приватност – Вистина.мк

Тажна исповед на Халид Бешлиќ: „Жена ми имаше тумор и затоа не можевме да имаме уште деца“

Слободанка Илиева — Mon, 12 Feb 2024 12:46:03 +0000

Пејачот сподели неколку детали од приватниот живот, а се осврна и на врската со сопругата Сејда со која е во брак повеќе од 40 години. Тој раскажа како и каде се запознале, и што морале да надминат во текот на долгите години од нивниот заеднички живот. „Не ја запознав жената на настап. Во една кафеана каде што настапував, на влезот во Сараево... таму работеше мојата сваќа, таа беше готвачка, а ме запозна со жена ми. Таа не излегуваше по кафеани. Кога се запознавме, видов дека тоа е тоа, се забавувавме половина година и веднаш потоа се венчавме. Па, работиме толку години и до ден денес. Имаше тешки години во нашата врска, но надминавме се’. Кога бевме помлади беше некако нормално“, изјави Халид за Курир, рс, а пренесува Вечерњи лист. Открил и дека неговата сопруга имала тумор на јајниците. „Не го почувствував моментот кога бев татко. Имам едно дете. Мојата сопруга имаше проблеми со јајниците и поради тоа не можевме да имаме повеќе деца. Имаше тумор на јајниците, го решивме со операција. Ништо никогаш не им недостигало... Постојано патував, работев... не можеш да се занимаваш со музика и да си дома цело време, затоа велам дека тие моменти не ги почувствував на вистински начин. Посочува дека му недостигаат колегите, и дека нема со кого да пие кафе. „Ми недостига младоста! Времето минува... нема да се врати, но ми недостига мојата младост. Што се однесува до колегите, многу ми недостигаат... Мојата генерација полека нè напушта, немате со кого да пиете кафе сега. Таму има и помлади, но не сакам да бидам со нив. Најмногу ми недостигаат Кемал Монтено и Давор... Бев многу близок со нив. Се разделив со нив. Кафанџии бевме, ми недостигаат...“, изјавил пејачот. фото:Instagram printscreen/ beslichalid.official

Ева Лонгорија знае да вози камион: Актерката покажа се’ она што не го знаевме за неа досега (видео)

Слободанка Илиева — Tue, 02 Jan 2024 12:23:13 +0000

Славната актерка Ева Лонгорија секогаш ја гледаме дотерана во најдобри изданија, сепак, овој пат таа им дозволи на сите кои ја следат на Инстаграм да ѕирнат во нејзиниот не баш гламурозен живот. „Невидени моменти од 2023 година“, напиша Ева Лонгорија со објавата, а најмногу внимание привлече видеото на која таа вози камион.

View this post on Instagram

A post shared by Eva Longoria Baston (@evalongoria)

Таа покажува и како течат последните подготовки за снимањето на филмот, како фризерката и ја средува косата додека се вози во автомобил, потоа како за вечера „јаде“ само вино, како изгледаат стресните ситуации зад сцената пред да започне премиерата на нејзиниот филм и некои други кадри во кои таа прави нешта за кои публиката не знае. фото: Instagram printscreen/ evalongoria

Калиопи ја резимира 2023 година во екслузивно интервју за Вистина: „Без оглед на тоа каква планина ми тежи на плешките, јас мирно ги затворам очите“

