Ива Спасовска – креативна, згодна и сексапилна: Младата модна креаторка ги истакна своите облини во сопствените латекс бикини (ФОТО)

Антонио Димитриевски — Mon, 02 Aug 2021 06:28:14 +0000

Ива Спасовска е една од оние девојки за кои важи: колку креативна, толку убава, згодна и сексапилна. Имено, младата модна креаторка во услови на корона пандемија, вредно работеше и искреира неколку нови колекции, меѓу кои и костими за капење. Една од нив, ја презентираше уште на самиот старт на летото, кога на почеток на месец јуни избра колекцијата бикини да и ја промовира најатрактивната и најсексапилна фитнес инструкторка, а воедно и македонска велнес фитнес шампионка, Кристина Неделковска. Ива Спасовска ја претстави новата колекција бикини, а дамата што ги презентира – фасцинира: Секси инструкторката во ултрасекси моделите на креаторката (ФОТО) – Вистина.мк (vistina.com.mk) Но, тука Ива не застана, па и самата доволно атрактивана, одлучи она што досега не го покажала, самата да го презентира, на убавиот сончев ден, облечена во сопствените „Bloody Red Lateks“ во полниот базен. А во нив креативната Ива, делува нескротлива и дива, толку заводливо и секси, што на многу од професионалните манекенки и модели, ќе им „набие комплекси“. Секако, со овие нејзини разголени рекламни фотографии на кои креаторката ги распослала сите свои телесни убавини, па изгледа како лице од насловницата на модните магазини! Црвената боја ионака самата по себе асоцира на љубов и страт, а кога се женските костими за капење во прашање, уште повеќе го истакнува сиот сексапил и раскошниот телесен профил на онаа која го носи, во случајов самата креаторка. Патем, латексот како материјал асоцира на еротски фетиш, што возбудата ја прави уште поголема, особено кога ќе ги погледнете овие летни фотографии на згодната креаторка, која споила практично, убаво и корисно. Страсна асоцијација во сопствената бикини креација. Штета што фотографката која ги направила фотографиите во различни пози на Ива, не направила и еден „фотошутинг“ на самата на себе во костимот на нејзината пријателка, згодната модна креаторка. Според она што се знае и може да се види и Катарина Павловска, русокосата убавица зад фотообјективот ништо помалку немаше да ви го одзеде здивот (с)облечена во „крваво црвениите латекс“ бикини на креативната Ива.

„Hip Hop Made in Macedonia“ во Њујорк

Слободанка Илиева — Thu, 23 Aug 2018 12:35:31 +0000

Презентација на три книги, изложба на кавери на македонски артисти, проекција на документариот филм „Сложувалка“, настап во живо на групата „Клан Исток“, како и предавање за македонската урбана и хип-хоп култура од Славчо Ковилоски и Александар Ковилоски, се дел од проектот „Hip Hop Made in Macedonia“ што ќе биде претставен денеска во Македонскиот културен центар (MC Gallery) во Њујорк (САД). Целта на проектот, чија идеа се роди од тв емисијата „Хип-хоп магазин“ што се прикажуваше на МРТВ пред неколку години, е да ја презентира хип-хоп културата во Македонија. Со проектот првпат во македонската музичка историја, македонскиот хип-хоп ќе може да се слушне во Њујорк, градот од каде потекнува оваа урбана култура. Презентирани ќе бидат книгите „Аспекти на македонската урбана култура (Хип-Хоп Македонија)“ (2005), „Хип-хоп книга“ (2007) и „Хип- хоп речник (англиско-македонски)“ (2008) кои се издадени во Mакедонија и се единствени на Балканот. Документариот филм „Сложувалка“, пак, е снимен 2015 година, во продукција на екипата на „Хип Хоп Македонија“, во режија на Александар Ковилоски и е дел од проектот кој изворно го запознава поширокиот аудиториум со предизвиците, тешкиот пат и популарноста на хип хопот во Македонија. Учесници во документарецот се хип-хоп артистите: Ицко и VG (Чиста Околина), DJ Гоце (САФ), Против Сите и Green Out (Легијата), Профо и Човекот Екс (Клан Исток), Тигаз (ДНС), ПУКА Козметика, Хром (графити), Тец (Most Wanted/Ошав Прод.), Токсикологија (Токсиколози), Зад Аголот, Тони Зен, Слаткаристика, Авторизација, Дивизија, Титаниум, Стрес, Огнен beatbox. Филмот е добитник на меѓународна награда во Белград (2016) и на домашните МАН (2015). Настапот во живо на групата „Клан Исток“ е замислен како круна на овој амбициозен проект на екипата од „Хип Хоп Македонија“, донесен во Галеријата „ЕмСи“ од кураторот Јане Теохаревски, поддржан од Министерството за култура на Република Македонија. (МИА)

презентација – Вистина.мк

Ива Спасовска – креативна, згодна и сексапилна: Младата модна креаторка ги истакна своите облини во сопствените латекс бикини (ФОТО)

„Hip Hop Made in Macedonia“ во Њујорк