ја промовираше и песната со наслов „Жива“, а од она што го дознаваме таа за дочекот на Новата 2024 година по толку работни Нови години, одлучи да остане без ангажман и покрај огромниот број на понуди, ако досега нешта не се смениле. фото: instagram printscreen/ anetaljumakovska2701

Јоце Панов реши да смени имиџ комплет: Набилдан, со нова фризура, брада и тетоважа, не една туку со цел „ракав“(фото)

Слободанка Илиева — Sat, 09 Dec 2023 08:00:37 +0000

За пејачот Јоце Панов работохоличниот пристап е константа, а не периодичен. Тој како никогаш да не мирува кога работата е во прашање, па иако неодамна за „Гранд продукција“ ја издаде темата насловена „Погрешна“, штипјанецот со скопска адреса сега веќе работи на нова песна. Тоа го обзнани преку својот профил на Фејсбук каде ги изненади следбениците со новиот имиџ кој специјално е наменет за песната и спотот кои ги подговтвува. Набилдан, со нова фризура, форма на брада и не една туку ограмна „ракав“ тетоважа која ја почна од поодамна, а сега со повод можеби и ја заврши... Испреплетени слики од женски лик, ангел, петолине со ноти, птици... Објавата не остана без коментари, односно прашања од типот на „ти ли си Јоце?“, што веројатно и очекувано. Панов е меѓу ретките на естрадата од посилниот пол кој кога е модата во прашање не им се плаши на промените и сака да експериментира. Па така, неговата модна индивидуалност знае да трпи промени и тоа од префинета елегантција, лежерност, па се до рокерско бунтовнички став. Монотонија кај Јоце никогаш нема, сака да биде интересен, актуелен, пред се’ среден за себе, а и за публикта пред која е постојано на настапи. Редовно на пат Скопје, Белград, а уште почесто низ градовите низ земјата, неуморен и предан на музиката и кариерата. Обврските не завршуваат тука, семејството е неговиот двигател, малиот Лука и сопругата Марина со која е пет години во брак. Во неговата набиена агенда стои и секојдневната работа како професор по музичка уметност во скопската гимназија „Јосип Броз Тито“ каде теоретски и практично го пренесува знаењето и љубовта кон музиката. До новата песна и спот за кои сигурно нема да чекаме многу, слушнете ја „Погрешна“. фото:Facebook/ Joce Panov JP видео: You Tube/ Grand parada

Со брачниот статус го смени и модниот идентитет: Замина од сопругот и бендот, ама го погоди трендот (фото)

Слободанка Илиева — Wed, 06 Dec 2023 09:30:25 +0000

Откако во медиумите прострои информацијата дека завршил две ипол деценискиот брак на музичката двојка Анета и Џими Мицевски, за нив особено за Анета, редовно осамнуваат наслови во домашните медиуми. Познатата пејачка не гледаше причина да се повлече од јавните гласила, туку напротив го кажа своето и си продолжи понатаму. Повод и причина за нешто ново околу нејзиното сценско појавување се почесто има, а поттик за истото знае да даде и самата. Една од тие причини е нејзината модна преобразба. Велат дека жените сакаат да сменат нешто во изгледот кога им се случила промена, а за познатата фолкерка тоа беше повод за нешто повеќе од промена - преобразба. Анета секогаш преферирала модна умереност, а сега е на пат кон редовно следење на актуелните трендови. Неодамна се презентираше во едно бунтовничко рокерско издание што претходно не било случај, а очигледно овој „ин“ фазон кој моментално царува од тенденциите во светот на модата и се актуелизира од инфлуенсерките и блогерките, веќе е во понудата на бутиците, а со тоа и во изборот на Анета. Никогаш претходно не била поактивна на Инстаграм, а сега секое ново стилско издание преферира да го покаже пред своите следбеници. Нова фризура, постојано нов стајлинг, самоуверен став и насмека се сосема доволни за совршениот печат кој таа го замислила. А кога веќе се следат актуелностите, мора да им парира и на колешките за кои на сцена и пред камери е незамисливо да се појават барем со умерена доза на провокација. За Ането изборот за снимање падна на минич фустан, затворен до грло, но со акцент на разголените нозе. Комплиментите неизбежно ги доби преклу коментари, а вака или така, очигледно отсекогаш им се допаѓала на другите независно од својот брачен статус и моден израз за кој сега само добива на дополнително допаѓање. фото: Instagram printscreen/ anetaljumakovska2701

