причини – Вистина.мк

Имате долготрајна и хронична кашлица – ова се можни причини и поттикнувачи

Слободанка Илиева — Mon, 15 Jan 2024 13:26:42 +0000

Брзо дејствување по одредени симптоми, може да помогне за брзо надминување на кашлицата. Исто така, спречувањето, т.е. превенцијата е многу важна. Долготрајната, односно хронична кашлица може да биде непријатна, но може да значи и посериозна здравствена состојба. Во случај на хронична кашлица, важно е стручно да се проверат причините за тоа. Само лекар може со сигурност да каже зошто некој има постојана кашлица. Следат дел од можните причини. Астма Се работи за хронична болест што ги погодува белите дробови, предизвикува повторени епизоди на отежнато дишење (познати како напади на астма), стегање во градите и ноќна и / или утринска кашлица, истакнуваат стручњаците. Таа е една од најчестите болести која ги погодува децата, но и возрасните лица. Предизвикувачите на астма се различни за секого – вежбање, одредена храна, чад од цигари и други надразнувачи во воздухот што ги предизвикуваат нападите. Идентификувањето и избегнувањето на предизвикувачите (или барем минимизирање на изложеноста на нив) е клучно за управувањето со астмата. Алергии Зиме, минуваме повеќе време во затворени простории, па така човекот е и поизложен на алергени. При алергии на влага, прашина и други вообичаени поттикнувачи, може да дојде до постојана кашлица. Во случајов се препорачува разговор со алерголог и тест за алергија. На овој начин ќе се дознае на што лицето е алергично и како да се држи подалеку и настрана од тие алергени. Загадувањето на воздухот И воздухот може да предизвика постојана кашлица. Дури и краткотрајно изложување на некои гасови може да доведе до и иритација на белите дробови. Испарувањата, исто така, може да ги влошат симптомите на алергија или астма. Истото важи и за мувла во и околу домот. Последици од потешка болест или зараза По тешко заболување на дишните органи, како што се пневмонија и грип, по заздравувањето може да остане постојана кашлица. Тоа може да трае со недели и месеци. Оваа продолжена кашлица може да укажува и на тоа дека може да има долготрајна инфекција во телото и се советуваат дополнителни тестови за овие случаи. Пушење Луѓето кои пушат често развиваат кашлица предизвикана од природниот одговор на телото да се ослободат од хемикалиите што навлегуваат во дишните патишта и белите дробови. Може да почне како сува кашлица, но на крајот неизбежно има и слуз. Научен труд објавен во списанието „Медисин“ (Medicine) ја разгледува преваленцата на хронична кашлица и можните причини кај општата популација. Испитувањата засновани на Корејското национално истражување за испитување на здравјето и исхраната, опфатиле 119.280 возрасни лица на возраст над 40 години, и покажуваат дека 47,7 отсто од испитаниците со хронична кашлица биле пушачи во тој миг. Секако, најлесниот начин за пушачите да се ослободат од кашлицата е откажување од цигарите. Па така, доколку треба помош во тоа, советот гласи – матичниот лекар може да Ве упати во вистинската насока. извор:курир.мк фото:Freepik

Само што јадевте и повторно сте гладни? Ова се причините заради кои апетитот ви е толку зголемен

Слободанка Илиева — Tue, 02 Jan 2024 13:20:34 +0000

Понекогаш чувството на глад може да значи дека едноставно не внесувате доволно хранливи материи од храната што ја јадете или дека сте под стрес, а честопати едноставно ви е досадно. Ако сте гладни дури и по добар оброк, ова би можеле да бидат причините. Понекогаш чувството на глад може да значи дека едноставно не внесувате доволно хранливи материи од храната што ја јадете или дека сте под стрес, а честопати едноставно ви е досадно. Ако сте гладни дури и по добар оброк, ова би можеле да бидат причините. Не спиете доволно Според Американската национална фондација за спиење, на луѓето им требаат меѓу седум и девет часа сон во текот на ноќта. Помалку сон резултира со краткорочно зголемување на хормонот грелин, кој го зголемува апетитот и намалување на лептинот, кој го намалува. Досадно ви е Ако гледате телевизија и посегнувате по кесичка чипс или кутија бисквити, размислете дали сте навистина гладни или едноставно ви е досадно. Во студија од 2018 година објавена во списанието Appetite, истражувачите откриле дека луѓето јадат повеќе кога им е досадно, се нервозни и со лошо расположение отколку кога се чувствуваат добро. Не внесувате доволно влакна Додека премногу влакна во вашата исхрана може да предизвика гасови, надуеност и запек, премалку влакна значи дека веројатно ќе бидете почесто гладни. Оброците со малку влакна можат брзо да создадат чувство на глад бидејќи влакната го забавуваат процесот на варење, оставајќи ја храната во желудникот подолго време и на тој начин даваат чувство на ситост. Дехидрирани сте Многу луѓе, кога чувствуваат вртоглавица, мислат дека им треба храна, но треба да пијат повеќе вода. Редовното консумирање вода е важно за нормално функционирање на целото тело. На некои луѓе им треба повеќе од препорачаната доза од два литра, на некои малку помалку. извор:курир.мк фото:Freepik

