претставува – Вистина.мк

Се одржа финалето на „Песна на Евровизија“ во Србија: Победничка е Теја Дора (фото)

Слаѓана Атанасова — Sun, 03 Mar 2024 18:54:35 +0000

Во финалето на српскиот избор за песна на Евровизија победи песната „Рамонада“ во изведба на Теја Дора Претставничката беше избрана меѓу шеснаесетте натпреварувачи, врз основа на гласовите на жирито и публиката. Таа ќе ја претставува Србија на Евровизија во Малме во мај. Второто место го зазеде Бресквица, која исто така беше еден од фаворитите за победа, а на третото место е Зорја. Пред самото финале на натпреварувањето беше многу тензично во обложувалниците. Бресквица со песната „Гнездо орлово“ долго време го држеше првото место, а потоа падна на третото место. Првото место тогаш го зазеде Теја Дора, која и странските фанови на Евровизија ја сметаа за фаворит за победа. По победата на Теја Дора, на Твитер почнаа да се слеваат реакции. На крајот, некои сѐ уште не се задоволни од победникот, но многумина не го кријат своето воодушевување. Теја Дора или Теодора Павловска е родена 1992 година во Бор во источна Србија. Со музика почнала да се занимава уште како дете, а до сега компонирала и пишувала песни за бројни српски ѕвезди. На 17-годишна возраст заминала во САД да студира музика и години подоцна работела во музичката продуцентска куќа „ARKTKT Publishing LLC“ во Њујорк. Теја Дора е автор и на неколку песни кои се појавуваат во серијата „Јужен ветер“. Во март минатата година, Теја Дора ја објави песната „Џанум“, која по низа околности стана ултимативен хит на ТикТок. На Јутјуб, таа песна има над 75 милиони прегледи. Фото: printskrin/RTS Tv/YouTube

Рада Манојловиќ подготвена да ја претставува Србија на Евровизија: „Одамна го чекам тој повик“

Христина Ѓоргиевска — Thu, 27 May 2021 07:08:28 +0000

Пејачката Рада Манојловиќ мисли дека на нејзината песна „Маракана“ не може да и парираат многу песни кои оваа година се најдоа на Евровизија. Рада вели дека посакува да ја претставува Србија на Евросонг. „Подготвена сум, тоа го чекам одамна. Би прифатила да одам на Евровизија. Од се што слушнавме оваа година, што и фали на мојата песна „Маракана“. Само уште да научам да играм и да “млатим“ со косата, и уште некое движење кое ќе ме надополни и тоа е тоа“, вели пејачката за „Блиц“. Иако претходните денови во центарот на вниманието беше фронтменот на победничката група на Евровизија, на Рада посебно и го привлече вниманието една од дамите во бендот, Викторија, па на својот Инстаграм сподели нејзина фотографија и напиша долга порака. Манојловиќ истакна дека е среќна што постојат природни девојки без естетски корекции и истакна дека Викторија би била идеален пример на многумина жени во светот.

View this post on Instagram

A post shared by RADA MANOJLOVIC (@radamanojlovic)

Пејачката Рада не крие дека е задоволна со настапот на девојките од групата „Хурикејн“ на Евровизија. Таа смета дека биле одлични претставници на Србија. “Беа супер, секоја чест. Одлично ја претставија Србија“, заклучи пејачката.

Македонска пејачка бара поддршка: Елена Петреска ќе ја претставува Сан Марино на Евровизија 2018?

Антонио Димитриевски — Mon, 04 Dec 2017 08:13:46 +0000

Ова е период од годината кога започнуваат шпекулациите и нагаѓањата кој ќе ја претставува земјава на претстојниот Евросонг 2018. По социјалните мрежи веќе тргнаа претпоставките, кои бргу ги пренесоа и порталите дека пејачката Анета Мицевска од битолската фолк група „Молика“ е „сигурен патник“, како македонски претставник на следната Евровизија 2018. Демек, се чека само каква песна чупето ќе добије?! Од МРТВ - јавниот сервис кој ги има правата, а со тоа и правото на избор кој ќе ја претставува засега нема официјален став. Се молчи до последен момент! И додека јавноста со нетрпение очекува дали шпекулациите ќе се потврдат или демантираат, една друга приказна поврзана за Евровизија 2018 и уште една македонска, овој пат поп пејачка тргна по социјалните мрежи!

Имено, постои можност прилепчанката со скопска адреса на живеење, поп пејачката Елена Петреска да ја претставува државата Сан Марино на претстојниот Евросонг! некому можеби звучи чудно, некому изненадувачки, ама ова нме е шпекулација и навистина е така! Тоа го потврди и самата пејачка објавувајќистатус нна својот Фејсбук профил на кој бара поддршка и гласање за неа. Доколку ги собере потребните гласови, односно победи, Елена би ја пртставувала градот-држава Сан Марино со нејзинатапесна од последниот „Макфест 2017“, насловена „Нешто“!

Еве што пишува Елена Петреска на Фејсбук: „Драги пријатели започна изборот за Евровизиски претставник на државата Сан Марино. Оваа година Сан Марино во соработка со Лондонската продукција 1ин360 ЛТД избира претставник од било која држава, кој ќе ги претставува како земја. Во овој избор влегов и јас, па би сакала да ме поддржите со тоа што ќе влезете на линков и ќе гласате за мене. Доколку соберам доволно гласови ке настапувам на лајв шоуто за избор на евровизиски претставник. На линкот се претставив со мојот настап од Макфест 2017 со песната „Нешто“. Навстина сум среќна што учестувувам на овој избор и се надевам дека ќе ме поддржите. Ви благодарам најмногу! Благодарам и на мојот драг пријател Данијел Стојадиновић за поддршката! П.С. И секако, доколку сакате споделете го линков за што повеке луѓе да можат да учествуваат во гласањето“!

Можете да гласате на следниот линк – 1 ин 360/Еуровисион 2018 Се гласа преку интернет и се’ што е потребно е да одите на наведениот линк и да кликнете на срцето.