производи – Вистина.мк

Лоба може да те гризне без да те боли, а Лила носи гаќички со двојно дно…! (ФОТО)

Антонио Димитриевски — Sat, 21 Aug 2021 07:27:27 +0000

Социјалните мрежи, особено Инстаграм за познатите и јавни македонски фаци стана место за гратис маркетинг, а самите тие се како подвижен билборд! Нема ден некоја од нив да не се појави без да ве бомбардира со реклама за нов производ, кој е „најдобриот“, па затоа и токму тие ви го препорачуваат.

Миа Костова, Марјана Станојковска, Милена Антовска, Ани Георгиева (Црна мачка), Викторија Лоба, Лила Филиповска... се само дел од плејадата познати Македонки, за кои на Инстаграм, па и на Фејсбук секојдневно можете да кажете: „Се гледаме после рекламите“! А се рекламира се' и сешто: Од козметички производи, препарати и третмани, преку туристички патувања до сексуални помагала. Која што начекала да рекламира, каков спонзор закачила, а народот... Кому што му треба! Еве само два-три примери од нашите инфлуенсери во рекламната нишка на познатите Македонки и „нивните“ рекламни производи.

Викторија Лоба да речеме е „феномен“. Може да ве гризне без да ве боли. Особено ова се однесува на саканиот... Него може да го гризне и при водење љубов, а тој ништо да не почувствува... За јазикот или усната или... при бакнеж, се разбира! И сето ова заради тоа што Лоба користи „невидлив алајнер“ преку забите. Совршената насмевка е гратис!

View this post on Instagram

A post shared by ᐯIᑕTOᖇIᗩ ᒪOᗷᗩ ? (@victorialoba) on Apr 22, 2019 at 4:38am PDT

Лила пак има најново помагало, за кога ќе дојдат „оние денови“, се разбира! Тогаш облекува гаќички со двојно дно. Помеѓу двете дна - влошка! За удобност, комфорност и дополнителна заштита за време на менструалниот циклус... Нејзиниот, ама и вашиот!

Ани - „Црна мачка“ и нејзината богата палета производи од најпознатиот македонски секс шоп ќе ги оставиме за некоја друга прилика... Кога на ред ќе дојдат задоволствата!

Претходниве два „иновативни и револуционерни“ производа, засега ви се доволни само за да ве заштитат од... „неприлики“! За дури и во оние денови кога не можеш „да им го фатиш крајот“, да се чувстрвуваш... „како во рајот“! До тогаш... се гледаме после рекламите! Фото: Инстаграм принтскрин

5 производи за убавина што треба да ги избегнувате на лето

Христина Ѓоргиевска — Fri, 09 Jul 2021 12:00:06 +0000

Да бидеме реални, летото може да биде меч со две острици, особено кога станува збор за козметика која треба да се менува според времето. Кожата е помасна, кожата и шминката се топат, кожата е склона кон акни, хидратацијата во зима може да биде преголема, а лошиот заштитен фактор може дополнително да ги комплицира работите, особено ако не го чистите лицето правилно. Тајната на добрата летна рутина, исто како и во исхраната, е – лесна. Изберете производи кои се лесни, слични на гел и полесна текстура и избегнувајте ги оние што ќе направат вашата кожа да реагира уште повеќе на сонцето. За полесно да ја редите летната козметичка торба, ќе ви откриеме кои производи дефинитивно треба да ги избегнувате, заедно со состојки како што се минерални масла, силикони и масло (бидејќи ги заглавуваат порите).

Масла и тешки креми

Хидратацијата е неопходна во секоја сезона, но има неколку различни производи за хидратација. Многу од препаратите што ги сакаме во зима содржат омекнувачи за да спречат губење на влага од кожата што е можно поефикасно, но истите овие состојки во лето ја прават кожата помрсна и може да ги заглави порите. Најдобри замени се хидратантните креми со лесни текстури слични на гел, како и интензивно хидрирачки серуми и дневни бустери.

Мрсна крема со заштитен фактор

Иако постојано велиме дека на лицето треба да се применува заштитен фактор на дневно ниво, навистина треба да бидеме внимателни што точно ставаме на лицето. Кремите за сончање можат да ја затнат кожата, но денес за среќа постојат голем број минерални креми за сончање формулирани специјално за мрсна или чувствителна кожа.

