проект среќа – Вистина.мк

Дел од македонската естрада и „Проект среќа“ во хуманитарно – празнична мисија со песна – „Новогодишна“ (ВИДЕО)

Антонио Димитриевски — Thu, 26 Dec 2019 13:58:11 +0000

Здружението „Проект среќа“ предводено од Кристина Арнаудова, го инцираше хуманитарно - новогодишен проект за сите деца од маргиналните групи и социјално загрозените категории кои растат во субстандардни услови без покрив над главата, топол дом и кревет... Арнаудова заедно со Ај Кју, Дарио, Дани, Ѓоко Танески, Лина Пејовска, Дарио, Биба Додева, Сара Мејс и Димитар Атансовски и децата од дневен центар за деца од улица „Шуто Оризари“ организирајќи се во своевиден македонски „бенд еид“ со празнична песна која во себе носи новогодишна хумана порака и повик за помош, ја заокружија 2019 година. Песната се вика „Новогодишна“, а всушност, е приказна раскажана од малиот Фаик, со негови зборови, низ неговите очи, а „Новогодишна“ е дел од хуманитарната кампања на здружението ,„Проект среќа“ наречена: „Топол дом за сите“, за реновирање на живеалишта каде што живеат деца, во тешки и нехумани услови , од целата земја, со акцент на руралните подрачја. Музиката, текстот и аранжманот се на Бојан Трајковски од „Ај Кју“, снимана е во студиата „Габроски“ и „Мјузик Хаус“ додека видеото е со потписот на уметничкиот фотограф и режисер на видеоспотови Дарио Јанковиќ. Преслушајте ја, погледнете го видеото и придружете се во кампањата...

„Мачка во вреќа“: Кристина Арнаудова се најде во небрано во „личниот проект среќа“!

Антонио Димитриевски — Mon, 26 Mar 2018 07:58:18 +0000

Македонската поп пејачка Кристина Арнаудова однеодамна се занимава и со хуманитарна дејност. Нејзиниот „Проект среќа“ пред Нова година на многу дечиња од социјално загрозени семејства им донесе среќа и радост во вид на пакетчиња и подароци. Активностите на полето на хуманоста Арнаудова ги продолжи и понатаму организирајќи, собирајќи и донирајќи за оние на кои тоа им е најпотребно, а тоа не можат да си го дозволат! Арно ама, хуманата пејачка чепкајќи по најекспонираната социјална мрежа Фејсбук, налета на една интересна и забавна апликација која вели: „Какви прекрасни промени те чекаат во 2018“?

На кристина и проработе љубопитноста, па реши да се логира за да види каков пакет и нуди судбината во 2018 во „личниот проект среќа“? Ама среќа како среќа, како по правили или никогаш не доаѓа тогаш кога ти сакаш, или кога ќе дојде - тогаш ти тоа не го сакаш! Така и Арнаудова! Ја кликна апликацијата за да види какви тоа нови можности и изненадувања ја чекаат во 2018 и го доби одговорот: „Кристина, 2018 ти носи мало момче“! Или што би рекле бебе!

Арно ама, како таа и нејзиниот сопруг Александар се веќе родители на две мали момчиња: Максим и Матео, пејачката онака, ептен изненадена и шокирана од одговорот се најде во небрано во „личниот проект среќа“!

„Аааааааахахахааааааа не,не, не благодарааааам... во ред е!“ - прокоментира пејачката и ја затвори апликацијата, очигледно фатена неподготвена за „треќа - среќа“!

Ама, ако ништо друго, нешто научи или поточно извлече поука, друг пат да не отвора... „мачка во вреќа“!

Хуманитарниот велеслалом во Маврово донираше пари за децата од здружението „Проект среќа“

Антонио Димитриевски — Mon, 19 Feb 2018 12:25:07 +0000

Хуманитарниот велеслалом оваа година се одржжа по 16 пат во Маврово, и е е особено популарен како корпоративен настан, на кој се пријавуваат тимови од најголемите компании во Македонија. Годинава привлече 58 тимови, кои се натпреваруваа во неколку категории: мажи,жени, борд, и спорстки забавни игри на снег. Традиционално средствата од котизацијата на тимовите, Ски центар Маврово ја донира во хумани цели. Годинава добитник на тие средства е здружението „Проект среќа“.

„Бескрајно сме благодарни на укажаната доверба, и ги уверуваме организаторите на велеслаломот дека средствата ќе стигнат на вистинско место. Сите добиени пари, нашето здружение ќе ги намени за летниот камп „Шарено Лето 2018“, наменет за деца кои живеат во сиромаштија. Минатата година на овој камп учествуваа 40 деца а годинава ќе учествуваат 120 деца од цела Македонија. Проект Среќа продолжува со работа на нови проекти и сме посветени на создавање на среќно општество за сите“ - изјавија од здружението.

Новогодишниот караван „И јас сум Дедо мраз“ на „Проект среќа“ израдува илјада деца низ Македонија

Антонио Димитриевски — Thu, 28 Dec 2017 12:22:56 +0000

Новогодишниот караван „И јас сум Дедо мраз“ на „Проект среќа“ израдува илјада деца низ Македонија Околу 450 дечиња кои живеат во сиромаштија добија подароци од пријателите на здружението „Проект среќа“ во рамките на акцијата „И јас сум Дедо мраз“.

