природно – Вистина.мк

Не е ниту оцет, ниту ракија: Овие намирници најдобро ја намалуваат температурата без лекови

Слободанка Илиева — Wed, 31 Jan 2024 12:20:37 +0000

Во сезоната на грип, сите се плашиме од температурата. Доколку немате аптека во близина или лековите не делуваат доволно, ова се природни начини малку да ја намлите кои секако ќе ви бидат корисни. Најдоброто нешто во врска со овие намирници и методи е тоа што не мора да го гледате часовникот. Можете да ги практикувате и да ги консумирате колку што сакате. Еве некои од нив: 1. Чили Верувале или не, чилито е идеална храна во борбата против високата температура. Причината е капсаицинот, состојка во чилито, која испраќа порака до мозокот дека телото е прегреано. Доволно е да изедете само мало парче пиперка и телото ќе почне да се поти, а потоа тоа ќе има ефект на разладување. 2. Краставица и лубеници Овие намирници се полни со вода и може да се јадат сирови. Голема е веројатноста и во овој период да имате краставица во вашата куќа. Можете да додадете краставица во смути ако сакате да ја зголемите вашата енергија и да ви го олесни пиењето течности. Експертите советуваат дека е добро да додадете малку мраз и јогурт, бидејќи тоа е храна која е добра за ладење. 3. Кокосова вода Пред неколку години веројатно немаше да ја ставиме на списокот. Сепак, сега можете да најдете кокосова вода во сите добро опремени продавници за храна, а има се повеќе луѓе кои ја обожаваат. Пиењето кокосова вода е одличен начин за ревитализација и освежување на вашето тело. Витамините, електролитите и минералите ја прават исклучително ефикасна кога се соочувате со топлински стрес. 4. Нане Нането е познато по своите разладни својства поради високата содржина на ментол. Во чајот додадете две или три ментол бонбони. Доброто е што можете да го консумирате овој вид на чај и ладен и топол. Всушност, пиењето топли пијалаци може да ви помогне да се разладите и повеќе да се потите. извор:попра.мк фото:shutterstock

Со години е иста, а многумина се прашуваат дали направила корекции: Ова е тајната на младешкиот изглед на Лидија Вукиќевиќ (фото)

Слаѓана Атанасова — Fri, 05 Jan 2024 08:11:52 +0000

Актерката Лидија Вукиќевиќ (61) се прослави со улогата на Виолета во „Боље живот“. Таа отворено зборува за парите што ги заработила тогаш, како и за својот изглед кој многу и помогнал во животот. - Изградив куќа во Голупац од хонорарите во серијата „Бољи живот“ - изјави во една прилика Лидија во емисијата „Шок ток“. - Благодарение на серијата купив два автомобили од рекламите. Едниот беше за мене, другиот беше за тато - додаде Лидија.

View this post on Instagram

A post shared by Lidija Vukićević (@vukiceviclidija)

Често се шпекулира дали отишла под нож поради својот изглед, а таа истакнува дека само едно исправила кај пластичниот хирург. - Единствено што направив на лицето беше третман во вид на боцкање, кој ја поттикнува работата на колагенот. Ја прави кожата кадифена. Освен тоа, ништо друго не правев, ниту операции. Суштината на мојот младешки изглед е тоа што се негувам од својата 18-та година. Мајка ми беше строга и загрижена за изгледот на мене и на сестра ми, уште како млади девојки почнавме да користиме креми за лице. Покрај генетиката, имам благодарна кожа на мајка ми. Водам здрав живот, не пијам, не пушам, се хранам здраво, а сето тоа резултира со ваков изглед - откри Лидија и додаде дека освен г корекцијата, се друго е природно.

