принц хари – Вистина.мк

Скандал го потресе кралското семејство: Поранешна стриптизета има намера да објави провокативни фотографии од принцот Хари (фото)

Слаѓана Атанасова — Thu, 07 Mar 2024 12:39:10 +0000

Поранешната стриптизета Кери Ројал (52) се заканува дека ќе објави голи фотографии од принцот Хари, како и фотографија на која се бакнуваат. Таа тврди дека се создадени за време на забава во 2012 година во Лос Анџелес организирана од тогашниот дваесет и седумгодишен принц. Како што пренесува Дејли Мејл, таа сака да му се одмазди на принцот Хари бидејќи била навредувана и претставена на најлош можен начин во неговите мемоари. „Никогаш не сум ги објавила овие фотографии од почит кон него и неговото семејство. Сега не е важно, тој е тотален идиот. Има многу од таа ноќ што ја изостави во својата книга. Изненадена сум што дури и се сеќава на моето име затоа што беше прилично пијан. Заборави да каже што се случи меѓу нас двајца таа вечер, целосно го пропушти тоа“, рече Кери.

View this post on Instagram

A post shared by Carrie Royale (@carrieroyale)

Во 2012 година, тој организираше забава со стриптизерки во хотелот Wynn во Лос Анџелес. Набргу потоа британскиот таблоид „The Sun“ објави голи фотографии од принцот и жена како го гушка. Кери во вторникот им се обрати на медиумите и се закани дека ќе објави голи фотографии од Хари на веб-страницата OnlyFans. Таа истакна дека има многу такви материјали, и дека луѓето ќе бидат шокирани доколку фотографиите станат јавни. Фото: printskrin/instagram/princeharryofengland

Принцот Хари и Меган Маркл почнаа да чуваат кокошки па дури вдомија и туѓи (видео)

Слаѓана Атанасова — Mon, 15 Jan 2024 08:57:33 +0000

Принцот Хари и неговата сопруга Меган Маркл „посвоија“ една од кокошките на познатата водителка Елен Деџенерис. 65-годишната водителка се огласи на социјалните мрежи и откри дека војводата и војвотката од Сасекс ја посвоиле нејзината кокошка по име Синки, а причината за посвојувањето е многу пријатна.

View this post on Instagram

A post shared by Ellen DeGeneres (@ellendegeneres)

Синки стана популарна на Инстаграм кај Елен непосредно пред Божиќ. На 21 декември, Елен откри дека кокошката живее во нејзиниот кујнски мијалник (оттука и името) затоа што ја повредила ногата и била малтретирана од другите кокошки во кокошарникот. Елен потоа ги извести следбениците дека кутрата Синки ја скршила фибулата и ќе мора да помине неколку недели за да се опоравува во клиниката. Таа целосно закрепна, но се чини дека другите кокошки кај Елен не ја пречекаа со добредојде.

View this post on Instagram

A post shared by Ellen DeGeneres (@ellendegeneres)

„Нејзината нога се опорави но нашите кокошки сè уште ја напаѓаат. За среќа, кокошарникот на нашите пријатели Хари и Меган имаше простор за уште една. Сè уште не сум сигурна каква ќе биде нејзината кралска титула“, напишала Елен. Тогаш таа објави видео од Синки во нејзиниот нов дом. „Се чини дека Синки се сместува во нејзиниот нов дом“, напиша таа. Ова можеби стана и тренд меѓу познатите англичани, бидејќи и Викторија неодамна му подари кокошка на Бекам. Таа го изненади сопругот со ваков интересен подарок за Божиќ – Што да му земам на Дејвид за Божиќ? – изјави во спотот модната дизајнерка и поранешна пејачка. Следбениците им го честитаа Божиќ и претстојните празници, но истакнаа и дека видеото ќе стане вирално.

View this post on Instagram

A post shared by Victoria Beckham (@victoriabeckham)

Фото: printskrin/instagram/sussexroyal

Принцот Хари за минатото на својата сопруга и нејзината улога во „Suits“: „По експлицитните сцени на Меган ми требаше терапија“

