природни состојки – Вистина.мк

Природни состојки кои помагаат во ублажување на изгорениците од сонце: Особено едната ја имаме дома сите

Слаѓана Атанасова — Thu, 22 Jun 2023 12:06:54 +0000

Негата на кожата е важна во текот на целата година, а особено е важно да ја заштитите од сончевите зраци во лето. Ако уживате во лежење на сонце и го сакате оној исончан тен што непогрешливо кажува дека сте одмарале на плажа, треба соодветно да ја подготвите и заштитите кожата. Тоа е важно не само заради здравјето на вашата кожа, туку и за да го задржите подолго тој исончан тен. Секако, важна е и негата потоа, особено ако не сте се заштитиле доволно, па сте добиле изгореници. За смирување на црвенилото и изгорениците може да ви помогнат и природни состојки кои сигурно ги имате во домот. И да ги немате, не се скапи како многу козметички производи за оваа намена. Тоа се кокосово масло и алое вера. Дерматологот Гета Јадав, основач на FACET Dermatology, советува прво да нанесете алое вера, а потоа кокосово масло. „Алое вера гелот овозможува кожата да дише и најдобро се користи на почетокот на изгорениците од сонце. Кокосовото масло е подобро да се користи подоцна во фазата на обновување на изгорениците, кога кожата се лупи“. Исто така, дерматологот напоменува дека треба да го избегнувате силното сонце помеѓу 11 и 15 часот и дека треба да користите крем за сончање со заштитен фактор. Извор: Курир.мк

Кои природни состојки можат да ве заштитат од сонцето?

Христина Ѓоргиевска — Thu, 13 Aug 2020 12:45:21 +0000

Многу е важно да се заштитиме од сонцето и без оглед на тоа каква кожа имаме, сите користиме производи за сончање. Многу производи за сончање содржат состојки кои можат да предизвикаат алергии или да имаат негативни ефекти, но дали постои природна заштита од сонце? Некои луѓе се заинтересирани да направат своја крема за сончање дома, а ако и вие сте меѓу нив, тогаш погледнете кои природни состојки можат да се користат за заштита од сонцето.

1. Прополис

Оваа позната мешавина која пчелите ја собираат е една од најмоќните природни состојки за заштита од сонце. Богат е со антиоксиданти и штити од УВ зраците.

2. Алое вера

Алое вера е познато по своите навлажнувачки својства и здравствени придобивки за кожата. Експертите препорачуваат да го нанесете алое вера гелот 24 часа пред изложување на сонце и 2 часа по него.

3. Масло од морков

Ова масло често се користи во комбинација со други состојки за да обезбеди дополнителна заштита. Богато е со бета-каротин и витамини Е и А. Исто така е одлично и за заздравување на сува кожа.

4. Шеа путер

Шеа путерот често се користи во домашните козметички производи, бидејќи има лековити својства. Освен тоа, има и многу нежна арома, па сигурно ќе го обожавате.

5. Масло од семе од малини

Ова масло е една од најефикасните природни состојки за сончање. Богато е со антиоксиданти и минерали кои помагаат при различни состојби на кожата. Извор: кафепауза

Природни состојки против лош здив

Михаела Христова — Tue, 26 Nov 2019 13:44:19 +0000

ЦИМЕТ Циметот можете да го конзумирате во вид на чај, односно да сварите неколку стапчиња цимет. Поради антибактериските својства на циметот, тој е одличен за неутрализирање на лошиот здив. ЛИМОН Киселоста на лимонот помага во спречување на проширувањето на бактериите на јазикот и непцата. Направете мешавина од еден лимон и една шолја вода и исплакнете ја устата. КОПРИВА Чајот и сокот од коприва (сокот можете да го направите во соковник во комбинација со некое овошје како на пример јаболко и морков) се одличен начин за ослободување на токсините од системот. Копривата е исто така добра за справување со габичните инфекции во устата. ЃУМБИР Ова лековито растение одлично дејствува против воспаленија поради кои може да настане лош здив. Доколку конзумирате ѓумбир, не додавајте шеќер, бидејќи шеќерот им помага на бактериите да се размножуваат.