View this post on Instagram

A post shared by Lidija Vukićević (@vukiceviclidija)

- Не ја исправам косата, таа е природно виткана. Не ги кубам веѓите, како што гледате. Имам свои нокти, не сакам вештачки. Мои се и забите. Никогаш не сакав да носам коронки и да имам неприродно бели заби. Ги одржувам така што одам на стоматолог на секои два месеци и користам црна паста за забите да останат бели - заклучува актерката.: Фото: Принтскрин/Instgaram/vukiceviclidija

Ване Маркоски засука ракави и ја донесе празничната магија во домот – крајниот ефект оригинален и едноставно совршен (фото)

Слободанка Илиева — Wed, 06 Dec 2023 08:09:49 +0000

ТВ водителот Ване Маркоски реши да се фати за работа и да биде меѓу првите од познатите кој ќе се пофали со новогодишната елка и магија во домот. Секоја година сведочиме на новогодишниот амбиент во приватниот рај на познатите, а пред крајот на старата година, Ване реши да се фати за работа. Имено, водителот сакаше да биде поразличен од стандардно пластифицирана елка која речиси сите ја имаме, па оваа година се стреми кон природното. Го избра дрвото кое најмногу му се допадна, одговара на просторот и секако длабочината на неговиот џеб. Ване сакаше да биде оригунален и во декорацијата, па наместо да претерува со украси, тој се реши да го следи правилото помалку е повеќе, па за декорација употреби само еднобојни светилки, неколку ѕведи и панделки. Ефектот совршен! фото: Instagram/ vanemarkoski_

Мислите дека нема спас од досадните комарци? Не сте во право – сами направете го најефикасниот спреј

Слободанка Илиева — Thu, 27 Jul 2023 11:25:38 +0000

Секој од нас може да направи спреј што е безбеден за здравјето и многу ефикасен во борбата против досадните инсекти, особено комарците. Инсектите обично не нè поштедуваат, па затоа не можеме да ги игнорираме, мислејќи дека ќе се откажат и ќе избегаат. Ние мораме да ги „уништиме“ и ова се прави со помош на домашните препарати на природна база. Секој од нас може да направи спреј кој е безбеден за нашето здравје и многу ефикасен во борбата против досадните инсекти, особено комарците. Потребно е само половина литар чист алкохол, 100 грама каранфилчиња и 100 мл масло од рузмарин, бадем или лаванда. Потопете го каранфилчето во алкохол, покријте го и оставете го да отстои. Смесата мешајте ја наутро и навечер. По четири дена додајте го маслото, добро промешајте и пресипете во шише со распрснувач. Доволно е неколку капки од спрејот да прснете на телото, да го измасирате во кожата и гледајте како комарците ве заобиколуваат. извор:курир.мк

Ретко кој би ја препознал: Бресквица го смени личниот опис (фото)

Слаѓана Атанасова — Fri, 14 Jul 2023 06:30:30 +0000

Пејачката Анѓела Игњатовиќ, попозната како Бресквица, уште од првото појавување во јавноста важи за исклучително атрактивна, но и една од најмладите музички ѕвезди. Сепак, пејачката сега реши да го промени личниот опис, а на првиот настап по непријатноста што ја доживеа на сцената се пофали со својот нов имиџ. Имено, младата пејачка решила својата долга црвена коса да ја скрати до рамениците и да ја обои во кафена боја. Бресквица истакна дека одлучила да се врати на својата природна боја. - Нова коса, кој е ова - напиша таа на социјалната мрежа Инстаграм, кога се пофали на своите фанови, а потоа додаде во следната објава: - Одлучивме да се вратиме на природно и да ја негуваме косата. Анѓела е, инаку, најпопуларна меѓу помладата публика, но неодамна на еден настап доживеа непријатност од неколку млади момчиња од публиката, кои фрлаа стаклени шишиња и гранки на сцената. Фото:Принтскрин/Инстаграм/Бресквица/Амиџи шоу

Направете природно средство кое ги чисти и најтврдокорните дамки: Потребни ви се само 2 состојки!

