принова – Вистина.мк

Штркот слета: Семејството на Мики Секуловски стана поголемо – пејачот од „Ѕвездите на Гранд“ горд за новата животна улога (фото)

Слободанка Илиева — Thu, 08 Feb 2024 08:31:36 +0000

Актуелниот учесник во „Ѕвездите на Гранд“, Мики Секуловски има убава и голема причина за веселба и славење. Имено, семејството на Мики стана поголемо, а тој доби важна животна улога, стана чичко на внуче од неговиот брат. За убавата вест Секлуловски се пофали на кусите приказни на социјалните мрежи, каде и самиот им честиташе на тазе родителите кои го добија најубавиот дар од Бога. Секуловски станаа побројни, чичо пресреќен, а се разбира и баба и дедо. Ова е една од најубавите причини за веселба и забава во домот на Секуловски, а за пеењето се знае кој би бил задолжен ако не Мики.

View this post on Instagram

A post shared by Miki Sekulovski (@mikisekulovski)

За потсетување, Мики Секуловски е еден од најпофалените кандидати од актуелната сезона на регионалното музичко шоу „Ѕвездите на Гранд“, негов ментор е Цеца која неодамна му понуди и да запее на нејзин концерт. Честитки за чичо, нека е здраво и живо внучето! фото: Facebook/ Miki Sekulovski/ Instagram printscreen/ mikisekulovski

Бејби-бум во 2023 на македонската јавна сцена: Еве кого сe’ посети штркот изминатите месеци (фото)

Слободанка Илиева — Sat, 13 Jan 2024 08:50:40 +0000

Во изминатава година, јавната сцена и светската и домашната, се подмлади. Штрковите слетаа во многу домови и ја донесоа неизмерната среќа, семејствата се зголемија, а во најубавите улоги настапија голем број пејачи, актери и водители, спортисти. Мајки, татковци, баби, дедовци... На глобалната сцена најмногу внимание предизвика Парис Хилтон, која доби две бебиња во иста година, додека пејачката Ријана и супермоделот Наоми Кембел станаа мајки по втор пат. Кон крајот на годината бевме пријатно изненадени и воодушевени од тоа што и Марија Шерифовиќ се оствари во улога на родител. Нејзиниот син Марио го виде свелото на денот во Америка, со помош на сурогат мајка, а пејачката се уште не може да се совземе од среќа. Кај соседите во Србија исто така пристигнаа многу бебиња... И кај нас во Македонија годината беше плодна и дарежлива. Радосните вести го преплавија и јавен живот, па изминатите 12 месеци објавивме и честитавме за приновите на многу јавни личности. Повеќето беа летни и есенски бебиња, но генерално во секој месец од годината доаѓаше ново бебе. Веќе на почетокот на годината односно на 31-ви јануари, татко по вторпат стана ракометниот голман Борко Ристовски. Сопругата Нина се породи се породи на државната клиника и на свет донесе женско бебе кое го доби името Анастасија, а малиот Душан стана поголем бато. Викторија Јаначковиќ, една нашите најпознати манекенки и некогашна миисица, на 26.01.2023 година Викторија на свет донесе здраво и право девојче, кое го добило името Никита. Следен меѓу спортистите кој се израдува на втора среќа во месец февруари беше и ракометарот на „Вардар“ и македонската ракометна репрезентација, Стојанче Стоилов стана татко по вторпат. Неговата сопруга Деница на свет донесе машко бебе. Во месец април повторно штркот донесе бебе во светот на спортот каде немаше пауза од убави вести. Па така, татко по третпат стана македонскиот фудбалски репрезентативец Давид Бабунски кој по двата сина доби ќерка. Принова за првпат дојде и во семејното гнездо на поранешната новинарка на естрадниот ТВ магазин „Бекстејџ“, Марија Петровска. Роди син во Словенија– здраво машко чедо кое го носи името Домен. Во истиот пролетен месец, татко стана и младиот пејач Филип Пешевски. Прво, па машко за Филип и мама Ирина, а пејачот до последно криеше се’ од приватноста, па приновата за јавноста беше изненадување како гром од ведро небо. Пред старот на летото и музичката двојка Филип Нуне и Мими Јовановска станаа родители за прпат. Пејачката во една приватна клиника во Скопје на свет донесе живо и здраво машко бебе кое го доби името Никола. Во редот каде штркот имаше бебе за носење беше и адресата на пејачот Даниел Кајмакоски и неговата втора сопруга Марина кои станаа родители. На 30-ти април на свет дојде машко бебе на кое мама и тато му го дадоа името Стефан. Во месец јуни татко по четврти пат стана и пејачот Никола Перевски- Пере. Со доаѓањето на бебето Инес женското царство на музичарот стана уште поголемо. Уште една музичка брачна двојка се оставари во улогата на мајка и татко. Антониа Гиговска и музичарот Роберт Спасенцовски во месец јули станаа горди родители на бебето Киан. Од музичарите со принова се израдува и македонскиот музичар и уметник Павле Камилоски и неговата избраничка, планинарката Ирина Дишовска, станаа родители за првпат на синчето Јосиф. Како родители се остварија и познатиот македонски хип-хоп музичар Христијан Тасковски – Таско и неговата сопруга Наташа Неделковска која роди син. Меѓу најбогатите на свет беше пејачот Маријан Стојановски кој доби трето дете. По Вероника и Петар, сопругата Наташа му ја роди и ќерката Кирјана. Цветаше и полето на актерството. Македонскот актер, водител и пејач Жарко Димоски ги изненади своите следбеници, барем оние што не знаеја, дека станал татко за првпат. Жере и неговата сопруга Андреа преку специјална фотосесија обзнанија пред јаноста дека станале родители на машко бебе. Радосна година беше и за пејачот Јордан Митев кој по шест години брак, со неговата сопруга Славица станаа родители за првпат. Јордан на Фејсбук објави дека станал татко на женско, а убавата вест ја доби додека беше на голема турнеја низ Австралија. Пред крајот на годината во светот на актерите се роди наследничката на актерката Емра Куртишова и актерот Петар Стојанов. Малата Лена стана нивниот универзум и им го смени животот. И за крај, токму пред прагот на Новата 2024 пристигна уште едно женско бебе. Кристијан Станковски или едноставно Бомбакис стана татко на ќерка која е Бисерчето на елката од Новата година! Да се живи и здрави сите! фото: Instagram printscreen/ Facebook/acibademsistina

