принцеза – Вистина.мк

Македонско -хрватски свадбен микс: Пејачот Давид Темелков ја ожени Хрватката Елена, таа беше невеста како принцеза, а тој младоженец со необичен детаљ (фото)

Слободанка Илиева — Mon, 12 Jun 2023 07:15:53 +0000

Поранешниот македонски Икс- Фактор учесник, пејачот Давид Темелков, како што најави, така и направи. На голема свадба со преку 250 гости тој ја славеше својата венчавка со хрватската водителка Елена Јунг која се случи викендов. Најпрвин си го дадоа заветот пред Бога во црквата Св.Богородица во Скопје, за потоа забавата да продолжи во еден скопски ресторан каде се помеша македонско –хрватската свадбена традиција. По желба на невестата свадбата се случи во Македонија, па околу 80-тина сватови и гости од Хрватска дојдоа во чест на младите, да им посакаат среќен брак и да наздрават во име на љубовта. Желба на младоженецот пак, беше на свадбената веселба да пее Анета „Молика“, што и се случи. Давид понесен од еуфоријата не го пуштил микрофонот од рацете, а споените вокали со Анета, биле празник за уши. Невестата на себе имаше венчаница во принцеза крој со волуменозна кринолина, младоженецот елегантен во црн костим и со еден необичен детаљ, цветно венче какво носеше и невестата. Се виореа македонското и хрватското знаме, а Елена и Давид успеаја преку својата љубов да ги спојат обичаите. Инстаграм профилот од делот за „стори“ беше густо набиен кај младоженецот кој објави цела галерија фотографии од највпечатлите моменти. За потсетување, во 2021 година Давид јавно на еден настап во Градишка ја запроси Елена Јунг, која кажа – ДА. фото:Инстаграм принтскрин/Давид Темелков

Кејт Мидлтон признала која одлука на кралското семејство ѝ била главоболка

Слободанка Илиева — Mon, 10 Oct 2022 10:22:55 +0000

Откако пред неколку денови го посетила породилното одделение и мајките кои во него лежеле, принцезата го споделила своето трауматично искуство. Популарната принцеза од Велс, Кејт Мидлтон, одлучила да биде искрена со жените кои ги посетила во една болница и првпат по 11 години да се пожали на некои работи кои како член на кралското семејство морала да ги трпи. При таа прилика Кејт открила дека таа и принцот Вилијам биле под голем стрес поради изборот на имиња за нивните двајца синови Џорџ и Луис и ќерката Шарлот.

View this post on Instagram

A post shared by Kate Middleton (@_kate_middleton_royal)

Таа објаснила дека стресот и грижата со ноќи не ѝ дозволувале да спие. „Разговараше со жените во болницата за тоа колку е тешко да ги именуваш децата и каква одговорност тоа носи. Многу од младите родители се обидуваат да ги најдат најдобрите имиња за своето дете, но не им е секогаш лесно, а Кејт со нив во тоа можела да се спореди“, изјавил доктор Стабс. „Рече дека Вилијам и таа едноставно не можеле на децата да им дадат имиња кои само така им се допаѓаат (без никакво значење) затоа што цел свет чекал да видат што ќе изберат, а тоа создавало голем притисок на нив“, додал докторот.

View this post on Instagram

A post shared by Kate Middleton (@_kate_middleton_royal)

Новата принцеза од Велс многу се разнежнила кога ги видела бебињата, па не одолеала ниту неколку од нив да ги земе во своите раце. Се присетила на периодот кога нејзините деца биле бебиња и многу била емотивна. Низ хуманитарната работа таа им помага на децата и загрозените семејства, а позната е и по тоа што се залага за што подобар третман на бремените жени и „новопечените“ мајки. За оваа прилика Кејт носела прекрасен, жолт фустан, а ова е првпат да се појави во јавноста без црна облека по погребот на кралицата Елизабета Втора. фото:Instagram printskrin

Водител што плива на суво и харфистка под кошот: Димитар е татко – цар, а Сара – мајка со баскет! (ФОТО)