Слаѓана Атанасова — Tue, 27 Jun 2023 12:30:39 +0000

Моќните состојки на домашниот спреј ќе ги отстранат дури и старите тврдокорни дамки. Што е најважно, овој производ не содржи никакви хемикалии кои можат да предизвикаат алергиска реакција на кожата на децата и возрасните. Состојки: 1 шолја зовриена вода половина чаша сода бикарбона половина чаша хидроген (3%) Подготовка: Прелијте со врела вода сода бикарбоната. Почекајте да се излади и сода бикарбоната целосно да се раствори, па додадете хидроген. Сè добро измешајте и истурете во шише со распрскувач, а вашиот отстранувач на дамки е готов. Испрскајте ја секоја дамка и оставете ја да делува неколку часа. Ако дамката е постара, натопете ја ткаенината во средството и оставете ја преку ноќ. Извор: Курир.мк

„Заљуби се“ – Александра Накова ја откри тајната на добриот изглед (ФОТО)

Слаѓана Атанасова — Wed, 17 May 2023 10:06:57 +0000

Александра Накова е една од оние кои како по правило се меѓу првите што ја отвораат бикини сезоната. Сепак, со оглед на временските (не)прилики, летото изгледа многу и недостасува па Накова тоа покажа и со последната Инстаграм објава во која споделила спомени од ланскиот период ова време кога наместо со да се шета со чадор за дожд, се сончала евентуално користејќи сонцобран да не изгори. Во недостаток на сонце додека времето не се промени, Накова за да не и биде здодевно решила денот да го мине не само во спомени, туку со помош на социјалните мрежи и својот Инстаграм малку да се познаимава со туѓите мислења за себе, па ги отворила своите Инстаграм приказни за прашања. Таа доцна вечерта објави неколку интересни податоци од нејзината приватност, а сите претежно беа зинтересирани за тајната на нејзиниот добар изглед... Или барем таа токму тој избор на прашања и одговори го селектирала за да го објавим зашто така најмногу и годи и и' чини. Погледот и нејзините зелени очи го маѓепсуваат машкиот пол, па многумина беа заинтересирани дали таа случајно можеби носи леќи. - Носиш леќи или зелени ти се очите? - Зелени, не носам леќи - одговори таа потврдувајќи дека таква е нејзината природна боја на очите. Поглед во кој можеш да ги одмараш сопстевните очи и стиммулираш сопствените мисли. - Која фарба ја користиш? - беше следното прашање за убавицата. - Не се фарбам - гордо изјави таа, без оглед што многумина се посомневаа во искреноста на нејзиниот одговор, зашто наликува дека Накова некого „фарба“. Впрочем, на фотографијата лево и десно Накова не е со истата боја на косата... Освен ако не во прашање „игра на светлината“ или некаква екстензија?! - Дали носиш вештачки трепки? - Не трепките се мои, ставам целосни трепки само доколку морам за снимање или понекогаш за излегување - им одговори Накова без да трепне. Дали некогаш си размислувала да живееше надвор од Македонија? - гласеше едно „иселеничко“ прашање кое доби „иселенички“ одговор иако Накова на таков чекор не се одлучила и се' уште е живее во Македонија . -Да, многу пати! Бидејќи тешко некој да не ја препознае оваа ретка убавина која зрачи со сексипил, таа од нејзините фанови го доби прашање како сето тоа и успева, како да се стане убав како неа? - Како да станам убав како тебе ? - Заљуби се - кратко и јасно му одговори таа, откривајќи ја нејзината тајна на убавината. А од секоја љубов повеќе од јасно е дека може да се изроди и нешто друго... Или поточно речено, љубовта може да се мултиципира, па логично беше силиконската убавица да ја прашаат дали би сакала да има и повеќе деца, кога е веќе толку убава, пардон, заљубена? - Да, секако! - одговорила како од пушка без размислување Александра Накова, што укажува дека кога е веќе заљубена, можеби (набргу ќе по)работи на принова, а нејзината ќеркичка ќе добие братче или сестричка? Фото: Принтскрин/Инстаграм/Александра Накова

Секогаш ја гледате стокмена од глава го петици, а века изгледа Гавазова само што отворила очи од спиење (фото)