Македонскиот фолк пејач и учесник во „Ѕвездите на Гранд“ стана татко: „Се роди нашиот принц, ти благодарам Господе!“ (фото)

Слободанка Илиева — Thu, 11 Jan 2024 09:17:16 +0000

Велешанецот Александар Темелков и неговата сопруга Сара Срезоска станаа родители за прв пати – им се роди син. Фолк пејачот за убавата и среќна вест се пофали на својот Инстаграм профил каде соопшти дека го добиле најубавиот дар од Бога. „Почитувани фанови и пријатели, јас и мојата сопруга Сара станавме родители. Ни се роди нашиот принц, ти благодарам Господе за овој дар“, напиша Александар на својот Инстаграм профил. Гордиот татко пред три месеци обзнани дека со саканата чекаат принова, а позираа заедно покажувајќи го и трудничкиот стомак со бебето во најава. Александар Телелков кој минатата сезона учествуваше во „Ѕвездите на Гранд“ летово ја запроси неговата сакана, а свадбата ја планираат за претстојното лето. Честитки! фото:Instagram printskrin/ aleksandar.temelkov_official/ You Tube printscreen/ Zvezde Granda

Македонскиот пејач и сопругата наскоро ќе станат четворица – доаѓа уште едно бебе (фото)

Слободанка Илиева — Tue, 19 Dec 2023 08:30:02 +0000

Поранешниот познат македонски поп пејач Дарко Илиевски и сопругата Ивана ќе станат родители по вторпат. Даре преку својот Инстаграм сподели дека семејството наскоро ќе брои четворица, па во месец април штркот ќе им донесе уште една живиотна безценетост – женско бебе.

View this post on Instagram

A post shared by Darko Ilievski (@ilievskidarko)

„Возбудливи вести! Пресреќни сме што можеме да споделиме дека наскоро очекуваме да пристигне нашето скапоцено девојче. Нашите срца се полни и едвај чекаме да ја пречекаме во нашите животи со љубов и радост“, напиша Илиевски на својот Инстаграм. Синечто Матео се роди и потпорасна на американска терирорија, односно на Флорида каде што живеат и бабата и дедото односно родителите на Ивана.

View this post on Instagram

A post shared by Darko Ilievski (@ilievskidarko)

Пејачот и сопругата две години откако стапија во брак решија да се отселат во САД, а во 2019 година добија прво, па машко. фото: instagram printscreen/ ilievskidarko

Со дупла доза љубов кон нова етапа: Исаура од „Преспав“ ги собра најслатките плодови од животот во пакет фото – спомени (фото)

Слободанка Илиева — Fri, 15 Dec 2023 09:34:30 +0000

Наскоро ќе започне прикажувањето на најавуваната 7-ма сезона на популарната македонска серија „Преспав“, а точниот датум е закажан за 18-ти декември (понеделник) на националната МРТВ. Добро познатите ликови од серијата веќе им станаа омилени на верните гледачи, па речиси секој има некој карактерен фаворит. Една од нив дефинитивно е Исаура која во новите епизоди ќе ја гледаме во блажена состојба.

