продуцент – Вистина.мк

Мили призна шокантни детали за себе: „Бев најлошиот ученик во историјата на музичкото училиште (фото)

Слаѓана Атанасова — Tue, 09 May 2023 11:33:21 +0000

Познатиот продуцент откри интересни и шокантни детали за себе, неговиот талент и периодот кога бил ученик во музичко училиште. Еден од најпознатите и најплодните композитори и продуценти на современата музичка сцена, Александар Милиќ Мили, животот воопшто не го разгалил. Со макотрпна и самопожртвувана работа успеал да надомести се што изгубил во детството. Морал да се пресели од луксузен стан од 400 метри квадратни во Осиек во Белград и да спие кај роднина, но денес ужива во куќа на три ката во која се наоѓа и неговото музичко студио. Мили потекнува од академско семејство, на кое е многу горд, особено неговите родители, на кои најважно им било неговото образование и на неговиот брат Иван. Сепак, композиторот наведува дека иако денес е вешт во својата работа, кога бил ученик во музичкото училиште, ништо не укажувало на тоа. - Јас и Иван бевме воспитани така што имавме разни активности, спорт, музика и училиште и ако дававме резултат во тие работи, можевме слободно да правиме што сакаме. Родителите не поддржуваа, особено во музиката. Иван беше одличен пијанист, а јас бев најлошиот ученик во историјата на музичкото училиште, кое има традиција од 200 години. Никогаш ништо не вежбав, играв на 12 години додека сите останати во групата имаа 9 години. Бев катастрофа, но многу рано почнав да правам песни. Веќе на 9 години ја добив првата хрватска награда за поезија за деца. Постојано ме привлекуваше да ги снимам моите мисли и внатрешен свет на хартија - изјави Мили, кој дипломирал на Бизнис академијата во Прага, додека неговиот брат Иван стана еден од најдобрите неврохирурзи во Србија. Иако детството му било безгрижно, војната во Хрватска ја прекинала динамиката на убавите моменти, па тој и неговото семејство биле принудени да дојдат во главниот град на Србија. - Дојдов во Белград без ништо, со маица и фармерки, но уште тогаш мислев дека и ова ќе заврши и дека ќе го прекинам текот на таквиот живот, да спијам со сестра ми Ниница зад шпоретот. Беше тоа чуден и тежок период, но јас не гледав така - изјави Милиќ во својата животна исповед за Гранд. Фото: Принтскрин/Ата Имаџес/Прва ТВ

Ова е родениот брат на Драган Бјелогрлиќ: Неговото име сте го прочитале многупати, а еве со што се занимава (фото)

Слободанка Илиева — Tue, 31 May 2022 10:09:55 +0000

Името Горан Бјелогрлиќ сигурно ви го привлекло вниманието на почетните наслови на разни серии и филмови, а сигурно веднаш сте го поврзале со Драган Бјелогрлиќ. Да, тие двајца се родени браќа, но и долги години деловни соработници. Горан Бјелоглиќ е успешен филмски продуцент и заедно со Драган Бјелоглиќ води продукциска куќа. Во текот на целата кариера тој беше „партнер во сенка“ и голема поддршка за својот брат. Работел на филмови како „Лепа села,лепа горе“, „Војна во живо“, „Ивкова слава“. Секако, учествуваше во секој авторски проект на Драган Бјелогрлиќ, кој ја воодушеви публиката - од серијата „Ќе се вратат штрковите“, преку „Монтевидео“, до „Сенки над Балканот“, а не ретко се појавува и во предниот дел на камерата во мали улоги. Сите ќе забележат колку браќата се слични и колку се блиски, иако нивните ликови изгледаат сосема различно. На крајот на краиштата, говори и фактот дека многумина сè уште не знаат како изгледа Горан Бјелогрлиќ. - Драган е пожив и поенергичен, Горан беше некако многу помирен во целото детство. Иако, и двајцата сакаат да се шегуваат со луѓе – открија своевремено за „Блиц“ нивните соседи од Баранда. Во секој случај, се чини дека браќата нашле добар систем за соработка, а доказ е секој успех на нивните проекти. фото:драган бјелогрлиќ Инстаграм/принтскрин CDM