Ова се најчестите причини зошто жените наоѓаат љубовници

Слободанка Илиева — Tue, 19 Dec 2023 14:00:01 +0000

Неверството во врска или брак е секогаш актуелна тема. Од 1990 година, бројот на мажени жени кои признале дека ги изневериле партнерите се зголемил за 40 %, вели Естер Перел, истражувач и психоаналитичар. Во меѓувреме, бројот на оженети мажи кои пријавиле неверство е главно непроменет, пишува „Хафпост“. Тоа го поткрепува и анкетата спроведена од „Ју Гов“ во 2015 година, која покажува дека и мажите и жените речиси подеднакво изневеруваат. Во спроведеното истражување, жените отворено зборувале за причините поради кои се впуштиле во афера. Некои од нив се покајале и сметаат дека тоа искуство им помогнало да го зајакнат бракот. Неверството не ги повредува сите – Порано мислев дека луѓето кои изневеруваат се ужасни, а сега тоа го правам и јас. Мојот живот е одличен, мојот долгогодишен партнер и трите деца ме обожаваат, а исто и јас нив. Проблемот е што не сум многу среќна и сакам да се дружам и забавувам со други луѓе, бидејќи се чувствувам „заробено“. Разговарав со него за тоа, но тој не сака да заминам и тоа ме убива. Еден ден сфатив дека мојата желба за промена нема да исчезне и решив да се впуштам во афера. Влегов во паралелна врска со двајца мажи, но не дојде до интимни односи, што не значи дека нема да има. Воопшто не се чувствувам виновно, дури и подобро ми е. Сфатив дека моето неверство никому нема да наштети доколку е тоа само моја тајна, нели? – вели една жена која верува дека неверството никому не штети ако остане тајна. Сакав да ја видам неговата реакција -Го изневерив моето момче со кое бев четири години кога сфатив дека врската е при крај. Тоа беше последен обид да видам како ќе изреагира и дали тоа го засега. Излезе дека не му е грижа. Негирав многу работи во врска со нашата разделба и се плашев повторно да бидам сама. Мислам дека сакав себеси да си докажам дека сè уште можам да се забавувам и дека постојат мажи што би посакале врска со мене. Меѓутоа, сфатив дека тоа не е добар начин да провериш дали некому му значиш, сепак тоа остава некаква трага кај изневерената личност, колку и да ѝ е сеедно – вели една жена која го изневерила партнерот за да види дали тоа ќе го погоди. Се чувствував слободно – Партнерот го изневерив зашто сакав да се чувствувам пожелно. Бевме во врска долго време пред бракот, и сè се вртеше околу него, а јас секогаш бев во сенка. Кога отидов на одмор со еден од моите пријатели, го искористив моментот и им се препуштив на страстите бидејќи тој ме гледаше како живо суштество, а не како нечија сенка. Знам дека е себично, но се чувствував толку слободно што не размислував за последиците. Ова искуство ми покажа дека проблемот не е во мојот партнер, туку во мене и тоа ја зацврсти нашата врска – вели жената која по неверството сфатила дека проблемот е во неа. Мислев дека раскинавме – Пред неколку години го изневерив мојот тогашен партнер. Имавме проблеми некое време, и една вечер, додека бев на забава со моите колеги, имавме голема кавга. Мислев дека раскинавме и се напив уште една пијачка. Се појави мојот шеф со кого флертував со месеци и атмосферата си го направи своето – завршив во неговиот кревет. Следниот ден, се јави мојот дечко ми и ми рече дека му е жал и дека сака напорно да работи на нашата врска. Му се вратив, бевме заедно околу една година, а потоа се разделивме. Никогаш не му го признав неверството – вели четвртата жена. Јас сакам интимност, а тој не – По 16 години брак го изневерив сопругот. Тој е совршен во секој поглед, имаме две деца и за јавноста важиме за хармоничен пар, но немаме интимен живот. Го игнорирав тоа сите овие години, но тој имаше сè што отсекогаш посакував и се согласив на таков живот. Сфатив дека мојата дружељубивост исчезнала и решив да поработам на тоа, бидејќи сакав да се чувствувам пожелно. Запознав еден човек преку Интернет и имав неверојатен секс со него. Сепак, решив уште некое време да останам со мојот сопруг заради нашите деца, бидејќи тоа би ги уништило – вели жената која немала доволно интимност. Немаше страст – Почнав афера 3 месеци пред свадбата за да се уверам дека мојот вереник е вистинскиот. Ми се допаѓаше, но не беше доволно страствен. Не сакав да ја откажам свадбата поради двете семејства и се омажив за него под голем притисок што самата си го создавав. За жал, морав да го оставам 9 месеци по бракот, бидејќи тој човек беше сè што не беше мојот сопруг. Се омажив за него и имаме две деца, и морам да кажам дека никогаш не сум била посреќна – вели жената чијшто партнер не ја возбудувал доволно. Не сакав да бидам во врска -Кога бев помлада ги изневерував моите момчиња затоа што не сакав да бидам во врска и сакав само секс. Бев среќна што можев да ги менувам партнерите без грижа на совест, но сега чувствувам вина, и криво ми е што им го направив тоа на тие момчиња – изјавила седмата жена. извор:попара.мк фото: Printscreen You Tube

