принц вилијам – Вистина.мк

Начинот на кој Кејт и Вилијам го воспитуваат остава без зборови: Принцот Џорџ ја прекинува традицијата на кралското семејство стара повеќе од сто години

Слаѓана Атанасова — Fri, 21 Jul 2023 08:01:15 +0000

Кејт Мидлтон и принцот Вилијам постојано истакнуваа дека сакаат нивните деца да растат како своите врсници. Со новата одлука повторно покажуваат дека сакаат нивните деца да имаат што е можно по нормално детство. Имено, нивниот најстар син, принцот Џорџ, оваа сабота го слави својот десетти роденден. Во британското кралско семејство во тие години има и некои службени обврски кои треба да ги извршува секој член на семејството. На пример, на десетгодишна возраст, децата на кралското семејство мора да прифатат обврски во воениот рок, а со текот на времето и да служат воен рок. Воениот рок за членовите на семејството порано беше задолжителен, но не и за Џорџ На Џорџ, кој е втор во редот за тронот, ќе му биде дозволено да ја избегне традицијата која трае повеќе од сто години. Неговиот татко, чичко, дедо, прабаба и прадедо служеле војска, но тој не мора да ја продолжи таа традиција, пишува Дејли Мејл. -Традицијата на приклучување на кралското семејство во вооружените сили, дури и на кратки периоди, дава клучен легитимитет на монархијата, вели историчарот Доминик Сендбрук. Тој додава дека „теоретски, ништо не го спречува Џорџ да продолжи со кариера како астронаут, на пример, ако тоа е она што тој го сака, а потоа подоцна да стане крал“. -Правилата се поинакви сега и тој не мора нужно да ја следи формулата да оди во војска, вели Сендбрук. Кејт и Вилијам се решени да им овозможат на своите деца Шарлот, Џорџ и Луис што е можно понормално детство, кое вклучува слобода да ги следат своите интереси. Инаку, принцот Вилијам беше во вооружените сили повеќе од седум години, а Хари дури служеше во Авганистан во воената зона.

Овие правила Кејт Мидлтон мора да ги почитува: Не смее јавно да го прегрне Вилијам, а оваа риба и е забранета до крајот на животот (фото)

Слаѓана Атанасова — Thu, 27 Apr 2023 10:08:03 +0000

Војвотката од Кембриџ Кејт Мидлтон мора да ги следи правилата кои покажуваат дека нејзиниот живот не е секогаш гламурозен, а откако се омажи за принцот Вилијам мораше да се прилагоди на начинот на живот и правилата за живеење во дворот на кралицата Елизабета Втора. Тие правила ги поставила покојната кралица, а некои од нив никогаш не се промениле, како на пример она дека нема право да заработува за леб или да го прегрнува својот сопруг јавно, пренесува Bleacher Breaker. Принцезата никогаш не смее да дава автограми, односно може да потпишува само официјални документи кои претходно биле одобрени од кралицата, а причината за ова правило лежи во стравот дека некој би можел да фалсификува документи на име на член на кралското семејство. . Кејт не смее ниту да профитира од која било работа, па може само да ги објавува своите фотографии, а не да ги продава. Едно од правилата се однесува на бојата на лакот, кој мора да биде природен или бледо розев. А и е забрането и да јаде школки или остриги, правило воведено поради здравствените проблеми што ги претставува оваа храна доколку не се чува правилно. Кога била млада, Кејт носела посмела облека, додека денес носи претежно елегантна облека која не покажува многу делови од телото, а кога се боите во прашање, црната може да се носи само за време на жалост и повремено за ноќни настани. Едно од најнеобичните правила е забраната за играње на друштвената игра Монопол бидејќи, сметаат тие, може да предизвика раздор во семејството. Фото: Принтскрин/Профимедиа

Едита на столбот на срамот – тепачката со сестра си ја спореди со физичката пресметка меѓу принцот Вилијам и Хари (фото)

