проекти – Вистина.мк

За “Годишниот конкурс за проекти од национален интерес во културата“ за првпат ќе се аплицира електронски

Антонио Димитриевски — Tue, 05 Oct 2021 12:23:50 +0000

За Годишниот конкурс за поддршка на проекти од национален интерес во културата за 2022 првпат ќе се аплицира електронски. Електронската апликација е отворена од 4-ти октомври, од 11 часот, а ќе биде затворена на 6-ти ноември во 12 часот напладне.

Од 4-ти октомври, до 6ти ноември е рокот за пријавување на Годишниот конкурс за поддршка на проекти од национален интерес во културата за 2022 година. Рокот за пријавување е продолжен бидејќи од оваа година, за првпат, аплицирањето ќе се одвива електронски. Со тоа, ставаме крај на оние долгогодишни недостоинствени редици пред Министерството за култура – рече министерката за култура Ирена Стефоска на денешната прес-конференција по повод објавувањето на Годишните конкурси на Министерството за култура.

Електронската апликација е направена на колку што е можно поедноставен начин – посочи Стефоска и додаде дека веќе се направени и обуки во Центрите за култура низ повеќе градови и во Скопје.

Со оваа апликација се забрзува целиот процес – од пријавување до изготвување решение. Да напомнам дека со затворањето и испраќањето на пријавата, секој корисник автоматски добива архивски број на неговата е-адреса. Со тоа се избегнува метежот пред архивата на Министерството за култура, физичкото поднесување на документи и, што е многу важно, времето за евалуација на поднесените пријави се скратува за десетина илјади работни часови или во целиот процес се кратат два месеца поради досегашното рачно заведување на пријавите – рече министерката за култура Стефоска.

Министерката за култура низ бројки ги презентираше придобивките од електронската апликација.

На последниот конкурс имавме над шест илјади пријави. Секоја поединечно, рачно се заведуваше во архивата. Секоја од тие 6000 пријави рачно се проверуваше дали е комплетна. Потоа, секоја од тие 6000 пријави рачно се проверуваше дали соодветствува на поставените услови по дејност и секоја пријава рачно се внесуваше во компјутер. Така минуваа 60-ина дена само за таа процедура. Сега тоа е минато и е направено во полза, пред сè, на оние што конкурираат. Она што е особено важно е дека електронската апликација ја елиминира можноста за злоупотреба, односно да се менуваат или да се додаваат документи откако е завршено пријавувањето. Со тоа го елиминираме и секој сомнеж за евентуално коруптивно однесување при овој процес – појасни Стефоска.

Момците од „2 Челос“ нема да настапуваат заедно, а еве ја и причината

Слободанка Илиева — Thu, 23 Jan 2020 12:50:16 +0000

Лука Шулиќ и Стјепан Хаусер го сочинуваат популарното дуо „2 Челос“ кои ја освоија публиката, но некои работи повеќе нема да бидат исти оваа година. Лука Шулиќ ќе настапи соло во февруари во Белград, објаснувајќи зошто повеќе не свири со Стјепан. - Бидејќи паузиравме, време беше Стјепан и јас да се посветиме на нашите проекти. Постоевме и пред„ 2 Челос“, така што е нормално и двајцата да имаме свои уметнички желби и аспирации, но тоа не значи дека нема да свириме повторно. Прекрасно е да можеме да настапиме и сами и заедно - изјави Лука Шулиќ за српски „Стори“. Овој талентиран музичар вели дека најважно е што тој стана татко по втор пат. - Никој не може да ви го врати времето ако имате две мали деца. Уживам да сум дома. Еве, Хана игра покрај мене и сега додека зборуваме. Целиот моја животн филозофија е тоа да имам семејство. Сепак, јас не сум тип што само сака да биде дома и да менува пелени. Сепак, јас сум уметник и треба да се изразам така. Сега закажувам петнаесет концерти за шест месеци, а со „2 Челос“ толку беа за еден месец - рече Лука.

„Уа, шнајдери!“ – герила акција за распределбата на проекти во културата

Антонио Димитриевски — Wed, 13 Feb 2019 13:12:29 +0000

Додека Министерството за култура ги проверува спорните проекти, незадоволството од распределбата на парите, се искажува и на креативен начин. Во герила-акција во центарот на Скопје поставена е огромна ножица на почетокот на булеварот „Партизански одреди“, на која пишува „Уа, шнајдери“. Под ножицата пишува: „двапати мери, еднаш сечи. Културата мора внимателно да се крои за да не биде после унакажана, монтирана, лепена и сечена. Културата не може и не смее да биде монета за поткусурување и пеглање на партиските интереси, политикантите и апетитите на поединците. Културата е жива материја и не смее да биде умртвувана заради повисоки интереси“.

Дом на култура „Кочо Рацин“ објави јавен повик за финансирање проекти од областа на визуелните уметности

Антонио Димитриевски — Tue, 12 Feb 2019 13:32:44 +0000

Дом на култура „Кочо Рацин“ објави јавен повик за финансирање проекти и активности од областа на визуелните уметности. Заинтересираните може да поднеса предлози за поддршка на професионални, аматерски или младински проекти, манифестации и активности од областите: визуелни уметности, дизајн и архитектура и уметност на новите медиуми.