Најголемата грешка која ја правиме кога се чувствуваме запоставено од партнерот!

Слаѓана Атанасова — Fri, 15 Dec 2023 13:03:47 +0000

Се чувствувате запоставено и осамено? Дали мислите дека не сте му толку важни на вашиот партнер како на почетокот на вашата врска или брак? Дали ви недостасува неговото внимание? Не избрзувајте со заклучоци. Недостатокот на внимание што го добивате може да има многу причини. Најголемата грешка што ја прават жените во вакви ситуации е – обвинувањето. Не правете го тоа пред да знаете со што се справува вашиот партнер. Можеби тоа е стрес поврзан со работа, болест, проблеми со родителите, остатокот од семејството или близок пријател. Експертите истакнуваат дека не сте подготвени да ја слушате неговата страна од приказната доколку го обвините за одредено однесување. Од истата причина, тој нема да сака да ви се доверува. Згора на тоа, ако го обвините дека извршил некој вид лош чин без никакви докази, тоа би можело уште поемотивно да го оттуѓи од вас. Бидете сочувствителни, дајте му шанса да се објасни, слушајте што му пречи и зошто ви го задржува вниманието, па дури потоа проценете и дејствувајте. Многу луѓе во врска забораваат дека не треба да се потпираат само на партнерот за да се чувствуваат посебно, привлечно или успешни. Ставете се себеси на прво место, научете како да се задоволувате, посветете се на вашето ментално здравје, а потоа полесно ќе се справите со сите потенцијални предизвици во врската или бракот. Извор: Попара