Македонци во Америка создаваат рап-музика: Никола и Вукац на патот до светската сцена! (ВИДЕО)

Антонио Димитриевски — Tue, 19 Apr 2022 06:53:54 +0000

Младиот продуцент Никола Тефов како многу други во нашата земја, така и тој пред неколку години среќата си ја побарал преку океанот, односно Америка од каде успеава да го работи она што за целиот свој живот сонувал. Никола е млад, но успешен продуцент кој во Америка работи на големи музички проекти… Во Америка тој се сретнува и со македонскиот рапер Александар Петров – Вукац „Ем-си“, со кого ја продолжуваат нивната соработка. Тефов е продуцентот na песната и видеото за “I Step On The Gas” изведена од македонскиот рапер Александар Петров АКА Vukac MC и поранешен член на латино бендот „Фуланито“ кој што имаат две Греми номинации, Сем Серати ака SamGotDI. Александар Петров е познат и како Vukac MC. Како и многу млади во оваа земја во 2011 година тој престанува со музиката поради финансииски причини, но 10 години подоцна тој повторно соработува со Никола Тефов за неговиот “Come Back”. „I Step On The Gas“ беше објавена на сите платформи преку издавачката куќа NT Music на Божиќ, 27 декември. Аудио и видео продуцент е Никола Тефов, познат како NT Beats. SamGotDI и Vukac MC исто така придонесоа во процесот на пишувањето на песната. Песната беше инспирирана од хип-хоп иконите како Eminem, 50cent, T.I. и Royce Da’ 59. Повеќе песни и проекти од двајцата артисти се на хоризонтот, како и позначајни соработки со индустриски гиганти. Но покрај тоа што песната е на Англиски јазик, Македонија им е сеуште во срцава, и за тоа при крај на песната ќе можете да го видете Македонското знаме so шеснаесет-зраци. Дополнително, ако сакате да го поддржите Vukac MC, дефинитивно треба да отидете и да се подновете со новата облека од неговата продавница www.VukacMcStore.com.

Матеј, синот на Кирил Џајковски продуцираше песна за популарната хит серија на „Нетфликс“ – „Inventing Anna“

Антонио Димитриевски — Wed, 23 Feb 2022 13:39:57 +0000

Македонскиот музички продуцент Матеј Џајковски, станува се' поуспешен во Лос Анџелес, каде живее и работи. Деновиве, тој е актуелен со песната „Аbout That Time“ во изведба на THEY, која е продуцирана токму од Матеј Џајковски. Оваа песна е дел од музиката за една од најгледаните серии на платформата Нетфликс во моментов – „Inventing Anna“. Младиот музички продуцент кој инаку е син на еден од основоположниците на балканската електронска музика – Кирил Џајковски, веќе долги години живее и работи во САД. Тој дипломирал музичка продукција на Академијата за современа музика на Универзитетот во Оклахома, а оттогаш имал повеќе успешни музички проекти со македонски, но и светски артисти.

Елена Стојановска покажа кој е нејзиниот партнер во добро и зло, а не е сопругот (фото)