Слободанка Илиева — Fri, 29 Sep 2023 09:03:03 +0000

Улогата на Меган Маркл во серијата „Suits“ повторно се коментира, откако серијата од пред неколку месеци е достапна и на „Netflix“. Голема бура предизвика нејзин поранешен колега, партнер од серијата, Патрик Адамс, којшто неодамна објави досега невидени фотографии од ова остварување. Станува збор за експлицитни фотографии. Тој се извинил што го направил тоа, а принцот Хари пред тоа ја коментирал оваа актерска задача на неговата сопруга. „Згрешив што го пребарував и ги гледав нејзините љубовни сцени на интернет. Особено меѓу неа и нејзиниот колега во канцеларија. Ми беше потребна терапија со електричен шок за да ги исфрлам тие слики од главата. Таквите работи не треба да ги гледам“, наведува во своите мемоари „Spare“ принцот Хари кои беа објавени на почетокот на годинава. Хари во споменатата книга навел дека британското кралско семејство се мешало во снимањето на таа серија, што Меган тешко го поднела затоа што „ја сакала таа серија“, односно го сакала ликот којшто го толкувала, колегите актери и целата постава – ја сакала Канада. Експлицитните сцени се дел од актерската професија и актерите за жал поради тоа се изложени дури и на критики и разни погрешни и површни коментари. А, објавување фотографии без дозвола на оној којшто е на нив е прилично навредливо и непристојно, што го признал и Патрик Адамс, а за неговото извинување пишува и „Daily Mail“. Меган Маркл глумела во серијата „Suits“ со години, а потоа се откажала од улогата, но и актерството поради врската со Хари. Токму сцените од таа ТВ приказна се користеле против неа кога се дознало за романсата на Меган и Хари, односно за нивната венчавка, со цел да се наруши нејзината репутација. фото: Profimedia

„Срцето ми е скршено и ужасно сум вознемирен“: Таткото на Меган Маркл проговори за неа, принцот Хари и нивните деца (фото)

Слаѓана Атанасова — Tue, 19 Sep 2023 11:50:42 +0000

Таткото на Меган Маркл, Томас Маркл, даде ново интервју во кое ја критикуваше својата ќерка што не го запознала со неговите внуци. Принцот Хари и Меган Маркл имаат две деца, четиригодишниот Арчи и двегодишната Лилибет, а Томас (79) никогаш не ги запознал. Вели дека последен пат ја видел својата ќерка пред пет години, кога лежел во болнички кревет. „Срцето ми е скршено и ужасно сум вознемирен. Сурово е да му се ускрати шансата на дедото да ги види своите внуци. Јас всушност можам да поднесам тужба против нив во Калифорнија, но не сакам да го направам тоа не е лош човек“, изјави тој за „Добро утро Британија“. „Јас сум љубен татко и нема оправдување за ваков третман. Меган живееше со мене како дете, не можев да замислам во каква жена ќе се претвори. Таа не е личноста што ја познавав како ќерка, “ изјави Томас Маркл. На прашањето дали мисли дека принцот Хари е виновен за промените во однесувањето на неговата ќерка, Маркл даде интересен одговор. „Таа има повеќе влијание врз Хари отколку тој врз неа. Ќе ја сакам засекогаш, но ја молам таа да ме контактира и да ми дозволи да ги видам децата. Луѓето поминуваат пет години во затвор, додека ние не сме се виделе. Не сум направил ништо лошо“, рече тој, а потоа се спореди со кралот Чарлс. „Ниту тој не направи ништо лошо и нема пристап до децата“, рече Томас. Фото: Принтскрин/Профимедиа

Во јавноста Меган и принцот Хари оставаат впечаток на совршен пар, но овој човек вели дека сѐ е представа (фото)

Слаѓана Атанасова — Fri, 15 Sep 2023 06:07:38 +0000

Меган Маркл и принцот Хари се во Дизелдорф на „Invictus Games“, традиционален натпревар за спортисти со посебни потреби. Синот на Дијана и Чарлс со години го поддржува овој настан, а по нивната венчавка му се придружи и сопругата. На приемот пред неколку дена, војвотката од Сасекс рече дека еден ден би сакала да ги однесе нивните деца Лилибет и Арчи на овој настан. Меган, ако ги исклучиме учесниците, деновиве во Германија е во преден план. Се коментира нејзината никогаш послаба фигура, стилот на облекување, но и односот со сопругот. Во јавноста Меган Маркл и принцот Хари оставаат впечаток на совршен пар, како што покажуваат сликите од Германија. Нивните интимни моменти се снимаат, на секој настан доаѓаат држејќи се за рака, шепотејќи, гушкајќи се, разменуваат допири, слатки насмевки и погледи. И сето тоа знаејќи дека ќе се снима. Судејќи според изјавата на Том Пауел кој ја напиша книгата „Одмазда: Меган и Хари и војната меѓу Виндзорите“, јавните појавувања на Меган Маркл и принцот Хари се само шоу за јавноста. Овој автор тврди дека Меган Маркл и принцот Хари намерно се појавиле на неодамнешниот настап на Бијонсе во Лос Анџелес за да снимат дека тој ја гушка и дека тоа е чиста медиумска манипулација. Ако направиме паралела со изгледот во Германија, заклучокот е јасен - се е направено со намера да им се покаже на другите дека се среќен пар. За тоа колку нивниот однос е (само) глума, а колку емоции, Пауел нема позитивен став. -Меган Маркл и принцот Хари изгледа сакаат да покажат колку се обединети по сите конфликти со неговото семејство во Велика Британија и дека среќата не им недостасува, вели тој, а времето ќе почаже дали неговите проценки се вистинити. Фото: Принтскрин/Профимедиа