Новогодишната кампања почна на 1 декември со цел да обезбеди новогодишни подароци за децата чии семејства не можат да си дозволат да им ги купат. Како изненадување, подароците во нивните домови или во институциите каде што претстојуваат, им ги донесе лично Дедо Мраз. Дедо мразот на „Проект среќа“ е се уште на пат низ Македонија, и планирано е да се израдуваат вкупно околу 1.000 деца.

Повеќе македонски јавни личности и компании донираа подароци за нив. „Овој хуманитарен проект направи рекорди во колективното донирање и хуманост. Особено со оглед на тоа што се работи за нови, купени работи специјално за оваа намена од страна на оние кои донираа. Рекордер во акцијава е „Комерцијална банка“ со 400 донирани подароци.

Покровител на акцијата е компанијата „Comfy Angel“ од Прилеп. Секое дете беше лично посетено. Застанувавме по пат во секоја куќа што ни изгледаше како место во кое на децата им треба новогодишна среќа, особено низ селата. Наидовме на огромен одзив од јавните личности и од компаниите. Во акцијата не се вклучија политичари и кондиторски фабрики“, изјави Кристина Арнаудова, претседател на здружението „Проект среќа“.

Караванот на здружението помина повеќе домашни села и општини, како и институции: градинката „Мали пријатели“ во Шуто Оризари, дневниот центар „Шуто Оризари“, се донираше и за децата бездомници згрижени во центарот „Ранка Милановиќ“, во училиштето „Братство и единство“ во селото Долно Коњари. „Проект среќа“ ќе помогне и на Благородна Димитриевска од Куманово, самохрана мајка на три деца која живее без социјална помош.

Андреј и Панчо во возможна мисија: Решија да докажат дека имаат иста ДНК со Дедо Мраз! (ФОТО)

Антонио Димитриевски — Tue, 12 Dec 2017 10:30:13 +0000

Андреј и Панчо му се придружија на „проектот Среќа“ и кампањата „И јас сум Дедо Мраз“ која има за цел да обезбеди голем број на новогодишни подароци за децата кои живеат во сиромаштија.

Тие двајца се меѓу првите јавни личности кои имаат голем број следбеници на социјалните мрежи што се приклучуваат кон оваа кампања, за да ја промовираат, а и самите да станат дел од неа. Затоа обајцата решија да одвојата дел од својот хонорар и да купат новогодишни подароци за децата. Убаво ги завиткаа, а потоанапрваија неколку фотографии кои ги објавија на социјалните мрежи со хаштаг #ијассумдедомраз #проектсреќа. Не за да се пофалат дека ете и тие биле хумани, напротива... Туку за да ги мотивираат сите граѓани, но и компаниите и институциите да го сторат истото.

Потоа обајцата ги обуја чевлите на Дедо Мраз... и тргнаа во возможна мисија: Да докажат дека имаат иста ДНК со дедо Мраз! Ама, бидејќи тој е еден, а тие се двајца... Панчо беше Дедо Панчо Мраз, а Андреј... Баба андреј Мразица! А, мисијата... Целосно исполнета! И тие и децата - среќни и насмеани!

Споделената фотографија како потврда на Интернет: Андреј и Панчо имаат иста ДНК како и најсаканиот дедо на овој свет!

Хуманитарна кампања: „И јас сум Дедо Мраз“

Антонио Димитриевски — Fri, 01 Dec 2017 12:41:36 +0000

Денес, (1 декември), почнува проектот „И јас сум Дедо Мраз“, новогодишната кампања на здружението „Проект Среќа“. Кампањата има за цел да обезбеди голем број на новогодишни подароци за децата кои живеат во сиромаштија. Како изненадување, подароците во нивните домови ќе им ги донесе лично Дедо Мраз.

„Целта ни е што повеќе луѓе, особено јавни личности кои имаат голем број следбеници на социјалните мрежи да се приклучат кон оваа кампања, да ја промовираат и да станат дел од неа. Ги поканивме нашите пријатели од јавниот живот од 1 до 10 декември, да купат новогодишен подарок или онолку колку што можат подароци, за деца до 11 години. Ги замоливме подароците убаво да се завиткани, и на нив да стои за која возраст е и од кој пол е детето. Потоа, фотографии од подароците да се објават на социјалните мрежи со хаштаг #ијассумдедомраз #проектсреќа. На тој начин, јавните личности ќе ги мотивираат сите граѓани, но и компаниите и институциите да го сторат истото. Важно е кај сите да се разбуди алтруизомт и хуманоста, токму за Нова година, кога тие деца и луѓе кои немаат, се чуствуваат отфрлено“ - изјави Кристина Арнаудова, основач на здруженито „Проект Среќа.“

Подароците се донираат до 18 декември, во канцелариите на Здружението на улица Христо Смирненски бр. 4/5, близу до Универзалната сала. За сите информации, обратете се кај координаторот на проектот Благица Ристов, на 078-405-264. Од 20 до 27 декември Дедо Мраз ќе ги посети децата во нивните домови , а на списокот има повеќе од 200 дечиња.

Потврдата за учество во проектот „И јас сум Дедо Мраз“ веќе ја одобрија повеќе наши јавни личности: пејачи, актери, спортисти, политичари.