Слободанка Илиева — Fri, 29 Dec 2023 08:16:14 +0000

За нашата поп -пејачка Калиопи редовно се залепени епитетите дива, кралица, најдобра… што таа во неколку наврати кажала дека нема проблем да ги стави на лицитација. Сепак, ласкањето за тоа што е таа и она што го работи, сосема оправдано се надополнува. Неуморен професионалец, секогаш непосредна и отворена за своите фанови, без чувството дека таа е ѕвезда и е недостижна во денешниот естраден свет. Децениската кариера, бројните хитови и концерти ја прават она што е денес, а според обемот на се’ што направила во годината која ја испраќаме, ќе треба да одговори многу и да испишеме уште повеќе од ова и повторно да останаме недокажани. За крајот на 2023 година Калиопи во ексклузивно интервју за Вистина зборуваше за тоа како ја сублимира оваа 2023 година, се’ она со кое и беше исполнета приватно и професионално, како и тоа што следи во 2024 година. Како се чувствува Калиопи пред крајот на годината? -Невообичаено спокојна. И последниве денови до пречекот ги користам за убави и креативни моменти, додека за годинешниов дочек на Новата година си посакав мирна и тивка ноќ. Празничниот дух успевате да си го донесете сами или за тоа мора да има синергија од целокупното опкружување? -Секогаш за добро расположение мора да започнете од себе, а потоа секако продолжувате во духот на споделувањето. Опкружувањето е многу важно, но сметам дека горе-долу сите ние веќе однапред си го знаеме нашиот избор на луѓе. Кој е Вашиот рецепт за постојана насмевка и позитивна енергија како личен печат, секако покрај моќниот вокал по што сте и препознатливи? -Го гледам само она што сакам да го видам! Не дозволувам никој и ништо да ми го расипе моето гледиште на светот, бидејќи иако свесна во какво време живееме, мене очите и срцето ќе ми бидат водени од љубовта! И тоа сакам да го поделам со луѓето, а нема подобар начин од насмевката! Покрај мојот глас, луѓето ме препознаваат и по неа. Години наназад редовно ја добивате и апсорбирате непресушната љубов од публиката, но дали Калиопи е емотивно исполената и сакана кога ќе се симне од сцена и ќе остане сама? -Претпоставувам дека сите ние си живееме некаква наша "сцена", без оглед на професиите. И сите ние го имаме моментот кога остануваме сами со себе, а јас тој момент го сметам за многу продуктивен. Потребен е пред сѐ да си ги средиме мислите и да си помуабетиме искрено со себе. Јас добивам огромно количество на љубов и под светлата на рефлекторите, но и кога тие ќе се угасат... Вложувате многу во кариерата, музиката, публиката, а доказ дека задоволството постои е перманентноста од која немате отстапки години наназад. Каде се крие клучот на истрајноста, неуморноста, инспирацијата, посветеноста...? -Нема поголем влог од доследноста до она во што си верувал од секогаш. Да се биде свој, е клучот, но секако и најскапиот дел. Тоа чини многу... Но на крајот од денот, без оглед на тоа каква планина ми тежи на плешките, јас мирно ги затворам очите, бидејќи знам, утрото ќе ме награди со нова сила за храброста и решителноста да бидам своја. Апетитите на публката никогаш не се задоволени од Калиопи и нејзината музика, а тие воопшто не се мали со оглед дека регионот не е мал и Ве обожава. Постојано на пат, од хотел до холел, од сцена на сцена, Вие се давате, но од каде е Вашиот духовен извор за да се издржи и постигне тоа? -Љубовта и вербата се мојот главен извор и сила за сѐ она што ме очекува на патот наречен живот. Затоа и ништо не ми е тешко. Во проблемот го гледам предизвикот, во искушениата си го тестирам трпението и така растам. А се додека публиката е погладна за мојата музика, мене ќе ме има... Годинава одржавте многу концерти низ регионот, добивте многу аплаузи, враќање на бис, цвеќиња, разни подароци... Кои беа најдрагите моменти кога би ги споиле во едно? -Завршното поклонување со мојот бенд, пред да ја напуштиме сцената... Не можам да ви го доловам тоа чувство преку збор, тоа мора да се доживее... Затоа до година и тука, кај нас ќе го поделиме тоа чувство, на концертите кои се во план во Македонија. Колку општествените случувања се одразуваа на инспирацијата и кративноста, независно дали се позитивни или негативни? -О, и тоа како се одразуваат. Моите песни не се само љубовни, тие опфаќаат и социјални теми, ангажирани песни, некогаш се чист коментар на одредени случувања. Уметноста е широк простор во кој се изговараат и отсликуваат најголемите вистини. Јас и Ромео сме токму затоа феноменален тандем, особено кога е во прашање точната мисла преточена во збор. Ако се осврнете наназад низ годините од почетоците на Вашата кариера до денес, како би го оцениле развојот на македонската музика /естрада, кои беа најплодните години, а кои најсушните? -Секое време земено и од социјален и културолошки аспект си носи извесни промени. За некој тие се позитивни, додека за друг се катастрофални. Токму од тој аспект не знам колку е паметно било што да кажам на таа тема, а да не бидам погрешно сфатена. Затоа мудро ќе молчам и ќе го користам правото своето мислење да го искажувам преку своите дела. „Не сакам да снимам дуети, тоа не е мој стил“ беше подвлечена една Ваша изјава во медиумите. Зошто е тоа така и тоа веднаш откако излезе последениот и најнов дует со Жељко Самарџиќ кој патем поминува одлично? -Изјава извадена од контекст. Секако, нелогично е да кажам такво нешто, а истовремено да дејствувам поинаку! Зборував за тоа дека немам многу дуети во мојата кариера, бидејќи дуетот е нешто што треба да се случи по чувство , а не по план. Песната можам да ја делам само со некој кој ги чувствува нештата, луѓето и животот на сличен начин како јас. Од каде треба да почнат промените за повторно да заживее македонската поп музика. Да бидат повеќе посетени домашните концерти, настапи и да не се штеди да се одделат пари за карта за она што е наше, домашно? -Промените почнуваат од самопочитта. Кога тоа ќе го освестиме, ќе започнат сите други општествени и институционални промени кои се потребни во секој сегмент на нашето живеење. Што стои во приватната и професионална агенда на Калиопи за 2024 година? -Многу убави и големи планови за кои уште од сега ги започнавме сите подготовки, со детална организација. Догодина повод големиот јубилеј 40 год од соработката со Ромео Грилл, се подготвува нов албум, како и низа концерти во Македонија и во регионот. Неизоставна е голема промоција на овие проекти и можам слободно да речам, со нетрпение ја чекам 2024 год, токму затоа што чувствувам дека со овој албум ќе отворам ново поглавје за најмалку следните десет години. А за понатаму, ќе видиме... Ако Калиопи е Дедо Мраз и може една работа да им подари на луѓето во Македонија, што би било тоа? -СРЕЌА фото: Приватна архива/ Ѓорѓи Христовски/Мартин Шишковски

