Во живо на утринската ТВ програма: Проф. д-р Бумбаширевиќ, хирургот кој и ја спаси раката на водителката со сите детали (ВИДЕО)

Антонио Димитриевски — Fri, 08 Feb 2019 11:17:33 +0000

Проф. Д-р Марко Бумбаширевиќ кој ја оперираше водителката Деа Ѓурѓевиќ која беше тешко повредена во четвртокот, утринава во живо на утринската програма на ПрваТВ изјави дека Деа се чувствува добро. "Таа се чувствува добро и тоа е важно. Убеден сум дека се' ќе оди добро. Ова беше невозможна мисија, затоа што се работеше за откината и изгорена рака. Деа е храбар пациент за сите пофалби. Кај такви пациенти невозможното може да се трансформира во можно. Се надевам дека функцијата на раката ќе биде добра“ - изјави Бумбаширевиќ. Тој додаде дека хирургијата е многу важна, раката е незаменлива и особено е важно младата личност да може нормално да живее.

На прашањето како изгледало тоа утро кога се случила незгодата и како раката од таква повреда се спасува, прочуениот микрохирург ќе одговори дека било важно што се било претходно добро подготвено. "Многу е важно прво да се спаси нечиј живот. Тоа е направено, а и се друго е подготвено добро. Раката беше ставен на мраз до плус 4 степени за да не замрзне. Се чинеше невозможно, зашто требаше се' да се реконструира. Младен Мијатовиќ, колегата и момче на настраданата Деа е мој голем пријател. Тој ме повика во раните утрински часови и ме информира за настанот. Тешко е да се третираат пријатели. Но, со протеза е тежок животот. Сепак сите пациенти за мене се исти и со голема пристап на грижа им приоѓам на сите“.

Професорот објасни зошто оваа операција е важно што помина успешно: „Голем број млади лекари ја гледаа и видоа дека такви работи се можни. Ако не се појават луѓе што ќе ве надминат, не сте направивте ништо во својот живот“ - вели тој.

Д-р Бумбаширевиќ откри дека претстои период на закрепнување, односно, раката да ја прими телото.

„Ќе следиме сè, засега е добро, иако не ми се допаѓа однапред да давам прогнози, но мислам дека се одвива добро. Најважно за сега е тоа што Деа е храбар, послушпен пациент и се чувствува добро. Нервите беа исто така прекинати, па подоцна ја чекаат уште операции. Сепак, очекувам да функционира нормално. Дали 100% , не можам да кажам. И кога ќе се удри автомобил, колку и да го исправате, пеглате и фарбате, сепак останува траг“ - заклучува професор Бумбаширевиќ, чија комплетна изјава при утринското линковско вклучување во утринската програма на Прва ТВ, можете да ја проследите во продолжение.

Се огласи хирургот што ја оперираше водителката: Откинатата рака на Деа ќе биде повторно во функција и нормално ќе може да ја користи (ФОТО)

Антонио Димитриевски — Fri, 08 Feb 2019 10:16:38 +0000

Веднаш по операцијата српските медиуми го побарале на телефон хирургот кој ја извршил тешката операција за враќање на откинатата рака. Д-р Марко Бумбаширевиќ, најпознатиот микрохирург опишува како поминала операцијата на водителката Деа Ѓурѓевиќ, на која автобус вчера изутрина и ја откина раката во сообраќајна несреќа. Докторот звучел среќно и задоволно што оваа тешка операција успеал да мине успешно. „Јас сум мртов уморен, крвав, испотен, а дури и немаше време да се пресоблечам. Одлична ја споивме откинатата рака. Се разбира, се' уште ќе треба да се следи, но очекуваме да биде во можност сосема нормално да ја користи“ - изјавил хирургот за српски Курир веднаш по операцијата. „Се работеше за сосема откината рака од лактот кон рамото... Покрај тоа што беше откината, раката беше и изгорена. Сепак, успеавме да ја спасиме, да и ја сочуваме и зашиеме и тоа многу успешено“ - додал докторот.

Кога го прашале колку многу такви операции извршил до сега, основачот на микрохирургија во Србија, д-р Бумбаширевиќ само се насмеал: "Оооо, не можам ни да се сетам, ги има толку многу. Веројатно сум ги направил доволно, штом ме избраа за претседател на Европската асоцијација за микрохирургија“ - одговорил тој со насмевка. Операцијата, заедно со проф. Бумбаширевиќ ја извеле и првиот помошник Чедомир Вучетиќ, асистентот Палибрик, д-р Александра Петровиќ и д-р Шарац од ВМА.

Фото: Курир/Инстаграм принтскрин

професор др-Бумбаширевиќ – Вистина.мк

Во живо на утринската ТВ програма: Проф. д-р Бумбаширевиќ, хирургот кој и ја спаси раката на водителката со сите детали (ВИДЕО)

Се огласи хирургот што ја оперираше водителката: Откинатата рака на Деа ќе биде повторно во функција и нормално ќе може да ја користи (ФОТО)