Еве што прават принцот Хари и Меган Маркл кога мислат дека никој не ги гледа (видео)

Слаѓана Атанасова — Mon, 04 Sep 2023 11:37:51 +0000

Војводата и војвотката од Сасекс целосно се опуштија со мајката на Меган на концертот на Бијонсе. Нивниот нов документарен филм „Heart of Invictus“ можеби се мачи да допре до публиката, но врз основа на фотографиите и снимките направени неодамна на концертот на Бијонсе, Меган Маркл и принцот Хари се радуваат и го живеат животот. Кралската двојка во петокот направи пауза од градењето на својата медиумска империја и семејните обврски и се упати на настапот на Бијонсе во Лос Анџелес на нејзината актуелна турнеја „Ренесанса“. Преку објавите на платформата Х, порано позната како Твитер, посетителите на концертот првпат ја видоа славната двојка, која го следешенастапат од високо на стадионот. Тие беа придружувани од мајката на Меган, Дорија Рагланд, која, судејќи по видеото, ја погодиле песните и танцувала без двоумење, како и актерката Абигејл Спенсер, која е нивна блиска пријателка.

Meghan Markle and Prince Harry at the Renaissance World Tour night 1 in Inglewood! 🐝 pic.twitter.com/xHLhBDoJZL
— 🐝🪩 (@bluesbabysitter) September 2, 2023

Во својата објава на Инстаграм, Бијонсе ги замоли фановите да носат сребрена боја на нејзините претстојни настапи, во чест на нејзиниот астролошки знак - Девица. Сасексите, заедно со остатокот од општеството, го следеа овој кодекс на облекување. Меган носеше светкаво сребрено здолниште додека Хари се одлучи за сива јакна, а мама Дорија блесна во сребрена блуза. Сите биле многу среќни, па продолжиле да потпевнуваат по стиховите на Бијонсе.

View this post on Instagram

A post shared by Meghan & Harry (@dukeandduchessofsussexdaily)

Хари и Меган целосно се опуштија гушкајќи се еден со друг и пеејќи си реплики. Како што пренесува „Индипендент“, ова излегување било во чест на роденденот на Дорија, која го прославила својот 67. роденден. Фото: Принтскрин/Профимедиа

Голем пресврт во кралскиот двор: Главни актери се кралот Чарлс и принцот Хари, но за Меган Маркл нема место (фото)

Слаѓана Атанасова — Wed, 23 Aug 2023 08:09:52 +0000

Кралот Чарлс и принцот Хари би можеле да се сретнат на мировни преговори веќе следниот месец, но Меган Маркл не се очекува да биде таму, тврди кралски извор. Принцот Хари треба да лета за Калифорнија преку Лондон кога ќе завршат „Игрите на непобедливите“ во Германија. И кралот и војводата од Сасекс ќе бидат во Лондон, што значи дека би можеле да се сретнат со надеж дека ќе ги поправат семејните тензии. Извор од палатата изјавил дека кралот Чарлс ќе се врати од Балморал во средината на септември и се очекува да отпатува за Франција до 20 септември. „Кралот Чарлс треба да се врати во Лондон од Балморал во средината на септември, што се совпаѓа со крајот на патувањето на Хари во Дизелдорф. Кралот има презакажана официјална посета на Франција на 20 септември, па има неколку слободни денови во Лондон за да се сретне со својот син. Персоналот се обидува да ги прилагоди деталите“. Ако се сретнат, тоа ќе биде првпат да се видат по крунисувањето на Чарлс во мај. Сепак, тоа ќе биде прва средба лице в лице меѓу таткото и синот откако во јануари беа објавени контроверзните мемоари на Хари. Меган не се очекува да биде на овие разговори, но таа ќе биде на „Игрите на непобедливите“ со Хари. „Мирор“ стапи во контакт со Бакингемската палата и Сасекс за коментар. Војводата и војвотката од Сасекс треба да излезат на сцената за време на церемонијата на затворање на игрите во Дизелдорф, Германија, следниот месец. 38-годишниот Хари ќе го одржи својот проштален говор на церемонијата на затворање на настанот, што ќе се одржи во Меркур Шпил-арената на 16 септември. Фото: Принтскрин/ЕПА-ЕФЕ/Профимедиа

Филм од девет милиони евра: Принцот Хари најави интригантен трејлер за нов документарец на Нетфликс (видео)

Слаѓана Атанасова — Thu, 17 Aug 2023 08:07:06 +0000

Принцот Хари неодамна го најави својот нов документарен филм наречен „Heart of Invictus“, а сега беше објавен и првиот официјален трејлер. Филмот, кој ќе се прикажува на Нетфликс од 30 август, е производ на наводниот договор од 80 милиони фунти меѓу семејството на принцот Хари и стриминг гигантот, каде споменатиот гигант наводно платил три милиони фунти за филмските права на романот, кој во продукцијата ќе му помогне војводата од Сасекс, пишува DailyMail. Оваа продукција покажува како ветераните учат повторно да бидат дел од заедницата. Во трејлерот кој беше објавен, во првите кадри е принцот Хари кој зборува за игрите и борбата за враќање во заедницата.