Само еден маж можела да го замисли покрај својата мајка: Анастасија Ражнатовиќ откри детали од приватноста на мама Цеца – „Ја терав да се забавува со него“ (фото)

Слободанка Илиева — Fri, 10 Nov 2023 12:18:15 +0000

Цеца Ражнатовиќ и Жељко Јоксимовиќ со години се одлични семејни пријатели, чие пријателство датира со децении. И покрај тоа, Анастасија Ражнатовиќ откри детали од нивната врска за која јавноста не знаеше многу. Анастасија своевремено за време на гостувањето во една емисија откри дека Виктор Савиќ и се допаѓал како девојче, па раскажала кој е мажот што во тоа време сакала да го види покрај мајка си. - Па, Виктор Савиќ! Ми се допадна, отидов да ги гледам неговите претстави, се сеќавам, само поради него. Тогаш Жељко Јоксимовиќ, тој ми беше одличен – рече таа и со насмевка додаде: - Се сеќавам дека ја терав мама да се забавува со Јоксимовиќ бидејќи сум премлада за него! И Енрике Иглесијас, имав среќа да го сретнам кога имаше концерт во Белград, потоа ме бакна во образ и бидејќи бев голем обожавател, пет дена не сакав да ја мијам таа страна од лицето - рече таа тогаш. Цеца Ражнатовиќ и Жељко Јоксимовиќ навистина го започнале своето пријателство уште кога Анастасија била уште мало девојче. Меѓутоа, меѓу нив не се развило ништо повеќе од пријателство, а Цеца денес е во прекрасна врска со сопругата на Жељко, Јована. фото:Инстаграм принтскрин/Анастасија Ражнатовиќ/Естрадни Архив

