прогнози – Вистина.мк

Кој според обложувалниците има најголема шанса за победа на годинешниот Евросонг?

Слободанка Илиева — Thu, 04 May 2023 11:46:36 +0000

Овогодишното издание на Евросонг ќе се одржи од 9-ти до 13-ти мај во Ливерпул, а многу фанови на овој музички натпревар се обложуваат кој ќе победи. Според моменталната состојба на обложувалниците, шведската пејачка Лорин со песната „Tattoo“ има најголема шанса за победа (46 отсто). Таа во 2012 година победи на тогашната Евровизија која се одржа во Баку, со песната „Euphoria“. Лорин беше тогаш единствената учесничка која ги поддржа азербејџанските активисти за човекови права и изјави пред новинарите дека човековите права во Азербејџан се кршат секој ден и дека за таквите нешта не треба да се молчи. Портпаролот на владата на Азербејџан наведе дека натпреварот не треба да се политизира и од организаторите на Евросонг побара да се спречат такви состаноци. Шведските дипломати одговорија дека Лорин не постапила против правилата на Евросонг. Лорин во 2017 година во една емисија откри дека е бисексуална, а во меѓувреме стана и миленичка на ЛГБТ заедницата. Во една прилика, пејачката раскажа дека тие се главните „виновници“ за нејзиниот голем успех во музичката индустрија. На второ место, како што пишува „Eurovision World“, е финскиот рапер Каарија и песната „Cha Cha Cha“. Тој има 15 отсто шанси за победа. Самостојно издава своја музика до 2017 година, кога потпишал договор со издавачката куќа „Monsp Records“. По тоа, го објави двојниот сингл „Koppi Tules/Nou Roblem’“, EP со наслов „Pelia“, а деби албумот „Fantastista“ го сними во 2020 година. На третото место според обложувалниците, се наоѓа украинското дуо „Tvorchi“ со песната „Heart of Steel“. Тие имаат 6 отсто шанси за победа. Пејачот Андриј Хутсулијак порача претходно дека ќе даде сè од себе за да ја претстават Украина на достоинствен начин. фото: Eurovision Song Contest 2023 – first stage renders BBC/eurovision.tv

Метеоролозите предвидуваат изгор лето: На Балканот не очекуваат пеколни температури

Антонио Димитриевски — Thu, 19 May 2022 12:32:41 +0000

Најпознатиот светски метеоролошки сервис AccuWeather објави летна прогноза за цела Европа. Според извештајот, Португалија, Шпанија и Италија ќе се соочат со жежок период со многу покачувања и падови на температурата во текот на целата сезона. Секој топлотен бран во областа ќе трае една или две недели и ќе се карактеризира со рекордни температури, но тие треба да бидат прекинати со бавни бури што ќе доведат до пад на температурите и врнежи. Јужниот дел на Европа го очекува рекордна жештина, со невреме. Слично како и минатото лето, градовите ширум Балканот годинава може да очекуваат повеќе денови со температури над 32 целзиусови степени. Топлите периоди ќе бидат придружени со суши, иако годинава се очекува да бидат поблаги од 2021 година. Во втората половина на летото би требало да има повеќе грмежи отколку во првата. Сепак, тие веројатно нема да бидат доволно распространети за да стават крај на проблемите што ќе ги донесе периодот на суша. AccuWeather наведува дека грмотевиците би можеле да бидат меч со две острици, во смисла дека до одреден степен ќе го ублажат периодот на суша, но дека ќе донесат сериозни временски катастрофи, вклучително и бури што може да ги оштетат посевите на пченица и пченка.

Меган и Хари само што објавија дека ќе станат родители по вторпат, а Британците веќе го прогнозираат името на бебето

Христина Ѓоргиевска — Tue, 16 Feb 2021 10:33:37 +0000

Меган Маркл и Хари го очекуваат своето второ дете, а веќе се прогнозира името на бебето. Тоа не е ништо ново бидејќи за секое бебе од кралското семејство така се прави во обложовалниците ширум светот, а најмногу во Велика Британија. Како што се наведува, имињата Александра и Алфи имаат квота 4 – 1, па се на врвот на листата. Дали Меган и Хари ќе добијат девојче или момче, прогнозата е 10 -11. Понатаму на листата се имињата Елизабета и Филип со квота 6-1, а тоа не ни чудно бидејќи станува збор за баба и дедото на Хари. Алекс Апати кој работи во обложовалница и честиташе на војвовтката за приновата и вели дека ваквите прогнози ќе бидат актуелни. Како што пишуваат британските медиуми, во други обложовалниците квотите се 10 – 1 за името Дајана, но и за името на таткото на Меган Маркл, Томас. Исто така доминираат имињата Дајана и Оливер. Се прогнозира и доколку Меган и Хари добијат ќерка да ја крстат по името на мајката на Меган, Дорија. Се појавуваат и имињата Изабела, Џорџ, Артур, Грејс, Алберт и Филип. Инаку, бритнаксите медиуми исто така пишуваат дека Меган и Хари ќе бидат гости гости во емисијата на Опра Винфри каде што ќе зборуваат за напуштањето на кралското семејство.

Oва се прогнозите кои држави од втората полуфинална вечер ќе влезат во финале на Евровизија

Христина Ѓоргиевска — Thu, 16 May 2019 09:47:20 +0000

Овагодинешното издание на „Евровизија“ започна пред два дена кога се одржа првата полуфинална вечер. Вечерва во Тел Авив ќе се одржи и втората полуфинална вечер на која ќе настапат 18 држави, а меѓу кои и Македонија под реден број 17. Од 18 претставници, само 10 ќе влезат во финалето, а веќе на големо се шпекулира дека овие држави ќе бидат во супер финалето. Обработката на податоците на различни обложувалници за шансите за влез во винале се претставени во проценти.

Најдобро позиционирани се Холандија и Шведска со 94%, на трето место е Русија со 93%. На четврто место е Аџербијџан со 92%, потоа следува Швајцарија со 90%. На шесто место е Малта со 85%, на седмо место е Тамара Тодевска со 71%, по неа следува Норвешка исто така со 71%, на девето место е Јерманија со 59 % и на десто место е Данска со 52%.

Како ќе се претстави вечерва Тамара останува да видиме и да и посакаме среќа.