Тешки маски

Маската не мора да биде во форма на крем за да биде ефикасна – користете лесни текстури со хидрирана алое вера и хијалуронска киселина за хидратација, а најдобрите видови маски за честа употреба во текот на летото се оние кои длабоко ја чистат кожата, го зајакнуваат нејзиниот сјај и го смируваат по изложување на сонце.

Течна пудра со силно покритие

Ако кожата е во лоша форма, покривањето со тешки пудри само ќе направи да се чувствувате полошо, без разлика колку мислите дека покрива. Најдобро е да користите шминка за која е наведено дека не е комедогена. BB или CC креми, навлажнувачи со додадена боја, темели на база на вода или темели на база на прав кои можат да апсорбираат вишок маснотии и пот се идеални за ова. Прочитајте и: Како да се справите со темните подочници? иѐвор: убавина и здравје

Како правилно да ги чистите купените производи за да се заштитите од коронавирусот?

Христина Ѓоргиевска — Thu, 09 Apr 2020 13:00:55 +0000

Живееме во време на пандемија на COVID-19 и од сите нас се очекува одговорно однесување со цел да се заштити сопственото, но и колективното здравје. Прва и најважна препорака е да се одржува социјална дистанца од другите луѓе во јавност од најмалку 1,5 до 2 метри, потоа редовно и темелно миење на рацете со вода и сапун особено после враќање од надвор во домот, како и одржување на општа хигиена и чистота во домот. Може да дојдете во контакт со коронавирусот при близок контакт со заболено лице или носител на вирусот, но и при контакт со површини на кои стигнал вирусот преку човечки секрет (кивање/кашлање). Познато е дека новиот коронавирус се задржува на бакар до четири часа, на картон до 24 часа, а на пластика и челик до 72 часа. Треба да се нагласи дека со минување на времето, се намалува количеството на вирусот на секоја од овие површини, а со тоа и ризикот од инфекција при контакт со нив. Кога пазарувате, важно е да бидете внимателни и пазарувањето да го завршите брзо и ефикасно, со цел да не се задржувате долго во продажното место. Со оглед на тоа дека не би можеле да знаете кој ги допрел производите пред вас, кога ќе стигнете дома треба да ги исчистите амбалажите на производите кои сте ги купиле. Доктор Санџеј Гупта објаснува како правилно да ги чистите храната и другите производи купени од супермакети, локални продавници и пазари за време на пандемијата со COVID-19. Некои производи и намирници, како сол, шеќер, ориз, тестенини и слично, може да ги претурите во пластични или стаклени садови со капак, а амбалажата да ја фрлите. Овошјето и зеленчукот темелно мијте ги, а по можност оставете ги да отстојат во раствор со сода бикарбона најмалку половина час пред да ги користите. извор: Кајгана

3 работи кои моментално најмногу се купуваат во дрогериите

Слободанка Илиева — Mon, 06 Apr 2020 12:00:52 +0000

Со пандемијата на коронавирусот, приоритетите за купување се променија кај многумина. И тука не мислиме само на основните работи како што се храната и тоалетната хартија, туку и на хигиенските производи кои ги користиме за нега на кожата. Како што пренесува „Cosmopolitan“, производите во овие три категории моментално се најпродавани речиси во цел свет. Крема за раце На кремите и маслата за раце продажбата вртоглаво им пораснала, заедно со продажбата на средства за дезинфекција кои ги сушат рацете. Во некои онлајн продавници пости дури и листа на чекање за некои производи за раце. Фарба за коса Сепак сега сите станавме фризери. Израстоците за жал не чекаат да заврши карантинот, затоа многу жени ги преземаа работите во свои раце. Производи за нокти Своите салони мораа да ги затворат и козметичарите, па девојките се одлучуваат да го отстранат гелот или трајниот лак дома, или пак си купуваат цела опрема за да си ги направат сами ноктите во домашни услови. извор:точка.ком.мк

Кој би помислил: Овие производи кои ги користиме во домот откриено е дека се канцертогени