Mинимализам и елеганција: Станот на Вики Миљковиќ во срцето на Белград е луксузно катче по нејзин вкус (фото)

Слаѓана Атанасова — Wed, 27 Sep 2023 07:20:32 +0000

Популарната фолк пејачка Виолета Вики Миљковиќ со години е во хармоничен брак со Драган Ташковиќ Ташкет со кој води мирен семеен живот. Сопружниците, инаку, родителите на момчето Андреј, долго време живееле на Бежанијска коса, каде имале раскошна вила, но пред неколку години решиле да се преселат во центарот на градот. Тие меѓу првите купија стан во Белград на вода, луксузен комплекс на брегот на Сава, во самото срце на Белград, а пејачката се потрудила да ја прилагоди внатрешноста на нивните потреби и да ја претвори во мала семејна оаза. Вики е позната по тоа што не споделува многу детали за својата приватност со јавноста, па тоа не го прави ниту на социјалните мрежи. Затоа нејзините следбеници немаа можност често да ѕирнат во нејзиниот дом, но пејачката пред неколку години откри како го уредила својот стан. Како што Вики покажа на Инстаграм, нејзиниот дом е многу простран и уреден со вкус, а таа се одлучи за минималистички стил. Затоа, во нејзиниот стан нема премногу детали, а забележлив е и црно-белиот контраст: додека ѕидовите се светли, столаријата е во црна боја, исто како и квалитетните драперии. Пејачката потоа покажа како го уредила станот за пречек на гостите, па видовме долга трпезариска маса, бели столчиња со едноставен дизајн и неколку украси. Како што пишуваа медиумите кога Вики првпат го купила овој стан, на терасата поставила џакузи, а пишувало и дека одвоила дури 1.500.000 евра за вкупно три недвижнини во Белград на вода, од кои два изнајмува. Фото: Принтскрин/Инстаграм/Немања Николиќ/Ата Имаџес

Дејвид Бекам проговори за своето здраствено пореметување и откри детали кои досега беа непознати за јавноста

Слободанка Илиева — Tue, 02 May 2023 11:05:03 +0000

Дејвид Бекам откри дека боледува од опсесивно-компулсивно пореметување, поради што често е буден навечер и оди низ дома и чисти работи, а поради неговата состојба еднаш се скарал со сопругата, бидејќи таа ставила нешта на место кое не му одговарало. Поранешниот познат фудбалер Дејвид Бекам снима документарен филм, во кој ќе открие многу детали од својот живот, за кои јавноста не беше запознаена. Проектот вреден 16 милиони фунти, меѓу другото, ќе ја открие неговата борба со OCD, која често го држи буден ноќе. Дејвид претходно зборуваше за тоа како треба да ги држи предметите во права линија или во парови, а сега зборуваше за тоа како не спие. - Кога сите ќе легнат, јас одам низ дома и чистам. Ги чистам свеќите, ги ресетирам прекинувачите, гледам дали е се’ во ред. Мразам да се будам во неред. Сечав восок од свеќи, чисто стакло – откри меѓу другото. Тој објаснил дека бил свесен дека неговото однесување е чудно и признал дека се скарал со сопругата Викторија, бидејќи таа не ја ставила шејкерот на предвиденото место. Документарецот за Бекам беше најавен минатото лето на Нетфликс, а ќе го прикаже почетокот на неговата кариера, успехот што го постигна, снимки од приватна архива, но и интервјуа со членови на неговото семејство и други важни личности од неговиот живот. фото: Reuters

Прво, па машко: Македонскот пејач кој важеше за „кршач на женски срца“ стана татко (фото)