View this post on Instagram

A post shared by Emra Kurtishova Stojanova (@emra.kurtishova)

Во реалноста не и се случуваше нешто многу поразлично кога е бременоста во прашање, само што веќе сега, Исаура односно актерката Емра Куртишова- Стојанова од неодамна е реализирана и среќна мајка на ќеркичката Лена која ја доби со актерот и колега Петар Стојанов. Емра пред фазата на мајчинството и брачниот статус, не беше од оние што се многу активни на социјалните мрежи, но сега откако нештата се сменија, харизматичната актерка се почесто знае да открие нешто повеќе од својата приватност. Меѓу најновите објави осамна галерија фотографии собрана во едно видео како сублимат од сите слатки плодови кои ги собра од животот во периодот откако кажа „да“, се омажи и направи забава, дозна дека е бремена, го доживеа чинот кога првпат ја виде својата рожба, првата прегратка, заедничка радост за проширениот состав кој премина во семејство. Сите овие убави и слатки моменти на душа Емра ги објави пред очите на јавноста, горда и испполента за она непроценливо богатство кое го има. -Двата најважни денови во твојот живот се денот кога си роден, и денот кога ќе сфатиш зошто.

View this post on Instagram

A post shared by Emra Kurtishova Stojanova (@emra.kurtishova)

Она зошто следеше во документираните спомени кои реално се создаваат и живеат секојдневно, постојано надоградени и мултиплицирани, видоизмениети, но со една заедничка и најважна алка едноставно наречена љубов! фото: Instagram printscreen/ emra.kurtishova

Во семејството на Антониа Гиговска бројот на членови продолжува да расте: Неизмерна радост за доаѓањето на уште едно бебе (фото)

Слободанка Илиева — Sat, 02 Dec 2023 08:45:58 +0000

Изминатиот месец јули во семејството на пејачката Антониа Гиговска се славеше за доаѓањето на бебето Киан, потоа во месец август следеше свадба, односно се ожени нејзиниот брат Дарко. Уште тогаш во најава беше дополнителна голема радост за сите, доаѓањето на уште едно бебе. Сега времето во исчекување измина, а тоа бебенце дојде на свет и се вика Миха. Братот на пејачката доби син и со сопругата Дани се остварија како родители, а Антониа стана тетка. Семејството Гиговски е проширено со две машки бебиња кои допрва ќе го прават шарен и убав нивнот свет. Гордата тетка не можеше да ја сокрие радосната вест и преку своите „стори“ на Инстаграм сподели дека на свет дошол нејзиниот внук и братучед на Киан. -Станав тетка на мојот малечок Миха, напиша Антониа. Среќниот татко пак, исто така го наполни својот профил со честитките кои ги добиваше, а сподели и прва фотографија од рачето на новороденото синче. Инаку, братот на Антониа се ожени во месец август и направи голема свадба, а тогаш бебето беше во стомакот на невестата која сега стана среќна мајка. Честитки! фото:Instagram printscreen/ darko.gigoo/ antoniagigovskaa

Семејството на Силви и Влатко Плевнеш станува поголемо – наскоро доаѓа принова (фото)

Слободанка Илиева — Wed, 29 Nov 2023 10:11:29 +0000

Брачно музичката двојка Силвана Мучиќ и Влатко Плевнеш или попознати како „Силви бенд“ живеат денови на радост и исчекување на најубавото. Имено, нивната единица, ќерката Деа наскоро ќе стане мајка и ќе ги направи горди баба и дедо. Деа на социјалните мрежи објави фотографија од нејзиното патување во Индија, а од приложеното каде голиот труднички стомак е во прв план, може да се забележи дека таа е кон средината на бременоста. Идните баба и дедо, Силви и Влатко ги гледаме и слушаме за нив само кога имаат некој настап, како неодамнешниот на „Макфест“, така што од нив засега нема јавна објава за убавите моменти од приватноста и она што допрва ги чека. Деа за разлика од мама и тато е активна на социјалните мрежи, а иако од одамна живее во Амстердам, често си доаѓа во родната Македонија кај родителите. За потсетување, наследничката на Силви и Влатко се одлучи да оди по стапките на своите родители, односно да ја избере музиката за своја професионална животна определба. Таа дипломираше џез тапани, работи и како диџеј, свири како перкусионист во „Перија“, а голема љубов и е јогата и медитацијата. фото: Facebook/ Dea Plevneš / Silvy Band / Силви Бенд / Instagram printscreen / deaplevnesh

