придобивки – Вистина.мк

Има бројни придобивки, но заради една веднаш ќе побарате бакнеж од партнерот

Слободанка Илиева — Mon, 04 Dec 2023 13:40:58 +0000

Добриот бакнеж е корисен за нашето здравје. Тој ни ги стресува колената, дланките ни се потат, срцето ни чука побрзо, а возбудата несомнено расте. И без разлика на тие слатки физички реакции – треба почесто да се бакнуваме, или за да го негуваме нашиот интимен живот, или емотивно да се поврземе со партнерот. Дали знаевте дека бакнувањето има своја научна дисциплина, наречена филематологија? Компаниите со апликации за запознавање направија опширно истражување и заклучија дека бакнувањето има уште повеќе придобивки отколку што претходно мислевме. Покрај тоа што создава чувство на удобност, ја подига самодовербата, придонесува за физичка и психолошка рамнотежа на телото, бакнежот ги зголемува одбрамбените механизми во нашето тело и ја подмладува кожата и мускулите на лицето. На пример, еден долг страстен бакнеж може да помогне во согорувањето на калориите, а бакнувањето согорува дури 26 калории во минута. Сепак, можеби најголемата моќ на бакнежот е фактот што ги брише брчките од нашето лице. Луѓето кои почесто се бакнувале во текот на животот можеле да имаат многу помалку брчки на лицето на старост од оние кои не практикувале страсни бакнежи. При бакнувањето се активираат 30 мускули кои ги одржуваат образите цврсти и затегнати. Според тоа, бакнувањето е одличен тренинг за мускулите на лицето, исто толку ефикасен како, на пример, јогата за лице, која денес многу експерти ја нагласуваат како најдобар начин за спречување на брчките. Експертот Ева Фрејзер ги инспирираше луѓето ширум светот да си ја вратат самодовербата со вежбите за лице и нејзината животна филозофија. Таа смета дека мускулите на лицето, како и секој друг мускул во телото, треба постојано да работат доколку не сакаме да се опуштат. Фрејзер истакнува дека никогаш не е доцна, па секој треба да ја фати својата поубава половина и да се почести со сочен, жежок бакнеж кој ќе ги разгори страстите и истовремено ќе го зачува младешкиот изглед. извор:попара.мк

Ова се здравствените придобивки од медот- што ќе постигнете ако земате по една кафена лажичка секој ден?

Слаѓана Атанасова — Fri, 27 Oct 2023 12:18:14 +0000

Повеќето луѓе се запознаени со здравствените придобивки од медот, секое домаќинство има барем една тегла, но што ќе постигнете ако ги следите упатствата на нашите постари и навистина земате по една кафена лажичка секој ден? Како што се повеќе луѓе го исфрлаат белиот шеќер од нивната исхрана, популарноста на медот почна да расте. Нутриционистите советуваат да го додадете во овесната каша, но и во други здрави специјалитети. Тој е идеална алтернатива на шеќерот, а е сосема природен. А доколку сè уште не сте решени во толкава мера да го вклучите во вашата исхрана, тогаш дефинитивно треба да размислувате за една кафена лажичка мед секој ден, оваа едноставна рутина има бројни предности за нашиот организам. Пред се, редовното консумирање мед го зајакнува вашиот имунолошки систем, но тоа е само едно од многуте корисни ефекти на оваа храна. Еве како инаку медот може да влијае на нашето здравје: – ја подобрува циркулацијата – ја зајакнува силата на срцето и го подобрува срцевиот ритам – го подобрува варењето – ја подобрува регенерацијата на ткивата -поддржува реставрација на крвните елементи – има антибактериско дејство – го подобрува отстранувањето на токсичните материи од телото – делува против стрес Сигурно сте слушнале за познатиот мит за тоа како медот треба да се јаде само со дрвени лажици. Меѓутоа, ако го игнорираме естетскиот момент, оваа претпоставка не е професионално заснована. Извор: Курир

Дали знаете кога е најдобро време за кафе? Омилениот пијалок е најефективен во овој период од денот – потврдија и научниците!