Едноставна промена на утринската рутина може да го подобри имунолошкиот систем

Слаѓана Атанасова — Mon, 06 Nov 2023 13:36:55 +0000

Иако првото нешто што многумина од нас го прават кога ќе се вклучи алармот наутро е да го дофатиме телефонот, лекарите истакнуваат дека треба да го прескокнеме тоа и всушност да излеземе надвор. Неврологот од Универзитетот „Стенфорд“ и водител на подкастот „Huberman Lab“, Ендрју Хуберман, во една од епизодите рече дека не си правите услуга ако го кренете телефонот веднаш по будењето. Наместо тоа, тој ги повика слушателите на подкастот да направат нешто што многумина го одложуваат барем еден час по будењето - да излезат надвор. Додека свежиот воздух може да ви помогне малку да се разбудите, научникот рече дека сончевата светлина е клучна состојка за да се чувствувате побудни и фокусирани во текот на денот. И не само тоа – ако секое утро поминувате неколку минути надвор, особено на сонце како дел од вашата дневна рутина, тоа може да го подобри вашиот сон, да ви помогне да изгубите тежина и да го подобрите вашиот имунолошки систем. Сето тоа е поврзано со вашиот деноноќен ритам - ова се природните процеси во вашето тело кои следат 24-часовен циклус и реагираат на светлина и темнина. Додека многумина ги поврзуваат придобивките од сончевата светлина со витаминот Д, д-р Хуберман вели дека зраците треба да допрат до вашите очи за да го одржат вашиот деноноќен ритам на вистинскиот пат. Често, кога немате доволно дневна светлина, тоа може да ви го расипе биолошкиот часовник. Деноноќните нарушувања може да предизвикаат проблеми како што се лош сон, слаба концентрација и дневна поспаност. Истражувањата покажуваат дека ако имате деноноќно нарушување подолг временски период, може да имате послаб имунолошки систем и поголем ризик од кардиоваскуларни болести, дијабетес, дебелина и рак. „Ова не е некоја биолошка работа“, рече Хуберман, истакнувајќи дека има „стотици“ рецензирани трудови кои тврдат дека светлината рано во денот е „најмоќниот стимул за дневна будност и позитивно влијае на вашата способност да заспивате ноќе. Во деновите кога сонцето само „ѕирка“ низ облаците, Хуберман вели дека треба да се стремите кон околу 10 минути изложување на сонце рано во текот на денот. Во облачни или дождливи денови, рече дека треба да се изложите на сонце околу 20 или 30 минути. Извор: Кајгана

„Конечно …“: Милена Антовска се одлучи да го смени имиџот, а разликата е забележителна само поради фотографиите (фото)

Слаѓана Атанасова — Wed, 01 Nov 2023 09:03:41 +0000

Како се чувствуваме е најважно, но навиките се оние кои не дефинираат, а самодовербата е голема работа без која не се може. Па така, водителката Милена Антовска реши да го смени својот речиси непроменлив изглед и да внесе малку свежина, за подобро да се чувствува. Таа пред неколку дена самоуверено најави дека е подготвена да го смени имиџот и конечно да посети фризер но не за да ја среди косата, туку да ја скрати. ТВ водителката седна на столчето и направи цела фотосесија каде го забележа секој момент како доказ и спомен за случајно да не се разочара од финишот. Должината на косата веќе ја преминала границата од онаа што неа ја задоволува па, без предомислување Милена пресече дека ова е вистинската одлука. Милена едноставно уживала во секој момент, а тоа лесно се забелешува од реакцијата на нејзиното лице. На крај водителката сподели и колку дозволила и одлучила да скрати од својата коса, но попатно како да се предомислила бидејќи должината личи како да е речиси иста, или можеби минимална промена, па „ништо“ од она што го најави и ги остави љубопитните следбеници во исчекување. Секако, Милена накрај заврши со убаво префинето освежување и забележително подолги шишки исчешлани на страна. Со новата фризура таа повторно изгледа природно и елегантно, но благодарение на тоа и неколку години помладо. А со тоа докажа дека среќата е во малите нешта во случајов во малите промени. Фото: Принтскрин/Инстаграм/Милена Антовска

Го оперирала носот, ги средила забите, а една промена е дефинитивно драстична: Еве како изгледаше Милица Тодоровиќ пред 18 години (фото)

Слаѓана Атанасова — Thu, 26 Oct 2023 11:50:28 +0000

На социјалната мрежа ТикТок на големо се коментира видеото на Милица Тодоровиќ, од времето на натпреварувањето на пејачката во „Ѕвездте на Гранд“. Милица Тодоровиќ победи на натпреварот „Ѕвездите на Гранда“ во 2005 година. На само 14 години триумфираше на Ташмајдан, а кариерата ѝ тргна во нагорна линија, па денес е една од најпознатите пејачки на својата генерација. На социјалната мрежа ТикТок се појави снимка од Тодоровиќ од тој период, а освен бојата на косата која драстично и е сменета, таа го оперирала носот, си ги средила забите, а и пораснала.

@emotivni_virus #milicatodorovic #zvezdegranda #goreodljubavi #ceca #cecaraznatovic #fypシ #balkantiktok #foryoupageofficiall #balkanviral ♬ Very Sad - Enchan

На видеото кое стана вирално се гледа како Милица ја изведува песната „Ражана цреша“ од Цеца Ражнатовиќ, додека носи бели чизми, тексас здолниште и бела блуза, а забележливо е дека и покрај шминката и фризурата, таа е пејачка уште како млада жена. Фото: Принтскрин/Х/Инстаграм/Милица Тодоровиќ