Типични причини поради кои паровите се разведуваат

Слободанка Илиева — Tue, 07 Nov 2023 12:48:37 +0000

Распаѓањето на бракот не се случува преку ноќ. Главно станува збор за бавно акумулирање на незадоволство. Но, донесувањето на одлука за развод никогаш не е лесно, објави американското списание „Хафингтон пост“. Истражувањето на адвокатската канцеларија „Слатер и Гордон“, при што биле набљудувани илјада разводи, покажува дека просечно лице 24 месеци и 12 денови размислува за разводот пред да се одлучи, а 18 месеци се обидува да го поправи својот брак. Речиси 36 отсто од лицата разводот го доживуваат како личен неуспех, додека 53 отсто разговарале за разводот со трети лица, пред сè, барале совети од пријатели, мајка, адвокати или сестри. Приближно 36 отсто за разводот разговарале со адвокат, а 77 отсто изјавиле дека разводот влијаел на нивните деца. Околу 28 отсто од мајките истакнале дека децата не се доволно блиски со татковците по разводот, иако 47 отсто од двојките се обиделе да ги решат проблемите и да останат во брак поради децата. Резултатите од истражувањето покажуваат и дека речиси 76 отсто од двојките се обиделе да го решат проблемот пред да се одлучат за развод, а 24 отсто не се ни обиделе. Од разведените двојки 53 отсто имале пријателски развод, 45 отсто и потоа останале во пријателски односи, а 31 отсто немаат никаков контакт. Како најчести причини за разводот се наведуваат: Неверство; Биле несреќни; Имале премногу караници; Исчезнала љубовта; Повеќе не комуницирале; Сакале различни работи; Партнерот се променил; Повеќе не чувствувале дека се партнери; Партнерот бил насилен; Имале проблеми со парите. извор:попара.мк

Зошто останувате во врска дури и кога е јасно дека не сте еден за друг?

Слободанка Илиева — Wed, 25 Oct 2023 12:18:11 +0000

Кога дивата страст ќе стане токсична, a тој пар е уште се заедно. Немаат сила, волја или нешто друго да ја прекинат врската и така остануваат во неа до крај. Експертите од оваа област се обидоа да го најдат одговорот зошто е тоа така. Психолозите велат дека постојат три главни причини за ова: Инвестиција Кога некој ќе вложи многу од своите емоции, труд и време во врската, нема само да ја прекине. Ќе вложат максимални напори таа инвестиција на крајот да се покаже како „профитабилна“. Кога двојката има десет години брак зад себе, заедничка емотивна историја, две деца и заеднички недвижен имот, ќе биде многу потешко да се одлучи за раскинување од пар кој дели куче и стан под кирија. Манипулација Еден од партнерите е на прагот да ја прекине врската, но другиот успева преку манипулации да го принудат да се откаже. Ветувањата за тоа како ќе се променат, дури и оние кои постојано биле прекршени, во комбинација со драматични изјави на љубов или романтични гестови, крајно празни и површни, можат да ја измамат „жртвата“ на одреден временски период. Песимизам „Зошто да ја прекинам оваа врска кога сум прилично сигурен дека и онака нема ништо подобро за мене“. Веројатно ви се познати ваквите изјави. Луѓето кои се песимисти по природа или нивната љубовна историја ги направила на тој начин едноставно не гледаат поента во прекинувањето на нешто лошо, зошто нема да најдат подобро. извор:попара.мк

Дали се чувствувате постојано уморни и по осум часа сон?Лекар открива можни причини,од кои некои не се воопшто безопасни