Слаѓана Атанасова — Fri, 06 Oct 2023 10:51:15 +0000

На многумина денот им почнува со кафе, без разлика дали се пие дома или на пат до канцеларија или на факултет. Меѓутоа, истражувачите велат дека ова не е најефективно време за пиење на првото кафе. Хронофармакологијата е научна дисциплина што се занимава со испитување на лекови и додатоци за нашиот организам и најдоброто време за нивно консумирање. Очигледно биолошкиот часовник влијае врз дејството на одредени лекови, па соодветно и врз пиењето кафе. Така, за будењето веќе се погрижил вашиот биолошки часовник, па со самото тоа утринското пиење кафе станува помалку ефективно, пишува „Новости“. Доколку сте се навикнале да пиете кафе наутро и не сакате да се одвикнете од оваа навика, најдобро е да го поместите времето на пиење за два часа. Така, доколку се будите во 8 часот, најдобро е да пиете кафе во 10 часот, кога нивото на кортизол паѓа и стануваме поспани, па кафето би било најефикасно. Извор: Попара.мк

Има бројни придобивки: Користете го кокосовото масло на различни начини за нега на телото

Слободанка Илиева — Tue, 16 May 2023 11:49:08 +0000

Кокосовото масло спаѓа во групата на здрави масти и може да се употребува и во исхраната и во козметички цели. Лауринската киселина која е составен дел на ова масло е главниот “виновник” за придобиивките кои му се препишуваат. Всушност, кокосовото масло е сотавено од 50% лауринска киселина. Оваа киселина е составен дел на мајчиното млеко, така што јасно е зошто кокосовото масло е толку ценето во денешно време. Лауринската киселина е носител на антивирусните, антибактериските и антигабичните својства кои ги поседува. Во продолжение 5 начини како да го користите кокосовото масло за здравје и убавина: 1) Задолжителна намирница во секојденвната исхрана Придобиките од секојдневното козумирање по една мала лажичка кокосово масло се огромни. Ова масло ја зголемува одбрамбената способност на организмот, го зголемува нивото на HDL холестеролот, има неверојатна моќ врз функционирањето на тироидната жлезда, а исто така помага во подобро функционирање на целокупниот кардиоваскуларен систем. Кокосовото масло многу лесно се апсорбира и содржи помалку калории од другите билни масла. Посебно е ценето поради тоа што дава чувство на ситост и го забрзува метаболизмот. Како да го употребувате? Кокосовото масло може да го користите како замена за путер во подготовка на разни слатки и колачи. Може да го користите дури и во утринското кафе, во смути или овошна салата. Користете го како додаток на овесна каша така што кашата ќе добие поголема нутритивна вредност и подолго време ќе ве држи сити. 2) Природна паста за избелување на забите Во овој рецепт главни “играчи” се сода бикарабона и кокосово масло. Измешајте еднаква количина од двете состојки и по желба можете да додадете и некое етерично масло за подобар мирис. Четкајте ги забите со оваа смеса барем еднаш дневно. 3) Хранлив пилинг за тело и лице Измешајте еднаква количина на кокосово масло и шеќер. Масирајте го лицето и телото со овој пилинг. Резултатите се неверојатни, со пилингот ќе ги отстраните мртвите клетки и ќе ја нахраните кожата. Практикувајте го овој пилинг два пати неделно за максимални резултати. Уште по првиот третман ќе ја забележите разликата, кожата ќе ви биде свежа, мазна, мека и еластична. 4) Регенератор за коса Стопете 2 лажици кокосово масло и измешајте го со една лажица масло од рузмарин. Дури сместа е топла убаво нанесете ја по целата должина на косата. Завиткајте ја косата со топол пешкир и оставете го маслото 1 час да делува. Потоа исплакнете со шампон. Дополнително наместо да користите капки за испукани врвови, користете го кокосовото масло за таа цел. Мала количина од маслото растопете на врвовите од пристите и нанесете на оштетените врзвови. 5) Отстранувач на шминка Не е потребно да трошите пари на конвенционални препарати за отстранување шминка. Стопете мала лажичка од кокосовото масло и нанесете ја на памукче, потоа убаво исчистете ги очите. На овој начин лесно ќе ја отстраните и водоотпорната маскара. Дополнително ќе ја нахраните кожата без да ја ириртирате со стандардните козметички сретства за отсранување шминка кои содржат многу штетни хемиски супстанци. На крај ако ви остане од маслото нанесете го на трепките или втријте го по рацете и ноктите. извор:курир.мк

Што се случува со телото ако немате секс со месеци или години

Слаѓана Атанасова — Thu, 09 Feb 2023 12:54:20 +0000

Недостигот од секс може да има здравствени последици, а тоа е затоа што сексот има голем број здравствени придобивки. Некои од овие придобивки вклучуваат намалување на стресот, олеснување на спиењето и подобрување на здравјето на срцето. Но, што всушност се случува со вашето тело кога ќе престанете да имате секс, без разлика дали правите пауза намерно или поради комбинација на околности? Експертите објаснуваат што може, а што не може да му се случи на телото кога ќе поминете низ период без секс.