Слободанка Илиева — Fri, 21 Apr 2023 07:10:37 +0000

Јавната професија, особено за дамите од естрадата бара постојана шминка, но во зависност од личноста, нејзниот имиџ и став кон јавното претставување, интензитетот на корекцијата и дотерувањето е индивидуална работа. Фолк пејачката Сузана Гавазова важи за една од најатрактивните во Македонија, па и кога ќе ја видите непосредно, сигурно ќе се уверите дека тоа не за џабе е така. Дека Сузе има македонска убавина за која шминката е само минимално освежување, говори и една од фотографиите на нејзниот Инстаграм. Велат дека убавината на жената се гледа кога ќе се раздуби од спиење, а Гавазова направи токму една таква каде само што отворила очи по напорниот вечерен настап, овој пат преку барата – во Сиднеј. А кога се пее до утро, будењето е на пладне, се’ во зависност од следните обврски, но за пејачката важно е вежбањето и старотот на денот под полна пареа. Овој пат, во теретана со панорамски поглед. Сузе е убава независно дали е пет наутро илиу попладне,а во време кога на социјалните межи е реткост да се види „нормална“ фотографија, ова еден убав пример и исклучок. фото:Инстаграм принтскрин/Сузана Гавазова

Бидете оригинални за Велигден: Техника за вапсање јајца која ги полуде луѓето на интернет (видео)

Слободанка Илиева — Thu, 13 Apr 2023 12:20:24 +0000

Велигден е се поблиску, а доколку сакате да бидете оригинални за празникот, можете да пробате нова техника на бојадисување јајца со помош на куркума и хибискус и ќе имате прекрасни дезени. Состојки: јајца 1,5 супена лажица суви цветови од хибискус 1 лажичка куркума памучна вата проѕирна фолија масло шприц Подготовка: Сварете ги јајцата, ставете ги цветовите од хибискус во чаша и прелијте ги со топла вода. Истурете ја куркумата во друга чаша и исто така прелијте ја со топла вода, но тука користете помалку вода. Раширете ја проѕирната фолија, а одвојте ги туферите, така што од еден туфер ќе добиете две половини. Во средината на проѕирната фолија наредете четири памукчиња да стојат еден под друг и малку да се преклопат. Со шприц ставете малку куркума на туферот, а потоа малку чај од хибискус. Дезенот направете го како што сакате, но внимавајте сите туфери да бидат обоени. Ставете го јајцето и сето тоа завиткајте го во проѕирната фолија. Повторно развлечете ја проѕирната фолија и сега директно врз неа истурете ги чајот и куркумата, па замотајте го јајцето. Правете го ова додека не потрошите сè. Оставете да отстои 7 часа, а потоа извадете ја фолијата и туферите и премачкајте со масло. извор:попара.мк

Лаксативен џем за брзо празнење на цревата: Се применува кај тешки облици на констипација

Слободанка Илиева — Tue, 31 Jan 2023 13:20:22 +0000

Констипацијата е сериозна состојба која го попречува нормалното функционирање на нашето тело. Статистиките велат дека секое десетто лице пати од проблеми со нередовно празнење на цревата. Едно од најдобрите решенија за констипација е овој лаксативен џем кој го осмислила Ветеранската болница во Квебек. Пациентите кои имале проблеми со дигестијата во просек јаделе по 1 голема лажица џем на ден, што ја зголемило зачестеноста на празнењето на цревата и ја намалило потребата за лаксативи, во споредба со оние кои не ја консумирале ваквата смеса. Потребни состојки: - 150 гр. урми - 150 гр. суви сливи - 1,5 шолја вода Начин на подготовка: Исечкајте ги урмите и сувите сливи на парчиња. Ставете ги во зовриена вода и варете додека не се згусне мешавината. Од оваа количина би требало да се добијат околу 20 порции од 1 лажица. Овој џем е погоден за сите возрасти. Може да се јаде самостојно, да се мачка на леб, да се додаде во јогурт или овесни снегулки... Како делува лаксативниот џем? Сувите сливи имаат хранлив и лаксативен ефект и со децении се припишуваат за таа цел. Богати се со влакна и сорбитол кој го дава лаксативниот ефект, а сливите го содржат дури 15 пати повеќе отколку кое било друго овошје. Сорбитол е вид алкохолен шеќер кој можат да го консумираат и дијабетичари. Во цревата се преработува многу бавно и до дебелото црево стигнува најчесто половично преработен, поради што доведува до помека столица. извор:точка.ком.мк фото: shutterstock