Слаѓана Атанасова — Tue, 17 Oct 2023 12:26:34 +0000

Дали спиете добро? Иако речиси секоја вечер спиете седум до осум часа,сепак се чувствувате уморни наутро или поголемиот дел од денот.Постои можност нешто друго да ви го нарушува квалитетот на сонот,јавува Би-Би-Си. Начинот на решавање на овој проблем започнува со оценување на вашиот сон користејќи две прашања,нагласи специјалистот за белодробни заболувања и спиење,д-р Раџ Дасгупта,професор по медицина на Медицинскиот факултет на Универзитетот во Јужна Калифорнија. Прашањата се следни:„Дали спиеш доволно?“,„Ако спиеш доволно, дали спиеш добро?“. Дасгупта предложи да се посети специјалист за спиење кој може да провери дали има основно или примарно нарушување на спиењето. ЗАМОР – МОЖНИ ПРИЧИНИ „Постојат многу состојби кои предизвикуваат замор кои не мора да го испратат уморниот во длабок сон“, вели професорката по медицина на Факултетот за медицина Џенифер Мартин. Таа,исто така,спомна како тоа може да укаже на состојби на хронична болка,метаболички состојби,состојби на тироидната жлезда,анемија или дури и хронично заболување на белите дробови. СЕДЧКИ ЖИВОТЕН СТИЛ Ако седите,вашето тело може да се навикне на трошење ниски нивоа на енергија,што го зголемува чувството на замор при извршување на основните дневни активности. Светската здравствена организација препорачува возрасните да имаат најмалку 150 минути умерена до енергична физичка активност неделно,додека бремените жени треба да прават најмалку 150 минути умерени аеробни вежби. АНКСИОСТ ИЛИ ДЕПРЕСИЈА „Овие услови можат енергетски да оданочуваат“,рече Дасгупта. Овие состојби можат негативно да влијаат и на времето кое ни е потребно за да заспиеме,како и на тоа дали се будиме во текот на ноќта“,додаде тој. Важно е да се напомене дека лековите што се користат за лекување на депресија или анксиозност понекогаш може да имаат несакани ефекти како што се несоница или нарушувања во подлабоките фази на спиењето. ХИГИЕНА НА СOНOT „Понекогаш нашите распореди се различни во работните денови наспроти викендите“, рече Барнс.Распоредот може да се разликува и за работниците во смени.Но,до овој момент веќе сте го одредиле распоредот за спиење за неколку часа за краток временски период. „Ова е многу слично на заморот што го чувствуваме по патување каде што има временска разлика“,тврди Барнс.„Тоа брзо ресетирање не функционира многу добро. ДЕХИДРАЦИЈА Повеќе од 50% од нашите тела се составени од вода,која е потребна за повеќе функции,вклучувајќи варење храна,создавање хормони и невротрансмитери и доставување кислород низ телото.Дехидрацијата е поврзана со намалена будност и зголемена поспаност и замор. Институтот за медицина препорачува жените да консумираат 2,7 литри течност дневно,а мажите 3,7 литри дневно.Оваа препорака ги вклучува сите течности и храна богата со вода како овошје,зеленчук и супи. Бидејќи просечниот сооднос на течноста и храната во внесот на вода е околу 80:20,тоа изнесува дневна количина од девет чаши за жени и 12 и пол чаши за мажи. НАРУШУВАЊЕ НА СОНОТ Некои луѓе се будат 50,100 или дури и повеќе пати во текот на ноќта,вели Кристофер Барнс,професор на Универзитетот во Вашингтон кој ја проучува врската помеѓу спиењето и работата. „Откако ќе се разбудите,повеќе не сте во длабок сон и обично не можете да одите директно во најдлабокиот сон“,рече Барнс. „Изведувањето на луѓето од тој длабок сон со нивно будење генерално ќе резултира со помалку време поминато во најдлабокиот стадиум на спиење“,рече Барнс. „Откако ќе се разбудите,повеќе не сте во длабок сон и обично не можете да одите директно во најдлабокиот сон“,рече Барнс. „Изведувањето на луѓето од тој длабок сон со нивно будење генерално ќе резултира со помалку време поминато во најдлабокиот стадиум на спиење“,рече Барнс. Извор:Попара.мк

