прогноза – Вистина.мк

Жељко Јоксимовиќ го кажа своето мислење за Констракта: Еве што и типува двојниот евровизиски претставник (ФОТО)

Слаѓана Атанасова — Mon, 28 Mar 2022 12:05:56 +0000

Пејачот Жељко Јоксимовиќ двапати ја претставуваше Србија на Евровизија, во 2004 година со песната „Лане мое“ со која го освои второто место, а во 2012 година со песната „Није љубав ствар“ со која го освои третото место. Јоксимовиќ како успешен српски претставник сега ја коментираше Ана Ѓуриќ - Констракта која во мај ќе ја е претставува Србија во Торино со песната „In corpore sano“ со која предизвика вистинска бура од коментари! „Според мене, тоа е нешто сосема ново, нешто што води кон победа. Таа е изненадување за сите! Тоа е повеќеслојна песна и има многу пораки. Но, не сум сигурен дали сите луѓе ги виделе главните пораки и ги протолкувале на вистински начин“ - рече Жељко и додаде: „Кога ја слушнав немав комплетна слика, но кога ја гледав и слушав во исто време, тогаш слика ми беше појасна. Мислам дека ова е концепт кој многу лесно може да победи на Евровизија, без разлика што велат обложувалниците. Сигурен сум дека ќе биде на првите три места“ - изјави Јоксимовиќ за Екстра ФМ. Фото: Инстаграм принтскрин/#жељкојоксимовић/konstrakta

УХМР со предупредување: Доаѓа нов топол бран, особено на овој датум буквално ќе „гори“ тлото во Македонија

Антонио Димитриевски — Tue, 29 Jun 2021 13:12:00 +0000

Времето утре ќе биде сончево и многу топло со мала до умерена локална облачност. Ќе дува слаб до умерен ветер од јужен, а во западните делови умерен до засилен ветер од западен правец. Времето во четврток ќе биде сончево и многу топло со мала локална облачност. Ќе дува умерен, повремено засилен ветер од западен правец. Во петок времето ќе биде сончево со умерена локална облачност. Ќе дува умерен ветер од северозападен правец. Попладне, особено во северните делови ќе има локална нестабилност со краткотраен пороен дожд и грмежи. додека пак во сабота времето ќе биде сончево со умерена облачност и со умерен ветер од северозападен правец. Околу пладне ќе има локални врнежи од дожд. УХМР предупредува и дека до четврток времето ќе биде сончево и многу топло со температури кои на југоистокот и вдолж Повардарието ќе бидат околу 40 степени. Согласно очекуваните вредности на температурата насекаде ќе биде активирано жолто ниво за опасност од високи температури.

Време: Облачно со сончеви периоди и јужен ветер

Антонио Димитриевски — Fri, 29 Jan 2021 08:40:50 +0000

Времето во Македонија ќе биде облачно со повеќе сончеви периоди во источните делови. Ќе дува слаб до умерен ветер од јужен правец. Во вечерните и ноќните часови ќе има повремени врнежи од дожд, а на планините и на некои повисоки места од снег. Во западните делови врнежите повремено ќе бидат поинтензивни и проследени со засилен југозападен ветер. Минималната температура ќе биде во интервал од -7 до -1, а максималната ќе достигне од 5 до 11 степени. Во Скопје прoменливо облачно со сончеви периоди и со слаб до умерен ветер од јужен правец. Во ноќните часови ќе има повремени врнежи од дожд. Минималната температура ќе се спушти до -3, а максималната ќе достигне до 7 степени. Во сабота претпладне ќе има повремени врнежи од дожд, а на планините и на некои повисоки места од снег. Во текот на денот ќе биде сончево со мала до умерена облачност и со слаб до умерен, а вдолж Повардарието засилен северозападен ветер. Потоа во следните денови времето ќе биде променливо облачно со повремени врнежи претежно од дожд, пообилни во недела попладне.

Време: До понеделник променливо облачно и потопло време со сончеви периоди, од понеделник повторно снег

Антонио Димитриевски — Thu, 21 Jan 2021 13:38:07 +0000

Според прогнозата на УХМР, утре времето ќе биде променливо облачно и потопло со сончеви периоди. Утринските температури ќе бидат над нулата освен во Берово (минус два). Максималната дневна ќе се движи од пет до 13 степени. Во Скопје утринската ќе биде нула, а дневната ќе се искачи до девет степени. До понеделник ќе преовладува променливо облачно и потопло време со сончеви периоди, за време на викендот со умерен до засилен јужен, а во понеделник западен ветер. Денес и утре слаби врнежи од дожд ќе има во западните делови. За време на викендот, претежно во попладневните часови, врнежи ќе има во поголем дел од земјава, ќе бидат со умерен интензитет и на места ќе бидат пообилни. На планините на запад ќе врне снег. Поради продор на студена воздушна маса од понеделник кон крајот на денот повторно ќе настапи заладување со врнежи кои ќе преминат во снег и на повисоките места, а од вторник снег се очекува и на некои пониски места. За време на викендот утринските темепратури над нулата, а дневните од седум до 12 односно до 14 степени. Во вторник и среда минималните температури од минус три до два, односно од минус седум до минус два, а дневните максимални од два до девет, односно од минус еден до пет степени.(МИА)

Времето до среда студено и ведро, а за во четврток подгответе се – ќе има снег!