The Prince Harry and Meghan Markle documentary HEART OF INVICTUS will arrive on Netflix globally on August 30th. pic.twitter.com/HwEnuEr7Ag
— What's on Netflix (@whatonnetflix) August 16, 2023

„Што и да носите е отскочна даска што ве издига на следното ниво“, вели војводата од Сасекс, додавајќи: „Игрите не се фокусираат на она што ја предизвикува повредата, туку на закрепнувањето во однос на тоа како да бидете дел повторно на заедницата“. Фото: Принтскрин/Профимедиа

Хари и Меган открија чија е вината за нивниот „неуспех“: Сè што се обидоа да направат не успеа, а еве како го оправдуваат тоа (фото)

Слаѓана Атанасова — Mon, 03 Jul 2023 11:50:01 +0000

Принцот Хари и Меган Маркл, наводно, веруваат дека надворешните фактори се одговорни за нивниот неуспешен обид да постигнат успех откако се откажаа од нивните должности како членови на кралското семејство, пишува Дејли мејл. – Се зборува дека мислат дека навистина немале среќа – рекол изворот. Тој додал дека двојката наводно верува дека Ковид-19, економските падови и лошото здравје, како и смртниот случај на кралицата Елизабета Втора, ги спречиле нивните обиди да градат кариера во приватниот сектор. Војводата и војвотката од Сасекс објавија дека ќе се повлечат од високите кралски должности во јануари 2020 година, само неколку месеци пред светот да влезе во карантин поради пандемијата. Тие потоа дадоа големо интервју кај Опра Винфри во март 2021 година, во кое искрено зборуваа за нивната несреќност со кралското семејство, вклучувајќи го и шокантното тврдење дека неименуван член ја доведувал во прашање бојата на кожата на принцот Арчи пред тој да се роди. Еден месец по заседавањето, војводата од Единбург почина на 99-годишна возраст. Во август 2022 година, Меган го лансираше подкастот „Архетипи“, но тој беше засенет од смртта на кралицата следниот месец. И покрај огромниот рејтинг на подкастот, „Spotify“ во јуни објави дека повеќе нема да работат заедно, заедно со војводата и војвотката. Изворот за странските медиуми тогаш изјави дека парот не продуцирал доволно содржина за да го оправда нивниот договор вреден 20 милиони долари. Извршниот директор на Spotify, Бил Сајмонс, наводно ги нарекол мрзливи. Еден од известувачите, кој е менаџер на меѓународните спортски содржини на Spotify, во својот подкаст рече дека двајцата се измамници. Сепак, Хари не планира да забави и покрај критиките. По неговата биографија „Spare“, се шпекулира дека сака да сними документарна серија во Африка за Нетфликс. Неговата сопруга би можела да му помогне доколку повторно го започне својот блог. Познатата платформа за стриминг неодамна објави дека тие го ценат нивното партнерство и дека ќе продолжат да работат и со Хари и Меган. Фото: Принтскрин/ Профимедиа

Принцот Хари се обиде да ја бакне Меган Маркл, а таа го одби пред 20.000 луѓе (видео)

Слаѓана Атанасова — Tue, 25 Apr 2023 10:49:44 +0000

Двојката била видена на кошаркарски натпревар, каде уживале на трибините. Ова беше нивно прво појавување во јавноста откако Меган одлучи да не присуствува на претстојното крунисување. Принцот Хари и неговата сопруга Меган Маркл се снимени на кошаркарски натпревар помеѓу Лејкерс и Мемфис Гризлис, а камерите се свртеа кон нив во прилично незгоден момент.

Prince Harry and Meghan Markle in LA!#NBACelebRow pic.twitter.com/F8pPin9CG8
— NBA (@NBA) April 25, 2023

Пред тоа публиката почнала да им аплаудира и да ги охрабрува да се бакнуваат, но Меган не сакала да го направи тоа. Ова беше и прво појавување на парот во јавноста откако Меган одлучи да не присуствува на крунисувањето на кралот Чарлс III. Фото: Принтскрин/ЕПА Имаџес