Антонио Димитриевски — Mon, 19 Jul 2021 08:36:35 +0000

Викенд... Сабота и недела, за едни ден за одмор, за други време за журка и забава, за трети викендите се идеални за минати мигови на заедничка семејна среќа, во која има се: одмор и релаксација, забава и занимација, смешки и насмевки... Особено ако си среќно и хармонично семејство, а покрај тоа и познато како што се тие: ТВ водителот и маркетинг експерт Димитар Атанасовски и македонската харфистка и поп-пејачка, Сара Мејс, заедно со нивната слатка ќеркичка Илина, се разбира! Ќерките отсекогаш биле слабост на татковците или барем така велат, па така и во овој случај водителот беше главниот забавувач дома. Временските услови иако среде лето викендов повеќе наликуваа на есенски, па забавата во домот беше неизбежна. А кога си приморан да бидеш дома, како поинаку ќе си го направиш викендот интересен и себе си и на твоите најмили, ако не се обидеш да испаднеш - цар! Арно ама за да бидеш цар, понекогаш треба повеќе да наликуваш или да се однесуваш како дворски шут! За да и бидеш интересен, занимлив и допадлив на „малата принцеза“ која ако и здодевно, не сака да прави ништо, па дури ни да јаде! Затоа Димитар најде начин како да ја забавува додека неговата слатка мала убавица обедува. Не со еден, туку со два пара очила за пливање на глава и измислена приказна за волкот или лисицата ќе беше и малото зајаче... и малото раче со полна вилушка шпагети в уста. И после оди кажи дека Димитар не е татко -цар! Арно ама, какво и да е времето дома здосадува, па малата Илина посака да се прошета. На местото на царот овој пат - „царицата“, која штом излезе од домот харфата и микрофонот ги замени со баскет под кошот. Имено малата принцеза овој пат наместо уметнички, покажа спортски афинитети, па наместо музика и песна, кошаркарската топка и беше поинтересна. За љубов на својата ќерка, најголема на свет, харфистката под кошот, овој пат беше мајка со баскет! И додека Илина го полнеше кошот, на „таткото - цар“ Димитар му остана само да снима и фотографира, пред одново да заврне уште некој литар... летен дожд! Фото: Инстаграм принтскрин/dimitaratanasovski_

Починатиот Сања Илиќ го напиша еден од најголемите ЈУ хитови, кој доживеа невидена неправда: На неговата „Принцеза“ некој однапред и кажа „Чао аморе“

Антонио Димитриевски — Mon, 08 Mar 2021 13:26:38 +0000

Српскиот музичар, фронтмен на групата „Балканика“, композитор и архитект, Александар Сања Илиќ, почина вчера, недела. 7 март 2021 год. од последиците од коронавирусот на 70-годишна возраст. Сања зад себе остави широк опус на композиции што ги создаде, но малкумина знаат дека тој учествувал во компонирањето на песната, која важи за еден од најголемите југословенски хитови, а ја пеат Слаѓана Милошевиќ и Дадо Топиќ, несудената евровизиска балада „некаде надвор од планетатата“ или попозната како - „Принцеза“. Имено, во 1984 година оваа песна речиси ќе ја претставуваше Југославија на Евровизија, но поради т.н. „Југословенски клуч“, не го освои првото место на „Југовизија“, иако песната стана еден од најголемите хитови на тогашна Југославија. Музиката ја компонираше Сања Илиќ, текстот го напиша Дадо Топиќ, аранжманот го направи Слободан Марковиќ, а ги отпеа придружните вокални линии и вокален продуцент на композицијата беше Слаѓана Милошевиќ. „Тогаш проработе таканаречената естрадно-политичка југословенска кујна. Сите центри гледаа кој има најдобра песна и потоа му ги ништеа бодовите. Победничката песна во тоа време не беше од Подгорица, туку од Загреб. Во тоа време Загреб и Подгорица му „симнуваа“ поени на Белград, па „Принцеза“ не беше ниту прва ниту втора, туку некаде шеста, а на Евровизија отидоа Владо Калембер и Изолда Баруџија со песната Чао аморе“ - раскажа своевремено, сега веќе покојниот Илиќ. Неколку недели по завршувањето на натпреварот, ПГП РТБ го издаде макси синглот „Принцеза“, кој беше најпродаван во Југославија таа година, а песната стана хит на годината. Оваа композиција најчесто беше избирана за најдобра балада на сите времиња на овие простори. Квалитетот на песната беше препознаен и од другите култури, така што „Принцеза“ има свои верзии на повеќе јазици, во повеќе земји низ светот. https://www.youtube.com/watch?v=-aSLpIV5uRM&t=169s

Шеф Никола од „Брза кујна“ пред неколку дена стана татко, а сега откриено како ќе се вика малата принцеза

Христина Ѓоргиевска — Thu, 26 Sep 2019 06:55:19 +0000

Шеф Никола од кулинарската емисија „Брза кујна“ и неговата сопруга Стефанија викендов станаа родители на нивната принцеза. Овие убави вести на својот „Фејсбук“ профил ги објави Никола, а оттаму се нижеа честитки и убави желби за новиот член на семејството. Досега името на ќеркичката не беше познато. Меѓутоа, нивен пријател на социјалните мрежи намерно или случајно откри како ќе се вика принцезата на шеф Никола. „Не е жива и здрава Дарија да расте со мама Стефанија, тато Никола и бато Дарин“ напиша нивниот пријател. Под објавата се нижеа честитки за малата Дарија и сите им посакаа на новопечените родители нивната ќерка да расте жива и здрава. Инаку, Никола и неговата сакана се венчаа на почетокот на месец јули, односно направија модерна свадбена забава на која беа присутни мал број на гости. За потсетување, ова е второ дете на Никола, од првиот брак го има синот Дарин.

