пролет – Вистина.мк

Ана Стојанова не чека да дојде пролетта, туку самата и оди во пресрет: Фитнес инструкторката – „расцутена“… уште рано посабајле! (ФОТО+ВИДЕО)

Антонио Димитриевски — Tue, 05 Mar 2024 10:13:42 +0000

Фитнес инструкторката Ана Стојанова веќе шеста години преку својот Инстаграм профил ги мотивира своите следбенички упатувјќи ги на нејзините вежби, совети и правила за здрав живот.

View this post on Instagram

A post shared by ANA STOJANOVA (@annstojanova)

Во меѓувреме најупорните, највредните и најприврзанитеод нејзината „женска армија следбенички“ - „Пичис“ - како што ги нарекува по англискиот збор за парски(чки), знае да ги одведе на еден од своите летни прдизвици на егзотични дестинации низ светот. Токму од една таква далечна дестинација, од прекрасниот Тајланд, Ана деновиве се врати дома, а како што вика и песната: „Само дома си е дома“... Од дома нема ништо поубаво, па следејќи ја таа логика, фитнес инструкторката не можеше да не се изгушка со се живо и „нежив0“, фрлајќи им се во прегратки или земајќи ги во своите... Од мебелот до мачорот! Утрото врнежливо, ама затоа инструкторката романтично расположена уште рано посабајле. Само по гаќички и мини секси ноќница украсена со провидна тантела, Ана тргна да го подготви првото утринско кафе. Сексапилната „кафекуварка“ онака разголена ја разбуди желбата кај сите вистински кафеџии првото кафе да го испијат заедно... Ако не со неа лично, барем покрај неа на Инстаграм, зашто кафето во нејзино друштво мора да ем послатко, ем повозбудливо... Додека чекаше кафето да и се свари, пред да зоврие и „кајмакот“ да се крене, таа го крена шишето за да си го освежи грлото со голтка вода... За кафенцето подобро да лизга! „И да врне и да вее, мора да се вежба и да се оди на работа. Ако ти се плачешесабајлево и не ти се стануваше, ела да те гушнам - ќе ни помине“ - им порача Ана на своите следбеници, кои да занаат каде живее, веруваме дека би чекале во редици... за гушкање! Дали кафенцето и легна и дали го преврти филџанот за да си гледа, Ана не обзнани, ама затоа ја соопшти убавата вест: „Надвор почнува да цути“! - навестувајќи ја пролетта која официјално календарски пристига на 21-ви март! Арно ама, гледајќи ја расната инструкторка вака утрински „бујна и расцутена“, најзините машки ( и поедини не само машки) следбеници и на дождот „сонце ги огрева“... И тоа уште рано посабајле! А, како што е познато, природата има свои законитости кои велат дека за нешто да почне да цути, претходно мора да (се) пупи! За убавата пупка, потоа ширум да се отвори и... да прерасне во прекрасен и привлечен, росен и мирисен, медоносен цвет! Епа... Наздравје „секси“ кафе! Фото и видео: Инстаграм/annstojanova

Повеќе на vistina.mk

Пролетни вибрации: Познатите Македонки му се израдуваа на топлото време (фото)

Слаѓана Атанасова — Mon, 27 Mar 2023 06:50:25 +0000

Деновиве македонските јавни личности мераклиски уживаа во стартот на пролетта. Тие топлото време го искористија баш како што треба, а на социјалната мрежа „Инстаграм“ се пофалија колку се израдувале. Некои од нив уживаа во расцветаните дрвца во македонската престолнина, а некои дури заминаа и ги посетија познатите летни дестинации како да е лето. Новинарката и ТВ водителка Анастасија Богданоска на социјалната мрежа го покажа нејзиниот поглед каде ги „уловила“ првите пролетните сончеви зраци. Пролетта ја освои и ТВ водителката и пилатес иструкторка Снеже Велков, која со велосипедот прошета низ плоштадот на Скопје. Се разбира таа не остана рамнодушна ниту на мирисот од убавите расцветани дрвца но и од нивниот нежен изглед. Најшетаната велешанка и некогашната поп пејачка Ноне Неделковска од некоја убава светска дестинација на социјалните мрежи испрати честитка за новата сезона. „Пролет - Прекрасен потсетник за тоа колку навистина може да биде убава промената - напиша таа. ТВ водителката Вера Мештеровиќ, а некогашна мисица и модел замина на море со пријателките и од убавата дестинација го поздрави пролетното сонце. Актуелната водителка со магична фотографија од расцветани дрвца покрај вода напиша: „Пролетни вибрации“ - па со локаторот откри дека ужива на познатата летна дестинација Халхидики како да е лето. Фото: Принтскрин/Инстагарам