Слободанка Илиева — Thu, 20 Apr 2023 07:32:09 +0000

Младиот и шармантен пејач Филип Пешевски на кој медиумите знаат да му го доделат епитетот „кршач на женски срца“, стана татко. Убавата вест ја сподели неговата колешка Антониа Гиговска која преку објава на кусите приказни на Инстаграм откри дека Филип добил наследник и им честиташе на тазе родителите. Прво, па машко за Филип и мама Ирина. Пејачот приватноста ја креиеше како змија нозете, па оттука тоа дека станал татко, е изненадување како гром од ведро небо. Медиумската експонираност Пешевски реши да ја тргне од својот живот, веројатно со големите животни промени, девојката, а сега и мајка на неговото дете. Ако некогаш го полнеше својот профил на Инстаграм со разголени фотографии од мускулестото торзо, сега тато Филип го затворил својот профил како приватен, исто и неговата избраничка, па оттука се поставува прашањето дали Пешевски освен што се тргна од социјалните мрежи и публиката на витуелен начин, планира да се тргне и од музиката. Сега родителските обврски за најубавото нешто кое може човека да се случи се пред него, а тоа што се стави во медиумска илегала, сега останува на „стенд-бај“. За потсетување, Филип Пешевски последно го гледавме со својот настап на „Макфест“, а исто така го издаде и синглот „ Тешко мене без тебе“ заедно со Лила Филиповска. фото:Инстаграм принтскрин/ирина фарина/Јутбуб/ Лила Филиповска/Антониа Гиговска

„Измислија дека се раведуваат за да заработат пари“: Марко и Луна Ѓогани на столбот на срамот

Слободанка Илиева — Mon, 20 Mar 2023 10:00:42 +0000

Откако Марко Миљковиќ не се појави на роденденот на сопругата Луна Ѓогани, следбениците на оваа ријалити двојка, чија љубов од самиот почеток беше под лупа на јавноста, почнаа да инсинуираат развод. Марко кусо кажа дека е болен, а потоа дека ја чува нивната ќерка, сите мислеа дека бракот им е во криза, а тие, како што обично се случува, тоа го објавија на нивниот канал на Јутјуб, но седум дена подоцна решија да кажат дека не се разведуваат откако ја разгореа фантазијата на обожавателите, па ги имаше повеќе во прегледите на нивната објава. Нивните блиски пријатели имаат спротивставени мислења за ваквиот нивен став и реалниот живот надвор од ријалити. - Тие двајца со години живеат во реални шоуа и прават многу работи заради прегледи на каналот Јутјуб, исто како што ја направија својата свадба деловен потег. Значи ова само го подгрева мислењето на луѓето дека нешто не е во ред, па утре луѓето да трчаат да го гледаат нивниот клип во кој се ќе биде „пу пу не важи“. Ќе им донесе рецензии и малку повеќе пари бидејќи од тоа живеат. Најблиските знаат дека меѓу нив нема никакви проблеми - изјави за Блиц.рс извор близок до Марко, додавајќи:

View this post on Instagram

A post shared by Luna Djo Miljkovic (@luna_djogani)

- Мислам дека ова не го испланирале однапред, туку набргу го смислиле откако излезе веста дека не бил на роденден. Не ми се допаѓа тоа и после реалното шоу, продолжија да живеат како да се внатре. Тие се однесуваат и прават работи што им предизвикуваат кликови и не размислуваат за реалниот живот. Животот поминува покрај нив додека тие го глумат. Од друга страна, една сосетка која е обожавателка на Луна и Марко вели дека слушнала дека имаат проблеми во бракот, но дека не се пред развод. -Ги гледам во близина на зградата но одделно, можеби тоа го прават намерно затоа што знаат дека папараците им се зад грб. Сепак, како и да е, имам слушнато дека имаат брачни проблеми. Нивната ќерка многу ги зближи, но веќе ги немаат парите што ги имаа, па секако тука почнуваат проблемите. Марко вложил многу во дел од својот бизнис, па слушнав дека не му тргнало добро и сега има идеја повторно да вложи пари, но Луна не дозволува да се допре тој влог. Таа е доста одговорна бидејќи знае дека им треба многу за детето. Кога беа на врвот на својата популарност по реалното шоу, имаа многу понуди за реклами на социјалните мрежи, но како што обично се случува, таа инстант слава брзо стивна.