Христина Ѓоргиевска — Wed, 02 Feb 2022 07:54:24 +0000

Младата, шармантна водителка Елена Стојановска имаме прилика да ја гледаме секој работен ден на утринската програма „Ја сакам Македонија“ на Сител телевизија. Стојановска од раните утрински часови е подготвена пред ТВ екраните да ги известува гледачите за новитетите. Кога пак станува збор за нејзиниот приватен живот, Елена е во брак со сопругот Огнен кој е воедно и е најголема поддршка надвор од студиото и професионалниот живот. Во една прилика таа откри како го запознала својот сопруг. -Мислам дека Огнен е човекот кој што ми е пратен за да ме направи комплетно среќна. Претходно не можам да кажам дека сум била среќна во љубовта. Огнен е мојот прв вистински партнер, момче и сопруг и се’“, изјави Стојановска во една прилика и додаде: -Јас не знаев дека тој работи во тогашниот музички медиум во кој што работев и јас. Го видов еднаш и мислев дека е дојден на гости. Тогаш многу се одеше на журки. Го видов на една техно забава, каде што се слушаше тешка музика. Со другарката излегов надвор и тогаш го видов. Следниот ден го видов повторно на работа, сфатив дека не доаѓа на гости туку дека работи во медиумот во кој работев. Потоа, двајцата се заминавме од медиумот, меѓутоа, на следното видување со Огнен ми стана момче“, раскажува Елена. Oд друга страна, водителка има партнер во добро и во зло и во професионалниот живот, а не е нејзиниот сопруг. Имено, станува збор за продуцентот на „Ја сакам Македонија“, Филип Андревски. Елена сподели фотографија со колегата, а во описот напиша: -Мојот партнер во добро и во зло, иако не е сопругот. Продуцентот на @jasakamakedonija, напиша водителката. Нема сомнеж дека Елена има тим околу себе кој професионално си ја врши работата. фото: инстаграм/enna_inna

Филип Живојиновиќ пред Прија беше со многу девојки, но оваа остана најзапаметена: Згодна русокоса актерка со која заминаа за Америка… (ФОТО)

Антонио Димитриевски — Mon, 20 Dec 2021 12:55:47 +0000

Маја Манџука и Филип Живојиновиќ се нова љубовна двојка на јавната сцена, објавија сите медиуми летото 2011 година. Актерката тогаш имала 29 години, а Филип, кој работел како спортски менаџер, бил три години помлад. Тие за првпат се појавија заедно на концертот на Здравко Чолиќ, на Ушче, а иако не зборуваа премногу во врска со нивната љубов, јасно беше дека „им цветаат рози“. Тие претходно ги прекинаа врските во кои беа дотогаш: Маја имаше десетгодишна романса со еден црногорски бизнисмен, а Филип се раздвои од манекенката Софија Милошевиќ. Неколку месеци откако на сите им дадоа до знаење дека меѓу нив има нешто повеќе од пријателство, Маја и Филип заминаа за Америка и почнаа да живеат заедно во Лос Анџелес. Таа работеше како продуцент, а тој како спортски агент. Доаѓаа одвреме-навреме во Белград и како што одминуваше времето, се навестуваше дека наскоро ќе се слушнат свадбени ѕвона. Сепак, четири години подоцна, тие решија да се разделат. „Додека траеше љубовта беше убаво и бевме неразделни. Разделбата дојде по мали несогласувања. Не беше во прашање тррета личност. Му посакувам се најдобро на Филип“ – тврдеше тогаш Маја. Иако многумина мислеа дека раскинувањето е привремено и дека двојката наскоро ќе се смири, тоа не се случи. Покрај тоа, со текот на времето, тие престанаа и да комуницираат. Најстариот син на Слободан Живојиновиќ потоа ја запознал Александра Пријовиќ, со која влезе во среќен брак кој трае, додека Маја не се омажила, а животот го продолжила на релација помеѓу Србија и Америка. Фото: Инстаграм принтскрин/f.zivojinovic/majamandzukaofficial

Преслава од „Преспав“ стана милионерка: Актерката пријавила заработка од 1.198.000 лева само за 2018 и 2019 година, додека за 2020 податоците се’ уште не се објавени! (ФОТО)