Вагината нема да се затвори

Урбаниот мит е дека вагината ќе се затвори, запечати или ќе израсне нов химен ако немате секс некое време. Дури и кога немате секс, вашето тело сè уште произведува естроген и прогестерон, а овие хормони ја одржуваат вагината отворена и флексибилна, вели д-р Кристин Гривс, гинеколог од Флорида. Исто како што лосионот ги смирува сувите раце во зима, естрогенот помага во навлажнување и одржување на вагиналните набори кои овозможуваат вагината да се прошири кога сте сексуално возбудени. Можно е вагиналниот отвор да се намали во големина, но тоа се случува по менопаузата и по долга сексуална пауза. „Со текот на времето, жените во постменопауза кои имаат намалено снабдување со естроген може да забележат дека дијаметарот на вагината станува помал ако немаат сексуален однос. Но, според моето клиничко искуство, тоа обично се случува до околу 5 години или повеќе“, вели д-р Гривс.

Недостаток на влажност

Дури и кога жената не е возбудена, вагината е влажна и еластична. Сепак, д-р Гривс објаснува дека ако не сте имале секс неодамна, вашата вагина може да се чувствува посува, но сувоста сама по себе нужно не е проблем, но може да направи да се чувствувате непријатно.

Либидото може да биде засегнато

Според д-р Гривс, можно е вашето либидо малку да се намали во периодот на апстиненција. Ова може да објасни зошто: ако немате секс, веројатно не се чувствувате толку сексуално како кога имате редовен секс, а тоа може да влијае на вашиот сексуален нагон. Добрата вест е дека штом ќе се вратите во акција, најверојатно ќе почнете да се чувствувате сексуално, што ќе го поттикне вашето либидо да се зголеми.

Може да се појави анксиозност или депресија

Сексот ослободува хемикалии во мозокот, окситоцин и серотонин, кои се одговорни за доброто чувство и го подигаат расположението, вели д-р мед. Гејл Салц, вонреден професор по психијатрија во презвитеријанската болница „Веил-Корнел“ во Њујорк. Кога вашиот систем не ги произведува овие мозочни хемикалии во исти количини, тоа може да влијае на вашето ментално здравје.

Можеби ќе ви треба подолго време за да се возбудите

„По паузата можеби ќе ви треба повеќе време за вагината да се навлажни доволно или целосно да се опушти“, истакнува д-р Гривс. Кога имате редовен секс, вашата вагина автоматски оди во фаза на возбуда. Меѓутоа, кога имате долга пауза, потребно е повеќе загревање за да се опуштите. Истото важи и за пенисот, проблемите со ерекцијата не се невообичаени по сушен период. Извор: Кајгана.мк

Зрната кафе можат да бидат многу здрави: Еве ги неговите интересни нутритивни придобивки

Слаѓана Атанасова — Sat, 28 Jan 2023 09:04:47 +0000

Да, можете да ги јадете зрната кафе, а тие можат да ви обезбедат различни придобивки Денес е речиси невообичаено да се види цело зрно кафе, бидејќи кафето најчесто се консумира мелено, за подготовка на омилениот пијалок на многумина. А всушност, сè што денес ќе помислиме за кафето потекнува од конзумирањето зрна. Кога ќе јадете цело зрно тоа може да направи многу повеќе од свареното кафе на кое сме навикнати денес. Кафето што го пиеме, всушност, е исто како натопени зрна, бидејќи сè најдобро и најздраво од него е во талогот, пренесува “Thecoffeemaven.com”. Вареното кафе извлекува околу 80 проценти од протеинот од самиот зрно. Што треба да знаеме за зрното кафе? Дали е безбедно да се јаде? Да, безбедно е, но тоа не значи дека треба да земете грст кафе, бидејќи тоа веќе би било загрижувачко. Иако се безбедни, зрната кафе се богати со кофеин и киселина. Кога се консумира прекумерно, кофеинот може да направи да се чувствувате премногу нервозни и да предизвика мачнини, додека високата содржина на кафе може да го вознемири вашиот стомак. Најдобар извор на антиоксиданси Антиоксидансите се соединенија кои природно се наоѓаат во овошјето и зеленчукот. Тие можат да го намалат ризикот од рак, губење на видот и други здравствени проблеми, а кафето има дури шест различни антиоксиданси, вклучувајќи ги витамините Е и Ц. Придонесува за подобрување на меморијата Ова е и причината поради која кафето е во секојдневните рецепти на повеќето студенти. Спроведеното истражување покажало дека после 200 милиграми кафе во текот на учењето, студентите значително подобро запамтиле многу информации. Ги ублажува воспаленијата и болките во мускулите после тренинг Според истражувањата, воспалението на мускулите се намалува и до 47 проценти по конзумирање кафе. Лековите против болки ги намалуваат истите за околу 30 отсто, вели истиот извор. Половина помалку калории од кикиритките Кикириките се верен придружник на диетите, бидејќи се познати по својот нискокалоричен состав. Но зрната кафе ги надминуваат во тоа. Иако кафето има помалку протеини, доминира со сите други елементи. Извор: Курир.мк