View this post on Instagram

A post shared by Luna Djo Miljkovic (@luna_djogani)

Од блиски на парот дознаваат и дека двајцата долго време не можат да се најдат во некоја професија. - Луна е посветена мајка, но не може да си ја најде кариерата и тоа ја прави нервозна. Се обидела да биде блогерка, па пејачка, па ријалити ѕвезда. Марко е сличен во тој поглед бидејќи сака брзи пари, но денес долгорочно такво нешто нема. Ако некој им понуди добар хонорар, мислам дека повторно би влегле во реалното шоу. Слушнав дека имаат проблеми и дека најмногу се расправаат за пари, како да заработат и кој колку придонесува. Слушнав дека молчеле за разводот додека се пишувало, со денови. Знаев и дека ќе биде објавено на нивниот канал бидејќи веќе не се учесници во реалното шоу, сега го живеат само преку нивниот профил, завршува изворот.

Се огласи мајката на српскиот евровизиски претставник и соопшти одлука која менува се’ (фото)

Слободанка Илиева — Wed, 08 Mar 2023 11:21:38 +0000

Лук Блек, годинешниот претставник на Србија на Евровизија, не остави никого рамнодушен со својaта автентичност. Ексцентричниот уметник во неколку наврати потенцираше дека поддршката од родителите му е најважна и дека неговото семејство е она што му дава ветер во грб да постигне музички успех. Сепак, родителите на Лук Блек не присуствуваа на ниту еден негов настап. ‒ Со оглед на тоа што Лука деновиве, и тоа се уште несебично, даваше интервјуа многу посветено и многу искрено, ние како семејство не би се рекламирале‒ откри мајката Марија Ивановиќ. Таа додаде дека мирот им е прв приоритет. ‒ Целосно ја разбирам релевантноста на овој момент, но би сакале и да се радуваме со пријателите, семејството, без никаков притисок. Тоа е нашата желба засега. Се надевам дека ќе разберете – заклучила Марија за Курир.рс фото:ATA Images/ Instagram

Кира и Вања го имаат она што го сака секое дете: Ѕирнете во домот на Катарина Ивановска (фото)

Слободанка Илиева — Fri, 03 Mar 2023 07:26:43 +0000

Катарина Ивановска како ултра побаруван и ангажиран професионален модел и манекенка, воопшто нема проблем да покаже гола кожа. Но, кога е разголувањето во поглед на приватноста во прашање, тогаш таа резервирано го чува тоа само за себе и што е можно подалеку од очите на јавноста. Еден таков од ретките преседани направи деновиве со објавата од својот дом.

View this post on Instagram

A post shared by Katarina ivanovska (@katarina_ivanovska)

На споделениот фото момент на „стори“, од фокусот се нејзините дечиња Кира и Вања, но се гледа и дневниот простор каде наедно се поминува најмногу време. Најмилите на мама гледаат цртан филм од приказните за „Биби и Боби“, а до нив е легнато и мачето. Секое дете сака пространост за игра, сака милениче, а мама Катарина го адапритала тоа за биде идеално за нив. Стокмени и мирни пред телевизорот, а мама имаше време за себе кое го испокристи на кратко за да направи една фотка. Од приложеното може да се види дека доминира индустрискиот стил од цигла ѕидот во спој со модерното од дизајнот на ТВ комодата. Се’ останато, останува таму, односно во приватноста од семејната оаза на манекенката и нејзините наследници. фото:Инстаграм принтскрин/Катарина Ивановска