Срцепарателно: Аца Лукас најмногу ја сака неа, неговата мала принцеза на која вака и честиташе роденден (ФОТО)

Антонио Димитриевски — Tue, 27 Aug 2019 10:33:56 +0000

Српскиот пејач Аца Лукас покрај бројните ангажмани летово, најде малку време да помине со својата нобва девојка на скап одмор од пет дена за кој потроши 15.000 евра.

Познато е дека Лукас е слаб на жени, ама уште послаб на своите деца, особено ако е женско и уште одозгора ако му е роденден, како што и беше на неговата мала принцеза! Аца најде време да биде на нејзиниот роденден, па покрај подарокот сподели фотографија и до неа роденденска честитка со зборови кои ги будат емоциите, растреперуваат душата, разигруваат срцето... неговите зборови до малата принцеза едноставно ги пуштаат чувстата на најјако!

„Мило мое, денес за прв пат ти направи му на тато една услуга! Биди насмеана и среќна цел ден и ниту една секунда немој да си тажна. Тогаш и твојот татко ќе биде најсреќниот татко на светот. Љубов моја, тука сум близу и те гледам и чувам токму онака како што ти бараш од мене пред да заспиеш. Мило мое, јас сум тука и денес уживај те молам.Среќен роденден животе мој! Те сакам! Знаеш колку? До небото и до сто милиони неба и назад, душо моја. Тато! - напишал Лукас во срцепарателниот родендески пост за свјата мала ќеркичка.

Поранешната девојка на принцот Хари не сакала да стане принцеза, а сега е позната и причината

Слободанка Илиева — Tue, 27 Aug 2019 10:20:12 +0000

Кресида Бонас, британска актерка и модел и поранешна девојка на принцот Хари, се мажи за маркизот Хари Вентворт-Стенли. Британскиот „Дејли мејл“ објави денес статија во која новинар објаснува дека убавата русокоса меѓу двајца Хари го избрала подобриот. Хари Вентворт е исто така со благородно потекло и е бесрамно богат, пишуваат Англичаните. Кресида беше во врска со принцот Хари од 2012 до 2014 година. Тие, наводно, се карале кога принцот одбил да го плати нејзиниот авион билет за таа да го придружува на една венчавка, но како што тврдат пријателите на Кресида, таа брзо сфатила дека не сака да биде мажена со принц.

"Многу и пречеше вниманието што го имаа и фактот дека јавноста ја познаваше само како девојка на принцот Хари. Таа не сакаше да стане принцеза и не сакаше да и стави крај на кариерата. Сакаше слава, но своја, а не на принцот", велат нејзините пријатели.

Меган Маркл се повлече од актерството поради принцот, откако се свршија во 2017 година. фото:ЕПА

Сопругата на Новак Ѓоковиќ објави селфи со принцезата Беатрис, внука на кралицата Елизабета

Христина Ѓоргиевска — Thu, 08 Nov 2018 09:52:32 +0000

Јелена Ѓоковиќ сопругата на Новак Ѓоковиќ замина во Лисабон на самит. Од таму често објавува фотографии, а сега покажа во какво друштво е сопругата на тенисерот. Јелена на Инстаграм и Твитер објави фотогорафија на која е со принцезата Беатрис од Јорка, член на кралското семејство и внука на кралицата Елизабета.

„Одлична трибина и одлична прилика да разговарме за важна тема со овие моќни дами“, напиша Јелена во описот на фотографијата.

Внуката на принцезата Дијана гламурозна на изложба на „Булгари“ во Москва (фото)

Горан Силјановски — Wed, 12 Sep 2018 11:32:26 +0000

Откако привлече големо внимание на кралската свадба на принцот Хари и Меган Маркл, Кити Спенсер стана заштитно лице на брендот Булгари. 27-годишната внука на принцезата Дијана деновиве престојува во Москва, каде се одржува изложба на најпознатите парчиња накит на познатиот италијански бренд. Кити присуствуваше на редица настани организирани од Bulgari додека трае изложбата „Tribute to Femininity“ во Државниот историски музеј. Спенсер е редовна гостинка на настаните организирани од Bulgari.

(ФОТО) Ни Меган, ни Кејт: Шведската принцеза го одзема здивот со својата убавина и грациозност

Слободанка Илиева — Thu, 28 Jun 2018 09:41:46 +0000

За разлика од дамите на британскиот кралски двор, шведската принцеза негува помалку претенциозен стил, а секогаш успева да ја истакне својата елеганција и грациозност. 33 годишната принцеза Софија ја сметаат за една од најдобро облечените членови од кралското семејство во Европа.

Атрактивната Швеѓанка, е сопруга на принцот Карл Филип, има едно детенце и може да се пофали со складна линија, која во минатото се занимава со моделство.