Повеќе на vistina.mk

Ана Бекута по смртта на Мрка донесе одлука која ги изнанади нејзините пријатели

Слободанка Илиева — Tue, 22 Mar 2022 09:26:15 +0000

Пролетта на сите ни дојде пред два дена, но на некои сепак им треба повеќе од другите. На пример, пролетта која конечно би ѝ донела мир на пејачката Ана Бекута (62) не вклучува само календарска или метеоролошка категорија, туку и онаа што се однесува на душата, по долго презимување откако нејзиниот долгогодишен партнер Милиутин Мркоњиќ си замина пред четири месеци. Затоа новата објава на Ана Бекута инспирира охрабрување дека пролетта ќе и го донесе потребното емотивно подобрување и духовен мир и навистина изгледа подготвена да продолжи со целосен оптимизам.

View this post on Instagram

A post shared by Ana Bekuta (@anabekuta1)

– „Ќе има пролет и сонце – и покрај се, и покрај се, против се и секој што се противи на животот“ – ја цитираше познатата реченица на Душко Радовиќ пејачката и потоа им честиташе на своите следбеници на социјалната мрежа „Инстаграм“ на почетокот на најубавата сезона. Објавата на Ана Бекута наиде на многу зборови на поддршка и одобрување, бидејќи многу нејзини следбеници веројатно препознаа дека овој став значи дека пејачката по неколкумесечна тага решила да сврти нов лист и да врати насмевка на лицето.

Повеќе на vistina.mk

Пролетта почнува во недела на 20. март во 16 часот и 33 минути

Антонио Димитриевски — Sat, 19 Mar 2022 09:27:24 +0000

Пролетта почнува во недела, на 20. март во 16 часот и 33 минути. Во истовреме на јужната земјина полутопка почнува есента. За првиот пролетен ден што ќе трае 12 часа и 5 минути метеоролозите предвидуваат сончево и студено време со мала локална облачност. Ќе дува умерен до повремено засилен ветер од северен правец. Пролетта ќе трае 92 дена, 17 часа и 54 минути, односно до 21 јуни 2022 година во 11 часот и 13 минути кога почнува летото.

Повеќе на vistina.mk

„Tорн Боб“: Оваа фризура има совршен размер на носталгија и свежина за на пролет

Слободанка Илиева — Fri, 11 Mar 2022 14:00:22 +0000

Фризурата е најбрзата и најефективната трансформација на имиџот, а со враќањето на трендовите од деведесеттите и раните 2000-ти, не е чудно што истото можеме да го очекуваме и кога е косата во прашање. Некаде помеѓу пикси фризура, како што беше премиерно прикажана на Париската модна недела од актерката Дејзи Ридли, и многу кул класичен класичен боб „Torn Bob“. Фризурата „Torn Bob“ го доби името по незаборавниот изглед на Натали Имбруглија во музичкото видео „Torn“: неуредната кратка коса уште пократка во задниот дел и подолга околу лицето нè освои во доцните 1990-ти и таа ќе го направи тоа повторно. Без остри врвови и нагласени потези, разбушавениот „искинат боб“ лесно се обликува, поради што изгледа одлично на луѓето со права, но и виткана коса. Главната инспирација за овој освежителен изглед, освен самата Натали Имбруглија, е иконскиот изглед на Линда Евангелиста, па доколку сакате целосно да го промените изгледот на фризер, само покажете им фотографија од кратката руса фризура на Линда. извор:попара.мк

Повеќе на vistina.mk

3 витамини кои му се најпотребни на нашиот организам напролет: Го зајакнуваат имунитетот и штитат од разни болести

Христина Ѓоргиевска — Wed, 09 Mar 2022 13:00:01 +0000

Иако температурата овие денови стигнува и до нулата, факт е дека пролетта нѝ „тропа на врата“, а по долгата зима и обилните оброци, на нашето тело му се потребни нутриенти кои ќе го нахранат организмот и ќе му обезбедат правилно функционирање. А тука се поставува прашањето: кои витамини е најважно да ги земаме напролет и во кои намирници се наоѓаат истите?