Антонио Димитриевски — Fri, 29 Jan 2021 09:35:35 +0000

Јана Маринова, која нашата публика ја запозна како газдарица Преслава од најгледаниот македонски ТВ ситком, хумористичната серија „Преспав“ можеби за многумина е изненадувачки, но е една од најбогатите во уметничкиот еснаф во Бугарија. Актерката, која исто така се занимава и со продуцентство, пријавила импресивни приходи во последните неколку години. Само за 2019 и 2018 година, кога започна да продуцира филмови, Јана пријавила 1.198 000 лева заработка. Податоците за изминатата 2020 година сè уште не се објавени, но се очекува да не бидат послаби за Маринова од финансиски аспект. Само пред неколку дена, Јана се пофали дека нејзиниот последен филм „Диви и среќни“ е најгледаниот бугарски филм со вкупно 107.785 гледачи и заработка од 1.174.307 лева од кино-благајните откако беше прикажана премиерата на крајот на ноември 2019 година. Веројатно бројките ќе беа уште позавидни и поимпресивни ако кината не беа затворени поради пандемијата на коронавирусот. Значи, Јана не може да се жали на сиромаштијата и е всушност еден од ретките актери кои никогаш немале финансиски побарувања кон државата. Интересно е што таа заработува повеќе и од нејзиниот сопруг Тихомир Винчев, барем според Трговскиот регистар. Тихо е сопственик на спортски комплекс и неговите официјални приходи покажуваат дека се неколку пати пониски од оние на Јана. Веројатно минатата година, Тихомир доживеа сериозни проблеми, бидејќи спортските сали беа затворени и сериозно погодени од антиепидемиските мерки. Иако продуцирањето е тешка работа, особено во Бугарија, Јана нема намера да се откаже од овој потфат. Веќе за време на првото тромесечие, таа започна да работи на нов проект, во кој ќе вткае приказни од нејзиниот личен живот. Филмот е во духот на феминизмот, кој го освои светот и особено Холивуд во последните неколку години, пишува Галерија. Извор: HotNews.bg Фото: Инстаграм принтскрин/yanamarinovaofficial

Холивудскиот продуцент си го одзеде животот скокајќи од 27-ми спрат

Слободанка Илиева — Tue, 23 Jun 2020 08:10:52 +0000

Холивудскиот продуцент Стив Бинг почина на 56-годишна возраст, откако падна од 27-ми кат на зграда во Лос Анџелес, јави ТМЗ. Според извештаите на медиумите, Бинг страдал од депресија и се самоубил. Ниту полицијата, ниту блиските на починатиот не ја потврдија оваа информација. Бинг го финансираше „Поларниот експрес“ на Том Хенкс, „Фати го Картер“ со Силвестер Сталоне и документарецот на Мартин Скорсезе "Shine a light". Продуцентот имаше дете со британската актерка Елизабет Харли и поранешната тенисерка Лиза Бондер, а постојано го следеа и разни скандали.

Македонскиот електронски проект „Типнотик“ објави ново музичко издание – макси-синглот „Trip Naughty“ (АУДИО)

Антонио Димитриевски — Thu, 09 Nov 2017 13:14:37 +0000

Македонскиот електронски проект „Типнотик“, зад кој стои продуцентот и диџеј Емил Хаџи-Панзов, деновиве го објави своето ново музичко издание. Макси-синглот „Trip Naughty“ е прво во низата изданија што ќе излезат во текот на следните месеци и ќе бидат своевидна најава за албумот што ќе се појави во втората половина на следната година. „Trip Naughty“ претставува стилско скршнување на „Трипнотик“ во неочекуван правец и е веројатно неговата најкомерцијална песна досега. Станува збор за необична комбинација, а спојот на електроника со рап го прави еднакво интересен за обожавателите на двата музички жанра. За реализација на ова издание, Хаџи-Панзов беше придружуван од неколку докажани музичари од светската хипхоп и електронска сцена. За вокалите на песната е задолжена њујоршката раперка Рел Рок, која е најмногу позната по светскиот хит „Keep It Movin“.