Топ десет причини зошто мажите раскинуваат

Слаѓана Атанасова — Wed, 04 Oct 2023 13:00:46 +0000

Факт е дека огромен број на врски завршуваат неуспешно. Сигурно ќе поминете или веќе сте поминале низ барем неколку врски пред да го запознаете вистинскиот. Најверојатно сте скршиле нечие срце и/или некој го скршил вашето. Во моментите кога оној со кого сте во врска решил да ви каже збогум, веројатно сте се запрашале која е причината, особено ако таа не била очигледна. Еве дел од најчестите причини поради кои мажите решаваат да им раскинат на своите партнерки: Манипулација преку „љубовни игри“. И мажите не се невини кога се работи за користењето на тактики за зачувување на доминацијата во врската и изнудување на нешто, но жените почесто се служат со тактики за манипулација или за казнување на партнерот за некоја лоша постапка. Имено, жените преку молчење или воздржување од секс често се обидуваат да им одржат лекции на мажите. Понекогаш ваквите женски постапки се причина за мажите да стават крај и да заминат. Отсуство на сексуални односи. Раскинувањето поради отсуство на секс е толку често што ако не ви се случило вам, тогаш сигурно ѝ се случило на ваша пријателка. Реалноста вели дека огромен број на мажи ги напуштаат своите девојки затоа што тие не се подготвени да им се предадат. Некои одат и дотаму што ги уценуваат своите девојки и им поставуваат ултиматуми. Чести љубоморни сцени. Колку и да сакате некој, ако тој секојдневно страда од испади на љубомора, го контролира секој ваш чекор и постојано ве испрашува, еден ден ќе ви дојде преку глава. Истото се случува и кај мажите. Љубоморните сцени кога се ретки се слатки, но кога ќе зачестат се вистински убиец на страста и на хармоничните односи. Секојдневен дожд од критики. Секој сака да се чувствувате ценет и од време на време да слуша комплименти и пофалби. Па, ако недостигаат вашите мили зборови и секојдневно врз него истурате дожд од критики, тој може да посака да се префрли во друга прегратка каде што ќе се чувствува ценет онаков каков што е. Преголема самостојност. Мажите сакаат да се чувствуваат корисни, сакаат да ги „спасуваат“ жените кога се во неволја и да бидат еден вид на херои. Доколку ѝ пристапувате на врската со ставот „Сè можам да направам сама“, еден ден тој може да се запраша: „Зошто сака маж кога не ѝ е потребен?“. Мажите имаат потреба да го хранат своето его. Преголема зависност. Преголема независност и преголема зависност – двете крајности можат да го натераат да се откаже од врската, колку и да го привлекувате. Мажите сакаат да се во врска со жена која ќе им го разубавува животот и која си има сопствен живот настрана од врската. Илјадници жени откако ќе влезат во врска, целосно се фокусираат на партнерот и забораваат на своите пријатели, хобија и интереси, па со тек на време стануваат премногу зависни од него, не можат да донесуваат самостојни одлуки и редовно се консултираат со него буквално за сè. Мажите сакаат да се грижат за својата партнерка и да можат да ѝ помагаат, но кога барањата за помош се во границите на умереното. Фобија од обврзување. Некои мажи едноставно не сакаат да се во долги врски и имаат страв од обврзување. Тие се подготвени да ѝ раскинат дури и на девојка која ќе им влезе под кожа, само и само за да ја избегнат долгата врска. Во нивната глава е зацртано дека им е рано за обврзување и се подготвени на сè за да си ја зачуваат својата слобода. Отсуство на физичка привлечност. На крајот на краиштата мажите се визуелни суштества и копнеат пред себе да имаат жена која ќе ги привлекува и возбудува. Во некои случаи физичката привлечност може да не е пресудна за одржување на врската, затоа што факт е дека луѓето со текот на годините се менуваат, но за жал, на многумина привлечноста им е пресудна. Вмешување на пријателките во врската. Жените имаат потреба да дискутираат за својата врска со пријателките. Но, тие разговори мора да имаат граница. Не треба секое случување во врската веднаш да станува тема на разговор со пријателките, а уште помалку секој нивни совет со брзина на светлината да биде имплементиран во вашата врска. Не можете да ѝ дозволите на пријателката која никогаш не славела два родендени со исто момче да ви соли памет што треба да правите кога имате љубовни проблеми. Мажите до одреден степен го разбираат женското пријателство, но кога ќе почувствуваат дека тоа им создава премногу главоболки, го избираат полесниот пат. Здодевност и монотонија во врската, чувство дека има и подобро. Скоро сите врски започнуваат бурно, исполнети со страст и забава, но кога огнот ќе згасне, треба да знаете како повторно да го запалите. Ако тој почувствува здодевност и кај него исчезне возбудата, ќе започне да размислува дека може да му биде подобро со некоја друга, односно дека заслужува подобро. извор: Попара

Четири знаци дека жената ве изневерува, длабоко вдишете и запознајте се со причините

Слаѓана Атанасова — Tue, 26 Sep 2023 12:55:29 +0000

Луѓето изневеруваат од безброј причини, при што мажите повеќе од жените веруваат дека постојат одредени ситуации во кои изневерувањето на партнерот е прифатливо, според истражувањето на „BBC“… Генерално, 83 проценти од возрасните во Обединетото Кралство се согласиле дека чувствуваат значителна одговорност да му бидат верни на својот партнер. И додека 80 отсто од анкетираните жени се согласиле дека никогаш не е прифатливо да го изневерувате партнерот, „само“ 64 отсто од мажите се согласиле со таа изјава, пренесува „The Sun“. Изневерувањето е причина број еден за развод, а студиите покажуваат дека и мажите и жените како некои од причините за изневерување ги наведуваат досадата, потрагата по возбуда и одмаздата. Но, број еден зошто жените изневеруваат не е всушност сексот, тоа е чувството на емоционално лишување. Жените често се неверни затоа што се чувствуваат осамено или им пречи што партнерот ги зема здраво за готово. Сакаат повторно да се чувствуваат посакувано и почитувано. А многу жени дури велат дека изневеруваат за да ја спасат својата врска. Промени вредни за забележување За сите оние кои се сомневаат дека партнерката ги изневерува, еве некои од знаците на кои треба да внимаваат. Но, не треба да заборавите дека само затоа што се сомневате во прељуба, не значи дека тоа навистина се случува. За која било од овие промени, сосема е можно да има сосема безопасно објаснување.