Витамин Ц

Витаминот Ц е неопходен за имунитетот, крвните садови како и за одржување на младешкиот изглед и еластичноста на кожата. Во текот на зимата и почетокот на пролетта обично го нема доволно во исхраната бидејќи сè уште нема сезонско свежо овошје и зеленчук. А во цитрусите го нема во доволна количина бидејќи увезеното овошје се бере кога сè уште не е доволно зрело, па содржи мала количина на аскорбинска киселина. Освен тоа, во текот на складирањето и транспортот губат значајно количество од витаминот. Затоа најдобар избор на овој витамин се киселата зелка и смрзнатите бобинки. За да ја задоволите дневната потреба за витамин Ц, доволно е секој ден да јадете 150-200 грама кисела зелка. Оваа намирница исто така содржи пребиотички компоненти како диететски влакна и млечна киселина кои помагаат во оптимално функционирање на цревата и помагаат во зајакнување на имунитетот. Одличен избор на витамин Ц се и смрзнатите бобинки, како на пример црвените и црните рибизли.

Витамин А

По зимата, на телото му се навистина потребни витамини растворливи во масти, особено витамин А. Помага во одржување на состојбата на кожата и имунитетот. Прекурзорот (соединение кое учествува во хемиска реакција со која се произведува некое друго соединение) на витамин А - каротеноидот, го има во изобилство во морковот, тиквите и пиперките. Но, не е доволно само да внесувате овошје и зеленчук. Витамин А има во голема количина и во црниот дроб од бакалар - во 100 гр. има 4 пати повеќе од препорачаната дневна доза. Оптималниот дневен внес изнесува 25 грама дневно.

Витамин Б

Витамините од групата Б помагаат во смирување на нервите, обновување на кожата и поттикнување на менталните активности. Повеќето витамини од групата Б се наоѓаат во говедскиот џигер. Оваа намирница е всушност витаминска „бомба“ бидејќи содржината на некои витамини од оваа група достигнуваат 100 отсто од препорачаната дневна доза. извор: точка.мк

Повеќе на vistina.mk

Комбинацијата на жолта и зелена ќе ја одбележи пролетта

Христина Ѓоргиевска — Mon, 07 Mar 2022 14:00:47 +0000

Ооваа пролет важи слоганот „колку пошарено толку подобро“ Кога ќе кажете пролет, сигурно ќе помислиме на сите убави бои кои ја красат оваа сезона, а модните експерти донесоа одлика – светлите бои ќе бидат најпопуларни оваа сезона. Оваа пролет важи слоганот „колку пошарено толку подобро“. Сепак, нагласуваат модните експерти, поентата не е да се носи облека во сите бои, туку да се избере добитната комбинација, исто како комбинацијата на жолта и зелена. Затоа, ви претставуваме неколку интересни модни комбинации кои можат да послужат како инспирација:

Комбинација за секој ден

Деловен стајлинг Црвените модни детали се секогаш пожелни извор: попара.мк

Повеќе на vistina.mk

Намирници кои сега треба да ги јадете до пролет

Христина Ѓоргиевска — Wed, 17 Nov 2021 13:00:00 +0000

Како што заладува времето, на организмот му се потребни повеќе намирници кои содржат витамини, особено витамин Ц клучен за борбата против вируси и бактерии. Многу е важно што јадеме во текот на есенските и зимските денови, кога кожата ни станува посува. Нутриционистите препорачуваат во периодот од ноември до април во исхраната задолжително да ги внесеме овие пет намирници. Што треба секој ден да јадеме во овој период?

Цвекло

Важи за златен извор на витамини и минерал, богат е со витамин Ц, бета-каротен, калциум, железо и магнезиум.

Јајца

Богати се со витамините Б2, Б12, А и Е, железо, цинк и фосфор. Жолчката е богата со калциум и железо и кога го консумирате ги задоволува скоро 90 проценти од дневната потреба на организмот за овие минерали. Содржи и девет важни аминокиселини. Јајцата треба да ги јадеме често, особено во зимските денови.

Морков

Одамна е познато дека морковот е добар за видот, но и за кожата во студените денови. Содржи голема количина бета-каротен кој во телото се претвора во витамин А. Овој витамин го подобрува имуниот систем, но добро делува и на кожата.

Портокали

Освен што се богати со витамин Ц, клучен за борбата за заштита од вируси и борбата со настинки, портокалите обилуваат со антиоксиданси, но и колаген кој ја обновува кожата во зимскиот период.