Слаѓана Атанасова — Tue, 31 Jan 2023 11:49:49 +0000

Сестрите Едита и Инди Арадиновиќ имаа жестока пресметка, а видеото од тепачката се рашири во јавноста. Имено, тие двете се туркале, влечеле и удирале, додека непознатото младо момче ги разделило, а потоа нивната мајка успеала да ја смири целата ситуација кога едната ќерка ја испратила во куќата, а другата во автомобилот, додека да се смират. По инцидентот, двете сестри проговорија и се обидоа да го релативизираат насилството што се случи, велејќи дека тоа се случува во многу семејства, а дека и нивното не се разликува. Исто така, Едита изјавила дека никој немаше да внимава на тепачката што ја имала со нејзината сестра доколку не се јавни личности, свесно или несвесно игнорирајќи го фактот дека насилството е пред се неприфатлива категорија. Врвот на оправдувањето на Едита Арадиновиќ се случи кога таа вклучи клип од весник за физичката пресметка на принцот Вилијам со неговиот брат принцот Хари, заедно со нејзиното „излагање“ за инцидентот, затоа што претпоставувам ако и принцовите се тепаат еден со друг поради несогласувања, во ред е и таа да се степа со сестра и. Овој нејзин потег го привлече вниманието на корисниците на социјалните мрежи, кои шокирано ја коментираа пејачката. „Инди е Вилијам, Едита е Хари бунтовникот, а Гаги Ѓогани е принцот Филип“. „Вилијам го турна Хари и тоа беше тоа во четирите ѕида. Иако се сомневам дека инцидентот воопшто се случил“. „Вилијам ми изгледа како некој кој само би рекол „ох, боже“ и ќе ја напушти собата“ – пишуваа луѓето на Инстаграм. Фото: Принтскрин/Милан Илиќ/Зоран Илиќ/ Рингиер

Принцот Вилијам на свадба кај неговата прва девојка, заедно со поранешното момче на неговата сопруга Кејт Мидлтон (фото)

Слаѓана Атанасова — Tue, 20 Dec 2022 09:57:03 +0000

Принцот Вилијам присуствуваше на свадбата во Глостершир на пријателката од детството Роуз Фаркухар, за која се верува дека е неговата прва девојка. Роуз Фаркухар се омажи за својот партнер Џорџ Гемел во Св. Марија Богородица во Тетбери, Глостершир, а на настанот присуствуваа и Наташа Руфус Ајзакс и нејзиниот сопруг Руперт Финч, поранешното момче на Кејт Мидлтон. - Тоа беше магична зимска венчавка на снег. Невестата и младоженецот прошетале низ тунел формиран од гости со прскалки во воздухот, пред да заминат со нивниот винтиџ Ленд Ровер - откри инсајдер за „People “. Врската помеѓу Вилијам и Роуз, која е негова пријателка од детството, е опишана како „невина и нежна романса“, а таа важи за првата сериозна девојка на принцот. Фаркухар беше гостин и на свадбата на принцот Вилијам и Кејт Мидлтон во 2011 година. Фото: Принтскрин/Профимедиа

И принцот Вилијам се вакцинираше против коронавирус

Христина Ѓоргиевска — Thu, 20 May 2021 10:52:19 +0000

Принцот Вилијам кој претходната година прележа Ковид 19, сега ја прими првата доза против коронавирусот. Внукот на кралицата Елизабета на Твитер објави фотографија кога ја примил вакцината во Лондонскиот музеј за наука, пренесува Ројтерс. „Во вторник ја примив првата вакцина против Ковид 19. Многу сум благодарен на сите кои работат на вакцинирањето и продолжете да работите“, изјави Вилијам.

Proud of Prince William but can we… talk about his toned arm?🙈 👀👀👀 pic.twitter.com/OvDvgvyECA
— Isa (@isaguor) May 20, 2021

Принцот се разболе од Ковид 19 во април претходна година, но веста беше криена од јавноста се до ноември. И останатите членови на кралското семејство исто така објавија дека примиле вакцина, а меѓу нив принцот Чарлс и кралицата Елизабета.

„Внимавај што зборуваш, се снима“: Принцот Вилијам и Кејт Мидлтон станаа „јутубери“

Христина Ѓоргиевска — Thu, 06 May 2021 10:21:05 +0000

Принцот Вилијам и неговата сопруга Кејт Мидлтон покренаа свој „Јутуб канал“ и кренаа прашина во јавноста. Во воведното видео насловено како „Добредојовте на нашиот официјален Јутуб канал“ се прикажани кратки инсерти од она што ќе може да го гледате во следните објави. „Биди внимателна што зборуваш, се снима“, вели принцот Вилијам на Кејт на почетокот на видеото. Имено, кралксиот пар ќе се потруди на јавноста да ги прикаже добрите, но и лошите страни на животот на членовите на кралското семејство. За неколку часа видеото добри над 300 000 прегледи. https://youtu.be/Ie3w5uvj-Eo

Принцот Вилијам прогласен за најсекси ќелав маж во светот (фото)

Христина Ѓоргиевска — Mon, 29 Mar 2021 09:39:10 +0000

Принцот Вилијам, војводата од Кембриџ доби титула за најсексипилен маж на светот. Ова истражување го направи „The Sun“, а додека многумина се согласуваат други тврдат дека има многу подобри кандидати од него. Спомнатиот таблоид ги анализирал пребарувањата и весниците на „Гугл“ и тоа оние кои во себе го содржат зборот „секси“. Така е откриено дека покрај името на принцот Вилијам зборот секси се појавува 17,6 милиони пати. Негова конкуренција биле Мајк Тајсон, Џејсон Статам, Питбул, Мајкл Џордан, Џон Траволта, Брус Вилис и секако Двејн Џонсон и Вин Дизел. „Тој не е ни најсексипилен маж во своето семејство“ гласеше коментар на еден незадоволен корисник.