Антонио Димитриевски — Tue, 19 Jan 2021 09:01:17 +0000

Ведро и особено студено во утринските часови ќе биде времето до среда, проследено со слаб до умерен северен ветер, информираат од УХМР. Од среда ќе почне да дува јужен ветер, а од запад ќе се зголеми облачноста и температурите ќе бидат во пораст. Во чеврток преку денот во западите делови на планините ќе има услови за појава на снег, а на пониските места понекаде ќе започне снег кој потоа ќе премине во дожд. Во петок во западните делови се најавува дожд. Во сабота насекаде ќе има повремен дожд и ќе дува повремено засилен јужен ветер поради кој ќе започне побрзо топење на снегот. Во Скопје минималната температура во среда ќе биде од -12 до -1, а максималната ќе се движи од -2 до 8 степени. Во четврток минималата температура ќе биде од -7 до 0, а максималната од 2 до 9 степени. (МИА)

Сончево време, попладне дожд – викендов нестабилно време со врнежи, грмежи и засилен ветер

Антонио Димитриевски — Thu, 16 Jul 2020 09:08:03 +0000

Времето ќе биде сончево со мала до умерена облачност. Попладне претежно во источните и понекаде во северните делови ќе има услови за појава на пороен дожд и ретки грмежи. Ќе дува слаб до умерен претежно северозападен ветер. Минималната температура ќе биде во интервал од 9 до 19, а максималната ќе достигне од 26 до 34 степени. УВ=8 Во Скопје, сончево со мала до умерена облачност. Ќе дува слаб до умерен ветер од северозападен правец. Минималната температура ќе се спушти до 16, а максималната ќе достигне до 31 степени. До петок ќе преовладува сончево време со мала до умерена облачност, само понекаде во попладневните часови ќе има услови за краткотраен пороен дожд и ретки грмежи. За време на викендот на повеќе места ќе биде нестабилно со пороен дожд, грмежи и засилен ветер.

Временска прогноза: Пеколна недела во Македонија

Антонио Димитриевски — Mon, 29 Jun 2020 12:49:16 +0000

Времето денеска ќе биде сончево и многу топло со мала до умерена локална облачност. Ќе дува слаб до умерен претежно северозападен ветер. Максималната температура ќе биде во интервал од 30 до 38 степени. Утре и во среда времето ќе биде сончево и многу топло со дневни температури кои насекаде ќе бидат над 30 степени. Потоа во четврток и петок ќе има појава на попладневна локална нестабилност, а поинтензивна нестабилност со врнежи пороен дожд проследен со грмежи ќе има за време на викендот. Тогаш и дневните температури ќе бидат за неколку степени пониски, и тоа за сабота максимална температура се очекува да биде 36 степени, а во недела 35 степени Целзиусови. Според долгорочната температура следува и целосен пресврт во однос на температурите со оглед на тоа дека летото веќе календарски започна. Следува и период со над 40 степени целзијусови.

Временска викенд прогноза: Сончево и ветровито, од понеделник дожд

Антонио Димитриевски — Thu, 16 Apr 2020 07:07:46 +0000

Времето ќе биде сончево и потопло со слаб променлив ветер. Наутро понекаде утринската температура ќе биде околу нулата. Утринската температура ќе се движи од минус еден до три степени, а дневната температура ќе се движи од 13 до 21 степени. Во Скопје ќе биде сончево и потопло со слаб променлив ветер. Утринската температура ќе достигне до минус еден, а дневната температура до 18 степени. Следува период на сончево, стабилно време и дневните температури брзо ќе се покачат. Во петок утринската температура наместа ќе биде околу нулата. Зголемување на облачноста ќе има во недела, а од понеделник ќе има нови врнежи од дожд кои ќе бидат повремено пообилни.

Викендов прекин на врнежите и краткотрајно затоплување, од среда пак пообилен дожд и пад на температурите

Антонио Димитриевски — Sat, 28 Mar 2020 11:43:02 +0000

Суво и посончево време со повисоки дневни температури се очекуваат во текот на утрешниот ден и во понеделник претпладне, а веќе од попладнето повторно следува период на претежно облачно и врнежливо време. Пообилни врнежи се очекуваат во среда кога ќе дува засилен северен ветер и ќе има значително заладување, што повторно ќе услови врнежи од снег, дури и на некои пониски места. Максималните температури во понеделник ќе достигнат до 19 степени, а во вторник до 15 степени. Веќе од среда ќе следува драстичен пад на максималните температури кои ќе се спуштат до 9 степени.

Време: Снег и во следните два дена, а од среда дожд до крај на неделава

Антонио Димитриевски — Mon, 23 Mar 2020 12:06:13 +0000

Во Македонија врне снег, иако календарски настапи пролетта. За денеска, 23 март 2020 год. се најавува облачно, студено и ветровито време со врнежи претежно од снег. Најобилни врнежи се очекуваат во источните делови. Засилен северен ветер ќе дува долж Повардарието. Максималната температура ќе се движи во интервал од 0 до 5 степени. Во Скопје облачно со повремен снег и со умерен до засилен северен ветер. Максималната температура ќе достигне само до третиот степен. Повремени врнежи од снег ќе има и утре - вторник, како и во среда. Најобилни ќе бидат врнежите во источните делови од државата кде се очекува формирање на снежна покривка и над 20 сантиметри. Во останатите подрачја можна е помала снежна покривка, главно околу пет сантиметри, освен на планините каде се очеува повисока снежна покривка. Според прогнозата на синоптичарите, облачното време ќе се задржи до сабота, но врнежите поради затоплувањето ќе бидат главно од дожд.