Слободанка Илиева — Tue, 08 May 2018 07:55:03 +0000

Користите ли производи кои содржат канцерогени состојки повремено? Можноста нешто да ви се случи од нив е минимална, но доколку употребата е честа, тогаш ризикот е голем. Чувајте го своето здравје и за да ги намалите шансите за настанување на карцином, избегнувајте користење на следниве производи: Пуканки за микробранова Иако се вкусни, овие пуканки содржат штетни хемиски супстанци кои се поврзуваат со низа болести, вклучувајќи ги и најопасните – карциномите. Пуканките сами по себе не се штетни, посебно доколку ги подготвувате оние кои се органски одгледани и тоа на масло кое поднесува високи температури. Но, овие за микробранова треба да ги избегнувате. Антибактериски сапуни Триклосанот, хемискиот пестицид кој е составен дел од антибактериските сапуни, се поврзува со оштетувањата на штитната жлезда и хормоните, како и со разни инфекции. Наместо антибактериски сапуни, одберете ги обичните кои со редовна и правилна употреба ќе ги исчистат вашите раце одлично. Хемиски отрови Можеби си мислите дека не ги користите во вашето домаќинство, но размислете уште еднаш. Хемиските отрови се спрејовите против инсекти, средствата за чистење на печка, како и разните прашоци против мравки или лебарки. Сето ова е исклучително штетно и отровно, па подобро одберете природни производи кои ќе ја завршат задачата. Можеби ќе им треба повеќе време и се поскапи, но нема да ве разболат. Облека која не се гужва Идејата за облека која не мора да ја пеглате бидејќи не се гужва звучи одлично, но таквата облека е отровна. Содржи формалдехид кој лошо делува на здравјето и предизвикува разни болести, па дури и карцином. Подобро да ја земете пеглата во раце и да ја избегнувате ваквата облека. Освежувачи на воздухот Без разлика дали станува збор за оние во спреј или оние кои се приклучуваат на струја, освежувачите за воздух не се пријателски. Содржат низа хемикалии кои, замислете иронија – всушност го загадуваат воздухот. Овие хемикалии се поврзуваат со појава на карцином, астма, алергии и хормонални пореметувања. Наместо освежувачи за воздух, отворете ги прозорите и пуштете да влезе свеж воздух. Садови за кои не се лепи храната Садовите со дно на кое не се лепи храната се хит бидејќи лесно се чистат, но опасни се за здравјето. Содржат хемикалии кои се исклучително канцерогени и доколку ги користите подолго време можат сериозно да ви наштетат.

Фолкерката Стоја жестоко ги прозва колешките: „Толку ли ви падна работата“?(ФОТО)

Антонио Димитриевски — Wed, 28 Mar 2018 10:42:51 +0000

Српската фолк пејачка Стојанка Новаковиќ - Стоја е една од оние кои се „без влакна на јазикот“. Таа неретко го кажува своето мислење за состојбата на естрадата преку социјалните мрежи, па со тоа често ги допира своите колеги. Овојпат се пожали дека некои од нејзините колеги ги користат своите профили на социјални мрежи за рекламирање на одредени брендови и производи, нешто што нејзините фанови никогаш нема да го доживеат од неа.

„Аман веќе со ова рекламирање на свои профили ... Колешки, имајте малку достоинство ... Толку многу ли ви падна работата?“ - напишала Стоја на нејзиниот Инстаграм, па ја објави оваа фотографија

Отровно: 4 намирници кои не смеете да ги ставате во микробранова

Слободанка Илиева — Tue, 27 Mar 2018 08:38:33 +0000

Некои ја сакаат, некои ја мрзат: Старата добра микробранова печка.

Мора да признаеме дека од практични причини се повеќе ги користиме нејзините брзи услуги. Но, треба да знаеме дека постојат намирници кои во никој случај не смееме да ги грееме во неа.

Компир

Доколку варениот компир се остави на собна температура, лесно може да ја развие бактеријата „clostridium botulinum“. Оваа бактерија не може да се уништи во микробранова, а може да предизвика труење со храна.

Сирово пилешко

Пилешкото мора да се јаде кога е добро термички обработено (варено, печено или пржено) за да бидеме сигурни дека се уништени сите бактерии кои се наоѓаат на него. Во микробранова печка ова месо може само да се загрее, но не и да се пече.

Пржена храна

Масниот помрит или печениот зеленчук исто така не смеат да се ставаат во микробранова. Маслото може да се запали и да се создадат гасови штетни по здравјето.

Ориз

Оризот по подготвувањето треба да се стави во фрижидер, бидејќи на собна температура многу бргу може да развие отровни бактерии кои не се уништуваат во микробранова печка. извор:среќа.мк