Медот помага против штетни материи во телото

Слободанка Илиева — Wed, 14 Sep 2022 12:50:43 +0000

Здравствените придобивки од медот се општопознати, па како што сѐ повеќе луѓе го исфрлаат белиот шеќер од исхраната, бараноста на медот сѐ повеќе расте. Нутриционистите советуваат овој еликсир да се додава во овесна каша, како и во други здрави специјалитети. Како што пишува хрватскиот портал „Пословни“, медот е идеална, сосем природна замена на шеќерот. Општите препораки гласат – за поздраво тело, да се зема по една кафена лажичка мед секој ден. Редовното консумирање мед го зајакнува имунолошкиот систем, но тоа е само една од многуте корисности. Полезен е за крвоткот, ја зајакнува силата на срцето и го подобрува срцевиот ритам, а делува и против стрес. Покрај тоа, го подобрува варењето на храната, како и обновувањето на ткивата, па и на крвните садови. Медот има и антибактериско дејство, па помага и во исфрлањето штетни и токсични материи од организмот. извор:курир.мк

Дали гумата за џвакање се смета за храна: Кои се нејзините здравствени придобивки и недостатоци?

Слаѓана Атанасова — Tue, 13 Sep 2022 11:54:49 +0000

Како ако не ја голтаме? Што е сепак гумата за џвакање? Дали е храна? Не ја јадете, па одговорот е дека не е. Но, ако не е храна, тогаш што е тоа? И за што е? Гумата за џвакање е уникатен вид на храна. Ќе се џвака подолго време, но нема да се проголта. Количината што може секој ден да ја ужива типичниот потрошувач на гуми за џвакање без шеќер носи помалку од 10 калории. Научниците велат дека практиката на џвакање датира уште од каменото доба, кога имало чисто практична функција: гумата за џвакање била вид на лепак што се користел за правење алатки, а џвакањето ја правело поиздржлива. Доказите за тоа се пронајдени во античките цивилизации ширум светот, од модерна Скандинавија до Јужна Америка преку Грција. Првата комерцијална гума за џвакање била произведена во САД во 1860-тите и се засновала на сок од смрека кој го џвакале раните Американци. Наскоро следеле бои и вкусови, а до почетокот на 20 век, гумата за џвакање се правела од синтетички материјали. Гумите за џвакање се појавиле во 1920-тите. Одговорот на прашањето “Што е гумтаа за џвакање?” е ова: тоа е производ составен од гума – смола за џвакање, еластомер за флексибилност, восок за омекнување, со некој вид засладувач (шеќерен или вештачки), глицерин, арома, боја. Диететичарот и нутриционист Ники Харт не е љубител на гуми за џвакање полни со шеќер бидејќи придонесуваат за расипување на забите, но вели дека оние без шеќер може да бидат корисни, пишува „Stuff“. Харт, исто така, верува дека гумата за џвакање може да помогне да се „преболи“ друга орална фиксација како пушење. Што се однесува до другите придобивки, науката е поделена, но има различни причини зошто џвакањето гума без шеќер може да делува како помош за губење на тежината. Некои истражувања покажаа дека џвакањето го зголемува протокот на крв во мозокот, што го зголемува пулсот и согорува дополнителни калории. Нејзината поголема грижа е поврзана со ефектот врз дигестивниот тракт. Суштинската состојка во секоја гума за џвакање без шеќер е нехранлив засладувач или замена за шеќер. Работите како сорбитол, полиол или аспартам се причината зошто гумата за џвакање носи предупредување дека прекумерното консумирање може да доведе до дијареа. Ненутритивните засладувачи се особено лоши за луѓето кои имаат состојба како IBS, вели Харт, бидејќи тие можат да ги влошат симптомите. Можат и да предизвикаат гасови и надуеност. Прекумерното џвакање предизвикува и голтање воздух, што исто така може да предизвика надуеност. Но, дали тоа е храна? Според американската Администрација за храна и лекови (ФДА), гумата за џвакање се смета за храна бидејќи терминот „храна“ значи „сирова, варена или преработена супстанција за јадење, мраз, пијалок или состојка што се користи или е наменета за употреба или за продажба како целина или делумно за човечка исхрана или гума за џвакање“. Извор:Курир.мк