Светот на Мими и Филип Нуне се смени од корен, а виновникот е мал, но толку голем (фото)

Слободанка Илиева — Fri, 24 Nov 2023 08:00:29 +0000

Ако до пред седум месеци за музичко брачната двојка Мими и Филип Нуне, се’ се вртеше околу меѓусебната љубов која од врска премина во брак, сега нештата сосема се сменија. Виновникот за тоа е мал, а всушност толку голем во нивните срце – наследникот Никола кој на свет дојде пред седум месеци. Уште откако се роди во една приватна клиника во Скопје, гордите родители не сакаа да бидат од оние што не преферираат да го покажуваат бебето, туку напротив, тато Филип го покажа уште по самото раѓање. Држејќи го во прегратка, со љубов во очите која ќе ја има за навек, Филип имаше потреба тоа да го видат и знаат сите преку неговата објава на социјалните мрежи. По истите правила се водат и по неколку месеци, па така, Нуневци редовно пред очите на јавноста покажуваат како расте нивниот Никола. Мама на прошетка со бебето во парк, фотографии после бањање и уште некои такви слични кои редовно им прават мерак на сите родители, па разбирливо и нив. Познатите мама и тато направија фотосесија уште дедека Мими беше бремена, а со истото продолжуваат и сега. Дека цветаат од убаво им е евидентно, новите видици се други и поинакви, а кога љубовта ќе се мултиплицира тоа изгледа баш така. Оттука, оправдано повеќе го гледаме бебето отколку новителите на музички палн кои не значи дека стагнираат, туку приоритетот во секој поглед го има друг. фото: Instagram printskreen / filip_nune / mimijovanovskaa

Мина Наумовиќ покажа како го поминува времето со Огњен – еве што прави водителот кога мисли дека никој не гледа (фото)

Слаѓана Атанасова — Fri, 17 Nov 2023 12:37:05 +0000

Водителот Огњен Амиџиќ и неговата колешка Мина Наумовиќ чекаат дете, а откако таа ја напушти работата и замина на боледување поради бременоста, често ги известува своите следбеници на Инстаграм како ги поминува деновите. Веста за нивната љубов одекна како бомба, а Мина се сокри од јавноста кога откри дека е во блажена состојба, за мирно да ужива во бременоста. Таа најпрво се сликала во автомобилот и покажала како изгледа трудна, а потоа следело изненадување. Огњен како бебе го носел својот миленик, а судејќи по фотографиите водителот веќе почнала да вежба за доаѓање на другото бебе. - Стигнав дома и го најдов ова - напишала Мина и додала емотикон на смајли што плаче од смеење. Фото: Принтскрин/Инстгарам/callmenaumi

По тешките животни искушенија и борби со болеста, Јордан Митев има убави вести: „Конечно да не огрее соннце“ (фото)

Слободанка Илиева — Mon, 31 Jul 2023 07:35:22 +0000

Популарниот фолк пејач Јордан Митев секогаш отворено зборува пред јавноста за она што му се случува на приватен план. Па така, ако пред две годинини не сокри за лошите искушенија кои му ги донесе животот како опасниот канцер, операцијата и дијајнозата за автоимуно заболување, денес нема зошто да го крие она убавото. Велат дека по дождот доаѓа сонце, па за Митев и неговото семејство со Бога напред, доаѓаат многу такви сончеви денови. Имено, по шест години брак, Јордан и неговата сопруга Славица ќе станат родители за првпат. Саканата на пејачот е во блажена состојба, а Јордан пресреќен откри дека е време за убави нешта.

View this post on Instagram

A post shared by Jordan Mitev (@jordanmitevofficial)

-После многу турбуленции и многу други приватни работи конечно очекуваме да не огрее сонце кое ќе донесе радост. Така да наскоро ќе бидам татко, тоа е убава вест“, вели Митев во интервју за Гламур. Со оптимистична мисла и посветеност на себе, Јордан Митев со помош на лекарите сега е задоволен од сопственото здравје, а со помислата дека наследник или наследничка се на пат, регенерацијата е неминовна. За потсетување, Јордан и Славица која е родена во Австралија се венчаа по врска која траеше нешто повеќе од една година, а големата свадба се случи во Македонија со сите обичаи кои ги носи нашата традиција. Нека е со лесно! фото:Инстаграм принскрин/Јордан Митев