Хари првпат по интервјуто се слушнал со неговиот брат и татко: „Се слушнаа, но не беше најдобро“

Христина Ѓоргиевска — Wed, 17 Mar 2021 09:30:29 +0000

Откако претходната недела беше емитувано интервјуто на Меган Маркл и Хари кај Опра Винфри, војводата од Сасекс овој викенд разговарал со неговиот татко, принцот Чарл и братот Вилијам. „Па, ги побарав да видам како се чувствуваат по се што се случи. Вистина е Хари разговарал со својот татко и брат. Ми рекоа дека разговорите не биле продуктивни, но дека им е драго што барем разговарале“, откри Гејл Кинг, водителката на „CBS News“ и пријателка на Меган Маркл. Кинг вели дека Сасекси сакаат „кралското семејство да интервинира и да им порача на новинарите да престанат со неправди, неточни и измислени приказни со кои ги уништуваат. „Од кралското семејство се уште никој не разговараше со Меган. Мислам дека ги фрустрира кога ќе видат дека во кралското семејство се зборува за раса, кога цело време се што сакаа е кралското семејство да интервенира и да им порача на новинарите да престанат со неправди“. „И се додека тоа не се препознае, мислам дека ќе биде тешко да се оди напред. Но, двајцата скааат да одат напред и да се подобрат односите во кралското семејство. На крајот, тоа е семејство на Хари“, вели Кинг.

Ова се условите кои треба да ги исполните доколку сакате да работите за Кејт Мидлтон и принцот Вилијам

Христина Ѓоргиевска — Wed, 27 Jan 2021 12:12:04 +0000

Кејт Мидлтон и принцот Вилијам неодамна објавија оглас дека бараат работник кој ќе им помогне во одржување на домот во палатата Кенсингтон. Понудата за работа е објавена на официјалниот профил на кралското домаќинство. Секако, постои и кодекс на однесување кој треба да го почитуваат оние кои ќе се пријават. Важно е да бидат подговтени за патувања бидејќи парот своето време го поминува во резиденцијата во Норфолк.

View this post on Instagram

A post shared by Duke and Duchess of Cambridge (@kensingtonroyal)

Но, постои и едно важно правило кое мора да го почитува вработениот. Според зборовите на извор близок на кралското семејство, во кралската палата нема толеранција за озборувањата, а во огласот пишува дека поединците треба да бидат одлични во одржување на дискретност. Кралската шефица за вработување вели дека постои суптилен предизвик преку кој ќе се одлучи кој кандидат ќе биде вработен. „Еден од тестовите кои сакам да ги правам за да видам дали кандидатот има око за детали е да ставам мртви муви или во каминот или на килимот. Кога ќе ја ставам мртвата мува го пуштам кандидатот во собата. Го воведувам полека за да му дадам прилика да види што има во собата. Го носам до каминот истакнувајќи дека имаме прекрасен убав камин. Во тој момент очекувам да ја види мртвата мува и да ја собере. Една од 10 личности ќе ја види и ќе ја собере. Таа личност е идеална за оваа работа“, вели таа. Британците мислат дека овој тест е бизарен и понижувачки.

Принцот Вилијам имал тешки симптоми на коронавирус: „Се борев со тешко дишење“

Христина Ѓоргиевска — Mon, 02 Nov 2020 09:52:42 +0000

Британските медиуми објавија дека принцот Вилијам бил заразен со ковид-19 уште во април, во истиот период со неговиот татко, принцот Чарлс. Сигурни извори од Кенсингтонската палата за лондонскиот дневен весник „Сан“ изјавија дека принцот Вилијам, вториот по ред наследници на британското кралско семејство по неговиот татко принцот Чарлс, не сака да открие дека е заразен за да не ја вознемирува јавноста во неговата земја. - Се случуваа важни работи и затоа не сакав да ја вознемирувам јавноста - наводно изјавил принцот Вилијам. За принцот Вилијам се грижел тим на лекари од кралското семејство, а тој беше изолиран во семејната куќа во Анамер Хил, Норфолк. - Тој имаше прилично тешка форма на ковида-19. Во еден момент се бореше со отежнато дишење и сите околу него беа многу загрижени. Откако ја посети болницата и беше позитивно тестиран, Вилијам сакаше да продолжи со својата работа како порано, па работеше цело време од изолација - изјави извор близок до кралското семејство.