Бадеми

Содржат антиоксиданси, богати се со протеини, магнезиум, влакна, витамин Б, калциум, калиум, фосфор, цинк, железо и здрави масти. Ќе бидат од голема корист за стабилизација на шеќерот во крвта и ќе влијаат позитивно на здравствената состојба на организмот. Бадемот е одличен за топење на масните наслаги на стомакот, па ако имате проблеми со тежината, јадете секој ден сирови бадеми. По две недели ќе видите резултати од тоа. извор: кајгана

Повеќе на vistina.mk

Зошто на пролет одеднаш почнувате да зрачите со сексапил?

Христина Ѓоргиевска — Tue, 13 Apr 2021 12:30:47 +0000

Пролетта е период во кој нашите мисли спонтано одат кон насока на љубовта, нежноста, сексот. Многу поети будењето на емоциите во пролетниот период го споредуваат со будењето на природата по зимскиот сон. Веројатно и самите сте забележале дека луѓето се склони токму на пролет да започнуваат романтични врски, мечтаат за секс и слично. Тоа го докажаа и истражувања кои покажаа дека природата се погрижила нашето тело, хормоните и либидото на пролет да бидат поактивни и повеќе насочени кон интимност.

1. Идеална температура за секс

Истражување објавено пред повеќе од 10 години во списанието The Journal of Reproductive Rhythms покажа дека степенот на плодност кај луѓето е под директно влијание на промената на годишните времиња. Температурите меѓу 10 и 22 степени Целзиусови покажале дека се идеални за зачнување деца, овие температури ја поттикнуваат овулацијата кај жените и производството на сперматозоиди кај мажите.

2. Се чувствуваме посексапилни

Резултатите од анкета спроведена од компанијата Wet, американски произведувач на лубриканти и други производи за интимна нега и сексуално уживање, јасно покажаа дека луѓето на пролет навистина стануваат позаинтересирани за секс.

3. Сперматозоидите се побрзи на пролет

Интересно е и што квалитетот на сперматозоидите се разликува по годишни времиња. Истражување објавено во American Journal of Obstetrics and Gynecology покажа дека количината и концентрацијата на сперматозоидите се значително пониски во летните месеци, кога температурите се изразито повисоки, а квалитетот на сперматозоиди е највисок во зима и на пролет. Во тие годишни времиња сперматозоидите се морфолошки најправилни, но и најбрзи.

4. Жените се најрасположени за секс

Норвешки научници утврдија дека женската сексуална желба зависи од количината на светлина и сонцето. Проучувајќи ја врската меѓу сексуалната желна и светлината, научниците откриле дека во април и мај жените покажуваат најголем интерес за секс. Како факт за тоа се наведува излачувањето на женските хормони кои влијаат на либидото паралелно со количината на изложеност на дневна светлина.

5. Имаме повеќе енергија

Дневната светлина, меѓу останатото, му сигнализира на телото да излачува помалку мелатонин, хормон кој го подготвува телото за спиење. Кога се излачува помалку мелатонин, имаме повеќе енергија и се чувствуваме како од хибернација да преминуваме во период на активности и енергичност. извор: Кајгана

Повеќе на vistina.mk

Хороскопски знаци кои оваа пролет ќе имаат најмногу среќа во љубовта

Христина Ѓоргиевска — Tue, 06 Apr 2021 12:30:24 +0000

Хороскопски знаци кои оваа пролет ќе имаат најмногу среќа во љубовта се Овенот, Бикот и Близнаците, пишува Elite Daily. Овен Со оглед на тоа што Венера влезе во нивниот знак на 21 март, веќе почна романтичниот период за Овните. Оваа пролет тие ќе се чувствуваат полни со самодоверба и оптимизам, доволно за да ја дочекаат подготвени новата љубов, знаејќи колку вредат и што имаат да понудат. Бик Романтичните Бикови се секогаш подготвени за љубов, а овој април ќе имаат бројни прилики таа желба да ја остварат. Кон средината на април ќе запознаат нови потенцијални партнери, а кон крајот на месецот ќе почувствуваат која личност е вистинската за нив. Близнаци На Близнаците најдобро ќе им оди на почетокот на мај, кога ќе се пружат бројни прилики за флерт, но и нешто повеќе. Најдоброто време за љубов ќе биде кон крајот на месецот кога ќе се случи сериозна промена во нивниот љубовен живот. извор: кајгана

Повеќе на vistina.mk