Невенот е волшебна билка, еве за што може да ви помогне

Слободанка Илиева — Mon, 29 Aug 2022 13:06:09 +0000

Дали некогаш сте размислувале за многуте корисни својства на невенот? Речиси нема градина каде малите цвеќиња портокалови и жолти не можат да се одгледуваат. Невенот е едногодишна билка, која била увезена од Америка во 16 век. Од тогаш, не само што ги разубавува скоро сите градини, туку се користи и за лекување на повеќе болести. Во составот на невенот има многу етерични масла. Тоа е огромна исцелителна моќ на овој цвет. Најкорисни за човекот се жолтите етерични масла и килибарните масла. Покрај тоа, црвено-кафените цветови содржат провитамин А. За да се спречат гинеколошките заболувања, доволно е да се стави еден цвет на невен во чаша врела вода. Откако ќе ја чувате десет минути, поделете ја добиената течност во четири еднакви делови. Пијте го износот во рок од еден ден. Ако страдате од нервите, може повторно да се потпрете на невенот. За оваа цел треба да се подготви бања со оваа цветна билка. Додадените свежи цветови од невен во кадата не само што ќе ве ослободат од стрес и ќе го обноват балансот, туку ќе ве ослободат од депресија и невроза. За подобрување на состојбата на панкреасот, ставете еден цвет во 200 ml. врела вода. Потоа земајте 1/4 часа. четири пати на ден. Зовријте 1 литар вода, а потоа извадете ја од плочата за готвење и почекајте да се олади до 80 степени. Додајте четири цветови од невен, покријте и почекајте мешавината целосно да се излади. извор:курир.мк

Шест причини зошто треба почесто да јадете грозје

Слободанка Илиева — Thu, 18 Aug 2022 11:40:07 +0000

Здравствените предности кои ќе ги добиете од грозјето почнуваат веќе од кожата. Нутриционистите одвојуваат шест причини поради кои почесто треба да јадете грозје. 1.Ја подмладува кожата Преполно со витамин Ц и антиоксиданси, грозјето може да помогне во ревитализација на кожата. Може да ја заштити од УВ зраците. Витаминот Ц е неопходен за да може кожата да формира колаген кој на лицето му дава младешка свежина. 2. Го подобрува крвотокот во мозокот Студија од Универзитетот во Швајцарија покажала дека ресвератолот кој го има во грозјето помага во борбата против плакови кои може да му наштетат на мозокот. 3. Го зголемува нивото на енергија Сложените јагленихидрати обезбедуваат преку потребен енергетски стимул. Затоа грозјето е соврешена ужинка пред тренинг, бидејќи многу брзо обезбедува храна. 4. Го чува срцето Корисно е за здравјето на срцето, содржи полифеноли кои се борци против атеросклероза, болест која се јавува како резултат на собирање на холестеролот на ѕидовите на артеиите на срцето и мозокот. 5. Го чува видот Витаминот А и лутеинот кои се наоѓаат во грозјето може да го подобрат здравјето на вашите очи. Според студија водена од истражувачи од Институтот за очи на Универзитет во Мајами, грозјето навистина може да биде добар сојузник во чувањето на видот. 6. Ги зајакнува коските Манганот го има го грозјето, а е состојка која ви помога да ги зајакнете коските. Тоа е минерал кој во телото се наоѓа во мали количини. Придонесува да имате поздрави коски на начин што на организмот му овозможува подобро да апсорбира калциум. Сепак, доколку имате зголемено ниво на шеќер во крвта, бидете вниматени при јадењето на грозје и консултирајте се со вашиот лекар за тоа колку често и во која количина може да го јадете ова овошје. извор:курир.мк