Одеднаш станува помалку приврзана или нежна (или повеќе од вообичаено)
Промени во нејзината вообичаена рутина: ако почне постојано да доаѓа дома од работа подоцна или да оди на чести деловни состаноци
Станува многу таинствена за нејзините навики на телефон и интернет: може да ги смени лозинките, да го скрие телефонот или да почне да се јавува во друга соба.
Почнува да носи повеќе шминка или парфем без некоја очигледна причина или да се облекува привлечно кога излегува со своите пријателки, што не било случај порано.

Љубомората е болна и го отежнува рационалното однесување, додаваат експертите. Иако партнерот тогаш често реагира афектно, тоа не му помага ниту на него ниту на врската. Напротив, тоа само ќе ја избрка партнерката. Затоа, земете длабок здив и наместо тоа разговарајте со неа. Од неа треба да се побара да биде искрена. Доколку признае дека го изневерувала партнерот и двајцата сакаат да го преболат тоа и да ја зајакнат врската, она што треба повторно да се изгради е довербата. Извор: Попара

Пет најчести причини зошто не можете да најдете партнер

Слободанка Илиева — Thu, 21 Sep 2023 12:44:30 +0000

Ако немате среќа во љубовта, постојано налетувате на „погрешните“, не е ни чудо што се изморивте и почнавте да верувате дека вистинскиот никогаш нема да се појави. Но, често сме самите виновни што не можеме да издржиме во пар. Дали е можно несвесно да се впуштате во одредени навики кои ја саботираат вашата потрага по љубов? 1. Чувствувате потреба да импресионирате Сосема е природно што сакате да оставите добар прв впечаток кога сте на состанок со некој нов. На крајот на краиштата, започнувањето нова врска е прилично стресно, нели? Проблемот е што понекогаш претеруваме и приредуваме шоу наместо да бидеме автентични. И за жал, тоа едноставно не е одржливо. Затоа, покажете самопочит и секогаш бидете верни на себе. Веќе сте впечатливи токму такви какви што сте. 2. Несигурни сте во себе Честопати, таа потреба да се импресионира доаѓа од подлабок извор – несигурноста. Довербата е важна во нашата потрага по љубов. Прифаќањето на тоа кои сме и верувањето во себе не само што не прави попривлечни; нè прави и храбри. А кога сте доволно храбри да го покажете своето вистинско јас, љубовта има шанса. 3. Не знаете што сакате од партнерот Дали вашите врски беа главно краткотрајни? Или ако беа долгорочни, не беа она што навистина го сакавте? Ова може да значи дека не сте сигурни што сакате од партнерот. Одвојте малку време за да разјасните каква врска сакате. Откако ќе знаете што барате, ќе имате поголеми шанси да го забележите кога ќе дојде. Сепак, погрижете се и вашите очекувања да бидат реални… 4. Имате нереални очекувања Така, направивте малку потрага по душа и сфативте што сакате од вашиот романтичен партнер. Дали вашите очекувања се реални? Природно е да сонувате за љубовна приказна како оние од романтичните филмови. Но, за жал, реалниот живот не функционира така. Значи, ако барате совршен партнер, ќе бидете многу разочарани. Што е уште полошо, нема да му дадете шанса на несовршениот, кој всушност е совршен за вас. Баш каков што е. 5. Премногу сте фокусирани на еден „тип“ маж Исто како со нереалните очекувања, така и да се биде премногу фокусиран на еден „тип“ маж може да биде огромна пречка за наоѓање партнер. Ако сте премногу фокусирани на одреден физички изглед, професија или карактер, може да превидите некој кој всушност би бил идеален партнер за вас. извор:попара.мк